الجزء 63 من واش طيبتي اليوم تزامنا مع عيد المراة - الصفحة 18

lyzzabel · 2014-03-09, 16:48

والله غير عندك الصح توتة المنتدى خرجني من عقلي بصح ما نصبرش على الكوزينة لااااااازم ندخل و نتلاقى مع خواتاتي ربيت عليكم الكبدة
قوليلنا لكاش طيابات و حلاوات حطيتيهم لضيافك ولا سربيتيهم لديارهم حماااااااام هههههه

aphrodite16 · 2014-03-09, 16:51

ام رياض و ليزابيل و مريم الاميرة و لهونتي يرسي حبيبااتي ربي يخليكم
نوال و ام فاطمة يعطيكم الصحة على واش حطيتو
parumdor1 بصحتتك الكادو و ربي يخليكم لبعضكم حنا اليوم تفكرونا فالدمة بنوارة و قرعة ريحة كي العادة هه

عطرالذهب · 2014-03-09, 16:52

ياعمري واش هاذ الاخبار الزينة ويييييييييييييييييي
الهام لحبيبة الف مليون ترليون وكانش رقم اكبر مبروووووووووووووووووووووووووك
والله غير نكتب وندمع ياعمري عليك والله فرحتلك من قلب قلب قلبي ربي يزين سعدك تستاهلي لمخير نتاع لمخير نتاع الرجاااالة
وزيد ام اناس وام انس حوامل ماشاءالله تبارك الله ربي يحفظكم اتهلوا في رواحكم واللي تسخف على حاجة تقول وتحك يدها على الحيط هاي عيني تحكو في بلاصة تخرج فيها فريزة او برج دلاع ههههههه -سخفتوني واقيلا حتى انا نكورج و......
اسمحولي دخولي قليل والله مشغولة لشوشتي
توتة وليزابيل ورياض يعيشكم ويحفظلكم رجالكم

lahna moka · 2014-03-09, 16:55

حبيباتي كانت أم ماجد ورّات تقاليدهم في بداية الربيع, و أنا اليوم حبيت تشاركوني تقاليد منطقتنا لحلول فصل الربيع
حنا في هاذ الوقت من السنة نديرو طبق الكسكسي بصح ماشي مع المرقة الحمرا المعتادة بل مع الخضرة المفورة و البيض مع استعمال مكونين ضروريين هما
1_أدرييس aderyis و هي نبتة ننحيو جذورها و نديروهم داخل القدر اللي يكون تحت الكسكاس اللي تفور فيه الخضرة
هاهي النبتة

وحنا نستعملو الجذور ننحيها و نقشرها و نغسلها ثم نديروها فالقدر

2_و هاذي ثاغديوث نبتة مثل الخرشف بصح رقيقة عليها و أبن منها

نقشروها و ننقوها

و هاذ الأكلة ناكلوها مرة فالعام و بالذات أول يوم لفصل الربيع و النبتة أذرييس فوائدها كثيرة فهي تخرج كل مرض يكون في جسم الانسان و تحميه خاصة من الحساسية و كيما كانت تقول جداتي ربي يرحمها و كل الكبار تاع بكري هاذ النبتة هي لقاح طبيعي قبايلي
و طريقة تحضيرها بسيطة جدا: نفورو الكسكس عادي و بعدها نقطع كل الخضر مكعبات (جزر,لفت, بطاطا, قرعة....) و نفوروها في كسكاس تحته قدر به ماء و تلك الجذور اللي نقيناها و كي تطيب الخضرة نزيدوها على الكسكس و نزيدو معاها الحبوب الجافة اللي كنا قد طيبناها (حمص,جلبانة,فول,قمح.....) و نخلطو كلشي و نردوها في الكسكاس لكن هذه المرة نديرو في القدر بيض باش يطيب مع الجذور
كي يطيب نقدموه مع الزبيب و السكر الناعم و البيض و طبعا زيت الزيتون

