دورة خطواتي الواثقة لأصبح ربّة بيت متألّقة

[ام شمسو محمد]

[img]مساكم الله بالأنوار و عين رضى من الرحمان[/img]

[Sii]

مساء الانوار اختي ام شمسو واخواتي العزيزات
ان شاء الله يا اخت اسيل كما ليوم ديري حجاب شرعي او جلباب وتكوني اجمل فراشة ويفرح بيك زوجك وربي يخليلك وليداتك صح بوجودهم سهلو عليك الفراق شوية وكما قلتي هادي هي الخبزة الحمد لله على كل حال ربي يعطيه صحتو وعافيتو ويخليه تاج فوق راسك
والله ضحكتيني يا ام محمد ربي يخليه ديما قدامك

[Sii]

اين انت سالي واش راهي بنتك درتيلها فاكسان لبارح ؟

[حياتي كلها امل]

السلام عليكم و مساؤكم سعيد كانو عندي ضياف هذا وين راحو
اسيل على سلامتك توحشنا طلتك وعلى سلامة زوجك ربي يخليهولك
ام شمسو شكرا على واش راكي تقدمي
حبيبتي جهينة نقص عليك شوية ضغط تاع الامتحانات يارب تفرحي باولادك وتشوفيهم باعلى المراتب
سي وشراكي ربي يقدر مع الحمل
ام محمد ربي يهنيك انا تانيك مانحبش راجلي يسافر ولو يوم واحد لكن واش تحبي الي خبزة تقول هكذا لازم وربي يحفظ ازواجنا كامل

[Sii]

لباس الحمد لله اختي حياتي كلها امل وانت ختيتي

[روان دينا 27]

مساء الخير كيفكم اليوم

راني زعفانة عليكم وحدة ما سقساتش عليا

انا اليوم قمت بواجبي الديني و الحمد لله وروحت نقرى بحكم اني نقرى يومين في الاسبوم هذه السنة راح نتخرج ان شاء الله

التنظيفي لم يتم اختي قامت بيه

روتيني المسائي عادي

الجمالي نص نص

ادعولي ربي يسهل لي امري عندي غدوة رونديفو عند الطبيب

[حياتي كلها امل]

سي يسقسي عليك الخير
اختي روان ماتزعفيش ياخ مكانش زعاف بين الاخوة وربي يسهلك امورك
اخت الي سالت على الرولو الي يلسق راه يتباع عند الي يبيعو الاواني او السوبيرات
ام اروى راه خرجت من العناية المركزة ومازالت في المستشفى الحمد لله والشكر لله

[خوخة02]

ام شمسو حاولي تكتبي بلون مختلف وشكرا على المجهود

[naila166]

عذرا على تطفلي سيداتي الكريمات حبيت نعرف واش تستعملو لتلميع حوض المطبخ و الحمام ؟.

[خوخة02]

اسيل ان شاء الله يوصل زوجك بالسلامة ان شاء الله

[خوخة02]

انا كيما قالت الاخت سي نخاف من هادوك لي فيديو المهم الواحد يخاف من ربي وخلاص

[جهينة اليقين]

مساء سعيد الله يبارك يا ام شمسو رانا نقرا كل ما تكتبينه ما تحبسيش الاخت نايلة انا موالفة نلمع الحوض بشوي سائل تاع الماعن وشوي كاربونات في الاخير كي نخلص لغسيل باه نقضيعلى الميكروبات

[Sii]

وشراكي الاخت روان نتمنى بخير وربي يسهلك غدوة عند الطبيب

[ام شمسو محمد]

الأخت نايلة أنا أستعمل سائل الأواني فيري و يمكنك استعمال مزيج من الماء و الخل

[sali kanouza]

السلا عليكم حبيباتي راني جيييييت اليوم راح تريسيتي زاد الانترنيت نقطعت هذا وين جات