موضوع مميز وصفات من حراير مطبخ وش طيبتي اليوم - الصفحة 19

oum ibrahim · 2013-10-21, 14:37

ام كوثر
تتبيلة الشواء
التتبيلة توم مرابي وملح وفلفل اسود واحمر حار وبابريكا وتوابل خاصة بالشواء تتباع خلطة واجدة ومغرف زيت وعصير قارص وشوية هريسة وشووووية طماطم يمكن الاستغناء عنها
وتبلي اللحم مليح حتى ساعة واشوي
نصيحة للكل
جربت شحال من طريقة للشواء
على الطابونة
على الفحم
في الشواية الكهربائية
صح الشواء في المرى او طاجين الحديد مختلف تماما يجي فيه بنة رهيبة وطري ومعمر عصارة

تتبيلة اللحم المفور
قطعت بصل جوانح وتوم وهريسة ونفس التوابل لي دكرتها اعلاه
ماعدا القارص حطيت مكانه قطرات ماء وورقات رند ودهنت الاطراف مليح وخليتهم باتو كما شفتي وغدوة فورتهم حوالي ساعة ونصف طابوا طريين زبدة والبنة رهييييييييييبة
لفيتو في النيلون ومن بعد في الالمنيوم من الناحية الصحية أضمن

الدنيا · 2013-10-21, 21:51

manel1977

البوزلوف
غليتو مع التوابل و الرند و البصل و الثوم نص طياب قيس ما تقدري تقطعيه
و درت صوص تومات فيها طرف لحم باه يطلق البنة
غليت الزيتون مرتين بعد ما خليتو بات في الما
قصيت البوزلوف و لحتو في لاصوص مع الرند و زدت شوية حميصة مشمخة و شوية زيتون و قفلت الكوكوت و ما تمرقيش بزااااف كي تحلي تلقاي المرقة خاثرة ما تنسايش تزيدي الحار و رشة دبشة و عصرة قارص جا روعة

الدنيا · 2013-10-21, 21:54

أم إناس

غراتان الشوفلور انا نفور الشوفلور ونديرلو فلفل اسود ثوم و ملح ونخدم بيشمال ونزيد ندرله فلفل اسود وجوزه الطيب وملح وفرماج

الدنيا · 2013-10-21, 22:32

القبطية

لكل كيلو تين كيلو سكر

حطي تين في طنجرة وحطي عليها كمية من الماء حتان قريت تتغطي كمية التين
وخليها تغلي لمدة 45د
لما يروحلها هداك اللون الاخضر وتبدى تصفار وكمية الماء هديك تنشف تولي قليلة ولونها وردي نصفيو التين من هداك الماء ونحطو كمية السكر على هداك التين كيما انا هنا درت 2ك تين درتلها 2ك سكر وخليها يغلي وديري اما عصير حبة ليمونة كبيرة او قطعيها رائح ونقصي للنار حتان يتغير اللون تاعو ويلا شفتيه جاك عاقد بزاف ديرولو فنجان صغير تاع ماء وخليه يغلي غلية خفيفة وطفي

*عاشقة الجنة* · 2013-10-22, 19:37

أم إناس

غاتاتوي بالروز

قطعي الخضر الى مربعات صغار ودير البصل والبيض لجان و كورجات فلفل حلو احمر وأخضر وثوم طماطم ودير ملعق صغير طماطم مصبر وبعد ديرهم يطيب ومع زيت الزيتون حتى يطيب والتوابل ديري ملح فلفل لسود زعتر شوي وكيورى

أم ماجد · 2013-10-23, 09:09

ام محمد اعطنا وصفةليزافار تاع الفور ههههه
انا نقيهم مليح مليح وننزع الغشاء الخارجي ونقليهم ساعات نخليهم هكذاك ساعات نزيدلهم صوص
لبنات يديرو واعععععع واعععععع خاصة روزا هههههههههههه
لكن بنتهم هايلة
او تقليهم وتزيديلهم طماطم حب دوائر وفلفل حلو دوائر والله روعة كان الشيخ الله يرحمه يحبهم بزاف

oum ibrahim · 2013-10-23, 15:20

nadia 7888
قاتو بالمعجون
قاطو المعجون أنا ندير 4 بيضات مع كاس سكر عادي و فاني نخلطهم مليح و نزيد كاس زيت نخلط مليح و نزيد 2 ملاعق كبيرة نشاء نخلط و نشيح بشوية فرينة مخلطة مع باكي خميرة ,نحكمو ثلث العجين نزيدولو شوية كاكاو و نخلطو و نزيدو الفرينة للجزء الأبيض و الملون حتى نتحصلو على عجين طري مش يابس باش يجي القاطو خفيف
ندهن البلاطو بالزيت و نحط طبقة تاع العجين الابيض و فوقه طبقة تاع المعجون اللي تحبيه ثم طبقة تاع العجين الملون و فوقه طبقة معجون و نكملو بطبقة تاع العجين الابيض و نثقبوه شوية بالكيردو و نحطوه يطيب
و للتزيين كيما حبيتو فوندون او شيكولة أو حسب الرغبة

