دورة خطواتي الواثقة لأصبح ربّة بيت متألّقة

[ام مريم الجزائرية]

السلام عليكن فراشاتي الغاليات
كيف حالكن ؟؟اشتقت لكن وللدورة
كنت اتابعكن بصمت والان دخلت بعد غياب
لا اخفيك سرا معلمتي انني لم اواظب على التطبيقات بعد انقطاعي
اتمنى ان تقبلوني مرة اخرى ويتجدد نشاطي معكن
الى الملتقى.........سلاااااام

[ام صفصف]

المشاركة الأصلية كتبت بواسطة تاج الهناء

وفيك بارك الله
انا تاني تخصصي كيمياء و نعمل في مخبر بيداغوجي تقدري تقولي كل المواد الكيميائية الي نستعملوها تضر صحتنا على المدى البعيد

اختي تمنيت نقدر نفيدك
اناراني مغتاربة عندي 11سنة تقريبا ، يعني حى لما كنت في الجامعة، كنا نستعمل فالتجارب مواد منتهيةالصلحية
واذا عندك شكوك في بعض المواد،كل مرة هزي مادة اوزوج وديري عليها بحث مصغر ،حتى تاخذي احتياطاتك
بالتوفيق

[omelbanin]

السلام عليكم، شكراً حبيبتي ام صفصف على نصائحك ووصفة المضمضة الطبيعية عجبتني.
وبالنسبة لزيت الارغان كيفاش نعرف الاصلي. ولا الواحد يخاف يشري حاجة مدغولة.

[جهينة اليقين]

مساء الخير ام هاجر وام اسيل ما درتش المسمن قلت نتكا عشر دقايق والله مالعياء غرقت في نومة حتى للثلاثة جاوني ضياف ما علي غير درت طمينة وقاطو مشري ما همش براوية وكي راحو نظفت الثلاجة لانها فرغت وغدوة ان شاء الله نشرو الخضر وخملت جيهة بلاكار تاع الكوزينة والبقية تاتي بحول الله

[omelbanin]

قولولي لي تخصصكم كيمياء، قولولي على الماكياج، كيفاش نتفادا الاضرار نتاعو قبل الاستعمال او بعده، وهل كل الماكياج عندو اضرار ولا كاين منتجات ماشي مضرة.
علاش، تفكرت أم صفصف كي قلتي نفضل المواد الطبيعية، وزدتي قلتي تخصصي كيمياء، يعني أكيد مواد التجميل لي رانا نستعملوا فيها فيها شبهة.

[أم تغاريد]

السّلام عليكم ورحمة الله وبركاته
طاب مساؤكن يا نشيطات تفرحو الله يبارك راكم تعطوني شحنة نشاط وحيوية ربي يجازيكم خير
اسمحولي كي ما نعلقكش عليكم بالواحدة صدقوني انا اكتر واحدة راني في حاجة الى ترتيب اموري
لانو بعد الولادة شهرين كانت كافية باش كل حاجة تبدل مكانها
خاصة مع الضيوف ...
وانا راني مقلقة من الوضع بزاف
ربي يعيني باش انظم كل شيء معاكن
رايحة نطلب من اسيل ريحانتي واي فراشة اخرى عندها افكار تخص للعناية الشخصية( الوجه ، الشعر ، الجسم..) تحطللنا برنامج اسبوعي نمشو عليه اذا امكن يكون مبسط مافيهش بزاف باش نقدرو نلتزمو به

ملاحظة أخرى : نفتحو ان شاء الله صفحة في قسم الدردشة نهدرو فيها على تطبيقات الجانب الجمالي
لانو هاد القسم يشوفوه الرجال وصراحة ماجاياش يقراو واش رانا نديرو
يعني هنا في الدورة نكتبو فقط اذا تم التطبيق ام لا دون الخوض في التفاصيل
وفي قسم الدردشة نهدرو على راحتنا
موافقات؟

-----------
ملاحظة : حبذا لو تدعّمن مشاركاتكنّ ببعض الصّور كيما راهي ادير اسيل ريحانتي ما شاء الله
---------------
ملاحظة: الجمعة والسّبت : إجازة فرصة لمحاسبة النفس وإعادة التخطيط فاغتنمنها
لازم كامل دفاتركم راهم معاكم اهدافكم واضحة وكلكم قسمتو يومكن على 3 روتينات
والا ما نتقدموش في الدورة
اتفقنا؟
---------------
كاينة فراشة عطات فكرة هايلة وهي انو كي تعجبنا كاش مشاركة نكتبو رقم المشاركة ورقم الصفحة في دفترنا هكدا نرجعو ليها كي نحتاجوها
----------

[حياتي كلها امل]

مساكم الله بكل خير شكرا ام صفصف على الوصفة الطبيعية وشكرا لك تاج الهناء ايضا على النصاءح فيما يخص ماء جافيل
جهينة ماعليش خيرها في غيرها مرة اخرى وجربيه
اناهذا المساء بعد الظهر قرات سورة الكهف ثم عملت بريوش للقهوة من بعدالعصر خملت الحالة ودرت العشاء وغسلت الاواني ولمعت الحوض وغسلت اسناني وراح معمل فازلين لرجلي

[أم تغاريد]

غالياتي لاحظت مؤخرا أنّ انشغالنا ببعض المهام المنزليّة أخذ منّا كلّ الوقت
فأصبح ذلك يشكّل علينا ضغطا داخليّا إذ أنّ الكثيـــــــــر من المشاريع تنتظرنا
مهارات جديدة نريد أن نتعلّمها، أفكار نريد أن نطبّقها
لكن الخزانة أخذت كلّ الوقت !
كيف نعالج هذا الأمر بطريقة مرنة ؟
ريثما ننهي الأشغال العميقة لنرفع شعار :
في كلّ مشروع خطوة


