تجهيزاتنا للشهر الفضيل

[جهينة اليقين]

اكيد ام هزار السكر الابيض هو المشكل الي ما لقينالوش حل ورانا نحاولو ننقصو قد ما نقدرو كيم القهوة الحمد لله تقريبا نشربها مرة شوييييييييييييي سكر فقط
المهم استفدنا كثير من الفايد ورانا نجتاهدو باش ناكلو الاكل الصحي

[arwa alaa]

صباح الخير فراشات

[جهينة اليقين]

اللهم بك اصبحنا وبك امسينا واليك النشور
بسم الله الذي يضر مع اسمه شيء في الارض و في السماء وهو السميع العليم

[crono]

السلام عليكن
صباح النور حبيباتي
اسمحولي هاذ اليومين ما قدرتش ندخول وليدي حمدوالله تحسن شويا مزال راسو يستر عليه وما درت حتى حاجة من غير الروتينات اليومية

[arwa alaa]

اهلا كورونا ربي يشفي ولدك أن شاء الله هو أهم من الشغل

[crono]

المشاركة الأصلية كتبت بواسطة قرويجة

ربي يشفيه
ديريلو تقاشر بالمازهر ....ولزمي عليه ياكل باش يشرب خافظ حرارة

الله يسلمك اختي الحمودالله حبطتلو شويا مزال راسو تقيل

المشاركة الأصلية كتبت بواسطة حياتي كلها امل

السلام عليكم اليوم شريت الحار الاحمر راح نعملو هريسة ان شاء الله [IMG][/IMG] هذا برنامج لمائدة رمضان القيتو ممكن يفيدكم

والله زوجي كي شرلي ملقش الحار باش ندير بيها هريسة شكرا على الجدول جعله الله في ميزان حسناتك والعديد من الاكلات لا يأكلونها و زد على هذا كل واحد واش يحب

المشاركة الأصلية كتبت بواسطة omelbanin

السلام عليكم ،راح شيخي الصباح ،وانا جيت لداري ،درت لفطور خفيف،نظفت الحالة سطحيا برك.

كرونو ربي يشفي وليدك ،ان شاء الله .

الله يسلمك اختي ربي يقدرنا على طاعتو....ونصومو ايمانا واحتسابا

المشاركة الأصلية كتبت بواسطة randa2017

كرونو ربي يجيب الشفاء لولدك ان شاء الله
كيما قاتلك قرويجة ديريلو ماء زهر ولا الخل في الجوارب تاعو وان شاء الله تهبطلو السخانة

اه شربلي دواء حبطتلو مزال راسو

المشاركة الأصلية كتبت بواسطة arwa alaa

سلام فراشات كل وحدة باسمها صح فطوركم
كورونا ربي يجيب الشفاء لوليدك
ام البنين يروح شيخك. ويرجع بسلامة ان شاء الله

الله يسلمك اختي

المشاركة الأصلية كتبت بواسطة جهينة اليقين

اهلا كرونو حتى انا قلت كرونو راهي غايبة وا ش بها
ان شاء الله ما يكون غير الخير اعطيه دوليبران واذا بقات الحرارة طالعة خذيه للطبيب ربي يشفيه

امين ان شاء الله عطيتلو دوليبران هاد ديما موجود وليدي غير طبيب لالا

المشاركة الأصلية كتبت بواسطة randa2017

راني معاك يا جهينة في إلي قلتيه، بصح أنا عندي الزوج ماياكلش البايت نهائيا هاذي الأولى، والثانية يحب يشوف الطابلة معمرّة وملونّة بصح ياكل غير الشربة، البوراك، السلطة، والعصير تاع الدار.
كي لاحظت هذا الشيء قررت نطيب غير هاذوك إلي ياكلهم باستمرار ( الشربة، البوراك، السلطة، والعصير تاع الدار)، وش قالي؟ اليوم الواحد قع مافطرش مليح.

زوجك راهو كما زوجي يحب الطابلة معمرّة.منوعة وملونة يركز على الشربة فريت ديمة وجدة والحميص والعصير البوراك ما عندو حاجة لاالكسرة نطيب كل اليوم
وفي السحور لازم مسفوف بالزبيب

المشاركة الأصلية كتبت بواسطة جهينة اليقين

ههههههه والله ضحكتيني راندا يعني راه ياكل بعينيه ماشي بفمه وعلاه التبذير
فالحقيقة حتى احنا ما ياكلوش الجواز البايت بصح انا قلت كيم الشوصون يعني المقبلات الناشفة نديرو تاع يومين ونخليهم فالثلاجة ونسخنهم
والزوج عمرو ما تشرط ولا زعف ياكل الشي الي كتب ربي يعني مسكين تاع بكري بصح لولاد هوم الي يهبلوني غير المقليات وانا نحب الاكل الصحي وارواحي انت وسلكيها ونهار ما نديرش البطاطا المقلية عندي واحد الولد مايا كل والو لاحريرة الا قليل لا سلاطة غير العصير تاع الدار يدير فيه حالة او المقبلات فقط ويشنف والله حرنا واش نديرو ؟؟؟؟؟؟؟؟

زوجي مستحيل ياكل حاجة بايتة.مسفوف نعملو غير حقو منحبش نبذر.الشربة أندير تاع يومين فقط و لا طاجين الحلو نطيب في اليوم الاول يشدلي 15 اليوم انا نفطر بالتمر و اللبن ولدي يموت على الشربة ومعاها بوراك او كيش ولا بنتي معنديش معها مشكل تاكل ولا في السحور تمر و اللبن كي حلتي

