** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - الصفحة 18

faizarbh · 2013-05-10, 11:50

وصفات يوم 01/05/2013

كيكة عيد ميلاد على شكل ملعب:

يتبع

faizarbh · 2013-05-10, 11:52

وصفات يوم الأربعاء 08/05/2013

غراتان الباذنجال :
نقشر كيلو باذنجال جهة بجهة يعني نخلي شوية قشور فيه و نقطعوه طوليا و يكون سميك و نديلو الملح و الفلفل و 6 ملاعق أكل زيت و وريقات نعناع مقطعة رقيق و 3 سنات ثوم مدقوق و نتبلهم مدة 30د بهاد الشكل راح يصفي الماء و نرمي هدك الماء و نقطروه مليح و نقلوه من جهتين و نحطوه بجهة.
في طاجين نرابي 2 بصل مربعات و معدنوس مقطع و 3 ملاعق زيت و نقليهم 10د على نار هادية ثم نضيف 20 غ لحم مفروم و 3 ملاعق أرز من النوع اللي يجي مفور و نخليهم 10 د على النار و نزيد مغرف صغيرة زعتر مفتت.
في مقلة تيفال ندير نص كاس طماطم مصبرة + ورقة رند و مغرف كبيرة سكر + 2 ملاعق أكل زيت عادي و نقلي 5د ثم ندير نص كاس ماء سخون و وريقات زعتر محكوك و نقلي 4 د و نطفي.
على طاولة العمل نحطقطع الباذنجال و ندير فيها حشو اللحم المفروم و نلفها و نديرهم في مول تاع الغراتان و ندير الصلصة فوقهم ثم نرابي عليها 150غ جبن أحمر و ندخله للفرن 15د. على نار هادية.

موس الشوكولا:
200غ شوكولا ، 4 حبات بيض ، 300غ زبدة بوماد ، 100غ سكر .
في كسرونة ثقيلة ندير الشوكولا مع الزبدة على نار هادية حتى تذوب و نحرك بملعقة خشب.
نضرب بياض البيض مع شوية ملح حتى يولي كالثلج .
نضرب صفار البيض مع 100غ سكر حتى تولي كريمة .
كي تبرد شوية الشوكولا نضيفلها خليط الصفار و نضرب بالخلاط باش تطلع ثم نضيف بياض البيض غير بشوية و نحرك بالسباتولا و نحرك من تحت لفوق حتى يمتزجوا مع بعض و نديرهم في لي مول و إلى الثلاجة نتركهم يبردو ساعتين أو أكثر حسب البرودة و نزين حسب الرغبة.

سلطة القرنون المغربية:
قرنون مقطع بالطول و مغلي نحطوه في ليان و نعصر عليه حبة ليمون + 5 ملاعق أكل زيت + ملح و فلفل و فص ثوم مدقوق و شوية معدنوس مقطع و نرابي حبة طماطم و نخلط الكل ثم نزيد مغرف قهوة موتارد و نخلطهم.
في التقديم نحط شوية أرز + مايونيز و ندير حفرة في وسطهم و نحط فيها خليط القرنون و نشرب الأرز بالفينيقرات.

قطايف:
باكي قطايف تاع سوريا (كنافة) 500غ،200غ زبدة ذايبة ، مغرف سكر و نخلطهم و ندير شوية فاني معاهم و نحطهم بجهة ،
الحشو : كوكاو أو لوز ، سكر ، زبدة ، فاني و نلمهم
في لي مول تاع الكنافة ندير شوية في يدنا تاع قطايف و ندير في وسطهم كرة حشو و نلمها على شكل كرة و نديهم في لي مول و ندخلهم فالفرن و يكون سخون جدا نخليهم 10د كي نخرجهم نديلهم شاربات و تكون شوية خفيفة و نسقوها تم تم و نقلب المول و ندير فالوسط بيستاش مدقوق.

