دورة خطواتي الواثقة لأصبح ربّة بيت متألّقة

[~اسيل ريحانتي~]

المشاركة الأصلية كتبت بواسطة oum mohamed123

اسيل راكي هنا كنت رايحى نسقسي عليك دخلتي.ربي يهنيك ويقدرك حبيبة .ا

اهلا حبيبة قلبي ام محمد شكرا لي سقسيتي عليا راني غير مع الدار والاولاد راكي عارفا بلا مانهدر ههههه

[~اسيل ريحانتي~]

المشاركة الأصلية كتبت بواسطة oum mohamed123

اسيل راني شفت الفيديو.بصح رايي بصراحة مانامنش ليوتيوب ذرك تقريب فيه غير الكذب.اكيد لمراة هذي من التعب والمرض ولات تتخايل

ههههه ضحكتيني يا ام محمد ماشكيتش راها تتخيل كاين بزاااف ناس صرالهم مثل ماصرالها وحدة منهم جارة امي والله العظيم الناس الكل سمعو بيها قصتها طويلة مانقدرش نكتبها هههههه انا نظن هدو اشارات من عند ربي حتى نرجعو لله ونقوو ايماننا بالله الله اعلم

[ام شمسو محمد]

جهينة وسي إذا ما عندكمش حيرة الامتحانات راه عندكم حيرات اخرى كيما يقولو جهينة "كي يكبرو يكبر همهم"،و الحمل قطعة اخرى من العذاب يا سي
ريحانة قصة المقطع اللي ذكرتيها أكيد مفيدة للعظة بغض النظر على صدقها ولا كذبها ....الواحد لازم دائما يذكر نفسو بالقبر و الصراط و اليوم الآخر....و لكني من رأي أم محمد لا أثق كثيرا في اليوتيوب أحب القصص الموثقة(بدليل)،وإلا دائما راني في شك،...بالمناسبة نهنيك بعودة الزوج (بالسلامة ان شاء الله)و اتهلاي فيه مليح مليح ...غربتو عليكم من أصعب أنواع الغربة.
أم البنين التربية كامل صعيبة إناث ولا ذكور ..كل واحد وين تلقاي صعوبتو،أنا ماعنديش بنات ولكن أمي كان عندها و كانت تربية البنات عندها أصعب مالذكور ...وإنما لازم يكون باباهم عنصر دعم قوي ليك

[جهينة اليقين]

اسيل والله كنت نشوف فالفيديو وبكيت حتى شبعت لا وكرهت الدنيا والله ما تسوى كيم قالو الاخوات بغظ النظر صح ولا لالا المهم نتعظو وخلاص

[~اسيل ريحانتي~]

شفتي جهينة قصتها تبكي وتكرهي الدنيا وتقولي غير يرضى عليا ربي ماعليش حتى والقصة شكيتو فيها المهم العبرة والتوبة الى الله والله هدي الدنيا ماتسوا والو من غير ما نحلوها حنا بالصلاة والاذكار وفعل الخير والصدقات والحجاب يا نساء المؤمنين الحجاب راه مهم انا مانلبسش الجلباب بصح نلبس ساجدات ومع ذلك دايما نخاف معرفتش علاه ربي يهدينا وينورلنا طريقنا

[جهينة اليقين]

ام البنين كيم قلتي لبنات ما تعبونيش هوم كانو يحبو يقراو وكي يحصلو يجو عندي نفهمهم اما الاولاد يا ويلي انا نهدر وباباهم يهدر ونقول لهم ارواحو نقريكم والو كي كانو فالابتدائي عادي بصح كي كبرو والله هبلوني وخصوصا الفرنسية ما يحبوهاش وكي نقريهم تدخل من وتخرج من هههههه رجعت خليتهم مع انا ادبية ومع الرياضيات ما نتفاهمش ونوم علميين نشد غير اقرا اقرا وخلاص الله يجيب الخير

[ام شمسو محمد]

