منح العطب و التقاعد بعد المصادقة على قانون المالية 2013 - الصفحة 1863

عبد_القادر · 2014-01-06, 19:25

شكرا للإخوة على المعلومة، خاصة شمام ونزار . ولكن أقول مازالت الأمور غامضة، حتى حاجة ماراهي باينة رغم وضوح القوانين والقرارات التي ظهرت في الجريدة الرسمية. تسوية اجر التقاعد على أساس الرتبة تسوية وضعية المعطوبين. رغم ذالك هناك غموض في تطبيقها وكيفية يتم تطبيق مقرارات الجريدة الرسمية.

labadi · 2014-01-06, 19:29

تحية الأبطال أحي بهارجال الأمس واليوم والغد

عبد_القادر · 2014-01-06, 19:34

بارك الله فيكم، نتلقو بعد صلاة العشاء

عبد_القادر · 2014-01-06, 19:35

بارك الله فيكم نتلقو بعد صلاة العشاء

labadi · 2014-01-06, 19:48

تقبل الله صلة الجميع بمزيد من الأجر والمغفرة والثواب

الطيب45 · 2014-01-06, 19:49

سمحلي خويا نزار علي عدم الرد في الوقت اللازم والله يخويا كتبتلك صفحة ليك ولخوتنا بينت فيها كلش ولما بغيت نبعثها قلي المحرك نتاع الجلفة عود سجل الدخول انتعك راه مشكل كبير عندي في المنتدة لما نحاول ندخل لي الصفحة نتاع منحة العطب الخاصة بنا بي محرك ميوزلا تخرجلي الصفحة بيضة مفهاش اي حرف يعني في النافذة نتاع الجهاز نتاع الكونبيوتر كين اسم الركن بصح الصفحة بيضة منيش عرف وين راك المشكل رني نحول نمشي اموري بي محرك قوقل كروم بصح ميمشيش كمى ميوزلا اسمحلي ظروك نعود نفسرلك كلشي ونحاول نفهمك ونجوبك علي كل التساءلات انتعك انت وجميع الخاوة لي صعيبة عليكم يخويا ساهلة علينا ابق معايا برك

labadi · 2014-01-06, 19:51

المادة 5 أن الاحكام الواردة فيها "ستسمح بالاستفادة من منحة التقاعد التي ستحسب على أساس راتب العسكريين العاملين والمتقاعدين

labadi · 2014-01-06, 19:53

المادة 5 أن الاحكام الواردة فيها "ستسمح بالاستفادة من منحة التقاعد التي ستحسب على أساس راتب العسكريين العاملين والمتقاعدين

labadi · 2014-01-06, 19:57

اخي الطيب جرب بمحرك safari

salah_1979_13 · 2014-01-06, 20:08

السلام وعليكم واش الحالة سلامي لكم جميعا.......................لفرشات رهم فقسو

labadi · 2014-01-06, 20:09

اقتباس:

المشاركة الأصلية كتبت بواسطة labadi

المادة 5 أن الاحكام الواردة فيها "ستسمح بالاستفادة من منحة التقاعد التي ستحسب على أساس راتب العسكريين العاملين والمتقاعدين

علي اساس الرتبة انشاء الله وبالتوفيق للجميع

nizar10 · 2014-01-06, 20:14

نحن ننتضرك اخي الطيب45 .....

الطيب45 · 2014-01-06, 20:37

اقتباس:

المشاركة الأصلية كتبت بواسطة nizar10

اهلا وسهلا خونا الطيب ولابادي وحقو وعبد القادر ...نضن يا سيي الطيب انك كونت على حق فيما يخص التقاعد على اساس الرتبة 75/100من الراتب الخام .....الراتب الخام وضحلنا المسالة عن الراتب الخام ونتا مشكور مسابقا ...؟؟؟

اعتقد ان ما يدور في كواليس بلكور كما يعتقد البعض ان هناك تسوية للمعطوبين على اساس والرتبة 75/100 كما سبق وقال الاخ العمري بالوثائق في مشاركات سابقة ووضحلنا الاخ الطيب ....

