الى ام اسيد1 وكل وحدة حاصلة واش الطيب - الصفحة 184

غزالة الصّحراء · 2015-02-03, 20:28

اقتباس:

المشاركة الأصلية كتبت بواسطة crono

صدفات وين راكي وكيف احوالك انشا الله تكوني بالف خير أوه خفاشة مزورة ههههه

أهلين بالأخت الغاليّة=crono واش راكي ؟ ياربّ اتكوني بخير. وعلاش درتي غير خفّاش واحد. هاذوا الايامات انا ثاني راني خفّاشة. اللّه غالب الكهرباء تحرمني من مواصلة الطيران باش أنحوّس على كلّ وحدة منكم . ونزهاوا اشويا . حبيبتي تسلم اياديك الي راهي تنتج هاذيك الأعمال الفنيّة الرّائعة. أخموس أعليك. راكي سخفتيني. ياربّ نتعلّم أندير كاش حاجة. تواجدك عى صفحة أم حمزة22 اللّه ايطوّل في عمرها راه شجعني بالبزّاف فقط عندي مشكل في تحضير اللّوازم. وانهار ألي اندير كاش تطبيق أو ايّ عمل. أكيد رايح نبعثو. باش أتشجعوني كلّكم.

nina mima · 2015-02-03, 20:32

مساء الخير على الجميع شكرا ام حمز وغزالة والله نوض على الربعة نتاع الصباح حتى التسع او العشرة نتاع الليل والشغل كلانلي

غزالة الصّحراء · 2015-02-03, 20:33

اقتباس:

المشاركة الأصلية كتبت بواسطة ام حمزة22

كرونو هدا اكيد الجاج نتاعك ابعتيلناوحدة نريشوها ههههه

أهلا ومرحبا بالحبوبة. واش اركي . ياربّ اتكوني ارتحتي . والعائلة واش راهي. ؟ والأولاد واش داروا في الفروض أنتاعهم؟ شفتي الجاج انتاع الأخت كرونو. ياختي راه غير يتفشّش عليها. وزادت دارتلو لمخدة. اللّه اللّه عليه لوكان يعرف واش ألي راه يستناه. مسكين راه يبروفيتي. على بالو رايح ايودّع.:d:d:d

صدفات · 2015-02-03, 20:36

مساء النور للملتحقات وقيلة غادي كاع ترجعوا خفاشات كيما أن
بنات أم هديل ربي يحفظها دارت لي القلب شوفو تطبيقي هذا وين حطيته
واش رايكم
https://www.djelfa.info/vb/showthread...post3992644240

غزالة الصّحراء · 2015-02-03, 20:39

اقتباس:

المشاركة الأصلية كتبت بواسطة nina mima

مساء الخير على الجميع شكرا ام حمز وغزالة والله نوض على الربعة نتاع الصباح حتى التسع او العشرة نتاع الليل والشغل كلانلي

اهلا بك أختي =nina mima بالنسبة االأشغال واللّه غير رانا كفكيف. كيما قلتي كالنحلات. . بصّح حنوني الأشغال ماتتخلاصش. ومادام أولادك بحاجتك لازم تلقاي الوقت باش أتكوني بجنبهم . قبل مايفوت الوقت. لازم تعطيهم كيما ايقولوا : لاباز . حنونتي لازم . ماترقديش على وذنيك أتحركي. وألأشغال ديري دالة بدالة. ولمّا يكبروا بسلامتهم ويوليوا في الجامعة هذاك النهار . ديري شغالاتك إذا حبيتي على مرّة وحدة. مانيش أنقولك عذبي روحك. بصّح لازم تلقاي الحلّ في أقرب وقت ممكن. قبل مايفوت القطار . حنونتي مانيش أنخوّف فيك. راني أنقولك الصّراحة.

ام حمزة22 · 2015-02-03, 20:51

اقتباس:

المشاركة الأصلية كتبت بواسطة غزالة الصّحراء

أهلا ومرحبا بالحبوبة. واش اركي . ياربّ اتكوني ارتحتي . والعائلة واش راهي. ؟ والأولاد واش داروا في الفروض أنتاعهم؟ شفتي الجاج انتاع الأخت كرونو. ياختي راه غير يتفشّش عليها. وزادت دارتلو لمخدة. اللّه اللّه عليه لوكان يعرف واش ألي راه يستناه. مسكين راه يبروفيتي. على بالو رايح ايودّع.:d:d:d

سوال عليك غزالة انا تحسنت شزية خير ملي كنت
والله بنتي صغيرة عماتها بعتها يوم الفروض وهي مريضة ما جابتش مليح والله ندمت لي بعتها هداك النهار
اما اختها راهي مالبﻻوجيات ما تخرجش كل يوم عندها بروجي مع الفرود ربي معاهم ومع جميع وليداتكم

صدفات · 2015-02-03, 20:52

أم حمزة الرسم فكرة هايلة أنا خممت في الكريات السحرية واش رايك باه نخلي بناتي يشتركوا معيا
بنات كاملينكل وحدة بإسمهاجبتلكم حاجة حلوة بعد العشاء باه نسهروا و لأتاي على غزالة الصحراء

ام حمزة22 · 2015-02-03, 20:58

لبنات راني حطيت صور لكوزينتي في قسم الديكور المنزلي
تفضلوا الرابطhttps://www.djelfa.info/vb/showthread.php?t=1751616

صدفات يعطيك الصحة الخبز جاك هايل راني خليتلك الرد

غزالة الصّحراء · 2015-02-03, 20:58

اقتباس:

