الى ام اسيد1 وكل وحدة حاصلة واش الطيب - الصفحة 181

غزالة الصّحراء · 2015-02-02, 20:09

اقتباس:

المشاركة الأصلية كتبت بواسطة crono

هوليك جرة جرة عيا

أختي =crono واشنو هاذا. مسكين راه عيّان من كثرة الي كان يجري باش يهرب وماتحكميهش. شوفي لعينيه . واللّه غير إِيغِيضْ. قلبي راه غير يتقطر عليه. لوكان جا قدّامي لوكان أحضنتو بين يديا. مسكين. بصّح ماقلتيليش أشكون ألي اعطالوا لمخدّة باش يتكّ عليها. هاذا ماكان ناقصوا. وقيل انت ثاني حنّ قلبك عليه. يعطيك الصحّة والعافيّة.

غزالة الصّحراء · 2015-02-02, 20:17

اقتباس:

المشاركة الأصلية كتبت بواسطة ام سوهيل

راهي عندي لمونة خرجتها اصباح من الفريجدار ومعرفتش كيفاش نزينها وقيلا انروح نديرلها شوية شيكولة من الفوق وخلاص قبل مايجي الميسو

لبنات انسيت مقلتلكمش كان عيد ميلادي يوم امس كل عام ةانا بيخير نقولكم اشحل درة ولا لالا ادا حبينو انقولكم ههههههههههههههههههههه

سنة حلوة ياجميل ، سنة حلوة يا أم سوهيل.و لعقوبة لمئة سنة ياربّ . أم سوهيل إذا خرجوك أنتي. نخرج امعاك أنا ثاني. هههههههههه . ربّي ايطوّل في عمرك حتّى اتزوجي اولادك. ويوليو عندك الأحفاد. وتعلميهم ، ويتونسوا بيك وتتونسي بيهم وياكلوا من يدين جداتهم.

غزالة الصّحراء · 2015-02-02, 20:35

اقتباس:

المشاركة الأصلية كتبت بواسطة صدفات

غزالتي نقولو الحمدالله لبنات يقراو لولاد هما لي راهم معذبيني و الله ما عرفت كيفاه ندير معاهم هدرتهم عاقبتهم درتلهم حوافز حتى حاجة ما نفعت ربي يستريا ريت تعطيني نصائح راكي مجربة و تعرفي أحسن مني
و الغرتان جا هايل بنين بزاف أنا زدت معاه بطاطا مقلية نتاع الفرن للأخت زينب 83 مليحة و صحية من بعد نحطلك الرابط
أمنية غفران يعطيك الصحة على العيش غدا ربما الثلج نديره للفطور إن شاء الله

أهلين أختي صدفات . واش أنقولك . عندك الحق في كلّ الكلام الأي قلتيه. دائما الكثير من النّساء خاصّة يشتكين من الأولاد فقط. صحيح البنت دائما تخاف من عاقبة الأمور فتلتزم بما يُقال لها. هكذا إن كانت نتائجها غير جيّدة لا يُلقى اللّوم عليها كثيرا.
أما الذكور . حنونتي أنا لمّا كانوا أولادي بسلامتهم أصغار كانوا تحت مراقبتي واش أنقول يتنفذ كانوا يسمعوا كلّ شيء انقولو. ولمّا كبروا اشويا يعني في المتوسطة كيما أنقولوا بالعربيّة حسّوا أرواحهم ولّاوا رجالة وحبوا ايبينوا كلمتهم.ولما ولاوا في الثانويّة بسلامتهم . خاصني غير لبكا خاصّة مع شهادة البكالوريا. لما تنفح لهم ايروحوا يقراوا. بصّح لما يقراوا يقراوا أنتاع الصّح. واش أنقولك واللّه غير دائما من وراهم . مانخليهمش كامل. مانخلي النصائح ولا المحفزات. ولا الشّكاوي. دائما أنوصي ونزيد. وماوصلتش لهاذي المرحلة الي راني فيها غير بالشقى. أتقولي أخرجت من الحرب. الحمد للّه اخرجت منها سالمة. وهما ثاني ماخيبوليش الأمل.
انوصيك تتعاملي معاهم بالليونة . وزيدي ساعديهم في دروسهم. يكذب عليك ألي ايقولك الدروس الخصوصيّة ماش نافعة. وزيدي اتقربي منهم وشوفي نقاط ضعفهم. واللّه أنا حتى الأصدقاء نسأل عليهم. اشكون ايكونوا. وزيدي ثاني لازم زيارة الوالد للمؤسسة ألي يدرسوا فيها. هذا ثاني أمر مهم جدا. حاولي تتقربي منهم وشاركيهم مواضيعهم. دون التدخّل في بعض الخصوصيات إلاّ إذا صارحوك بانفسهم.
اللّه ايوفق جميع أبنائنا في حياتهم الدراسيّة وحفظهم من كلّ سوء ياله حبيبتي صدفات أقراي على راحتك جريدة اللّيل. وياربّ تستفادي منها. .

