اممم اجابة flora كانت كافية و نعم في "الحفظ " بلاكي تخلطي المراجع
محمودي عادل أحسن مرجع اما الشخصيات ديري ثلاث معلومات صحاح يعطيوك علامة كاملة
كذلك انصحكي بدرب طلة على البكالوريات السابقة حتى تاع الشعب الاخرى و عاودي اكتبي الفقرات لتضمني العلامة الكاملة اتعلمين العام الماضي دارولنا فقرة تاع باك 2010 في الجغرافيا و الله حبيت نبكي
و ركزي كذلك على المخططات و الاعمدة و التعليق عليهم
اللغات أختي اذا كان عندك مستوى لا تدروسيهم انا حتى الشهر الاخير باش قريتهم و كنت نحل مواضيع و فقط
لكن اذا مراكيش مليحة فيهم اذا كل يوم تقراي قبل ما ترقدي او ونتي راقدة تحلي موضوع شفهيا أضمن لك ستتحسني مازال اربعة اشهر
الفلسفة اكتبي مقالات هذه هي مهمتكي و كي رايحة تكتبيها انت اكيد ستتدكريها
تبعي مع الاستادة كل مرة تتعلموا طريقة و شوفي الكتاب اجبدي منوا الحجج و البراهين زيدي حوسي فالانترنت تلقاي مقالة فيها فكرة و اضربي طلة على مواضيع الفلسفة و ركزي مليح مع البارام راحة تشوفي مكاش مكان للعشوائية
اختي هذه الايام و هذا الفصل اهم الفصول اذا عرفتي تستغليه فأنت موفقة حتى و ان لم تدرسي الفصل الاول
شوفي اذا كنت تلميدة عندك مستوى سأنصحك بطريقتي فالبيام كنت الويكند نحل فيه مواضيع معنتها انت الويكند حلي مواضيع راكم قريب توليو تقدروا تحلوا موضوع كامل
اما اذا كان مستواك متوسط فأنصحك بالتالي أقراي هذا الفصل و قدمي أقصى ما عندك كل ما جوزي اختبار او فرض تقوشيت راحة تجوزي الباك و ان كان الموضوع صعبا اداربي معاه حتى يكره و ثم الاختبارات جوزيهم و عاوديهم حتى تلحقي علامة ممتاز و لا مجال للتدمر
و غير تلحق العطلة تاع الفصل الثاني عاودي راجعي الفصل الاول لان الفصل الثاني خلاص راهوا في عقلك
اما شهر أفريل ابداي مع البكالوريات من 2008 الى 2012 لكن بشرط التزمي به حليهم سيريوا تاع سيريو تاع بابات السيريو :d. روحي بلاصة كالم حطي الساعة و ابداي تخدمي و ديري في بالك راكي تلميذة زعمة صح جوزتي باك 2008 و عندك تجربة و من ثم روحي صححيحي لروحك و ديري معدل و ديري تصحيح مفصل و حوسي وشنوا هي الاشياء ليمخلاتكش تنجحي انا كنت الثلاثاء مساء ندير مات و الجمعة علوم و السبت فزياء
أأكد لك شيئا اللشهر الاخير و الباك لن تشتكي من مشكلة الوقت التي يعاني منها التلاميد و لا مشكلة الموضوع صعب لانك عندك تجربة للتعامل مع الاسئلة الصعبة وقت امتحان و لا حتى لاعادة الدروس انا لم احتج لاعادة اي درس في الشهر الاخير الحمد لله كنت اكتفي بحل مواضيع فقط
معليش أختي هذا العام انشاء الله تجيبيه المواد الادبية مليحة ستحتاجين الى اللغة في الجامعة عند دهابك لبلاد أجنبية عند قراءتك للكتب في كل شي كذلك مواد الحفظ جيدة تدرب داكرتك مما يجعلك تتدكري الكثير من الاشياء يعني ماهي الفائدة من حل تمرين اذا لم تتدكريه ؟
