الى ام اسيد1 وكل وحدة حاصلة واش الطيب - الصفحة 187

ام حمزة22 · 2015-02-04, 17:04

اقتباس:

المشاركة الأصلية كتبت بواسطة روح مراد

سلام أخواتي الحبيبات شكرا لكن على الدعاء
و الله واحد ما عيني برك أنا مزروبة في حالي ديما نجري و تطفر ديما فيا مرات نتحرق و مرات نخبط رجلي في الطابلة و مرات راسي و هي رايحة رجليا و يديا كامل زروقة من بكري
أم حمزة قبل ما يبرا الحريق الأول نكون زدت الثاني يديا كامل سيكاتريس اللي يشوفني يقول هاذ المرأة من الكوزينة ما تخرجش

حبيبتي راكي معطوبة حرب ردي بالك تهلاي في صحتك

اقتباس:

المشاركة الأصلية كتبت بواسطة ام سراج وملاك

صح غداكم كامل يالبنات ام حمزة حتى انا امممممممممممممممممممممم كامل

الله يسلمك امممممممممممممممممم

اقتباس:

المشاركة الأصلية كتبت بواسطة صدفات

صحة قهوتكم لبنات
روح مرادبشفا عليك حبيبتي
غزالة خليتك وحذك البارح على غفلةراح الضو بصح شفتي عندي الحق ام الخير كانت تكونكتي شميتها
لبنات هذه ألأيام راني عطلة اليوم درت البيتزا لذراري من بعد نحطلكم الصور جات روعة
أم سراج و ملاك مرحبا بك معنا حنا كامل امممممممممم ههههههههه
أم حمزة حنونتي خلاص قررت نخدم الكريات السحرية يا رب يسهل

صح قهوتك صدفات حتى انا خرجت فجاة البارح راحتلي الكونكسيون فجاة
بصحتكم البيتزا اكيد ولادك راهم فرحانين بقعدتك فالبيت ربي يخليك ليهم حبيبتي وبصحتك العطلة
وبالتوفيق في الكريات تبعي دروس نهال ربي يحفضها فالاول راح يجيك الفهم شوية صعيب كي تحقي مليح فالصور راح يسهل عليك التطبيق
صدفات لبداي بحامل المناديل ساهل ويخلاص تمتم

ام حمزة22 · 2015-02-04, 17:09

اقتباس:

المشاركة الأصلية كتبت بواسطة ام الخير 05

lمساءالحير عليكم اليوم راجلي مسكين جاهوه التريميستات تاع القاز والتريسيتي والماء وخلاصت بطاقة الشفاء والاولاد مرضى وهو يحب يتعشى مليح انيرايحة للكوزينة كاش ما نفرحو شوية تصبحو عاى خير

ربي معاكم ام الخير وربي يقدركم
روحي فرحيح وفاجئيه بكاش اكلة يحبها
ولا نقلك ديري بيتزا وهني راسك

ام سوهيل · 2015-02-04, 17:59

مساء الخير للجميع غزولة وام حمزة وكرونو صدفات وكل البنات راكم كامل ابخير ام حمزة ريحتي شوية

روح مورادعلى سلامتك ربي معاك حنونة امهدولة وش راكي غزولة حبيبتي ون راكي وليتي خفاشة تع الصح ومتنسيش تصوري شدرتي لي اولادك ههههههههههه

ام سوهيل · 2015-02-04, 18:06

هدو درتهم اليامس العشية للقهوة من جات عندي اختي

هدا بغرير الاخت توت خرجلي روعة من اول مرة

ومسمن[

والبغرير بعد ما سقيته

ام سوهيل · 2015-02-04, 18:07

اليوم راني ديرة شوفلار للعشاء وغدوة عدس للفطور بي ادن الله

ام سوهيل · 2015-02-04, 18:08

ام حمزة راني شفت الرابط تاع الكوزينة هايل تتهناي فيه حنونة

بسح ادا احتاجيت القيسات في يوم ما راني انقولك

ام سوهيل · 2015-02-04, 18:10

واش خليتوني قعدة وحديى اخلاس زعفت وراني رايحة

صدفات · 2015-02-04, 19:58

مساء الخير حبيباتي
أم سوهيل يعطيك الصحة المسمن و البغرير خطرة وحدة أنا ما نجيش عندك تحطمي الرجيم و الكيلوات لي طاروا يرجعوا
:d:d:d:d:d