برك نسيت نقوللكم بلي النبتة تاع أذرييس لوكان تمس الجسم يتنفخ يعني كي نجو ننقوها دائما نستعملو قفازات لاخاترش أي مكان تموس يتنفخ من جسمكم هههههه
و ثاني كايينين اللي يديرو هاذ الطبق أكثر من مرة لفوائده الكثيرة كيما دارنا,هاذي كي عاودتها ماما

أنا شخصيا كي ناكلو يخرجلي حب صغير في كل جسمي لكن ليلة برك و يروح و ماما تقولي راهو المرض يخرج منك بصح كاينين اللي ياكلوه عادي ما يبان عليهم والو
هاذي هي عادتنا و حطيتها باش كلنا نستفادو من بعضانا يا أحلى رفقة

touta2010 · 2014-03-09, 17:00

اقتباس:

المشاركة الأصلية كتبت بواسطة lyzzabel

والله غير عندك الصح توتة المنتدى خرجني من عقلي بصح ما نصبرش على الكوزينة لااااااازم ندخل و نتلاقى مع خواتاتي ربيت عليكم الكبدة

قوليلنا لكاش طيابات و حلاوات حطيتيهم لضيافك ولا سربيتيهم لديارهم حماااااااام هههههه

لالا مشي ضياف ضياف هههههههه
اختي جات لعندي مع زوج بنوتات صغار قلبولي كلش هههههههههههههه
جات تونسني صاحب السمو كان في بعثة عمل
اما على الطياب الحمد لله طيبت وحطيت كل مانقدر عليه

aphrodite16 · 2014-03-09, 17:03

لهوونتي مرسييي حبيبتي كي شاركتينا بتقاليد منطقتكم بلادنا كبيرة و عاداتها و تقاليدها منوووعة ما شاء الله
مي عفسة ما فهمتهاش هده النبتة قلتي اللي يمسها يتنفخ و نتي قلتي نطيبوها سما كي تاكليها ما تتنفخيش ههههههه
و راني نشوف ماشي غير وين ليزابيل يديرو البيض فوق الطعام نتوما تاااني

عطرالذهب · 2014-03-09, 17:09

لهنا ماشاءالله عليكم وعلى عوايدكم سخفتيني
والاعشاب راهو كاين عندنا الثاني ونسموه العسلوج ونوكلوه نيء نقشروه وناكلوه طري وبنين

ام نوردين · 2014-03-09, 17:10

اقتباس:

المشاركة الأصلية كتبت بواسطة lahna moka

حبيباتي كانت أم ماجد ورّات تقاليدهم في بداية الربيع, و أنا اليوم حبيت تشاركوني تقاليد منطقتنا لحلول فصل الربيع
حنا في هاذ الوقت من السنة نديرو طبق الكسكسي بصح ماشي مع المرقة الحمرا المعتادة بل مع الخضرة المفورة و البيض مع استعمال مكونين ضروريين هما
1_أدرييس aderyis و هي نبتة ننحيو جذورها و نديروهم داخل القدر اللي يكون تحت الكسكاس اللي تفور فيه الخضرة
هاهي النبتة

وحنا نستعملو الجذور ننحيها و نقشرها و نغسلها ثم نديروها فالقدر

2_و هاذي ثاغديوث نبتة مثل الخرشف بصح رقيقة عليها و أبن منها

نقشروها و ننقوها

و هاذ الأكلة ناكلوها مرة فالعام و بالذات أول يوم لفصل الربيع و النبتة أذرييس فوائدها كثيرة فهي تخرج كل مرض يكون في جسم الانسان و تحميه خاصة من الحساسية و كيما كانت تقول جداتي ربي يرحمها و كل الكبار تاع بكري هاذ النبتة هي لقاح طبيعي قبايلي
و طريقة تحضيرها بسيطة جدا: نفورو الكسكس عادي و بعدها نقطع كل الخضر مكعبات (جزر,لفت, بطاطا, قرعة....) و نفوروها في كسكاس تحته قدر به ماء و تلك الجذور اللي نقيناها و كي تطيب الخضرة نزيدوها على الكسكس و نزيدو معاها الحبوب الجافة اللي كنا قد طيبناها (حمص,جلبانة,فول,قمح.....) و نخلطو كلشي و نردوها في الكسكاس لكن هذه المرة نديرو في القدر بيض باش يطيب مع الجذور
كي يطيب نقدموه مع الزبيب و السكر الناعم و البيض و طبعا زيت الزيتون

