عصاة الخدمة الوطنية. و المحكمة العسكرية - الصفحة 187

adelking57 · 2014-12-29, 16:43

أنا تاني قررت منروحش مانيش حاب نريسكي غير ويدا صبت العرف في ديك الثكنة

adelking57 · 2014-12-29, 16:48

قوليلو مترسكيش غير ويدا صبت العرف فالثكنة سورتو الحراش مليحا

adelking57 · 2014-12-30, 16:21

السلام عليكم جميعا

riadb1993 · 2014-12-31, 18:06

السلام عليكم

إخواني الأعزاء حابكم تفهموني من فضلكم في هذا:

أنا العام لي فات كنت نقرى حبست في جوان 2014

بعدها لم أقم بتسوية حالتي لأنه لحقتني لوردبال الثانية في مارس 2014 و مارحتش درت السورسي لأسباب و مشاكل شخصية

بعدها كنت أنوي الذهاب و في الأخـير قررت عدم الالتحاق حتى أتحصل على دبلوم إن شاء الله

في سبتمبر 2014 لحقت لوردبال رقم 3 مع أمر بالالتحاق و لم أذهب لأنني كنت قد دخلت المعهد و عند ذهابي في ديسمبر 2014 لتسوية الوضعية و الحصول على سورسي قالولي أنك روشارش منذ 3 أيام

بعدها أمروني بالرجوع بعد 15 يوم لاستلام الاستدعاء و الذهاب للمحكمة العسكرية بقسنطينة و بعد الرجوع إليهم

أخبروني أنه لم يتم كتابته بعد و أرمني بالرجوع بعد 3 أيام أو 4

عندما قلت له أنني أدرس بالمعهد هل أنا محل بحث أم قال لي:
أنت بين الروشارش و العصيان و يجب عليك الذهاب لقسنطينة لتسوية الوضعية

سؤالي:
-هل بعد الذهاب إلى المحكمة العسكرية بقسنطينة يمنح لي تأجيل و ينزع العصيان و الروشارش أم لا.
+
-أنا من مواليد 1993 لم أذهب للفحص الانتقائي و بعد وصول لودربال 1 ذهبت فأجرى لنا فحا ما معناه.

و لكم جزيل الشكر

hamdi03 · 2015-01-01, 10:39

السلام عليكم عندي استفسار انا من مواليد 1984 بلغت 31 عام ومتخرج في 2010 ولكني هذا العام سجلت ماستر هل عندي الحق في العفو مع العلم اني لست عاصي

azzoun abdelouahab · 2015-01-01, 11:20

السلام عليكم
1- هل أستطيع الذهاب للمحكمة العسكرية في شهر 01/2015. مع العلم أنه شهر الإستدعاءات
2- أحسن الأيام
3- عند إستلام البرية. هل أذهب في نفس اليوم أم أنتظر إلى الغد.
4- عند أخذ الملف الطبي. ما هي مجريات المحكمة و هل أذهب مرة واحدة أم عدة مرات و هل contre visite نديروها تما و لا جهة أخرى.
5- الملف الطبي واش ندي كامل فيه. وهل الأدوية نديها.
6- هل المعريفة مع الطبيب تسهلك الأمور.
Barak allaho fik

adelking57 · 2015-01-02, 10:24

السلام عليكم جميعا

بويكا الجزائر · 2015-01-02, 10:39

السلام عليكم انا خريج duea في علم نفس تربوي 2014 أخر سورسي درتو 2010 وبعدها جاتني فوردبال الاول وبعدها ما جاني والو واليوم أدرس مستغل معلوماتية + نجحت في مسابقة توظيف هل استطيع أن ندير سورسي بها او ان اضع ملف طبي نقص النظر لإعفاء لسبب طبي 10/3 لكل عين انا حائر في امري ارجوا المساعدة من اصحاب ألإختصاص

bob000 · 2015-01-03, 10:02

اسلام عليكم ساعدوني ربي يجازيكم راني رايح نهبل انا من مواليد 1988 كملت قرايتي 2012(تقني سامي) ما درتش فحص طبي لحقتني استدعاء واحد باش ندخل في 15 سبتمبر 2013 ما رحتش ... عندي اذني اليمنى ما نسمعش بيها و عندي سماعة + ملف طبي مليح + شهادة طبية من المستشفى العسكري واش رايكم خاوتي لوكان ندخل للثكنة يتلقوني? حاب نروح في 15 جانفي 2015 بارك الله فيكم

bob000 · 2015-01-03, 17:16

اسلام عليكم انا من مواليد 1988 كملت قرايتي 2012(تقني سامي) ما درتش فحص طبي لحقتني استدعاء واحد باش ندخل في 15 سبتمبر 2013 ما رحتش ... عندي اذني اليمنى ما نسمعش بيها و عندي سماعة + ملف طبي مليح + شهادة طبية من المستشفى العسكري واش رايكم خاوتي لوكان ندخل للثكنة يتلقوني? حاب نروح في 15 جانفي 2015 بارك الله فيكم

fethidou · 2015-01-04, 15:10

بسم الله الرحمن الرحيم

السلام عليكم و رحمة الله تعالي و باركاته

جاني استدعاء من سونطراك للعمل ليوم 7 جانفي و طالبين عليا تسوية الخدمة الوطنية مع العلم اني من مواليد جوان 84 ومن جماعة مارس حسب رزنامة العفو الشامل هل من حقي اخذ سورسي في انتظار شهر مارس.

