الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة ام حمزة22

يعطيك الصحة ام سوهيل بصحتكم البغرير والمسمن
اليوم انا تان طيبت الشيفلور تفاهمنا
وفي الغد بادن الله راح اندير لوبيا زوجي قالي هاد نهارات نتاع لوبيا

أهلين حبوبتي أم حمزة. وياربّ الكلّ ايكون بخير. واللّه غير اليوم أنا ثاني درت طبق الشوفلور. وجاني هايل. درتو عادي بالجاح. وزدت لو بطاطا. انا ماقليتوش. أعيت من القليان. وزدت درت خبز أم أماني اللّه ايذكرها بالخير. وكليت حتّى أشبعت. أتعبت عليه. وجاني ابنين. مازدت والو. وغسلت الماعن. وقلت نضرب طلّة. وراني القيت الحبوبات مجتمعين في الدّار.

[غزالة الصّحراء]

المشاركة الأصلية كتبت بواسطة صدفات

أم حمزة حبيبتي بديت 3 ديسمبر2014 و الحمدالله نقصت ب5 كلغ و صدقيني ما رانيش حاسة بضغط من هذا الرجيم فهو عادات صحية أكثر منه نقص وزن و تجويع

[b][i][size="5"]
هذا رجيم ولا خلّي . واللّه غير وحد الوقت كنت أندير الرياضة أمبعد حبست. صحّ أمليح لما الوحدة أتنقّص من الوزن. الأمر جدّ صحّي . بصّح معيا غير ممكن:d:d:d. وحتّى أوليدي الصّغير بسلامتو دائما ايقولي ماتكثريش الحلويات أو بعض أنواع المأكولات.

[ام حمزة22]

المشاركة الأصلية كتبت بواسطة ام حمزة22

اهلين غزالتي الخفاشة واش راكي
بصحتك الخبز ما زال دالتي نجربو

المشاركة الأصلية كتبت بواسطة غزالة الصّحراء

أهلين حبوبتي أم حمزة. وياربّ الكلّ ايكون بخير. واللّه غير اليوم أنا ثاني درت طبق الشوفلور. وجاني هايل. درتو عادي بالجاح. وزدت لو بطاطا. انا ماقليتوش. أعيت من القليان. وزدت درت خبز أم أماني اللّه ايذكرها بالخير. وكليت حتّى أشبعت. أتعبت عليه. وجاني ابنين. مازدت والو. وغسلت الماعن. وقلت نضرب طلّة. وراني القيت الحبوبات مجتمعين في الدّار.

راني خليتلك الرد فالصفحة لي فاتت ودرك درتلك اقتباس هههههههه
باه ما تعييش روحك وترحي لصفحة لي فاتت هههه

[غزالة الصّحراء]

المشاركة الأصلية كتبت بواسطة ام حمزة22

راني خليتلك الرد فالصفحة لي فاتت ودرك درتلك اقتباس هههههههه
باه ما تعييش روحك وترحي لصفحة لي فاتت هههه

أهلين بالحبوبة وبردّها المعسول المخفّف عن الهموم. واللّه غير عجبتني كلمة الخفاشة. اللّه ايجازي الأخت صدفات كلّ الخير. وزيدي حتى الأخت كرونو دارت الصّورة ولمّا شفتها كنت نتخيّل روحي أنطير كيما الخفاش الأعمى وأنا وحدي ، وكتبت بعض الرّدود وحطيت أنا ثاني راسي على المخدّة.

[غزالة الصّحراء]

المشاركة الأصلية كتبت بواسطة ام حمزة22

حبيبتي راكي معطوبة حرب ردي بالك تهلاي في صحتك

الله يسلمك امممممممممممممممممم


صح قهوتك صدفات حتى انا خرجت فجاة البارح راحتلي الكونكسيون فجاة
بصحتكم البيتزا اكيد ولادك راهم فرحانين بقعدتك فالبيت ربي يخليك ليهم حبيبتي وبصحتك العطلة
وبالتوفيق في الكريات تبعي دروس نهال ربي يحفضها فالاول راح يجيك الفهم شوية صعيب كي تحقي مليح فالصور راح يسهل عليك التطبيق
صدفات لبداي بحامل المناديل ساهل ويخلاص تمتم

أختي أم حمزة أضم صوتي لصوتك. وانقول للأخت صدفات صّح قهوتك. وبصحتك العطلة. وأكيد رايح تقضيها في التجارب الكوزينيّة. من فضلك اختي ام حمزة أعطيني الرابط ألي فيه دروس الأخت نهال. وخاصة راكي أتقولي حامل المناديل. ماشفتوش. هو صحّ لما الوحدة اتعمق النظر في الصّورة . وبصّح لازم بالها مايكونش مشغول بحاجة أخرى العمل ايجيها ساهل. لما ايجي أوليد ي الصغير بسلامتو رايح أنوريلكم الأسوارة أنتاع الكريات الخشبيّة ههههههههههههههه. تضحكوا وتزيدوا . تشبعوا الضّحك عليّ . بصّح واللّه غير أفرحت. وحسيت ببالي مرتاح.