و كاين حاجة يجب معرفتها اننا لا ننسى شيئا
و هذا الوسواس لي حكمك هو فقط عقلك راهوا حاب يتفكر حاب اثباث تاع راكي قادرة
انا مصطلحات حفضتهم في عطلة الفصل الثاني و كنت ندير اوراق صغيرة و نكتب فيها كل ثلاث مصطلحات حفظتها و نحطها في علبة اقول اما ستكون لي ام علي ثم في الشهر الاخير نجبد المصطلحات عشوائيا و نعاودهم مرات أخي الصغير يجي على غفلة هههه يجبد مصطلح و يقولي عاوديهولي و الحمد لله كنت اتدكر
اتدكر كذلك واحد الليلة في شهر قبل الباك كنت عيانة كانت لازم نحفظ و الا تهردت عليا و مقدرتش ثم حطيت راسي على البيروا و بديت نكتب نكتب نكتب كتبت كل دروس التاريخ ههههههه و كملت البرنامج قبل الوقت الحمد لله و معاودتلهاش كامل يعني بفاصل 15 يوم على الباك و حتى ليلة باك تاريخ و جغرافيا كنت مصونيا مستحيل نعاود حاجة لذلك أقول لك نحي هذه الفكرة تاع تنساي ما تنسايش انت لك ذاكرة جيدة
و مرة على مرة اثبتي لنفسك ان لك ذاكرة جيدة يعني و انت قاعدة سي تتفكري كاش درس انا شخصيات غاع حفضتهم و انا في طريق الليسي
لكن علابالك الذاكرة على المدى البعيد تحتاج وقت باش تتدكري انا علابالي واش تقولي في نفسك ايا هاري ترومان ؟ هاري ترومان اااه مشفيتش عليه لا هذا هو التفكير السلبي لي يقتل الذاكرة لكن قولي هاري ترومان و اعيديها لعدة مرات حتى جيك معلومة امبعد اخرى امبعد تولي تتفكري ايه كي كنت قاعدة نراجع قلنا هكذا و هكذا
امبعد تزيدي تتفكري الاستادة كي قالتلك ديك المعلومة و انت جبتي التعريف صحيح مبروك عليك 0,75
كذلك الداكرة على المدى البعيد تسحق الفهم لازم تفهمي واش حفظتي لكي تسهلي على عقلك طريق الوصول الى المعلومة
تقدري غير تكملي الحفظ تشفاي على الكلمات الاولى او ديريها زعمة جملة اذا شفيتي على الكلمات الاولى تقوشيت درتي مودباس امبعد عقلك واحدوا يجبد الباقي
كذلك الاشياء المتشابهة اجباري ديري مقارنة نعم لاحظت انني كاين اشياء لا اتدكرها و السبب هو ان هناك اشياء متشابهة يعني ادا شفتي كلمة في هذه الفقرة و فقرة اخرى لازم تفصلي بيناتهم و الا لن تتدكري
و اعادة كل ماحفظته بعد اربع و عشرين ساعة و الا لن تتدكري شيئا
الحفظ شفهيا و الا ياكلك كل وقتك كذلك اهم حاجة في الحفظ هي عمرك عمرك ما تقعدي نهار كامل مع حاجة اولا ما تنفعكش لانك ستنسيها بعد 24 ساعة ثانيا ستضيع كل وقتك بل تعلمي تخدي وقت قليل و دمري نفسك المهم في الاعا دة
كاين حاجة أخرى معندها حتى معنى تقعدي صهرانة لاخطرش مراحاش تشفاي قالك داروا تجربة تلاميد حفظوا و رقدوا و اخرين حفظوا و مارقدوش ثم النتائج لي مارقدوش ما شفاوش و لخرين شفاو
كذلك كاين حاجة الاستعمال لازم تستعملي المعلومة و الا تتبخر
و موفقة
( تقرير عن مشاركة سيئة )، و الموجودة أسفل كل مشاركة .
2013-02-01, 18:36
دخت وأنا نقرا
عجبني 
العرض العادي
