الطبعة التاسعة "دورة الرقي لمدبرة منزل مثالية"

[بتول8]

مسا الانوار لاحلى ورود كيف الاحوال؟عذرا لتاخري بسبب النت
ما احلى هته الدورات التي تقضي على الكسل و السلبية و يا ريت يطبق بعضا من نشاطاتها الرجال مساعدين زوجاتهن و معينيين لهن و في خدمة اهل بيوتهم فكم من رجل منظم ساهم كثيرااااااااا في مساعدة زوجته او اخته او امه
ساشارك بالمستطاع لكني دوما متتبعة لكن يا احلى متسابقات كلكن حيوية و عسانا نكون مثلكن
اليوم لم اعمل شيئا كبيرا فقط مسحت الفايونس بالخل و يا دووب يدي بدات توجغ لاني لما رتبت الخزانةرفعت الفاليز ثقيلة جدا و الان اعاني من الام ربي يجيب الشفاء لكن قولولي وش نعمل للاشياء الثقيلة كفاش نحملها مكانش معاونة

[ام مريم الجزائرية]

اللهم امين بارك اله فيكم اختاي ام ملاك وفاء ربي يقدرنا على الشغل
بصح الحمد لله هذو الدورات خلاونا منظمين ربي يجازي الاخت حبيبة وباقي المشرفات على الدورات وكل العضوات الفحلات

[ام مريم الجزائرية]

مرحبا بيك اختي بتول غير بالشوية
الحوايج الثقال خليهم لزوجك يحملهم خاصة اللي في الاعلى ربي يشفيك وايانا رانا كامل مبيسين ههه

[وفاء سعاد]

مرحبا بيك اختي بتول معانا والله انا منهار دخلت للدورة تنضمت وعاد عندى الوقت وفي نفس الوقت الدار نضيفة ساعات تجينى فترات خمول وكسل بصح مع صحاباتي كي نشوف التطبيق انتاعهم يديرلي الحماس ونستدرك اللي فاتني والان راني تعودت بالنسبة للزوج اللي يعاون انا وحدة من الناس اللي مانحلمش بيها وفي نفس الوقت مانحبوش يدخل للكوزينة راهو يردهالي ماتتشافش كان يحب يديرلنا البوراك في رمضان وليت غير نقولو رتح بزاف عليك واا غير باه مايوسخليش الكوزينة هده برك خدمته اوحمل اشياء تقيلة او زحزحة الاتات معي واحيانا دراسة الاولاد

[وفاء سعاد]

اختى بتول ربي يشفيك وقولي للزوج انتاعك يعاونك كي يرجع من الخدمة اما بالنسبة لمساعدة الزوج انا وحدة من الناس للي الزوج انتاعها كاس ماء مايهزوش غير في رمضان يدير البوراك بصح الدنيا تولي ماتشافش وليت غير نقولو رتح روحك انا ندير وانا بيا الكوزينة والماعن انتاعها كامل يتوسخو

[~ حراير ~]

السلام عليكم و رحمة الله تعالى و بركاته
خواتاتي لعزيزات وش حوالكم إن شاء الله تكونو بخير و على خير

تطبيقاتي اليوم أصفار في أصفار ما درت والو كنت مشغولة شوية

سندوسة غير بشوية على روحك ... بصح ما تخافيش ماراحش تحسي بالتعب لأنه الخدمة الي تجي بالفرح ما يحسلهاش الإنسان .. ربي يجيبهملك بخير و على خير و عندكم كي تكونو في الطريق غير بشوية تروحو بخير و تجو بخير إن شاء الله

سعاد سامحيني امبارح كنت لاهية ما قريتش مشاركة انتاعك راني حطيتلك رابط تاع قاموس لشرح المفردات راهي بنتي تستعمل فيه خليها تجربو راح تلقى فيه متعة كبيرة ... لما حملتو المرة الأولى بدات تبحث عن شرح أسمائنا و أسماء صديقاتها و الآن راهي تستعملو في شرح مفردات النص

أم ملاك إن شاء الله تكوني ما زعفتيش منا كي خليناك وحدك امبارح استهلاي في روحك حنونتي و ديري بالك على صحتك و الهناء لأنهم بالدنيا و ما فيها

أهلا أختي أم مريم على ما أضن أنك زرتي منتدى همزة وصل من قبل ... إذا كان نعم ... وينك عزيزتي وعلاش مارجعتيش؟؟؟

لبنات سألتكم من قبل عن السنفرة و ما جاوبتونيش هي gommage ولا الرجينة جاوبوني من فضلكم

تصبحو بخير راني تعباااااااااااااااااااانة اليوم غدوة إن شاء الله نبداو من جديد
أحلام سعيدة

[sondse1]

اسعد الله مسائكن حبيباتي
كيف احوالكم ان شاء الله بالف خير

[sondse1]

حبيبتي ام مريومة "ماماتي" كيف حالك و كيف حال الاولاد ان شاء الله بالف خير
ربي يخليك حنونة ع الدعوات وربي يقدرنا برك
وربي يشافيك و يحفضك من كل شر