اما عن الزيادة مزالت غامضة هناك فرق بين تسوية والزيادة ...اما التسوية فهي تشمل المعطوبين ضحايا حوادث العمل المنسوبين للخدمة في منحة التقاعد التي ستصبح ان شاء الله 75/100..

اما الزيادة فهي تشمل المتقاعدين العادين والمعطوبين بكل اصنافهم ....هنا نطرح السؤال هل يمكن ان تكون زيادة بعد ما كانت زيادة في جوان 2013..؟؟؟؟؟

ربي يدير الخير ان شاء الله في الاشهر القادمة يكشف الستار

يخويا نزار تبع معايا نقطة نقطة ونفهمك مليح نتا وجميع الخاوة
اولا الشيا لي رهم يتكلمو عليه الخاوة الافاضل وربي يجزيهم ومنبينهم خونا بوضياف يعطيه صحيحته وخونا لبادي وهو مشكور وخونا شمام ربي يرزقه الذرية الصالحة ويعطيه مايتنما وكل لي اكدنا المقولة ونقلنا عن ما يدور في بلكور من زيادة بغض النظر عن الشهر اللذي تصب فيه
هذي البنود وخاصتا التعليمة لي تقول التقاعد علي حساب الرتبة او ما نسبته 75/100من الراتب الخام لي العسكري اللذي مزال في الخدمة هذا شيا مكفول قانون وله مرجعية او سند قنوني في قانون المعشات العسكرية الجزائرية الاخيرة وشيئ موثق في الجريدة الرسمية الجزائرية يعني ندوه اجلا اوعاجلا
يلزم نعرفوا من اين تاكل الكتف يخويا نزار وكينة وثيقة اخرة فيها اربع نقاط نذكرهملك نقطة نقطة وممضية شخصيا من طرف وزير الدفاع تم تطبيق بند واحد منها وهذ الوثيقة تشرح وتفسر القانون نتاع المعشات الاخير وكيفية الزيادة بمختلف الرتب ومختلف الفئات لي موجودة من متقاعدين جزائريين
اولا النقطة التي تم معالجتها او التي طبقة من التعليمة او القانون نتاع التقاعد الاخير
البند لي يقول اخر مرتب تقاعدي يتقضاه اخر متقاعد في الجيش الجزائري يقبض ما نسبته مرو و25/100من الراتب االوطني المضمون ولي هو السميق كما يسمي ولي المبلغ انتعو 18000.دج حاليا
*حسابيا لما نقةم بي العملية الحسابية التالية
مرة من الاجر الوطني المضمون تساوي 18000دج
25/100من الراتب الوطني المضمون هي 4500دج
المجموع يساوي 22500دج اي زوج ملين ومتين وخمسين الف هذا هو اخر مرؤتب يتقضاه حاليا اخر عسكري متقاعد حاليا ومن هذ المبلغ تاخد كل الحسبات في العملية الحسابية انتاع التقاعد نتاع الجيش الجزائري بكل الرتب وعدد سنين العمل وليشلو وكل النقاط نتاع العملية الحسابية راك فهمني لحد الان
لي يعلم الجميع ان الفئة نتاع حوادث العمل والفئة نتاع الغير منسوبين يعتمودو فيها علي الطريقة نتاع اخر مرتب عسكري جزائري يتقضي مبلغ 22500دج في التقاعد انتعهم بكال انواع الرتب انتعهم وحسب كل سنوات العمل يعني الناس كمل كفكيف حاليا
*ثانيا التقاعد حسب الرتبة وبنسبة 75/100من الراتب الخام لي العسكريين والشبيهين المعترف لهم بعجز امنسوب للخدمة ولي المجندين المعاد استدعائهم في اطار الخدمة الوطنية المعترف لهم بي عجز منسوب لي الخدمة ........
يعني الناس لي يعتمدو ويستفادو من التقاعد علي حساب الرتبة هم الناس لي ينتموا لي الفئة نتاع حوادث العمل والفئة نتاع الناس لي كانت غير منسوبة ورجعت منسوبة وممكن ادراج اصحاب الحقوق في هذ النقطة يعني الارملة وابن ااصحاب الوجب الوطني ولكن لهم عملية حسابية تخصهم يعني عندهم برام خاص بيهم
*النقطة الثالثة وهي منحة السبيسيفيك او منحة السلاح وهي منحة تميز كل سلاح عن سلاح في القوات الجزائرية وكل سلاح وعندة مبلغ يتقضاه ومخصص له وهذا النقطة تطبق علي كل المتقاعدين التابعين لي الجيش الجزائري لي احيلوا علي التقاعد قبل جوان 2011 وهنا نجد ان الفرق بين عسكري من نفس الرتبة ومتساوي في سنين العمل ولكن لهم فرق في التقاعد يعني وحد تقاعد قبل القانون نتاع 2011وحد تقعد بعد القانون نتاع 2011
النقطة الرابعة هي اضافة نسبة
-----20الي 25/100الي التقاعد بي النسبة لي فئة الجنود
----نسبة من 30ال35/100الي التقادع بي النسبة لي فئة صف الضباط
----نسبة 40ال 45/100الي التقاعد بي النسبة لي الضباط
وهناك منحة المنصب في بعض الاحيان لي الضباط اللذين يشغلوف راساء مصالح
هذا كل ما جاء في القانون والتعليمة لي خؤرجي في العام لي فات ولي مكفولة قانونا ولنا الحق فيها ولها سند او مرجع يمكننا منها او من الحصول عليها ولي الاخوة الكرام خبرونا بي مباشرة ادارة بلكور في العملية الحسابية باش يطبقوها
الشيئ لي لم يمكن الوزارة من تطبيق القانون الصادر في الجريدة الرسمية وفي قانون المعشات العسكرية الاخيرة هو مرض الريس الله يعفيه ويعطيه صحيحته ويبقيه فوق روسنا ولي امورنا و التاخر في عدم المصادقة علي قانون المالية لي غاية اوخر شهر ديسمبر اللاخير