ملاحظة العجين لازم نديرو غير بالقطعة و نحطو خاطركش يتقطع بصح راهو ساهل ماهل

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

oum ibrahim · 2013-10-23, 15:34

ام كوثر
طاجين اللحم بالبطاطا
طيبت اللحم عادي بصل وتوم وتوابل ونص كاس ماء عللى نار قليلة من بعد ضفت البطاطا وخليتها طابت وتجمرت فقط
ماحمرتهاش قبل

oum ibrahim · 2013-10-23, 15:41

ام محمد تاج
نحي اللاقشرة لخشينة تاع ليزافار تاع لخروف ونحي العروق تاع الدم وقصيهم دي روندال ومن جهة أقلي البطاطا دوائر وفرشيها في مول وحطي ليزافار تاعك في مقلة ونقصيلها خلالالالالاص وملحيهم وزيديلهم فلفل أسود وثوووم كثري ومعدنوس وخليهم كي يطلقووو الماء تاعهم سيحيه على البطاطا وأعدلي لي زافار تاعك فوق البطاطا والى الفرن حتان يحمار شوي من فوق وكي يحمارو أعصري عليهم قارص

oum ibrahim · 2013-10-23, 15:48

nadia 7888
الغريبية
نذيرها بالمرغرين او السمن النتيجة دائما نفسها أنا بدلت فيها شوية
250 غ سمن او مرغرين ذايبة و نحطوها في الثلاجة تبات ليلة و في الغد نخدمو بيها و كاس الا ربع سكر قلاسي و لفاني نخدموهم مليح باليد أو الباتور حتى تبياض و تولي كريمة نزيدولها نصف كاس زيت و هدا اللي يخليها تذوب في الفم و نزيدو نكملو الخلط جيدا و نزيدو الفرينة و قرصة ملح غير بالشوية و السر هو انو نحبكوها مليح باليد باش تتداخل الفرينة و السمن , أنا نحطها في قصعة اللي نعجن فيها و نخدمها و نزيدو الفرينة بالشوية و نخدمو باليد حتى نتحصلو على عجينة طرية و نجربو حبة اذا ما هبطتش نكملو تشكيل باقي العجين و اذا هبطت نزيدو الفرينة

fayza81 · 2013-10-23, 15:56

اليوم في غدايا درت
1-بروكلي مقلي مع الحمص
2- فلفل طرشي مشكشك مع طماطم و الثوم
و بماني عاملة حضرت عشايا هو
1-سردين مقلي
2-بطاطا مزال ماقليتهاش
3-شلاظة ورق

الدنيا · 2013-10-23, 21:53

اقتباس:

المشاركة الأصلية كتبت بواسطة fayza81

اليوم في غدايا درت
1-بروكلي مقلي مع الحمص
2- فلفل طرشي مشكشك مع طماطم و الثوم
و بماني عاملة حضرت عشايا هو
1-سردين مقلي
2-بطاطا مزال ماقليتهاش
3-شلاظة ورق

اختي مشاركتك اكتبيها في الجزء تاع الكوزينة لكن هنا رانا نلخصو الوصفات اللي تنكتبت فيه

oum ibrahim · 2013-10-24, 08:22

ام ريمة
العصبان البرايجي
العصبان نديروه بزبدة عرب والشحمة انتاع الكلى والثوم كمية مليحة والفلفل الاحمر والحاروالنعناع والدبشة والكسبروالطماطم معلبة ملح وشوية مرق ثم نضيف الدشيشة المتوسطة كاين لى يضيفلو الغرس ثم نحشى المصران ونربط ونخرقو بالابرة ونطيبو

ghorba · 2013-10-24, 10:11

موووووووووووضوووووووووووع جد راااااااااااااااااااااااااائع
بارك الله فيكم

نينانينا · 2013-10-24, 11:38

شكراااااااااااااااا على المجهود بارك الله فيكم