قسم طلبات الأعضاء

[stayfiya]

المشاركة الأصلية كتبت بواسطة yakin

السلام عليكم يا احلى سيدات
غبت على المنتدى مدة طويلة و ها انا عدت أعلم لم ينتبه أحد لذلك ههههههههههههههههههه
شكون فيكم يا عسولات تقدر تعاونني في عمل هذه الموتيفات لجبة القبايل

إن شاء الله نلقى الرد لكن كل الود
الخالة ام يقين

المشاركة الأصلية كتبت بواسطة ام ظافر

امين اجمعين حنونتي
لا شكر على واجب
اختي حطي شكل ومقاسات الرقبة الي تحبيها على ورق الجريدة لانها راح تخرجلك نفسها بالبيي
يعني خيري شكل الرقبة الي تحبيه وحطي مقاساتك الصحيحة وارسميها على ورق جريدة ومن بعد قصيه وجربيه على رقبتك اذا كان يتطلب تعديل او لا
وابداي تبعي المحيط كامل ساير داير حتى تكمليه بلون واحد من البيي ثم ابداي خالفي الالوان كل مرة لون حتى تكملي ولاداعي لرسم الشكل كامل على الجريدة لانو يكفيك تتبعي المحيط ثم تبداي تخدمي ديما بالقرب من البيي الاول وهكذا حتى يتكون لك الشكل الي تحبيه وتخلي مكان لفتحة الرقبة طبعا في الاخير
ما تنسايش تشبكي الزواية في بعضاها مثل الصورة واحكميها بالدبابيس حتى تسهلك العمل وفي الاخير خيطي كل الزوائد للداخل او استعملي طريقة الاخت الي في الصورة تقطعهم ولكن اذا البيي من الساتان لازم تحرقي النهايات حتى ما ينسلش البيي وابداي بنزع الجريدة قد ما تقدري حتى يجيك العمل نظيف ومتقون ولصقيه من بعد على القندورة وبصحتك مسبقا

يعطيك الصحه ام ظافر. فقط حبيت نوه انوموديل الاخت راه لبيي مخدوم فوق الصدر يعني تفصل الصدر و دوبليه و ترسم الطريق الاولى لي تبدا منها و اكيد تفرش الجرنان تحت لقماش ميش تحت لبيي

[stayfiya]

مليح بصح الارتفاع لي بين فتحة الصدر للاسفل جاني كبير شوي و البانس ثاني طويله نورمالمون 9سم ياسر و قوليلي قداش درتي في عرض البانس هو 2سم 3 و كي قطعتي معناه رايحه تزيدي توكلي من عرض الروبه نتاعك خلينا كي خدمتي البانس ياخي زدتي حقو في لقماش ؟؟؟

[stayfiya]

المشاركة الأصلية كتبت بواسطة yakin

السلام عليكم يا احلى سيدات
غبت على المنتدى مدة طويلة و ها انا عدت أعلم لم ينتبه أحد لذلك ههههههههههههههههههه
شكون فيكم يا عسولات تقدر تعاونني في عمل هذه الموتيفات لجبة القبايل

إن شاء الله نلقى الرد لكن كل الود
الخالة ام يقين

سامحيني خيتي انا مانعرفكش معليش برك شوفي انا ما عنديش فكره على الجبه راني بعثت المودال ل فريوله راهي بروفيسيونال في لجبب. تخيط لصحاب تيزي ان شاء الله رايحه تفيدك حبيبتي

المشاركة الأصلية كتبت بواسطة yakin

السلام عليكن واش راكم
البنات عجبتني هاذ الجبة و ما لقيتش الرشمة انا خرجاتي قلال و تمنيت تعاونوني فيها

والله يا ختي ماقدرت نعاونك سامحيني

[جوري لؤلؤة]

المشاركة الأصلية كتبت بواسطة stayfiya

هوما يتفصلو بريسك كيف كيف

اختي صطوف معليش راح نعذبك انا الرقبة هاذي معرفتش كيفه تتفصل ممكن تفيديني اكثر هاذي الي تجي على جنب على شكل نايك

[stayfiya]

المشاركة الأصلية كتبت بواسطة ام عيسى

عندى هذا الكتان اذا ممكن مودال لى يخرج عليه اما الثانى شفت مودال فى مجلة لااتذكر اسمها اللون موتاغد واجى درابى من قدام ومن الوراء منلصقين فراشة تاع كروشى وانا شريت هدى لبياسة ولقيت لقالو كيفها شريتو فهل ممكن تساعدونى