النقطة لي يلزم تعرفها خويا نزار ولي سقستني عليها اي المرتب الخام بي البساطة المرتب الخام نتاع اي عامل جزائري هو اجمالي المرتب يعني المجموع ما يتقضاه العامل من مرتب دون نقس العلوات
مثلا ناخذ مثال عن الوزارة انتاعنا وعن رتبة من رتب الجيش انتاعنا
المبلغ الخام لي ملازم اول مثلا يتقاضى ما قيمته 12000.000
يخلص منو مبلغ تقاعد قدرو 1000.000يعني نحوله مبلغ 2000.0000خاصة بي العلوات
اضن راه فهمتني يعني نسبة 75/100يعتمدو في العملية الحسابية انتعهم علي حساب النسبة الاولة لي هي مجموع الكل بدون اقتطاع العلاوات

الطيب45 · 2014-01-06, 20:42

اقتباس:

المشاركة الأصلية كتبت بواسطة nizar10

نحن ننتضرك اخي الطيب45 .....

اسمحلي خويا نزار طولة اعليك اعدة كتابة الرسالة اكثر من اربع مرات باش نجحت العملية المشكل في المنتدة

nizar10 · 2014-01-06, 20:52

بارك الله فيك على التوضيح المشاركة نتاعك هاذي سينجر عليها تحليلات كثيرة وتاخد عدة صفحات ....

هناك استفسار ملازم اول مرتبه الخام كما قلت مثلا 120000دج عند التقاعد يحصل على 75/100 معناها 90000دج على ما اضن ونتا قلت 100000 كيف ذالك ؟؟؟