بداية يوم جديد

[ام آدم]

ام هزار يا طيوبة ربي يحفظك على الدعاء الرائع ولك بالمثل اختي الغالية
بخصوص ظهرك حبيبتي ننصحك تشوفي طبيب وما تتهاونيش على صحتك فانت الاغلى و الاولى ربي يبعد عليك كل شر

[فراشات العمر]

السلام عليكم
خواتاتي راني كتبت هذا مالقيت منين نبدا ه لحكاية ابني منتصر عام لي فات هو وولد عمو عندهم خمس سنين يلعبو في الحوش دخلت بنت الجيران أقل منهم هو ابني قالي بلي ولد عمو هو لي قالو هيا نشوفوها منين تتغوط حاشاكم نحاولها السروال وقعد يضحكو عليها حتى بكات كي دخلت لماماها قاتلها واش بيك قاتلها نحاولي سروال منتصر وولد عمو يماها دارت خمارها وجات لينا وعيطتلها وقاتلنا احكمو في ولادكم انا قتلت ابني وحذرتو ما يزيدش يهدر معاها وهذي السبة لي زدت ولدت خطراكش يغير من الولاد الصغار حرشت ابنها يقرى في السيام غير يهدر مع بنتها يضربو ابني برك الجاني المهم وصلت حتى للرجالة
البارح ابني يلعب مع صحابو راحت ليه بنت الجيران لخرين قالها اخطينا ماحبتش قالي هي وحدها هبطت سروالها والله قالي ماتحركت من بلاصتي عيط لبنت عمها باه تديها ماحبتش تروح حتى ضربتها وقالت لمها بلي منتصر هبطلها السروال قالي معتصم يا امي ماخلات مابقات ماكمش متربين ماعندكمش الاصل ووووو
بعثتلي بنها وقاتلي ربي وليدك عيطت لبني قالي بعثتلي بنت عمها ضربتني كف
اليوم بعد الضهر طبطبت جارتي وقاتلي لكان يفسدها واش ندير بيها وراهم كل الجيران يشكون من وليدك من هذي الناحية انا بنتي ماتكذبش
كي سمع راجلي قالي يوميا يتكلمو من البالكونةعرفت بلي جارتي زعم حبيبتي حكاتلها على العام لي فات
ياربي واش ندير

[ام متين]

اصبحنا واصبح الملك لله والحمد لله لا إله إلا الله وحده لاشريك له له الملك وله الحمد وهو على كل شيئ قدير
اللهم صبح أحبتي وأهلي بدفع الهموم وإرزقهم عافيه تدوم وإرفع مقامهم يا رافع السماء والغيوم، اللهم إجمعنا معهم في جنتك يا حي يا قيوم
اللهم إنا نعوذ بك من ذنوب الخلوات التي تخفى على خلقك ولا تخفى عليك، اللهم كن معي ولا تكن علي يا رب العالمين

[ام متين]

[ام متين]

[ام متين]

G]]

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

حبيباتي اعتذر من البارحة و اموري ملخبطة ابنتي مريضة و في الليل بت سهرانة و زاد ايقظتني على 2صباحا حتى 4 احس راسي سينفجر حتى الصلاة لم اصلها في الوقت استغفرك ربي واتوب اليك
سلام

[صابرة محتسبة]

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر

[صابرة محتسبة]

السلام عليكم ورحمة الله وبركاته
صباح الخير صباح زاخر بالعطاء متوج بالتفاؤل ..
صباح مشرق بالأمنيات ..
أن يكون هذا اليوم موفقة ساعاته ودقائقه وثوانيه حافلة بما يسر ويسعد ..
صباحكم صحة وعافية ورزق وفير وأمان في الدروب ..

[arwa alaa]

صباح الخير عليكم واش راكم
تحشتكم بزاف راني كسرت الاضراب وراح نكمل شخالي لاني وصلتلهم الرسالة الي حابة وفهموني
اليوم ان شاء الله نكمل المطبخ

[صابرة محتسبة]

مقولة أعجبتني حبيت تقرؤونها
قالوا: الصفح من القلب والمصافحة من اليد ...
لا تتردد أن تصافح الناس وأن تبدي حميمية عواطفك الصادقة نحوهم ..
والقلوب تدرك ذلك ولا تخفيها صدق المشاعر والردود والعيون رسائل القلوب ..
وقالوا إن لم تكن الطيبة فيك فطرة فلتكن اكتسابا ..
طبعا كل إنسان يستطيع أن يكون زهرة جميلة يسعد الآخرين بطلاقة وجهه ..
كما يسعدهم بأرج كلماته الطيبة الجميلة الناطقة بالجمال ..
تحياتي لمن امتلأ قلبه بحب الله وحب الخيرين..
ولمن أضمر في نفسه فعل الخير وقول الخير..
وإعانة خلق الله على كل خير ..

