عروستنا في المطبخ - الصفحة 18

ام نسمة · 2013-12-17, 21:51

اقتباس:

المشاركة الأصلية كتبت بواسطة عائشة1

موضوعك قيم للغاية
لقد بحثت كثيرا وحاولت جمع معلومات من هنا وهناك حتى وجدت ما كتبته

لقد اراحتني كلماتك وافكارك
لازال في بالي اسئلة كثيرة

لي امنية ان تكون هذه الافكار مشروع كتاب وصدقيني سيكون الطلب كثيرا عليه
تحياتي

شكرا اسعدني مرورك وان شاء الله يارب ليش لا فكرة الكتاب فكرة جيدة شكرا مرة اخرى

نسيم الإيمان · 2013-12-18, 18:08

اقتباس:

المشاركة الأصلية كتبت بواسطة ريم الفلى

واش راكم يا حلوات
؟؟؟
اليوم وبعد الاستفسار اللي لقيتو في الموضوع حول الاواني المطبخية
حبيت ندير هادا الموضوع واللي راهو رايح يكون شامل باذن الله
اولا راني نحكي على عروس رايحة من ليلتها لدارها وحدها
نبداو بالاشياء الضرورية واللي يلزم على الراجل يوجدهم قبل ما تجي مرتو للدار
1- الثلاجة

2- الطباخة

3- الميكو-اوند هذا ممكن تاجليه لمنبعد

4- كاين اللي يديرو تاني الغسالة في المطبخ

اذن اذا خرجتي مع راجلك خيري معاه هاد لحوايج واذا لالا لازمك تولهيه باش يشريهم ومن الاحسن يكونو من نفس الماركة ونفس اللون
نجيو ضرك للحوايج لخرين
1- الكوكوت

2- القدر العادية

3- مجموعة من المقلاة على الاقل 2 مقلاة

4- يستحسن تكون وحدة تيفال مع مرامط تاني على الاقل 2 باحجام مختلفة كبيرة وصغيرة

5- مجموعة صحون اشري طقم فاخر خليه للضيوم وطباسا عادية للاستعمال اليومي

وهادي للاستعمال اليومي

مجموعة ملاعق صغيرة للقهوة وكبيرة للطعام وفراشط وسكاكين وملاعق خشبية لاعداد الطعام و اخرى لحمله

كأوس للماء واخرى للمشروبات وفناجين القهوة والحليب وكاسات للشاي

حاملة الاواني

السكرية والصفاية تاع الحليب وابريق القهوة ابريق الحليب والشاي

سلة وحامل الخبز "الطبق"

علب البهارات

حامل المناديل الورقية

قوالب الفرن المستطيل المربع الدائري اشكال ضرورية والاخرى مع الوقت تشريها

الحلال لفرد العجين

الخلاط الكهرابائي

البراميكسور

العجانة
الروبو:

سلة تنشيف الخضار والسلطة

اداة تقشير البطاطا واداة فرم الثوم ومحكة البصل

اداة عصر الليمون او البرتقال:

طاجين المطلوع

طاجين الكسرة:
قصعة العجين

كشما نسيت فكروني ياخي فجل من لا ينسى

بارك الله فيك و ربي يعطيك ماتتمناي حنونة
هكذا ماننساوش الضروريات
شكراااااااااااااا

نسيم الإيمان · 2013-12-18, 18:10

اقتباس:

المشاركة الأصلية كتبت بواسطة ماريام

واااااااااااااااع مارديتيش عليا مادابيك كون تمديلنا موني تاع السمانة الاولى يعني واش نطيبو فيها والله الشورة هلكتنا وزيد التخمام بلييييييييييييييييز

