الجزء رقم 185 من الكوزينة بالمحبة والابداع نرتقي - الصفحة 18

أم فاطمه · 2017-12-09, 21:27

اقتباس:

المشاركة الأصلية كتبت بواسطة ام هدول

صحة...عشاكم....درت جواز زاليقو.لي هو اللوبيا خضرة..او...لوبيا ماشطو..وزيت زيتون.مع كسيره سخونه..يم يم ..على فكره الزيت جديد...غبر جا من المعصرة

صح عشاك ام هدول لوبيا ماشطو وزيت الزيتون مع الكسرة مشاء الله المائدة تشهي

أم فاطمه · 2017-12-09, 21:34

صح فطوركم اخواتي هدا عشاي

هدي المسفوف بلبن والكاوكاو والبرتقال والحمد للله
.

طيور الجنان · 2017-12-09, 21:55

شكرا حبيبتي فاطمة ان شاء الله ربي يعينا على التربية. بصحتكم المسفوف التزيين تاعك رووووعة.
ام هدول بصحتكم لوبيا مع الزيت الجديدة و الكسرة ربي يدوم النعم. الكريمة ساهلة ديري حوالي رطل زرودية انا ندير زوج حبات شوية كبار نقشرهم و نقطعهم و نحطهم يطيبو كي يطيبو نحطهم في الميكسور و نزيدلهم زوج كيسان عصير برتقال اذا عندك طبيعي اخسن وجيك هايلة انا درت رامي برتقال و نرحيهم مليح نحطهم في طاوة نزيدلهم 3مغارف كبار نشاء يكونو معمرين و كاس الا ربع سكر و خلطي بارد في بارد ثم حطيهم على النار و حركي حتى يعقدو.
والقاطو اغطسيه في عصير برتقال طبيعي .

crono · 2017-12-09, 21:58

السلام عليكم اختي ام فاطمة مبااااارك افتتاح الكوزينة الجديدة اكيد اطباقك كلها روعة و ان شاء الله تكون عامرة بالخيرات سمحني دخلت بلا منجبلك باروكي راني نكنكتي بلبيسي تع ولليدي نتعي راه ابون كنت مشغولة براح
والله غير دخلت قسم الطبخ لفيتك فتحتي الكوزينة راني رسلت المشرفات. فسم الطبخ باش يثتبت الموضوع انشاء الله من بعد نحط الصورة

طيور الجنان · 2017-12-09, 22:24

عشايا كان باذنجان محشي و كسرة و سلطة و الحمد لله.

أم فاطمه · 2017-12-09, 22:27

صح عشاك طيو ر شكرا حنونة على الوصفة تاع تحلية ليلة مباركة

اختي كرونو اهلا وسهلا بيك نورتي الكزينة الله يبارك فيك عزيزتي وجهك خير.شكرا على المساعدة ليلة مباركة

أم فاطمه · 2017-12-09, 22:32

قغاتان البدنجال روعة اختي طيور الله يبارك مطرح مايسري يمري

تصبحو على خير اخواتي نوم الهنى وليلة سعيدة احبكم في الله

حياة نور الدين · 2017-12-09, 23:25

السلام عليمكن

ام يوسف الكيكة تشهي يعطيبك الصحة

ام عبيدة الهدية روووعة يعطيك البصحة والرولي باين بنين وبصحتهم الروينة خخ وربي يتمم شفائك

ام فاطمة يعطيك الصحة على الرولي حبيبتي وبصحتكم الفطوور برا انت وفاطمة وبصحتها الحجاب
وبصحتكم المسفوف يشهي

سعيدة اهلاا حبيبتي وبصحتك التحلية راه عمدي الوصفة تاعها وكنت معولة نجربها وسبقتيني قوليلي رايك فيها
وبصحتك بذنجان محشي

ام هدول بصحتكم البغرير وشكشوكة انا ثان بناتي قالولي ديريلنا البغرير قلتلهم معنديش اسبوع ملي درتوا وبصحتكم زيت زيتون ن المعصرة حنونة

كرونو اهلاا حنونة وشكرااا لك على تعبك حبيبتي

سحابة ونهال ومريووووومة وينكم ؟؟؟؟

حياة نور الدين · 2017-12-09, 23:29

فطوري اليوم كان طعام بقالي من البارح بمرق الحليب تفضلن والطباسا الصغار في خاطر ام هدول ههه

وعشايا كان لوبيا ودجاج حمر وسلطة الحمد لله

حياة نور الدين · 2017-12-10, 00:33

تفضلوا وصفة راه دايرة حالة كثر من البوراك التركي ههه كيكة بالفلان لام اماني

ام هدول تفضلي الوصفة تع التحلية

أم يوسف2 · 2017-12-10, 07:25

صباح الخير والربح عليكم
كنت نضحك على حياة ولات خفاش الليل خخخخ تيه علابالي مع مهدودي ربي يحفظو
يايما على هادبك اللوبيا والله غير اليوم نعاندك
ام هدول ام فاطمة طيور بصحتكم حبيباتي
والجماهة لي غايبة ان شاء الله تدخل

أم فاطمه · 2017-12-10, 07:34

صباح الخير عليكم اخواتي العزيزات اصبحنا واصبح الملك للله والحمد للله

اهلا حياة الله يبارك صح عشاك البواقي والفصوليا بي دجاج محمر مع السلاطةوالكسرة شكرا على الوصفات حنونة

أم فاطمه · 2017-12-10, 07:59

.

لبنات هدهي الوصفة تاع الرولي

.

وهدا موسكوتشو باش تتقهواو بها اكي تدخلو راه غيب جماعي كما قلت ام يوسف الله يجيب الخير

ام هدول · 2017-12-10, 08:51

احلى صباح...للكل..لي غايبين ولي في الكواليس.....
حيوته...شكدا ..ربي يخليك...على الطباسا الصغار....والوصفات ..ربي مايحرمنا منك....وبصحتك اللوبيا. والمحمر ..قولي هداك لي يطل بالشويه. في وسط اللوبيا ..كرع..ياخي ولا..لحم...مافهمتش ???هههه..تخيلتو حشماااان....
ولبنات..يحوسو علث البغرير والله غير وقتو..في..هاد البرد.... يدفي لمصارن....
ام فاطمه يا لعميره.....نشكرك بززاف ..قايمه بضيافك كيما لازم الحال...ويعطبيك الصحة..على الوصفات....راكي جوهرة. في الكوزينه..وملكة الكيكات...دون منازع
ام يوسف....كاش بغرير ???
سعيدة.عزيزتي....نشكرك...بزاااف..على الوصفة...وبصحتك ..اابادنجال محشي...روووعة

ام هدول · 2017-12-10, 08:54

غدايا....مانعرف...????...البرد..ميحه.سياسة..تدفاه. لمصارن..خخخخ.مممكن.عيش...ممكن حاجه.أخرى....بقالي..شويه الزاليقو.....ممكن تكون مفاجأة. للزقزوقه....كاين. طبق تع برد ينكل سخووووون....