المشاركة الأصلية كتبت بواسطة صدفات

مساء النور للملتحقات وقيلة غادي كاع ترجعوا خفاشات كيما أن
بنات أم هديل ربي يحفظها دارت لي القلب شوفو تطبيقي هذا وين حطيته
واش رايكم
https://www.djelfa.info/vb/showthread...post3992644240

أهلا وسهلا بتوأمي الخفاشة. الحمد للّه الي راكي بخير. وسلامي لكلّ واحدة . وياربّ الكلّ ايكون بألف خير. راني خايف ينقطع الكهرباء فجأة. رايح نرجع في وقت لاحق.
سلامي لكّل الحبوبات الغاليات العزيزات. اللّامعات مثل نجوم اللّيل التي لايستطيع أيّ واحد أن لاينظر إليها. هكذا هي صفحة أم حمزة 22 الغايّة. حبويباتي الجديدات والقديمات الدّارا داركم اتمنّى ان تقضي فيها كلّ واحدة منكنّ بدون استثاء امتع الأوقات وأحلاها. تصبحوا على خير.

ام سوهيل · 2015-02-03, 21:02

مساء الخير للجميع وش راكم اسمحولي جات عندي اختي ضيفة وراهي بيت ومع هدا ك قلت انطل اعليكم ومنبعد نراجع تصبحو على خير

صدفات · 2015-02-03, 21:12

أم سوهيل غزالتي تصبحنعلى خير
حبيباتي اليوم النت راهي مليحة و خفيفة قلت ننتهز الفرصة و نحط تطبيقاتي
هذا الرابط لتارت التفاح دخلواشوفو و ذوقو راني حطيت طرفلألي تدخل الأولى
https://www.djelfa.info/vb/showthread.php?p=3992644587#post3992644587

غزالة الصّحراء · 2015-02-03, 21:14

اقتباس:

المشاركة الأصلية كتبت بواسطة صدفات

أم حمزة الرسم فكرة هايلة أنا خممت في الكريات السحرية واش رايك باه نخلي بناتي يشتركوا معيا
بنات كاملينكل وحدة بإسمهاجبتلكم حاجة حلوة بعد العشاء باه نسهروا و لأتاي على غزالة الصحراء

مشكورة حبوبتي. وقيل أنتيا ثاني راه دخلك فيروس الأشغال اليدويّة. راني أقريب نهبل. راني اسبق واكتبت في إحدى الرّدود وليت كيماالمرأة ألي تتوحّم. كلّ شيء راه أعجبني. بالخصوص من اليوم ألي ادخلت فيه لهاذي الدّار السّحرية. ربّي ايوفقنا كلّنا لما فيه الخير. وأكيد رايحين ننجحوا. واللّه ا يجعل أيامك دائما حلوة. وراه ايبان عليك من خلال تطبيقاتك ماشاء الرحمان. قلت رايح أنسجّل الخروج واركي صيّدتيني :d:d:d:d بالرّد أنتاعك.حبيباتي رايح انرد على بعض الردود ونخرج . على خاطر أوليدي لكبير بسلامتو راه في الدّار اليوم .

غزالة الصّحراء · 2015-02-03, 21:20

اقتباس:

المشاركة الأصلية كتبت بواسطة ام حمزة22

سوال عليك غزالة انا تحسنت شزية خير ملي كنت
والله بنتي صغيرة عماتها بعتها يوم الفروض وهي مريضة ما جابتش مليح والله ندمت لي بعتها هداك النهار
اما اختها راهي مالبﻻوجيات ما تخرجش كل يوم عندها بروجي مع الفرود ربي معاهم ومع جميع وليداتكم

الحمد للّه الي اتحسنتي. ومازال البراكة إن شاء اللّه ربي ايطوّل في عمرك. معليش إذا ماخدمتش. برك ماتوبخيهاش بزاف وتنصدم. حاولي اتخفي عليها وحفزيها باش تعمل في المرة الجايا.وقولي لها بانّك كنت تعرفي مسبقا النتيجة. أيّ انّ المرض هو السّبب وإلاّ كنت تحصّلت على نتائج أفضل.أمّا بالنّسبة للبنت الأخرى.. هذا هو تعليم اليوم. ولكن في نفس الوقت الأمر جدّ ضروري . لكي يتعوّد التلاميذ على اتّخاذ القرارات والاعتماد على النّفس ومواجهة أمور الحياة. لكن المشكل لاينجح الأمر مع الجميع. إلاّ مع من يتقلى دوما الدّعم من طرف الأولياء والمراقبة المتواصلة في البيت وخارجه. بالتّوفيق لهنّ .

غزالة الصّحراء · 2015-02-03, 21:21

اقتباس:

المشاركة الأصلية كتبت بواسطة ام سوهيل

مساء الخير للجميع وش راكم اسمحولي جات عندي اختي ضيفة وراهي بيت ومع هدا ك قلت انطل اعليكم ومنبعد نراجع تصبحو على خير

أهلا وسهلا بالحبيبة أم سوهيل. يامساء الأنوار . وأهلا وسهلا ومرحبا بأختك الصيفة عندك. ياربّ ايطلّ عليك الخير دائما. سلميلنا عليها.

صدفات · 2015-02-03, 21:32

‘عندك الحق غزالتي وقيلة دخلتني سوسة ألأعمال اليدوية ههههههه روحي لوليدك ربي يحفظه و يرعاه
أم حمزة حبيبتي هذا الطرف خص نص لك