mustapha34 · 2015-01-05, 22:22

اقتباس:

المشاركة الأصلية كتبت بواسطة azzoun abdelouahab

السلام عليكم
1- هل أستطيع الذهاب للمحكمة العسكرية في شهر 01/2015. مع العلم أنه شهر الإستدعاءات
2- أحسن الأيام
3- عند إستلام البرية. هل أذهب في نفس اليوم أم أنتظر إلى الغد.
4- عند أخذ الملف الطبي. ما هي مجريات المحكمة و هل أذهب مرة واحدة أم عدة مرات و هل contre visite نديروها تما و لا جهة أخرى.
5- الملف الطبي واش ندي كامل فيه. وهل الأدوية نديها.
6- هل المعريفة مع الطبيب تسهلك الأمور.
Barak allaho fik

ادهب متي اردت
اخطيك من اخر ايام الاسبوع
الاحسن ما طولش ..لانه راه كي تروح للمحكمة راه يعطوك موعد باه ترجع ..مثلا قسنطينة انا عطاوني شهر باه نعاود نولي وتحط دوسي او غير دالك يعني تحاكم
- ارجع للمواضع القديمة ..تلقا شرح كامل ..
الكل 4 مرات ...مرة كي تروح تحكم موعد 2 - تحاكم وتحط دوسي اذا قبلوه يعطوك ..موعدين واحد ويكون قريب ..باه تدير الفحص المضاد في المستشفي العسكري في علي منجلي ...وموعد اخر ويكون بعيد المدي ..شهرين او اكثر
باه تولي للمحكمة العسكرية ..تشوف نتيجو الفحص المضاد
بخصوص الملف الطبي ...ادي قد ما تقدر من شهادات طبية ووصفات ...وخاصة القديمة
المعريفة مع الطبيب صعبة جدااا ...اذا عندك راك درت affaire
انا راني فالموعد 4 ....4 مارس نورح نشوف النتيجة فالمحكمة
وربي يفرج عليك
وادعينا اخي الكريم تفرج علي وعليك وعل جميع الاخوة

mustapha34 · 2015-01-05, 22:31

اقتباس:

المشاركة الأصلية كتبت بواسطة fethidou

بسم الله الرحمن الرحيم

السلام عليكم و رحمة الله تعالي و باركاته

جاني استدعاء من سونطراك للعمل ليوم 7 جانفي و طالبين عليا تسوية الخدمة الوطنية مع العلم اني من مواليد جوان 84 ومن جماعة مارس حسب رزنامة العفو الشامل هل من حقي اخذ سورسي في انتظار شهر مارس.

لا اظن اخي ...جرب روح لمركز التجنيد ...مادام انك الان داخل مع القانون 30

+ اذا اطلب تاخير دفع السورسي مع الدوسي ..وضحلهم حالتك وانك رسميااا ..في مارس ...راه تقدملهم الوضعية
سواء سورسي او بطاقة الخدمة الوطنية

mustapha34 · 2015-01-05, 22:37

اقتباس:

المشاركة الأصلية كتبت بواسطة بويكا الجزائر

السلام عليكم انا خريج duea في علم نفس تربوي 2014 أخر سورسي درتو 2010 وبعدها جاتني فوردبال الاول وبعدها ما جاني والو واليوم أدرس مستغل معلوماتية + نجحت في مسابقة توظيف هل استطيع أن ندير سورسي بها او ان اضع ملف طبي نقص النظر لإعفاء لسبب طبي 10/3 لكل عين انا حائر في امري ارجوا المساعدة من اصحاب ألإختصاص

لا اظن يعطوك سورسي بسبب الخدمة والله ا علم
+ ملف طبي توضعو يا في الفحص الطبي او في المحكمو العسكرية بالنسبة للعصاة او في الثكنة

اولا تبين حالتك من الخدمة الوطنية ممكن راك عاصي...هناك تقدر تتوجه للمحكمة وتحط الدوسي تاعك

اما معدل النظر فهو تحت 14/20 لكلا العينين

mustapha34 · 2015-01-05, 22:41

اقتباس:

المشاركة الأصلية كتبت بواسطة hamdi03

السلام عليكم عندي استفسار انا من مواليد 1984 بلغت 31 عام ومتخرج في 2010 ولكني هذا العام سجلت ماستر هل عندي الحق في العفو مع العلم اني لست عاصي

يا اخي انت يقيسك قانون اعفاء 30 سنة

واش بيك ...........مبروووووووووك عليك ...هههههههه :d