موضوع مميز وصفات من حراير مطبخ وش طيبتي اليوم - الصفحة 18

الدنيا · 2013-10-09, 17:18

ام محمد تاج

طريقتي تاع البوفجوخ: شوفي أقسمي الفلفة على زوج نحيلها اراس والزريعة أنفضيها مليح وفي الميكسور أرحي الفلفل تاعك مربعات يعني ماهم كبار ماهم صغار متحوفين( لاحرج) خخخخخ حطيه في سوبيير وضيفيلو الخل والثوم مرحية ومغرف كبيرة فلفل أحمر حار مرحي خلطي ثم ملحي غير شوي ياخي البوفجوخ يتاكل حامض ومالح غير شوي يعني كي ديريلو الخل كي شغل عملتيلو لاصوص وزيديلو شوي برك زيت الزيتون وخلطي وخليه يومين ضرك تلقايه تبدل لونو وأصبح جاهز للاستعمال

الدنيا · 2013-10-09, 17:24

ام عائشة

المقادير
150غ فرينة
50غ مايزينة
2 م ك سكر
رشة ملح +1/2 باكي خميرة الحلوى +فاني
15cl ماء+15cl حليب
3م ك زيت
4بيض
قشور الليمون
والتحضير معروف
انا استعملت مقلة قطرها 23 سم تخرج كمية لاباس بيها

*عاشقة الجنة* · 2013-10-09, 17:24

oum ibrahim

سخنت طاجين الحديد ملييح و حطيت الساندويش في المشبك نتاع الشوا و غلقت عليه و حطيتو فوق الطاجين و ضغطت عليه مليح حتى تحمر و بس هههههههه قالك افكر تعيش ههههه

الدنيا · 2013-10-09, 17:30

ام رامي

الطماطم تقسمي الحبة على اثنين وتحطيها في كسكاس وتفوريها
ثم تقشريها راح تلقاي القشرة ثم ثم تطير
وترحيها في الرحاية اليدوية نتاع الطماطم الشوائب كلها والبذور تبقى فوق وما تتخلطش مع الطماطم
حطيها في قدر واضيفي لها طماطم مصبر شوية برك وملح وشوية سكر وخليها حتى تنشف من الماي وتولي صوص عاقدة
خبيها في بورت مونجي

الدنيا · 2013-10-09, 17:31

ام رامي

الباتي
صدر دجاج نيء + 3 ملاعق كبيرة ارز طايب + 3 ملاعق كبيرة فرينة + 3 فرماجات + 3 بيضات + ثوم وملح وفلفل اسود وكمون وارحي كلش في الروبو مليح
ومن بعد اضيفي للخليط زيتون اخضر وكسبر مقطع وجزر طايب مقطع وحطي كلش في كيس سباقيتي واربطي وطيبيه في ماء حتى يتماسك مليح

الدنيا · 2013-10-09, 21:50

ام محمد تاج

الكاوكاو تاع الباقلاوة ملازمش يطيب بزاف يعني جهد مايصفار نحيه على خاطر السكر يزيد يدكنوووو
والكيلة هي أربع كيلات كاوكاو بكيلة سكر عادي وشوي جلجلانية ولمي بماء الزهر ماتجريش وماتيبسيش وخليه أقل شي نص نهار وأخدميه

الدنيا · 2013-10-09, 21:52

ام محمد تاج

الكاوكاو تاع الباقلاوة ملازمش يطيب بزاف يعني جهد مايصفار نحيه على خاطر السكر يزيد يدكنوووو
والكيلة هي أربع كيلات كاوكاو بكيلة سكر عادي وشوي جلجلانية ولمي بماء الزهر ماتجريش وماتيبسيش وخليه أقل شي نص نهار وأخدميه

الدنيا · 2013-10-09, 21:52

nour iness

بالنسبة للعجين ندير 4 كيلات فرينة بكيلة زبدة او سمن من الأحسن زبدة واذا استعملتي السمن زيديلها بيضة ولمي بماء الزهر و خليها ترتاح الحشو فيه 4 كيلات كوكاو كيلة ناقصة 3 صباع سكر وزبدة ذائبة وماء الزهر انا مانخليهش يبات يرتاح شوي برك
ونخدم بيه عادي

الدنيا · 2013-10-10, 10:14

parfumdor1

الطماطم انانغسلها وننزع راسها الصغير ونقطعها على زوج ونعصرها باش يتنحالها الماء الزايد و الزريعة ثم نرحيها في الميكسور ونحطها في لاكوكوط ونزيدلها شوي زيت (3كيلو نديرلهم فنجال زيت) وشوي ملح وفلفل اكحل وسنينات ثوم وكي تهز الغلو ننقص عليها ونخليها حتى 4 سوايع لين تخثار وما يبقاش فيها الماء خلاص نخليها تبرد ونديرها في علب صغيرة او ساشيات صغار ونحطها في المجمد ونعود نطيب بيها في بلاصة الكونصونتري او في البيتزا