[ام آدم]

صباح الخير خياتي
انا اليوم مانيش حابة نوض من لبلاصة عندي اكتئاب
بعد ما فرحت بالمسابقة وقلت كي عاد على اساس الاختبار نقرا ونجيبها بقدراتي وذراعي
قالك نحسبو حتى الخبرة منين راح نجيبلهم الخبرة الكونترا غير بالمعريفة والرشوة
قريت في اطار الادماج قالك ما نحسبوهاش
تسمى نتعب روحي ويجي واحد تحصل على كونترا بمعريفتو يدي نقاط زايدين
علاه بلادنا هك
الناس لي عايشة معاهم يشوفو فيا بعين النقص كي عاد عندي 10 سنين متخرجة وما ترسمتش
حتى لي عندو نيفو تارمينال لقا بوسط
استغفر الله يا ربي علابالي الرزق مكتوب استغفر الله يا ربي

[oum sabrin]

السلام عليكم
أم متين على سلامتك حبيبتي شكرا على الدعاء ربي يحفظك و يخليك دائما منورة منورة صفحات الدورة بردودك و ادعيتك و قهيوتك البنينة
أم هزار يا طيبة كلامك بلسم و صدقيني لما نقرا تقاريرك اعجب بها و اسأل نفسي لو كنت عاملة مثلك كيف سيكون برنامجي ؟ ربي يخليلك صحيحتك و عائلتك و يشفيلك والدتك امين يا رب
أم ادم الحمد لله لي استقرت حاتك و تقدمت في المراجعىة موفقة باذن الله
اروى الاء واش حوالك مع التوام بما انهم يحبو يخربشو حاولي تجيبيلهم سبورة صغيرة مع القلم الخاص بها ربما تجلبهم الكتابة عليها و ينساو الجدران هذا مجرد اقتراح حبيبتي ما تتقلقيش روحك هادو هوما الدراري كل واحد اين يجد متعة اللعب
تقرير اليوم
المراجعة الصباحية تمت
6 الى 7 تحضير فطور الصباح و طبق اليوم و هو طاجين الشوفلوغ
الروتينات اليومية تمت
التنظيف العميق تم مع ارضيات المنزل سيقت عميقا كل المنزل خذالي وقت قيس ما رجعت الدوزان لحق وقت احضار ابنتي ثم الغذاء و غسل الاواني
بعدالظهر رحت لطبيب الاسنان و المراجعة تاجلت للمساء عندي تكنلوجيا الاعلام و التصال جاتني طويلة ثقيلة و ما قدرتش نراجعها الله المستعان
الى الغد باذنالله
ان شاء الله يمر ردي هذا لانني من قبيل و انا احاول بدووووووووون جدوى

[oum sabrin]

صباح الخير عليكم حبيباتي
عذرا هذا ردي من البارح و انا نحاول نبعتو كان عندي مشكل في الانترنيت و حسابي بقى مفتوح هذا وين جاتني الانترنيت
المهم اليوم كالعادة درت المراجعة الصباحية
اما تحضير الغذاء فقلت اليوم ندير سردين جابهولي زوجي على 830 فاغتنمت الوقت بعدما حضرت بنتي جبدت الكويزينيار و غسلت موراه رجعتو لمكانو غسلت مواعن القهوة و كملت سيقت المطبخ نظفت الحمام و المرحاض اكرمكم الله و رتبت الغرف الا غرفة الاطفال ابني كان مازال نائم جوزت نشاف خفيف لاني البارح سيقت الدنيا عميقا مازال برك نقي السرديين و ندوزنو لانو ناضلي ابني و هادا وين كملت معاه و قلت نطل عليكم كي رجعت الانترنيت
في المطبخ مازالي لي زيليمون بلاك نديرهم في المساء اذا ما كفانيش الوقت الصباح
نروح للسردين ديالي
الله يعاونكم على اشغالكم