الجزء 122 مرحبابيكم عندي نتمنالكم اقامة طيبة

[ام سراج وملاك]

قمر حنونة شكراااااا رانا نستناو في باقي الصور
ام تاجو منورة اختي انا قلت خفتي تدخلي للكوزينة ونتي مع الحمل باش متتشهايش الماكلة
زينب 66 حبوبة مشكوورة اختي فرحتني انا تبالي روحي منبانش قدامكم ربي يبارك راكم حراير نتاع الصح وراني نتعلممن عندكم
ام عاصم ولجين صراحة الكسرة نتاعك دوختني يعطيك الصحة اذا عادت كيما رخساس حطيلي طريقتك اذا قدرتي
سوسو يعيني على طيابك وحلوياتك الحمد الله كي كسبنا وحدة كيما نتي في منتدانا
ام هند منورة اختي وخبز نتاعك لي درتيه موضوع هايل مزال مجربتوش ورسالتي منعرف وصلاتك ولالا
دموع القهر تفكرت ليزا وضحكت اختي بدلي اسمك حنا هنا نحبو نزهاو ونحيو على بالناوكي نكونو مقلقين ندخلو للكوزينة باش نحيو على بعضانا اختي تفالي خير تجديه ان شاء الله واسمحلي لوكان تقلقتي مني ماشي قصدي منورة معانا اختي
ليزا الحبوبة بصحتك الروز انا ليوم درت بربوشة بغاها بني
صبرينة ليك وحشة اختي واش مع تحضيرات نتاع العرس ربي يعاونكم اختي

[*وردة الشرق*]

ام سراج .فولفول .زينب .مطبخ الاحلام صباح الخير

[*وردة الشرق*]

لبنات انا نروح نركب كما تقولو في دزاير البالية حنا نقولولها مْصَلْحَةٌ اني شكلتها باش تفهموها راني معومة الدنيا بالما و الحال راح نستادنكم مبعد نرجع
اليوم رايحة نديلر فلفل حلو مقلي .كسرة .بطاطا بالبيض والحمد لله رب العالمي

[مطبخ الاحلام]

زينب ام محمد الله يبارك فيكم يارب مشكوووورين حبيباتي

ام عصام الله الله كيش وعليه لكلام وهداك الحوت يم يم بصحتكم يالغالية
ليزتي شكرا ليكي حبوبة يسعدلي صباحكم

ام سيراج تسلميلي حبيبتي ^^ اسمعيني خيتو هنا مزال ماقدرتش نبعتلك رسالة ياريت تروحي للمكان لخر تلقاي رسالتي ^^

[om assem et loudjain]

الله يسلمكم بنات
ام سراج ايه رخساس كيما تقولولها حنا كاين لي يقول كسرة مبسسة
شوفي كيلي كل قرصة بلباطة تاع مرغرين تاع نص رطل يعني 250غ ، ديري لكل قرصة ثلاث مغارف كبار زيت و نص مغيرفة من الصغار خلاص خميرة الخبز و نص مغيرفة صغيرة تاني سكر و فنجان متوسط تاع ما دافئ ، حكي الدقيق مع الزيت قبل ومن بعد زيدي الخميرة والسكر و خلطي ، حطي الملح بجهة وكبي فوقو الما دافئ و ذوبيه ومن بعد خلطيه مع الدقيق بطريقة دائرية شغل راكي تفتلي حتان يشمخ مليح و لميه ، خلي عجينتك ترتاح و سخني الطاجين وادلكيها و قرصيها و طيبي ، وهي طيب لظي عليها بحاجة باه تحمار الكل كيف كيف
و بصحتكم

[rahma2014]

صباح النوار عليكم كامل مطبخ الاحلام طيابك رائع يعطيك ألصحة

[ام طيوبه]

سلام على مطبخ الاحلام

كل شي يشهي ف ذي الكوزينه تبارك الله عليكم ....انا برك عندي طلب بليز بليز يامطبخ الاحلام سخفت ع السفنج تاعك

ياريت تعطيلي الوصفه بالتفصيل وشكرا مسبقاا.

[ام طيوبه]

غدايا تقريبا راه وجد....بطاطا رولي .صح غداؤكم.

[ام فراس اصيل]

يعطييكم الصحة لبنات كامل ماشاء الله عليك يا مطبخ الاحلام كوزينتك هايلة وعجبني بزاف صالو ن انتاع ربي يهنيك واطباقك ماعندي ما نقول فيهم

[um alaa]

ام طيوبة بصحتكم ممكن وصفة البطاطا لرولي
سوسو بصحتكم طبخك بجنن هههه

[fleur de lili]

matbekh el ahlem sabah keir tyabek ichahi rabi yadjel couzintec ma3mera bel khiret ...........habit nassel alla oukhti daimet el hamed et touta et oum kamilia salem..

[ام احمد وصال]

مساء الخير عليكم يا حراير النات هببببببببببببببببببببببال ربي يهديهم

غدايا سوفلي بالدجاج انا والاولاد

مازال ماراجعتش عندي سوال لام سهام وخفت تروحلي الانترنيت

ام سهام تعيشي رايحة ندير الصابلي نتاعك الي درتيه بطابع الفرفارة وفيه عطر الشيكولا هدا هو هل العجينة نحلها ثم نطبع ولا نديرها على شكل كرابع ونطبع جاوبيني تعيشي رايحة نديرو ضرك
https://www.djelfa.info/vb/showthread.php?t=1682128

[ام احمد وصال]

لبنات الي عجبهم قاطويا ربي يعيشكم والله هدا الكل بفضل ربي وفحلات المنتدى ضرك نتغدى ونحطلكم الروابط امووووووووووووووواح ليكم كامل

[أم محمد تاج]

الله يخليكم حبيباتي النور نوركم
نحمل شوي من طياباتي ونحطهم اذا خلاتني النت هانم

[عازفة الناي]

السلام عليكم
زينب 66 الله يعينك على الميناج تحبي مساعدة راني هنا
ام يسرا التشارااااااااااااك هايل يعطيك الصحة
ام تاجوووووووووووو صحى فطور زوجك
ليزا واش الغيبة ؟؟؟؟؟؟؟؟؟واش راه منصف ؟؟
سيماسيم و بصحتك كل الاكل
ام طيوبة اممممممممممممممممم واممممممممممممممممممممم واممممممممممممممممممممم