كل وحدة تدخل و تحط سر من اسرار الطبخ ولها جزيل الشكر

[سمية 61]

شكرا اخواتي

[إيزابيل]

الطياب على نار قليلة جدا ولا اتعدى 3انواع تاع التوابل في الاكلة الواحدة

[mimi hano]

باش يجيك تقشير الثوم ساهل شمخيه.باش ميدمعوش عينيك من البصل امضغي العلك

[sima sissima]

kayan bazaf asrare nchalah natfakar wa nkolkom bon hada wahad manhom el jalbana bach yabka lonha chbab ki tfawroha lal masfouf ma tghatohache

[emydior]

[quباه انحو الحموضة تاع الطماطم نزيدو نصف مغرف صغيرة تع السكر في بداية الطهي

[Amouna.DZ]

إذا حبيتي المسكوتشو أو المشوشة تنجحلك 100٪ ديريها في أعلى رف و ضعفي فالنار و خليها تطهى على مهل تجيك و لا أروع

[aya noha]

يعطيكم الصحة مشكورات

[ravanaflora]

شكرا موضوع رائع ويستحق التثبيت
وشكرا للحراير تاوعنا
سر من أسراري في مكان الشابلير أو الفرينة لي ترمدي بيها كريات اللحم أو السفيرية أو الدجاج ...الخ
ديري الشوفان وأنا نشري شوفان كويكر
صدقوني يجي مقرمش وصحي والمنظر تاعو روعة جربوه وادعولي

باش تتخلصي من ريحة السمك عند القلي حطي بالجنب كسرونة تغلي فيها ما وضيفيلو قرنفل وعيدان قرفة راح تمتص كل الروائح الكريهة

[Babinaall]

المشاركة الأصلية كتبت بواسطة oum amjed et anes

bache el pizza jik meliha kima tah bera zidileha mogherafe kebira koka kola we khaliha teretahe fe el ferijidare kima ana nedireha sebahe la ajina dialli we fe lile nedireha lewelade

ياريت تعطيلنا لا غوسات ديالك يا اختي و بارك الله فيك

[مليديا 08]

مرحبا

كي طيبي خبز أو مطلوع في الكوشة، بعد ما تنحيه من الفرن مباشرة ديريه في قطعة قماش وغطيه مليح ثم ديريه في كيس حتى يبرد شوية
هكذا قشرة الخبز طرية وماشي يابسة وفي الأيام الجاية إذا كنا من الحيين نحطلكم الوصفة