وااااااااااع لقيتيني نخمم فيها انا ثاني
حبيت نعرف وش نطيب السمانة اللولة
باينة مش حتبدايها شخاشخ و.....هههههه بصح كون غير تقترحو علينا
يعطيكم الصحة البنات

pomaria_aindefla · 2013-12-18, 22:04

بداو بحاجة حلوى ثم واش يبغي زوجك ثم نوعي بين مرق و غراتان

sarra5 · 2013-12-20, 10:37

اختي زهور الفل

موضوعك مفيد بزاف سبق و رديت فيه

لكن ارى انه موجه للعروس الي ساكنة وحدها

هي الي تتحكم في طبخها وهي الي تقوم بكل شيء

والي ساكنة مع حماتها وحموها

التعامل في المطبخ يكون اصعب بكثير لازم عليها تعرف ذوق راجلها وحموها وحماتها

صعيبة شوية

واش النصيحة الي تقدميها؟؟؟

ام نسمة · 2013-12-20, 16:34

مرحبا سارة 5 والله صح بالفعل وجهت الموضوع للعرائس اللواتي ينفردن ببيتهن الخاص من اول ليلة
لانو صراحة العيش في بيت اهل الزوج لن تستطيعي التحكم فيه ابدا ابدا لذا جهزي نفسيتك مليح فقط لتلقي الاوامر وتخفيف عصيبتك والصبر مع اني لا امتلك ولا وحدة من هاته الصفات ههههههههههه
لكن راح احاول اجمع نصايح من هنا وهناك بالنسبة لكن وراح انزلها

ميمي ناصر 22 · 2013-12-22, 09:44

صباح الخيرات عليكم
موضوع مميز و راح نستفادو منو بزاف
جازاكم الله كل خير و جعلها في ميزان حسناتكم

ميمي ناصر 22 · 2013-12-22, 10:26

عندي اقتراح ليكم
لاه ما تنقلوش هذا الموضوع لقسم العرائس و تجهيزاتهم
هكذا يستفادو اكثر وكاين بزاف عرايس مايدخلوش هنا كامل يدخلو لقسم العرايس
هذا مجرد اقتراح قابل للرفض و القبول
اختكم مريم

ام نسمة · 2013-12-22, 11:30

mimi hda habo yanklo al modou3 ma3andi hta mochkil

ميمي ناصر 22 · 2013-12-22, 14:52

حبيت اشاركم بهذي الافكار عجبتني قلت ننقلها لعرايسنا الحلوين
انا جربت منهم البعض في عرضات بيت شيخي

iman dadou · 2014-01-01, 17:45

ربي يبارك فيكم
و يجازيكم خير على كل حرف راكم تكتبو فيه و تفيدونا بالافكار
خاصة خاصة سميحة و زهرة الفل و فلة
انا راح نسكن مع عجوزتي حبيت تفيدينا بقائمة واش راح نطيبو الاسبوع الاول خطيبي يقولي كرهت من الاكل التقليدي وانا راني حايرة .
ننصح كل البنات بوصفات ام رامي وام كوثر روعة ربي يجازيهم

kikimnarim2 · 2014-01-03, 18:40

موضوع في القمة المهم الاكل يكون بنين وطريقة التقديم تكون مشهية
انا مثال حي ما عنديش بزاف منلي تزوجت اول كوشمار ليا هو الكوزينة...ربي يكون في العون ......

MIDOU.MIMI · 2014-01-08, 13:12

بسم الله ما شاء الله تبارك الله

ريم الفلى · 2014-01-09, 10:41

في الحق كنت حابة نرجع ونحط الجديد كي العادة بصح بما انني لقيت معظم العرايس مقيموش نصائحي فضلت الاحتفاظ بها لنفسي
ربي يعاونكم يا حلوات سواءا لي بدارها وحدها ولا ع اللي عجوزتها خاصة الخدامة

الطامحة لحفظ القرآن · 2014-01-12, 11:42

بااااارك الله فيكم والله موضوع اكثر من رائع
نتمنى من باقي الاخوات ان يفيدونا بالنصائح الثمينة
وارجو ان يكون الموضوع للعرائس اللي ساكنة مع اهل زوجها لانها فيها العجووووز وراكم عارفين العجوز تكون كي السكانار لعروستها ان شاء الله تقدمولهم نصائح ايضا وربي يجازيكم خير
وياربي ان شاء الله قع لبنات يسكنو في ديار وحدهم