غزالة الصّحراء · 2015-02-02, 20:45

اقتباس:

المشاركة الأصلية كتبت بواسطة ام حمزة22

اهلين امنية غفرتن واش راكي
هاد النهارات ما رانيش ندخل بزاف لقسم الحلاويات درك نروخ نشوف واش حضرتيلي

أهلين بيك حبوبتي أم حمزة. . وياربّ اتكوني اتعافيتي. الاخت أمينة راهي اتحبّك بالبزاف شفتي واش راهي دارت في خاطرك. تسلم اياديها. بصّح لازم تعطي لنا الطريقة أنتاع البغرير أنتاعها ايبانوا اشهيوا.

غزالة الصّحراء · 2015-02-02, 20:47

اقتباس:

المشاركة الأصلية كتبت بواسطة nina mima

صباح الخير على الكل الله لقياكم يجب الفرحة وديما ندى منكم النشاط وكل وصفاتكم تشهى ام حمز ام هديل غزالة صدفات ام سوهيل روح مراد امنية ام الخير ديما منورين الصفحة

أهلا ومرحبا بيك أختي nina mima نوّرتي الصّفحة . وياربّ اتكوني بخير انتي ثاني.

***سلمى *** · 2015-02-02, 20:48

غزالتي واشك راكي دايرة حالة

***سلمى *** · 2015-02-02, 20:50

ربي يدومك غزالة

غزالة الصّحراء · 2015-02-02, 20:50

اقتباس:

المشاركة الأصلية كتبت بواسطة منال ومنير

صباح الخير عليكم وشراكم
مع هذا البرد

مساء الخير أختي منال ومنير. ايسال عليك الخير. واللّه غير الحمد للّه. وانتي واش راكي ياربّ اتكوني بخير أنت والعائلة. . راكي اتسقسي على البرد. كلّ مايجي أنحاربوه بأكلات اسخونة.ههههههههههه:d:d:d ولمّا نكملوا الماكلة ايدير رايو فينا.

أمنية غفران · 2015-02-02, 20:53

مرحبا بالحبايب
تفضلو مسيمنات أم مهدي من يديا

غزالة الصّحراء · 2015-02-02, 20:55

اقتباس:

المشاركة الأصلية كتبت بواسطة ***سلمى ***

غزالتي واشك راكي دايرة حالة

أهلا بيك اختي سلمى . واش راكي مع الصحّة . إن شاء اللّه ابريتي . غير بشويا عليك. ماتفورصيش روحك. صحتك اهم. ولمّا تسترجعي القوّة أنتاعك. واجهي أشغالك. من وعد وفى. راني أندير المستحيل باش أنرد على الأخوات. ماش لازم انخليوا الدّار أنتاع الأخت أم حمزة فارغة. راهي ثاي دارنا كامل. ربّي يجمعنا في ألي فيه الخير ليننا ولوليداتنا ولرجالتنا.

ام حمزة22 · 2015-02-02, 21:14

ام سوهيل بلاستك مضمونة الدار دارك لولاكم ما كان هاد الموضوع ردودكم هي لي حلات الموضوع وزادتلو همة وقيمة وشان
وعلابالي راكم باسم الله ماشاء الله كامل صغار ربي يطول في عمركم وينجحلكم وليداتكم وتفرحو بيهم

ام حمزة22 · 2015-02-02, 21:15

مشكورة حبيبتي امنية على هدوك المسيمنات يعطيك الصحة ربي يحفضك ويخليلك صحتك

غزالة الصّحراء · 2015-02-02, 21:18

اقتباس:

المشاركة الأصلية كتبت بواسطة أمنية غفران

مرحبا بالحبايب
تفضلو مسيمنات أم مهدي من يديا

تسلم الأيادي ماشاء اللّه عليك. نوّرتي الصّفحة بموضعك الرّائع. دمتي وفيّة لنا ولصفحتنا المميّزة.

ام حمزة22 · 2015-02-02, 21:19

[quote=***سلمى ***;3992636198]

اقتباس:

المشاركة الأصلية كتبت بواسطة om hadil

ماشاء الله عليكم ام حمزة ام الكرم كلو.انا بيناتكم 80...............

مشكورة على الكلام الطيب يا طيوبة ربي يحفضك و يخليلك صحتك ويحققلك كل امانيك

غزالة الصّحراء · 2015-02-02, 21:22

ياله حبيباتي تبقاوا على خير. وسلامي وتحياتي لكّل واحدة وضعت أو ستضع بصمتها على الصّفحة بردّ او موضوع جديد. على أمل أن نلتقي مجددا. دمتنّ جميعا في رعاية الرحمن وبركاته.اختي ام حمزة وكلّ واحدة على الخطّ المباشر. لكنّ منّي تحيّة عطرة ، تحمل معها كلّ الحبّ والمودّة. :m h31: