يوميات عضوة - الصفحة 19

ام عبودة · 2014-03-13, 19:03

اقتباس:

المشاركة الأصلية كتبت بواسطة نخله.

ام عبوده ماشالله الله بجعلو معروف مقبول عليكم وعلى وليداتكم

و الحمدلله للي ربي نزل البركه وكفات وبقات كون غير جيتي جارتي................اكيد قسمتو على الجيران

الله يسلمك حنونة
الجيران والله عندنا وما عندنا ههههه
عندنا من 2008 ساكنين وما نا مخالطينهم المشكل مش من عندي انا نتبع العقلية الحاظرة وخلاص
ويا سعدي لو كان جيتي جارتي

نخله. · 2014-03-13, 18:10

ام عبوده وين لقيتي الطيسان انا السرفيس تاعي كيما تاعك ما شفتش الطيسان يتباعو هايلين ماشالله وزيد راني نحوس نزيدلو ماعن حمر سك مالقيتش هنا

ام عبودة · 2014-03-13, 19:01

اقتباس:

المشاركة الأصلية كتبت بواسطة نخله.

ام عبوده وين لقيتي الطيسان انا السرفيس تاعي كيما تاعك ما شفتش الطيسان يتباعو هايلين ماشالله وزيد راني نحوس نزيدلو ماعن حمر سك مالقيتش هنا

الطيسان والمواعن كامل شريتهم من عند محلات او بوتيك دبي اللي في الغربية مقابل تقريبا لابوست تاع الغربية
وعندو مواعن روووعة هو الوحيد في لغواط اللي ظمني المواعن سورتو لي سوبيير وين نروح نلقى غير زوج كيفكيف

نخله. · 2014-03-13, 18:13

ايه ام عبوده انا الحميص ندير الفلفل فالكوشه ما نشويهش يجي يهبلللللللللللللللل بكري كانت محشيتلي نجبد الكانون و الشوايه ونشوي و شفتي شحال يتعب فالنقا

الفور 5/5 و بروبر حتى البنه احسن ما نعرف علاه كنت نتعب في روحي

ام عبودة · 2014-03-13, 19:06

اقتباس:

المشاركة الأصلية كتبت بواسطة نخله.

ايه ام عبوده انا الحميص ندير الفلفل فالكوشه ما نشويهش يجي يهبلللللللللللللللل بكري كانت محشيتلي نجبد الكانون و الشوايه ونشوي و شفتي شحال يتعب فالنقا

الفور 5/5 و بروبر حتى البنه احسن ما نعرف علاه كنت نتعب في روحي

ههههه ان ما نكذبش عليك. الفلفل قليتو بصح المرة الجاية ندير بطريقتك على خاطر الكانون نصبت فيه المرقة والكوشة كوانينها دايرين فيم الشاي والغداء
كون صبت كنت شويتو بصح منا وجاي الفووووووووووور

ام عبودة · 2014-03-13, 19:57

اليوم خلصت بروووصي تاع السفر
من نظت الصباح لبس الاولاد وبعثتهم للمدرسة راوية رجعت ما درستش وعبد الحق ما بغش يروح العشية
المهم حليت بختة وهي تجبد وذاك الشئ ليلة قبل ما نروح غسلت الحوايج واولادي اللي خليتهم غيلتلهم جداهم حوايجهم قولي من وين طلعو واااااع ونهار بارد موووت
المهم كملت مع 12:30 درت على المسيح والتسياق امكتب تاع الزوج مع غرفتي مع غرفة الاولاد كملت توضيت وقريت سورة البقرة غير ايات برك
رجع الزوج فكرنا شخشوخة بسكرية هو راح وانا درت روحي نرد ما قدرتش بعثت الصور تاع العرضة تاعي ودرت منا ومنا لحق العصر صليت ودخلت الحوايج وطبقتهم وخملت خزاين الاولاد واااااع يومين الدنيا تقلبت قال راجلي واش كنت حاملة هههههههههه
كملت مع المغرب صليت ودخلت للمطبخ خلطت وراني معاكم
وانتما وااااش درتووووووو

المستغفرة · 2014-03-13, 20:33

الحمدلله على سلامتك حنونتي
الله يبارك ربي يتقبل المعروف
هذاك لي حذا السفى دهان و الاخر عسل اسود
ولا رب هههههه سكانير
راكي فحلة منظمة روحك مشاء الله
لعاقبة لدفوع راوية

ام عبودة · 2014-03-14, 11:20

اقتباس:

المشاركة الأصلية كتبت بواسطة المستغفرة

الحمدلله على سلامتك حنونتي
الله يبارك ربي يتقبل المعروف
هذاك لي حذا السفى دهان و الاخر عسل اسود
ولا رب هههههه سكانير
راكي فحلة منظمة روحك مشاء الله
لعاقبة لدفوع راوية

الله يسلمك يا الغالية
واميييين
رب ماكيش غالطة حنا مالفين نديرو العسل والدهان عادي قالي راجلي لا لا مايجيش انا كليت الرب
ايا ما عندي ما نديرلو نسمع كلامو وصااايييييي
وان شاااء الله ان شاء من بعد ما تكمل دراستها هههههههههه

ام عبودة · 2014-03-14, 11:21

ام عبودة · 2014-03-14, 11:33

اليوم كسولة نظت على 7:50
عملت دوش على الكيف وعملت تقشير وترطيب نشفت روحي وصليت ومن بعد شربنا قهوة
الزوج دخل للدوش وانا حكمت الحالة من الفوق الى التحت رجعت تشعل ومسحت الغبرة وغلقت الشبابيك ورتبت الريدوات وبخرت
وراني دايرة تيزانة ونكونيكتي معكم
الفطور العجوز دايرة طعام احمر
بعد الصلاة كان عندنا برنامج مع الاولاد بصح المطر ممكن نبدلو راينا
نروح نقرا سورة الكهف ونوليكم
هيا تهلاووو في ارواحكم و