[ام حمزة22]

اه غزالة وقيلة زعفتي والله من اليوم ما نزيد نقلك خفاشة وبعيد شر عليك لعمة
ربي يخليك كي الزهرة المتفتحة وكي شمس الطالة

[غزالة الصّحراء]

المشاركة الأصلية كتبت بواسطة ام حمزة22

راني خليتلك الرد فالصفحة لي فاتت ودرك درتلك اقتباس هههههههه
باه ما تعييش روحك وترحي لصفحة لي فاتت هههه

أختي ام حمزة جربي الخبز هايل. واللّه غير أخفيف كالريشة. راني متأكدة أتولي أتديريه دائما. انا اعجنتو على 7 . وطيبتو على 7و40د. واشحال أفرحت لما شفتو أتخمر. باش مانملّش بسبب الفشل الأوّل.

[صدفات]

يا هلا بغزالتي راكي طولتي اليوم
أم حمزة الكرش ماشي مشكل تقدري دخليه بالتيزانة نتاع
الكمون و الليمون

[ام سوهيل]

مساء الخير صديقاتي وش راكم اناسمحولي انروح نرقدالبارح اسهرة مع اختي وصباح ندت بكري وجدتلهاالفطور قبلماتروح ودروك غسلت الماعن وسيقت كامل لبيت الىالغرفة تع انوم وراني نعسانة وعيانة انروح نرقد امحمزة بصحتك الشوفلار وغزالة بصحتك الخبز وصدفاتشوفيلي كاش ريجيم تع الكرش فقط ههههههههه تصبحوعلى خير احلام سعيدة للجميع

[ام حمزة22]

المشاركة الأصلية كتبت بواسطة غزالة الصّحراء

أختي أم حمزة أضم صوتي لصوتك. وانقول للأخت صدفات صّح قهوتك. وبصحتك العطلة. وأكيد رايح تقضيها في التجارب الكوزينيّة. من فضلك اختي ام حمزة أعطيني الرابط ألي فيه دروس الأخت نهال. وخاصة راكي أتقولي حامل المناديل. ماشفتوش. هو صحّ لما الوحدة اتعمق النظر في الصّورة . وبصّح لازم بالها مايكونش مشغول بحاجة أخرى العمل ايجيها ساهل. لما ايجي أوليد ي الصغير بسلامتو رايح أنوريلكم الأسوارة أنتاع الكريات الخشبيّة ههههههههههههههه. تضحكوا وتزيدوا . تشبعوا الضّحك عليّ . بصّح واللّه غير أفرحت. وحسيت ببالي مرتاح.

غزالة في هاد الرابط تلقاي كل الدروس
كليكي على الكتيبة الزرقة اي اسم الدرس ويخرجلك الدرس
https://www.djelfa.info/vb/showthread.php?t=1749528

[غزالة الصّحراء]

المشاركة الأصلية كتبت بواسطة ام حمزة22

اه غزالة وقيلة زعفتي والله من اليوم ما نزيد نقلك خفاشة وبعيد شر عليك لعمة
ربي يخليك كي الزهرة المتفتحة وكي شمس الطالة

لا لا حنونتي واللّه مازعفت. أنا واللّه غير عجبتني الفكرة. مافيها والو. واللّه في بعض الأحيان وأنا في الخدمة دائما اتجيو في بالي. وكلمة الخفاش بزاف عجبتني. أتفكرني في سلال إلي قال " الفقاقير". على خاطر أحنا النسا ماعندناش الوقت الكافي للاتّصال غير في اللّيل. لمّا يسدل اللّيل ظلامه. ويسكن النّاس إلى بيوتهم. وتتوقّف الأصوات. يحلو السّهر تحت ضوء القمر. لكن الشّتاء ببرده القارس وبعواصفه الهوجاء وثلوجه الكثيفة لاتسمح لأحد بالخروج. إلاّ للخفافيش لأنّها ترى في هذه الطّبيعة الصّماء ، الوقت الملائم لتمرح بحريّتها دون أن تُطَارَد أو تُهَدَّدَ. فكذا أنا . كلّما يكون لي الوقت حتّى وإن ضاق. يحلو لي أن أتصفّح أروع صفحة جمعت الكثير من البنات المميّزات. وجعلت منّا جميعا عائلة واحدة. كلّ منّا تسأل عن الأخرى، وتمدّ لها يدّ المساعدة على قدر المستطاع. فأهلا بالجميع في رحاب هذه الصّفحة المباركة.