الدنيا · 2013-10-10, 19:59

رياحين الجزائر
باطة صغيرة انتاع سمن المدينة اي 900غ
رطل سكر رطب نوع النسر
2 خميرة قاطو
فرينة نوع سيم
قشور القارص
طريقة التحضير
نخدم بالباتور ولا بيدي السمن مليح حتى اولي لونو ابيض يعني فيها تعب شوية من بعد انزيد عليها السكر ونزيد نخدم مليح حتى يذوب السكر مليح يعني حوالي الساعة وانا نخدم من بعد انزيد قشور القارص ومن بعد الخميرة ومن بعد انشيح بالفرينة ومن بعد انشكل كيما انحب انا خدمتها باللمبوط والله جات هشة تهبل ومخوخة من الداخل

الدنيا · 2013-10-10, 20:01

lamisse3

انا نرحي الطاطم في الميكسور ونحطها في بلاطو والى الكونجيلاتور و تحكم روحها شوية نخططها بالموس على شكل مربعات و نرجعها
تكمل تجمد مليح ولما تجمد قصي المربعات راه تجيك ساهلة و خبيها في صاشي او بورت مونجي و استعملي بالمربع

الدنيا · 2013-10-10, 20:41

نصائح لبقلاوة ام انس

الكيل في سنيوة صغيرة ديري بفنجان حليب كيما نقولو غرفية لي أكبر من فنجان حليب و رايحين يجوك كوريرات صغار نورمال فقط ديما نوصي كي تفتحي القرص فوق بعضاهم هزي قرصة وشوفيها لازم تلقايها رقيقة خلاااااص كيما نرقو البقلاوة العادية و العجينة كل ماترتاح كل ماتعطيك الطوع في الخدمة و خلي البقلاوة ترتاح قبل مادخليها الفرن ... دخليها لفرن سخون بزاف غير تشوفي بلي الزبدة ذابت و تشربتها الأوراق نقصيلها و خليها تكمل تطيب في غرضها ممبعد غير تشوفي الحواشي حمارو شوية طفي من تحت و شعلي الفوق تتحمر بالشوية و هبطليها الرف باش السخانة تحكم مليح في كل الحبات ممبعد عسليها و خليها تشرب مليح

الدنيا · 2013-10-10, 23:10

ladymillion
طرشي امي : 5 حبات فلفل حارين مغسولين ومقسومين على اثنين أو اربعة كيما تحبي

5 فصوص ثوم تكون كبيرة شوي

3 م ص ملح

م ص فلفل أسود

نصف م ص كمون

م ص كروية

م ص موطارد

هاذ التوابل هرسيهم مع الثوم في المهراس
حطي الفلفل نتاعك في علبة وديريلو الماء يوصل للفوق وحطي التتبيلة هاذيك + 5 م ك خل اغلقي العلبة وخلطيها ملييييح

الخضر تقدري تستعملي بسباس او كيما درت انا جزر او طماطم او بروكلي مفور نص طياب كييييييييما تحبي

وتخليه 3 ايام أو 4 بعيد عن الحرارة وماتحطيهش في الثلاجة ههههه دةرك تقولي ويييييييييييين راح نحطوا

حطيه في بالكون يعني الجو نتاع برا احسسسسسن ليه

الدنيا · 2013-10-11, 13:48

manel1977

حلوة التمر على شكل ورقة شجر

نحتاج لتحضير حلوة التمر

ٍٍ1. نصف كيلو من الزبدة
2. 4 معالق كبار سكر كلاصي
3. 2 دانون فاني اي يوغورت
4. الدقيق حسب الخليط

الحشو = كيلو تمر مطحون+ قليل من القرفة وماء زهر

الطريقة :نخلط المقادير السابقة للحصول على عجينة متماسكة ونبسطها بالدلاك

تم نضع قطع من الحشو فوقها

ثم نضع فوقها طبقة من العجينة
ونضغط عليها باليد

وبعد الطهي تزين بشكلاط اسود

بشرى2008 · 2013-10-12, 08:35

nadia78888

لاجولي تاع السفرجل ساهلة نحطو قشور السفرجل و البذور و اللب هذاك اللي يجي قاسي في الوسط نحطوهم في قدر فيه الماء , الماء جيست يغطيهم فقط و نخليوهم يغليو حوالي 30 حتى 45 د حتى يولي لون الماء برتقالي , نحيوهم و نصفيو الماء و نكيلو هذاك الماء و نزيدولو نفس الكيل سكر و شوية عصير قارص و نحطوهم على نار هادية نخلطو في الأول شوية حتى يذوب السكر و نخليوه حتى يولي خاثر كيما لاجولي و يقطر بصعوبة من المغرفة و هكا يكون واجد أحلىجولي بلون طبيعي رائع