مثلا : أنا أريـــــد أن أتقن اللّغة الإنجليزية أقتطع نصف ساعة من وقتي اليوم أحضّر فيها دفترا وقلما وأبدأ بتسجيل برنامج التّعلم

مريم تريـــد أن تتعلّم الخياطة وأن تعود إلى مطالعة الكتب تأخذ نصف ساعة من وقتها لتحميل بعض الدّروس الأوليّة في فنّ الخياطة وتقرأ في ربع ساعة ما تيسّر لها من صفحات الكتاب الّذي اختارته

التطبيق : خذي ورقة وقلما وسجّلي مشاريعك حاولي اليوم أن تطبّقي منها جزءً ولو بإلقاء نظرة عليها !
ستستمعين بالإنجاز

-----------------------

نشرت هذا التطبيق في إجازة الأسبوع كي أترك لكنّ وقتا لاختيار هواية تردن ممارستها خلال الشهرين المقبلين

هيّا كلّ واخدة تقولنا واش راهي حابة ادير وتلقالها وقت في برنامجها
أبدأ أنا أريد أن أتعلّم الخياطة

[omelbanin]

ام تغاريد، انا الهواية تاعي المطالعة والطبخ، الطبخ الحمدلله كل يوم رانا نتعلمو الجديد بصح المطالعة، اييييي، راني متمنية نولي كيما كنت قبل الزواج، كان الكتاب هو الجليس تاعي.
تلقايني كل عام نشري كتب من معرض الكتاب، بصح لقراءة، ندير اعذار لنفسي بضيق الوقت والاولاد.
وان شاء الله تعالى نولي كيما كنت نطالع الكتب.

[ام صفصف]

حبيبتي ام هارون بالنسبة لزيت ارقان هو تقربا ماعندوش رائحة، وكي ديريه فوق الجلد مايبقاش مزيت ميما زيت الزيتون،لكن بما انو هاذ الزيت مطلوبة وثمنها مرتفع اكيد رايح يكون الغش بزاف،لذلك نظن احسن طريقة البحث عن مصدر موثوق لشرائها

[غزالة1]

السلام عليكم ورحمة الله وبركاته
شكرا تاج الهنا على الفكرة
زيت ارغان تمنيت شراؤه لكن للاسف خوفي من الغش منعني التي تعرف ماركة تقولها لنا

[غزالة1]

اليوم كتبت روتيناتي لكنها في كراس المحاولة( راني في المدرسة)
لم استطع الاكمال لانو الاولاد هبلوني لكن لما قرات مشاركة نبض الفؤاد عن الاولاد استرخيت قليلا و قلت غدا مع الفجر باذن الله اكمل
الهواية التي اريد تعلمها هي الخياطة
الان راح ابدا في اغنية ما قبل النوم( يا اطفال روحو ترقدو
ممكن نغنيها 40 مرة على حساب قوسطوهم و هم يردو طبعا (راهو week-end يا ماما) و طبعا على الارجح راح نرقد و هم مازال لانو يرجعولي قهر الاسبوع (ارقدو غدا عندكم مدرسة 🏫 يا حلوين)
ليلة سعيدة

[amel...]

مساء الخير عليكم يا الفحلات ... راكم تسخفو بالنصائح لي راكم تمدو فيها

عملت مسودة لاهدافي و لقيت فكرة عاونتني بزاف بزاف قريت عليها في النت

سالت نفسي عن النسخة المثالية لي راني حابة نكون عليها و سجلت كل الافكال لي جاتني في بالي

و اعتبرتها اهداف و قدام كل هدف حددت الاساسيات لي لازم نكتسبتهم باه نحقق بيهم اهدافي

و هاذ الاساسيات هي لي كانت روتيناتي لي رايحة نكتسبهم باذن الله

نمدلكم مثال باه تفهموني

النسخة الافضل مني رايحة تكون

امال تستيقض باكرا ( لازم نوض يوميا على الساعة 6.30)

امال تتكلم الانجليزية و الفرنسية بفصاحة ( مشاهدة 2 فيديو في الاسبوع لتعلم اللغة الجديدة + مراجعة يومية لمدة 15 دقيقة)

امال جميلة و انيقة ( لازم كل يوم ثوب جديد + ماسك للوجه و الشعر كل اسبوع + تنظيف اسنان صباحا و مساءا .......)

امال ربة بيت مثالية ( لازم طبخ + تسياق+ مسح غبرة + غسل حوايج + تنظيف ....)

............

هكدا انا درت باه عرفت وين حابة نكون و يفاه حابة نكون و عملت برنامج يوالم توقيت عملي

و مزالني نعدل فيه

بالمناسبة استاذتي انا في الدورة القديمة كانت الهواية لي حبيت نتعلمها الخياطة و الحمد لله توفقت

و ظرك حابة نتعلم اللغة الانجليزية و الفرنسية بفصاحة نحتاجهم في مشروع قريب ان شا الله

بالتوفيق للجميع و الى الغد باذن الله

[ام اكرم31]

كيف حالكم اخواتي
الصفحات بزاااف ن البارح وانا نقرى يا ï»»يت تضعو صفحات البرنامج في اول الصفحة حتى يسهل علينا الامر
انا وضعت اهدافي
المواضبة على الصلاه في وقتها
حفظ القران
تربية اولادي تربية حسنة
المحافضة على بيتي نضيف
تعليم ابنائي النضام
زيادة التقة في نفسي
المحافظة على نفسي انيقة
الاعتناء بزوجي

[ام صفصف]