اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 18

زينب 83 · 2015-09-21, 13:20

هههههه ام ماجد يعطيك الربح ، تقرعيجة واش شريتي لروزا

ام ياسين من جهة عندك الحق لكن ماما تحشم بزاف بزاف يعني حنا ديجا كيسان هم كامل كي جاو في الخطبة و اصلا هوما يجيبو حوايج و حنا لازم نردولهم في حوائجهم في كل الاحوال و ربي يحفظك على النصائح

راني خارجة دوكا و نسيت دراهمي وين خليتهم من الصباح و انا نحوس وااااااع حتى انا فقدت الذاكرة

مباعد ان شاء الله حبوبات

دائمة الحمد · 2015-09-21, 13:25

ام وابنة التارتولات روعة يشهوا
المعلمة ربي يشفي شيخك ويشفي مرضانا جميعا
شخشوخة الظفر راهي عذاب للفاطرين والصايمين ههههه
ام يس سبحان الله كل منطقة وعوايدها زعمة راكي عندك اصول وفروع من عنا
نحنا اهل العريس نشيخوهم هدايا كل وين يجو يروحو معمرين ومع العرس تديي العروس فاليزة بالذمة نسموها متبوعة للنساء والرجال
بالصح اللحم نهار العيد ما نحطوش ليهم هوما لي يجيبي نحطولهم كل ما لذا وطاب الاا اللحم اللهم الا اذا كانو من مدينة اخرى بعاد يتغدو نحطولهم اللحم في الغدى

باسم وبيسان · 2015-09-21, 13:32

اقتباس:

المشاركة الأصلية كتبت بواسطة ام و ابنة

اختي ام باسم النسلي كراميليزي اللي عملتو في الدار حطيتو في كاسرونة و كي غلا طيبت فيه الكاوكاو محمص شويا برك وماشي مرحي تقريبا وحد العشر دقايق كي شفت قريب ينشف نحيتو و عمرت بيه القاطو و خليتو هكذاك

يعطيك الصحة خرجلك روووووعة يبان بلى بنييين وسمحيلى ماشفتش الصفحة لى بعتيه انت شتووو كى بعتتو ام ياسوووو شكرا حبيبتى

سرور2 · 2015-09-21, 13:32

سلام لبنات

حبيت نسقسيك ومتضحكوش الحليب كتحطوه يفيض ومن بعد تلقاوه رايب وش تقدرو ديرو بيه ولاخلاص نرميه ميصلح لوالو

omjoujou · 2015-09-21, 13:33

حبيباتي و جاراتي ام ياسين و ام تاجووووووووووو ذرك نبعثلكم صحن شخشوخة تستاهلو
ام وابنة تسلميلي غاليتي و يعطيك الصحة على هذوك لي تارتولات كراميليزي خرجولك روووووووووعة بصحتك يالفحلة
دائمة الحمد تسلميلي استاذتي و صيامك في الجنة

باسم وبيسان · 2015-09-21, 13:36

اقتباس:

المشاركة الأصلية كتبت بواسطة omjoujou

هذا غدايا شخشوخة الظفر طلبا من زوجي درتها بزربة والله مني قاعدة ليوم خلاص وهو طلبها مني
بصحتكم وش تغديتو ولي صايم ربي يتقبل منو

ام جوجو الشخشوخة تبان تشهى سخفتينا وانا مانديرهاش نخلى حتى للعيد

هادى الشخشوخة تاع ليساشى لتباع ولالالا

اقتباس:

المشاركة الأصلية كتبت بواسطة أم ياسين الزهراء

ام باسم وقيلة كبرتي وانا نعرفك صغيرة وبابيشة هداك تاع ام وابنة هههههههههههههه ماشي انتاعي وحقى روحي لوصفات لينا مدايرة الصابلي بحلوة الترك جربوه البنات وقالو هايل

ام عبدو الله يشافيه ويخفف عليه

ام جوجو بصحتكم

سلام نخرج ماتزيدوش تردوني عيت ههههههههههههههههه

واللله ام ياسووو قتلتينى بضحك والله لافقت حطيتك انت لى درتيه اشهدووو عليا بلى ديخانة بلا عيد وبلا لحم باه فى العيد ماتقولوليش راه دوخك اللحم:d:d:d:d

دائمة الحمد · 2015-09-21, 13:43

سرور اعمليه كسرة في الفور يجي يهبل

https://www.djelfa.info/vb/showthread.php?t=874112

ام عبدو و ملاك · 2015-09-21, 14:24

لبنات راهم عيطولي و قالولي دار العملية و الحمد لله الطبيب قالهم لاباس ما خلاوهمش يشوفوه راه في الكومة بصح قالولي راهو لاباس الحمد لله كثيرا كثيرا
لبنات دائمة الحمد
ام باسم و بيسان ام جوجو
ام ياسين ام محمد تاج
ام وابنة
ربي يعيشكم و يعطيكم من خيرو و جازاكم الله خيرا على الدعاوي و الله كان مسكين محتاجهم و ربي يحفظلكم عايلاتكم
اااااااااااااااامممممممممممممممييييييييين

ام مؤمن · 2015-09-21, 14:31

سماح كوزينة مبروكة أختي أن شاء الله تمنيت نفتح الكوزينة بصح ماكتبش ربي لظروف طولت الغيبة و غير اليوم وين قدرت ندخل للمنتدى
طيابك ابداع ماشاء الله نراجع واش فاتني و نرجع بالباروك توحشتكم بزاف و افتقدت طيابكم الراقي

um alaa · 2015-09-21, 14:32

سلام حبيباتي
شكرا للي ساعدوني
رنبم ربي يرزقك الذرية الصالحة ان شاء الله
ليزا شكرا على الرسالة
راني درت المقروط و راهو يطيب و درت عسل ام انوس ربي يحفضها
بقاتلي ندير بقلاوة لعروسة ان شاء الله خال زوجي جاي من انجلترا عرسو نهار السبت دار لعروسة عارضينا للعشا

omjoujou · 2015-09-21, 14:33

ام باسم وبيلسان حبيبتي تسلميلي حتى انا نهار العيد ندير شخشوخة بصح تاع النعمة و هاذيك تاع الظفر لي درتها اليوم تاع ساشي
المعلمة الجديدة الحمد لله كي دار شيخك العملية وراهو بخير صدقيني فرحتلو ربي يشفيه