[sondse1]

حبيبتي بتول اهلا وسهلا بيك معانا اخت وصديقة لينا
اكيد الزوج او الاخ او الابن له دور في الخدمة مع اهل بيته و كما قال نبينا الكريم عليه الصلاة و السلام "خيركم خيركم لاهله و انا خيركم لاهلي "
انا في الحقيقة عندي غير خويا لكبير اللي يعاون في الدار مي مانخلوهش يخدم حوايج بزاف و اكيد مع القضيان تاع برا هو اللي يتكلف بيه ماعدا حوايجنا اكيد
بالنسبة للحوايج الكبار و الثقال حاولي تخليهم للزوج نتاعك
وربي يكون في عونك

[sondse1]

حبيبتي ام اريج هذي غيبة
واش احوالك ان شاء الله بالف خير
ربي يخليك ع الدعوات
هي الخدمة تعب تعب هههه مي كي تشوفي نتيجتها سواء من حيث النظافة ولا من حيث النفسية و فرحة اللي حولك صح تلقاي روحك فرحانة و يروح كامل هذاك التعب
بالنسبة للطريق عندي خويا مجنون بالفيتاس مي الحمد لله راه عقال شوي ربي يجيب اللي فيه لخير
بالنسبة للسنفرة هي الغوماج ماشي الرجينة
بالتوفيق ليك

[sondse1]

حبيبتي سعاد و ام ملوكة كيف احوالكم ان شاء الله تمام

ربي يكون معاكم

[sondse1]

حبيباتي سارة /ليلي/ام امجد/ومينوشة راهم غايبات ان شاء الله المانع خير

[sondse1]

برنامج الغد باذن الله

الثلاثاء



::: المدخل و الممرات :::

الديني/اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع
صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر

التنظيفي /الجدران و الدرج+ تنظيف الجزامة + طاولة المدخل و المرآة + الباب
+ كوي

الجمالي / تفريش الاسنان مرتين على الاقل + ترطيب اليدين والرجلين باي مرطب متوفر لديك
فازلين / زيت / او اي مرطب معتمد لديك







بالتوفيق للجميع

[sondse1]

تصبحون على الف خير حبيباتي

ليلتكن سعيدة و احلام هنيئة


**إذا قام أحدكم من فراشه ثم رجع إليه فلينفضه بصنفة إزاره ثلاث مرات فإنه لا يدري ما خلفه عليه بعده وإذا اضجع فليقل : باسمك ربي وضعت جنبي وبك أرفعه فإن أمسكت نفسي فارحمها وإن أرسلتها فاحفظها بما تحفظ به عبادك الصالحين. .
**.اللهم إنك خلقت نفسي وأنت توفَّاها ، لك مماتها ومحياها إن أحييتها فاحفظها ، وإن أمتها فاغفر لها اللهم إني أسألك العافية. .
.كان رسول الله صلى الله عليه وسلم . إذا أراد أن يرقد وضع يده اليمنى تحت خده ثم يقول : " اللهم قني عذابك يوم تبعث عبادك " ثلاث مرات. .
**.باسمك اللهم أموت وأحيا. .
**."أستغفر الله العظيم الذي لا إله إلا هو الحي القيوم وأتوب إليه" ثلاث مرات .
**.اللهم رب السموات السبع ورب العرش العظيم ، ربنا ورب كل شيء فالق الحب والنوى ، ومنزل التوراة والإنجيل والفرقان ، أعوذ بك من شر كل شيء أنت أخذ بناصيته اللهم أنت الأول فليس قبلك شيء وأنت الآخر فليس بعدك شيء وأنت الظاهر فليس فوقك شيء وأنت الباطن فليس دونك شيء ، اقض عنا الدين واغننا من الفقر. .
**.اللهم عالم الغيب والشهادة فاطر السموات والأرض رب كل شيء ومليكه أشهد أن لا إله إلا أنت أعوذ بك من شر نفسي ومن شر الشيطان وشركه وأن أقتر على نفسي سوءا أو أجره إلى مسلم. .
**.كان رسول الله صلى الله عليه وسلم لا ينام حتى يقرأ الم ... السجدة و وتبارك الذي بيده الملك.
عن سعد بن عبيدة قال حدثني البراء بن عازب رضي الله عنهما قال قال لي رسول الله صلى الله عليه وسلم إذا أتيت مضجعك فتوضأ وضوءك للصلاة ثم اضطجع على شقك الأيمن وقل اللهم أسلمت نفسي إليك وفوضت أمري إليك وألجأت ظهري إليك رهبة ورغبة إليك لا ملجأ ولا منجا منك إلا إليك آمنت بكتابك الذي أنزلت وبنبيك الذي أرسلت فإن مت مت على الفطرة.

[oummalak]

اسعد الله صباحكن والله اسعدتني مشاركتكن وفرحت بها وشكرا للسؤال عنى ربي يحفظكم وعلى فكرة التوقيع الدى اضفته هدية لكن وتعبير مني انني صرت لا اطيق فراقكن والله على ما اقول شهيد