الطبعة العاشرة لدورة الرقي بمدبرة منزل مثالية

[it's me]

الله يبارك على الحراير راكم كامل تحمرو الوجه
ربي يخليكم لوليداتكم و يفرحكم بيهم و يعينكم

[it's me]

المشاركة الأصلية كتبت بواسطة فاطمة بشار

السلام عليكم و رحمة الله تعالى و بركاته
كيراكم يا الفحلات
صباح الخير و الخيرات والصيام و الزكاة و الدعوات
اليوم نضت على الساعة 05:00 تصحرت انا و زوجي و بنتي (اول مرة تصوم اخترت يوم عاشوراء باش تبقالها ذكرى جميلة وتصومها كل عام باذن الله .ادعو معاها تكمل النهار )
البارح الجمعة مشيت لدارنا دارتلنا ماما شخشوخة نتاع المسمن في العشاء نتاع عاشوراء و الله بدلت شوية الجو من داري و فترة الفروض و ضغطها و خاصة دراري شبعو لعب و فرحو بزاف و تونسو مع العائلة .
اليوم راني ناوية ندير لافطار المغرب الحريرة + خبز الزيتون راني شفتو في المنتدى + البطاطا فريت بنتي و ولدي يحبوها + طاجين الحلو +السلطة +الفاكهة و الجو.
مدرتش برنامج يوم الخميس رايحة نديرو اليوم ان شاء الله لانو ساهل ماعنديش فيه الخدمة بزاف خطراش ما نغفلش عليه.
اختي سمراء النيل كراكي دايرة وشكرا على التحية.
اختي نبض الفؤاد صباح الخير كياكي دايرة الله يعاونك.
اختي بنت خليل يعطيك الصحة على النشاط وكيراها صحتك.
اختي منى كيراكي دايرة و صحيتي على الوصفة .
اختي مينة كي صبحتي راه عندي نفس المشكل .من السابعة صباحا راني نكتب ونعاود حتى حفظتها.

[sarra5]

صباح الخير عليكم

اليوم راني صايمة ربي يقبل منا ان شاء الله

خسارة البارح ماقدرتس نحط صور الانجاز الي عملتو ههههه

الميكرو دار رايو فيااا وااااع

المهم اليوم ماكان لا شعلة ولا مشغلة عندي مراجعة بففففف الي كرهت منها

واقتاش ندي لاليسانس ونتهناااااااا

[فراشات العمر]

شكون تعرف للشبيكة

[sarra5]

منى التحلية الي عملتيها اظن اني شفتها هنا في المنتدى بصح نسيتها لكنها معمولة بالفلان

حتى وصفتك عجبتني

مرسيي حبوبتييي

[sarra5]

بنت الخليل والله لا علاقة بالخياطة والتطريز والخيط والابرة مالغري حابة نتعلم

اظن سندوسة تعرفلواا

[it's me]

ربي يقبل صيامنا صرصورة حتى انا صايمة

[it's me]

المشاركة الأصلية كتبت بواسطة sarra5

منى التحلية الي عملتيها اظن اني شفتها هنا في المنتدى بصح نسيتها لكنها معمولة بالفلان

حتى وصفتك عجبتني

مرسيي حبوبتييي

يعيشك عمري ربي يخليك
هاذي تحلية تاعي يعني مجهود شخصي ماهزيتهاش من هنا
جربيها و رديلي الخبر

[it's me]

المشاركة الأصلية كتبت بواسطة bant khlil

شكون تعرف للشبيكة

كاينة شبيكة تتباع هايلة علاش حابة تخدمي اشري و ريحي روحك

[it's me]

وينكم ياحراير

[نبض الفؤاد]

صباح الحب والايمان ، شكرا على السؤال اتيز مي وبنت خليل والاخت سمراء
نقولك يا سمراء هذا وقتها بنتك باه ما تملش اغسلي معاها يعني انت تغسلي وهي تشلل او العكس لازم تبيني لها بلي تحبي تغسليهم وما راهيش عقوبة ، خاطر انا راني مجربة كل الطرق ،وكتغسليالماعن وحدك لازم تكوني مستمتعة وتحتسبي الاجر عند الله تعالى هي بلا ما تامريها بحدة تستجيب لك ، بناتي الكبرى 23 سنة تخرجت منذ سنتين وراهي تجري مع ليكنكور والتانية 16سنة (ثانية ثانوي ) والاخرى 14سنة رابعة متوسط ،يعني انا راني اختكم الكبيرة هناهههههههههههههههههههههه.
نحكي لك على اختي تحب المطبخ والطبخ مووووووووووووت تفرط في كل شيء عليهم بنتها في سن معين نسالوها كتكبري واش تخرجي سؤال عادي اغلب الاطفال يجاوبو طبيب او معلم هي قالت نخرج كيما ماما نغسل الماعن ضحكنا هههههههههههولكن للقضية سر.

[نبض الفؤاد]

۞ ختم القرآن بحول الله وقوته
في آخر الشهر
واش راكم دايرين فيها الغاليات
فاطمة يعطيك الصحة

[it's me]

السلام عليكم

[it's me]

ماهذا الخمووووووول؟؟؟ وشبيكم البنات وين راكم نهار كامل نستنى فيكم ان شاء الله تكونو بخير و ماطولوش الغيبة

[it's me]

صح فطوركم حباباتي و ربي يتقبل منا و منكم
مابقاليش و نروح من الخدمة توحششششششششششتكم خليتوني وحدييييي
الى ملتقى اخر سلام