ام حمزة22 · 2015-02-04, 20:47

يعطيك الصحة ام سوهيل بصحتكم البغرير والمسمن
اليوم انا تان طيبت الشيفلور تفاهمنا
وفي الغد بادن الله راح اندير لوبيا زوجي قالي هاد نهارات نتاع لوبيا

ام حمزة22 · 2015-02-04, 20:48

اقتباس:

المشاركة الأصلية كتبت بواسطة صدفات

مساء الخير حبيباتي
أم سوهيل يعطيك الصحة المسمن و البغرير خطرة وحدة أنا ما نجيش عندك تحطمي الرجيم و الكيلوات لي طاروا يرجعوا
:d:d:d:d:d

صدفات راكي ديري فالريجيم يادرا ولا جاب نتيجة
شحال عندك ملي بديتي وشحال نقستي

صدفات · 2015-02-04, 20:58

مساء الخير يا الهربات وين راكم غزالتي جربتي الخبز و لا لا

صدفات · 2015-02-04, 21:08

اقتباس:

المشاركة الأصلية كتبت بواسطة ام حمزة22

صدفات راكي ديري فالريجيم يادرا ولا جاب نتيجة
شحال عندك ملي بديتي وشحال نقستي

أم حمزة حبيبتي بديت 3 ديسمبر2014 و الحمدالله نقصت ب5 كلغ و صدقيني ما رانيش حاسة بضغط من هذا الرجيم فهو عادات صحية أكثر منه نقص وزن و تجويع

غزالة الصّحراء · 2015-02-04, 21:17

اقتباس:

المشاركة الأصلية كتبت بواسطة صدفات

مساء الخير يا الهربات وين راكم غزالتي جربتي الخبز و لا لا

أهلا بك أختي صدفات. واش راكي. راني أهنا راني وليت. الخفّاشة ولات. والبارح كنت أنطير في الصّفحة غير وحدي. إيه اليوم جربتو جاني روعة. بصّح حنونتي لما قلتلو لراجلي شفت أشحال أمليح هذا الخبز. هايل. شوفي واش ايقولوا المصرين. " جَات المِسْكِينَة تَفْرَحْ مَالَتْلَهَاشْ مَطْرَحْ" . وبصّح لما اتجي للحقيقة هذاك كانت عندو بنّة خاصّة. المهم أنجح لي . ورايح انديروا كلّ مايكون عندي الوقت. واللّه خير من الخبز أنتاع برا. كيما قلتي أكليت منو بزاف من كثرة ألي اعجبني. هذا كّله من فضلك. انتي الي شجعتيني مع أم هديل اللّه ايذكرها بالخير.

ام حمزة22 · 2015-02-04, 21:18

اقتباس:

المشاركة الأصلية كتبت بواسطة صدفات

أم حمزة حبيبتي بديت 3 ديسمبر2014 و الحمدالله نقصت ب5 كلغ و صدقيني ما رانيش حاسة بضغط من هذا الرجيم فهو عادات صحية أكثر منه نقص وزن و تجويع

ربي معاك حبيبتي
انا ما نحبش الريجيم انا دايما دايرة في بالي هادي صحة رزقنا ربي سبحان بيها
عندي غير شوية كرش مادا بيا نصيب طريقة غير الريجيم باه تنقص كرشي

ام حمزة22 · 2015-02-04, 21:20

اهلين غزالتي الخفاشة واش راكي
بصحتك الخبز ما زال دالتي نجربو