قوت · 2013-05-11, 17:25

برك الله فيك و شكرا على المجهود

تغرينية · 2013-05-13, 16:02

بارك الله فيك على المجهود المبذول

ورد قسنطينة · 2013-05-13, 17:12

وين راهم الوصفات شكرا

kika85 · 2013-05-14, 12:55

اختي ما علاباليش وعلاش ما حبوش يخرجو الوصفات تع الاسبوعين الاخيرين

faizarbh · 2013-05-14, 19:38

اقتباس:

المشاركة الأصلية كتبت بواسطة kika85

اختي ما علاباليش وعلاش ما حبوش يخرجو الوصفات تع الاسبوعين الاخيرين

أختي كيكا الوصفات راهم هنا في الصفحة 18

تغرينية · 2013-05-15, 10:09

شكراااااااااااااااااااااااااااااااا

citadel · 2013-05-16, 01:47

جزاك الله خيرا راني جربت الصابلي وجا روعة مع انو معمول بالزيت الا انو يجي طري شكرا مرة اخرى ربي يعطيك ما تتمني وعلى فكرة امي دعاتلك

faizarbh · 2013-05-16, 11:18

اقتباس:

المشاركة الأصلية كتبت بواسطة citadel

جزاك الله خيرا راني جربت الصابلي وجا روعة مع انو معمول بالزيت الا انو يجي طري شكرا مرة اخرى ربي يعطيك ما تتمني وعلى فكرة امي دعاتلك

ربي يخليك اختي منورة في اي وقت سلامي للوالدة الكريمة و ربي يخليهالك ان شاء الله

غزة في عيوني · 2013-05-18, 11:27

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

faizarbh · 2013-05-18, 15:51

اقتباس:

المشاركة الأصلية كتبت بواسطة غزة في عيوني

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

و الله ما علابالي بيه عزيزتي بصح ندير مجهودي نحوسلك عليه و ان شاء الله تكون ماما ولا صاحبتها كاتبينو

liliane24 · 2013-05-18, 20:05

اقتباس:

المشاركة الأصلية كتبت بواسطة غزة في عيوني

صباح الخير فايزة الله يعطيك الصحة على المجهودات المبدولة حبيت نسقسيك على وحد الطبق دارو الشاف مصطفي في رمضان العام الي فات تاع نفس الكمية تاع الزيتون و نفس الكمية اللحم مرحي نرحوهم مع بعض ونديروهم دي بولات كبار مي نسيت الاسم ديالو و نسيت المقادير الاخرى ارجوووووك الى راكي عارفتو ديريه موضوع بلييييييييز الله يحفظك

اختي غزة كانت الأخت ياراسمين حطت الوصفة و اللي هي :

طاجين الزيتون
المقادير:
300غ زيتون اخضر مغلي مرتين،300غ لحم مفروم، 2 أطراف دجاج، ورقة رندباقة معدنوسن، حبة بصل مرحية، 4 سنينات ثوم، 2 ملاعق كبيرة فرينة، 4 حبات جزر، ملح، فلفل أسود، قرفة،زعفران، سلكجبير بودرة، 1ملعقة كبيرة زبدة طرية
طريقة التحضير:
في الربو نضع 300غ زيتون + ثوم معدنوس اطحني الكل مع بعض يكون الزيتون مفروم فرم خشن + 300غ لحم مفروم اخلطي مع بعض قليلا ثم ضعيهم في قصعة واعجنيهم جيدا + توابل +1 م ك فرينة اخلطي جيدا و اتركيه جانبا يرتاح
تحضير المرق:
في طاجين نضع زبدة+ الدجاج+ بصل مفروم+ معدنوس خليه يتقلى 15د + ورقة رند+ التوابل قلي 5د بعدها مرقي بماء ساخن قيس ما يتغطى الدجاج + الجزر مقطع كريات
خذي خليط اللحم المفروم والزيتون وشكلي كريات كبيرة الحجم
بعدما تنقص المرقة ضفي كريات اللحم خليهم 10د واطفئي النار

هذا الطبق قدموا الشيف مصطفى في رمضان
طبق رائع صدقوني جربتوا أكثر من مرة

رحمة من المولى · 2013-05-18, 20:24

ربي يحفطكم كااااااااااااااااااااااااامل

hony · 2013-05-19, 17:08

win raki faiza twahachena wasafat chef