برك نسيت نقوللكم بلي النبتة تاع أذرييس لوكان تمس الجسم يتنفخ يعني كي نجو ننقوها دائما نستعملو قفازات لاخاترش أي مكان تموس يتنفخ من جسمكم هههههه
و ثاني كايينين اللي يديرو هاذ الطبق أكثر من مرة لفوائده الكثيرة كيما دارنا,هاذي كي عاودتها ماما

أنا شخصيا كي ناكلو يخرجلي حب صغير في كل جسمي لكن ليلة برك و يروح و ماما تقولي راهو المرض يخرج منك بصح كاينين اللي ياكلوه عادي ما يبان عليهم والو
هاذي هي عادتنا و حطيتها باش كلنا نستفادو من بعضانا يا أحلى رفقة

روعة لهنة انا نعرف هادوك الحشايش الثاني ناكلوها عادى بصح الاولى نسموها الدرياس ماناكلوهشنستعملوه كدواء ينحي الهواء من الجسم يعنى نكمدوا بيه وهو فعلا يدير فىي الجسم حب عند استعماله بصحتكمالكسكسي

lahna moka · 2014-03-09, 17:12

حنان حبيبة قلبي هههههههه النبتة كي تمسيها تتنفخي بصح هي أصلا قابلة للأكل يعني ماشي مضرة هههههه حوسي عليها في قوقل تشوفي و البيض نديروه فالطبق هاذا برك لاخاترش يطيب مع الجذور هاذوك
حقا السفنج و الله روووعة سخفتيني بيه

ام نوردين · 2014-03-09, 17:15

بصحتك واش شرالك زوجك ح تلبسيهم بالصحة والهنا
مساء الخير على لبنات الكل

أم ماجد · 2014-03-09, 17:17

لهنا فرحتيني كون كل واحدة تحط تقاليد منطقتها نتعرف على جميع العادات الرائعة لبلادنا الشاسعة والمتنوعة ربي يحفظها من الفتن
عطورة بصحتك تستاهلي حتى انا اديت الهدية هههههههههه
افروديت واش من وصفة درت تاع السفنج مازالني نتبع هههههههههههه

R I A D · 2014-03-09, 17:19

كسكس يشهي لهووونة و باين مليء بالفوائد تسلم ايديك و ايدين الوالدة ربي يحفظها لكم ان شاء الله
و شكرا لك على مشاركتنا عاداتكم و تقاليدكم و في انتظار المزييييييييد

عطرالذهب · 2014-03-09, 17:21

جبتلكم شوي طيابات من الايام الماضية نحطها رغم بساطتها هههه

ام نوردين · 2014-03-09, 17:22

تعيشو لبنات شكون تعرف كيفية تجميد السلق ولا مايتجمدش

lyzzabel · 2014-03-09, 17:27

ممممممم افروديت من صاب درك قدامي حبة نشرب بيها كأس اتاي ما قلتي خفاف حتى صح خفاااااف بصحتكم
واااااو لهنا الله يباااارك هاذ التقاليد يشرحو القلب بصحتكم قدوم الربيع و ربي يجعل ايامكم كلها ربيع بصح سخفتيني بالكسكس لي تحضروه بالطريقة القبائلية الربيعية ههه ممممم
توتة بصحتها أختك و بناتها و بصحتكم واش طيبتو و كليتو و ربي يخليكم لبعضكم و يحفظكم
ام نور الدين سلاااام و صح قهوتك حبيبة