[ام حمزة22]

المشاركة الأصلية كتبت بواسطة غزالة الصّحراء

أختي ام حمزة جربي الخبز هايل. واللّه غير أخفيف كالريشة. راني متأكدة أتولي أتديريه دائما. انا اعجنتو على 7 . وطيبتو على 7و40د. واشحال أفرحت لما شفتو أتخمر. باش مانملّش بسبب الفشل الأوّل.

شوقتيني غزالة راح نجربو عن قريب بادن الله

المشاركة الأصلية كتبت بواسطة صدفات

يا هلا بغزالتي راكي طولتي اليوم
أم حمزة الكرش ماشي مشكل تقدري دخليه بالتيزانة نتاع
الكمون و الليمون

صدفات انا نخاف الليمون حبيبت اختي كانت دير بيه الريجيم وتشربو صرالها مشكل فالمعدة بعيد الشر عليكم

المشاركة الأصلية كتبت بواسطة ام سوهيل

مساء الخير صديقاتي وش راكم اناسمحولي انروح نرقدالبارح اسهرة مع اختي وصباح ندت بكري وجدتلهاالفطور قبلماتروح ودروك غسلت الماعن وسيقت كامل لبيت الىالغرفة تع انوم وراني نعسانة وعيانة انروح نرقد امحمزة بصحتك الشوفلار وغزالة بصحتك الخبز وصدفاتشوفيلي كاش ريجيم تع الكرش فقط ههههههههه تصبحوعلى خير احلام سعيدة للجميع

تصبحي بالف خير حبيبتي
احلام سعيدة

[غزالة الصّحراء]

المشاركة الأصلية كتبت بواسطة صدفات

يا هلا بغزالتي راكي طولتي اليوم
أم حمزة الكرش ماشي مشكل تقدري دخليه بالتيزانة نتاع
الكمون و الليمون

اللّه ايرحّب بك الخير اختي صدفات. بصّح بزاف ألي قالوا الكمون ماشي أمليح ايدير الحجر. أعطينا الطريقة والمدة المحدّدة. إذا تعرفيها. او جربتيها. أنا ثاني عندي نفس المشكلّ ماشي بزاف خارجة. بصّح لوكان نلقى طريقة مقبولة أنجربها.

[ام حمزة22]

المشاركة الأصلية كتبت بواسطة غزالة الصّحراء

لا لا حنونتي واللّه مازعفت. أنا واللّه غير عجبتني الفكرة. مافيها والو. واللّه في بعض الأحيان وأنا في الخدمة دائما اتجيو في بالي. وكلمة الخفاش بزاف عجبتني. أتفكرني في سلال إلي قال " الفقاقير". على خاطر أحنا النسا ماعندناش الوقت الكافي للاتّصال غير في اللّيل. لمّا يسدل اللّيل ظلامه. ويسكن النّاس إلى بيوتهم. وتتوقّف الأصوات. يحلو السّهر تحت ضوء القمر. لكن الشّتاء ببرده القارس وبعواصفه الهوجاء وثلوجه الكثيفة لاتسمح لأحد بالخروج. إلاّ للخفافيش لأنّها ترى في هذه الطّبيعة الصّماء ، الوقت الملائم لتمرح بحريّتها دون أن تطارد أو تهدّد. فكذا أنا . كلّما يكون لي الوقت حتّى وإن صاق. يحلو لي أن أتصفّح أروع صفحة جمعت الكثير من البنات المميّزات. وجعلت منّا جميعا عائلة واحدة. كلّ منّا تسأل عن الأخرى، وتمدّ لها يدّ المساعدة على قدر المستطاع. فأهلا بالجميع في رحاب هذه الصّفحة المباركة.

يا سلام على الشعر الملحون
ربي يحفضك ويخليك غزالة

راني نضارب مع الكونكسيون انا نكتب وهي تبحرلي الكتيبة هههههههه

[غزالة الصّحراء]

المشاركة الأصلية كتبت بواسطة ام سراج وملاك

صباح الخير عليكم كامل ان شاء الله تكونو بالف خير

أهلا بك أختي ام سراج احنا ثاني رانا أنقولولك. اممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم ممممممممممممممممممممممممممممممممممممممممممممممم ويعطيك الصحّة على المعلومة. أنا عندبالي كلمة أمممم تعني أشحال أحلوّة.