[QUOTE=stayfiya;1056094319][img] [/img]
تقدري تخيطيه هاذ المودال. راه كاين الباترون تاعو في موضوع موسوعة الباترونات الاول
المودال الثاني
والمودال الثاني هاذ الموضوع يساعدك و من الخلف لصقي لاقيبير و قطعي الزايد تاع لقماش
https://www.djelfa.info/vb/showthread.php?t=1471470

المشاركة الأصلية كتبت بواسطة mystiq1

شكرًا أختي سطايفية على الإجابة ،و لكن عندي سؤال ،انت قلتي انو الفكرة يصلح فقط فالفولور ولا المسجر ، أنا حبيتو بالsatin duchesse يتسمى نستحق الكتان بزاف وقليلي شحال او ما فهمتش واش هو المسجر ،الله يجازيك بالخير

لالا تستحقي ثلاث ميترات خاطر بالطريقه تاع الكروازي رايحه تستغلي لقماش اكثر وقلت مايصلحش في الفولور خاطر تولي جهة تبرق و جهة لالا و
لقماش لمسجر هو هذاك لي يجي في الرسم طالع مثال اتجاه الوردات يكون كامل من اسفل الاعلى بالتالي مانقدروش نقلبوه معنا تحتاجي ميطراج بليس فهمتي

[zahra rose24]

السلام عليكم هل هذا الركن متفاعل لانى اريد التعلم والمشاركة فيه هل من مجيب .....وشكرا

[ام ظافر]

المشاركة الأصلية كتبت بواسطة زينب31

من فضلكن با غاليات ممكن تورولي من الف الى ب كيف نخيط الحاشية هذه الله يبارك فيكم و الله ما فهمتها

كيما قالت سطايفية ربي يبارك فيها هذا المودال خدمة البيي مباشرة على رقبة القماش بلا ما تخدمها وحدها وتلصقها مثل المودال الي حطيتهولك اختي زينب
يعني هنا تفصلي قندورتك عادي ثم تبداي تزينيها بالبيي تبداي بالي لونو ابيض الي يجي من الخارج وبيه تحددي الشكل العام للرقبة ومن بعدها تستعملي الاخضر داخل انصاف الدوائر وهكذا تخالفي الالوان ولكن تدخلي للداخل كل مرة وتضيقي انصاف الدوائر حتى تعمريها و تنتهي باللون الاخضر في الاخير الي يظهر فوق الطبقات كامل والله اعلم

[بشرى الحلوة]

شكرا على الرد السريع راني عدلت على الباترون








انتظر تصحيحك...وشكرا

[mereyoucef]

السلام عليكم راني نشوف غير السطايفية الي راهي تعاون في الاخوات بارك الله فيها يا ليت تعملونا دورة باش نتعلمو الخياطة راهم بزاف حبين يتعلمو رانا غير نشوفو في الموديلات

[om meriem]

والله سطوفة وحدها راهى تتعب خاصة راهي خدامة وتزيد اتروح مع الميكرو حقيقة بزاف مي يعطيها علي قد نيتها ويباركلنا فيها ربي العالمين اميييييييييييييييييييييييييييين

[zahra rose24]

السلام عليكم ارجوا المساعدة والترحيب اريد تعلم الخياطة والتفصيل

[fatma1977]

السلام عليكم ورحمة الله وبركاته يعطيك الصحة أختى السطايفية والله متمنية نعاونك بالصح رانى مدايرة الميكرو فى بلاصة ضيقة والطابعة اللى ثسكانى ما راهيش راكبة والرسام نتاع الميكرو منعرفش نخدم بيه المهم رانى حابسة قلبى ياكلنى ورانى غير ندعيلك بالخير ربى يعطيك ما تتمناى حبيت برك تبعثيلى لفريولة ربى يجازيها هذ الموديل إلى تقدر تعملى الرشمة نتاعو يعطيك الصحة حبيبتى

[زينب31]

بارك الله فيك اختي ام ظافر الله يفرحك دنيا ة اخرة ان شاء الله لما انخلصوا نوريه ليك كي تشجعيني
الله يعطيك الف عافية

[nawal_02]

مممكن يا الفحلات تقولولي طريقة تفصيل هاذ المودالين مع نوع القماش المستعمل
والله انا محتاجاتهم في القريب

[زينب31]

هلا هلا مرحب بك اختي زهرة انتي في بيتك ان شاء الله الخابرات يسعدونك هما هالين و لا يبخلنا ابدا الله يبارك فيهن