يعتمد أسلوب الفراشة في اكتساب العادات الحسنة على الإدراج اليومي لعادة جديدة و محاولة الحفاظ عليها لمدة عشرين يوما لتصبح تلقائية(نفعلها بدون جهد أو تفكير)...مثلا : اليوم الأول :تلميع الحوض،اليوم الثاني :تجمل العروس، اليوم الثالث:تبريد منطقة......
عندما تجتمع عندي مجموعة من العادات سأجعلها روتينا يوميا ...و هكذا أكون قد صنعت لنفسي روتينا سهلا و شاملا بشكل متدرج و بدون ضغط.
بعد ذلك سننتقل لصنع روتين أسبوعي بنفس الطريقة :التنظيف الأسبوعي ،الوجبات خلال أسبوع ،المشتريات،المشاوير،العطلة الأسبوعية.......
ثم تنتقل الفراشة للأعمال الشهرية:التنظيف العميق،التحضير لمناسبة،المصروف الشهري...في اهتمام بالتفاصيل و راحة ذهنية تامة

[~اسيل ريحانتي~]

ام شمسو حبيبتي أكيييييييد وأكيييييييد راح نتهلا في زوجي نور عيني هههههه ممبعد لا كتب ربي راح نصورلكم طاولة العشاء لي راح نوجدهالو دائما لما يرجع
ماشي ليوم بلاك غدا او بعد غد ان شاء الله

[جهينة اليقين]

اسيل انا كذلك ما نديرش الجلباب لكن ندير حجاب شرعي عريض وخمار طويل ونقاب والحمد لله الله يهدينا ويثبتنا

[Sii]

عندك الحق الاخت ام شمسو ربي يقدرني ونكون ام على احسن وجه ونعلم ولادي ونكسر راسي معاهم هههه
للاسف منقدرش نشوف فيديوهات من هذا النوع لانو كون نشوفهم نمرض تاع صح ربي يهدينا ولازم كل يوم نقربو الى الله اكثر الحمد لله فانا مؤخرا واخيرا ارتديت الجلباب وان شاء الله نزيدو نلتزمو اكثر واكثر ونعاونو بعضانا ونخدمو لجنتنا اللهم استرنا فوق الارض وتحت الارض ويوم العرض

[Sii]

ربي يوصل زوجك على خير وعافية الاخت اسيل وربي يعينك كيكون بعيد عليكم انا عام لول تاع زواجنا كان يخدم بعيد كان يجي كل سمانتين وساعات والله تصل حتى شهر كانو اصعب ايام حياتي وخاصة اني في الغربة لحق كانو عمتي واولادها ميخطونيش ولكن بلاصتو ناقصة الحمد لله درك بدل ولا قريب للدار

[~اسيل ريحانتي~]

ماشاء الله عليكم جهينة وسي راكم متحجبات تاع الصح عقوبا ليا على خاطرش مارانيش مقتانعا بالساجدات يجو سانتري يبينو لاطاي مفصلة والخمار نخدمه كيما تاع الترك يجلب الانظار
انا الصراحة نقولها نقولها ماندركش السمش بالغربال هههه

[~اسيل ريحانتي~]

آاااااه اختي سي واش راح نديرو هدي هي الخبزة انا من الي تزوجنا وحنا هاك بحكم خدمتو دايما يغيب علينا مدة ويرجع مدة بكري ماكنتش نقدر نصبر على البعد كنت نظل نبكي هههه والان والفت الحمد لله مع ولادي كبرو الكبيرة عندها عشر سنين يونسوني بصح كيما قلتي دايما بلاصتو ناقصة الحمد لله على كل حال

[ام شمسو محمد]

من أجل نجاح مخطط تنظيم العمل المنزلي يجب اعتماد قواعد الفراشة:
قومي بروتيناتك الصباحية و المسائية كل يوم لتجنب التراكم
لا تتركي شيئا وراءك ،أعيدي كل شيء تستعملينه إلى مكانه فورا:يسمح هذا المبدأ بالحفاظ على الترتيب وأيضا يسهم في اختصار الوقت ...نظفي و رتبي طاولة الطعام بمجرد الإنتهاء من تناوله و لا تتركي ذلك لوقت آخر،رتبي الحمام بمجردالإنتهاء من أخذ دوش....
اعملي بسرعة:قضاء الوقت الزائد عن اللازم في بعض الأعمال سيحرمك من الوقت الذي تقضينه مع الأحبة.
عناصر الفرز الثلاثة:الرمي،الصدقة،الترتيب:يسمح لك هذا المبدأ باختصار الوقت الذي تقررين فيه ماذا تفعلين بكل قطعة.
كل شيء في مكانه و مكان لكل شيء يحفظ لك المساحات بحيث لا تكون لديك أغراض لا تجدين أين تضعينهم.وبالتالي تبثين الفوضى./color].[/color][/color][/color]

[Oum Mohamed123]

لبنات ربي يقدركم