المشاركة الأصلية كتبت بواسطة randa2017

جدول ختم القرآن الكريم في رمضان

شكرا رندة على الجدول جعله الله في ميزان حسناتك
كل واحدة وشطارتها ان شاء الله نلحق و نختم قراءة القرآن لازم نخصصو وقت للعبادة كونت نحاول مع كل صلاة نقرا صفحتين او اكثر من القران على الاقل
ربي يقدرنا على طاعتو....ونصومو ايمانا واحتسابا

المشاركة الأصلية كتبت بواسطة جهينة اليقين

شوفي راني دايرة عصائر تاع القارس والبرتقال الي دارتو ام وليد ومؤخرا دارتو دداح شوفي الفيديو
وراني مخبية البرتقال والقارس حبات باش نوجد عصير لهلوبة
وكذلك كي يدخل المشمش ندير اروع العصائر وهو تشري كمية مليحة وتكون طايبة بحيث يكون الثمن نتاعها مليح وشريحة ليمون والسكر لمدة 10 دقايق ونميكسيه ونصفيه من الشوائب يا اما نشربوه تمتم باضافة الماء او نخبيع في صاشيات ونولي غير نجبد ونزيد الماء فقط
راهو اقتصاد في المال وفي الوقت الي رانا نحوسو عليه والذوق ما نحكيلكش احسن مليون مرة من رامي الي يجي غير لاصيد وصحي كذلك
وعندي عصير النعناع الطبيعي 100فال 100 وهو
تاخذي تفاحة اة اثنين هذاك الي يجي صغير راهوما فيهش مضافات كيميائية وشط نعناع غير الاوراق وعصير القارص حسب الرغبة والماء والسكر وتديريه فالخلاط الكهربائي يجي هايل ومنعش مرات ندير 2لتر يكملوه غير عند الفطور

بنفس الطريقة نخدم بيها ونزيدلك عصير الخيار بنعناع وكذلك عصير زوردية مندك بالبرتقال ولا القارس والله كما قلتي احسن متشريه نحاول قد ما نقدر نحضرها في البيت ما نشري لا قازوز لا عصير من برا معمرة سكريات و ملونات

المشاركة الأصلية كتبت بواسطة randa2017

بارك الله فيك جهينة على العصائر وبصحتك قهوة الانجاز.

جبتلكم طريقة لتحضير الهريسة في المنزل.

بنفس الطريقة نخدمها ونزيد معها طمطيش

المشاركة الأصلية كتبت بواسطة جهينة اليقين

اكيد ام هزار السكر الابيض هو المشكل الي ما لقينالوش حل ورانا نحاولو ننقصو قد ما نقدرو كيم القهوة الحمد لله تقريبا نشربها مرة شوييييييييييييي سكر فقط
المهم استفدنا كثير من الفايد ورانا نجتاهدو باش ناكلو الاكل الصحي

انا القهوة نشربها بدون سكر بصح معها قاطو

[crono]

المشاركة الأصلية كتبت بواسطة ام هزار

[color="darkorchid"]اهلا بالجمييييييييييع
كرونو ما شاء الله راكي حرة حراير من القمح اووووووووووووووووووولا الى بقية التحضيرات و ما شاء الله على ماعنك بقداه شريت السرفيس هداك
اما السلة الخضراء اللي قدام القارس و مخدومة بالكروشي ما خلاتش فيا الله يبارك و يزيد ما شاااااااااااااء الله
color]

الله يسمك اختي هاجر عيونك الحلوة لمخدومة بالكروشي ولا راكي حبة تخدمي رانا هنا ما عندنا وين نروحو تخدميها خير مني السرفيس شريتو ب250 اللف

[crono]

المشاركة الأصلية كتبت بواسطة arwa alaa

اهلا كورونا ربي يشفي ولدك أن شاء الله هو أهم من الشغل

الله يسلمك اختي صح الشغل ميغلصش
حنا هنا اليوم الجو رائع والشمس خرجتوالقش اكل تشمس انا الويكاند.زوجي يكون في الدار مانحبش نخدم قدمو نكمل اشغالي ان شاء الله و ربي يعينكم كاااامل

[arwa alaa]

اهلا كورونا انا تاني الويكاند منخدمش غير الروتينات لانو الزوج يكون في الدار ويتقلق كون نسيق ولا ندير حاجة زائدة

[arwa alaa]

صح فطوركم انا اليوم درت القرون نظفتو وجدتو وخبيتو في المجمد

[rowaida18]

السلام عليكم فراشات
مبروك عليكم الدورة الجديدة
منذ يومين و أنا نقرا في الصفحات الماضية و ما حبيتش ندخل حتى كملتهم

[rowaida18]

أختي جهينة بارك الله فيك على المبادرة و جعلها الله في ميزان حسناتك

[rowaida18]

أختي كرونو الحمد لله على شفاء ابنك
و بارك الله فيك على مشاركتك لنا بتحظيراتك

[rowaida18]

و لي عودة ان شاء الله

[جهينة اليقين]

اهلا كرونو الحمد لله على سلامتك وسلامة وليدك والشغل غير بالعقل عليك الي نديروه نعاودوه كل يوم