حدثتني جدتي فقالت:.....(معان -أمثال - حكم) - الصفحة 18

رانيا3 · 2013-08-29, 22:55

موضووعك رووعة
بارك الله فيك
عجبووني حكاياتكم كاممل
انا تاني جداتي الله يرحمها شبعتنا حكايات و امثال و حكم
لي عودة ان شاء الله

HussamHe · 2013-08-30, 04:20

بارك الله فيك

*نآدرة~ · 2013-09-27, 09:05

اقتباس:

المشاركة الأصلية كتبت بواسطة riham riri

موضوع رائع اخت الشذى الفواح

مرورك أيضا رائع شكرا لمشاركتك

اقتباس:

المشاركة الأصلية كتبت بواسطة رانيا3

موضووعك رووعة
بارك الله فيك
عجبووني حكاياتكم كاممل
انا تاني جداتي الله يرحمها شبعتنا حكايات و امثال و حكم
لي عودة ان شاء الله

والله مرورك من هنا هو لي زاد الموضوع روعة
وفيك بارك الله رانيا تعيشي
الله يسلمك ربي يخليك،الله يرحمها ويجعل مثواها الجنة ،أيا رانيا كل ما تفكرتي حاجة ضربي دورة هنا كتبيها علابالي بلي جداتك رجعات موسوعة امثال وحكايات
مرحبا بيك في اي وقت
شكرا جزيلا والله يعطيك ما تتمناي

اقتباس:

المشاركة الأصلية كتبت بواسطة hussamhe

بارك الله فيك

وفيك بارك الله شكرا جزيلا

رانيا لوك · 2013-11-19, 16:31

حدثتني امي قاءلتا ان هناك زوج عرايس سا كنات وحدهم وحدة ديما تبوس راس عجوزتها والاخرئ ديما تجيبلها الماكلة بصح لعجوز تحب الي تجبلها الماكلة مع العلم انها لسانها طويل علا الاخرى ولكن العجوز تحبها وفي يوم من الايام قالت العروس وعلاه تحبيها اكثر مني مه العلم انا عاقلة عليه قالتلها
مظغان الضروس غلب بوسان الروؤس

*نآدرة~ · 2013-11-22, 15:20

اقتباس:

المشاركة الأصلية كتبت بواسطة رانيا لوك

حدثتني امي قاءلتا ان هناك زوج عرايس سا كنات وحدهم وحدة ديما تبوس راس عجوزتها والاخرئ ديما تجيبلها الماكلة بصح لعجوز تحب الي تجبلها الماكلة مع العلم انها لسانها طويل علا الاخرى ولكن العجوز تحبها وفي يوم من الايام قالت العروس وعلاه تحبيها اكثر مني مه العلم انا عاقلة عليه قالتلها
مظغان الضروس غلب بوسان الروؤس

تعجبني بزاف هاذ القصة،حنا نحكوها بطريقة أخرى نقول كانو زوج خاوة واحد يوكل باباه مليح ويجيبلو غير الحاجة الطيبة والاخر كل يوم يسلم على راسو،واحد المرة سقساوه قالولو يابابا وشكون تبغي فينا وشكون لي راه داي دعوة الخير قالهم:"داها طياب الضروس وماذاهاش حباب الروس"خرجو غير تاع كروشهم،هههههههههه راني نضحك برك رانيا يعطيك الصحة على المرور وعلى القصة الهايلة ربي يخليك ويخليلك ماماك لي تحفتنا بقصة كيما هذي
ربي يعطيك ماتتمناي ورجعي هنا كل ما تفكرتي قصة،راني نستنى حكاياتك

نسر الجسور المعلقة · 2013-12-31, 19:19

شكرااا للجميــــع

نبض الفؤاد · 2014-01-10, 10:12

شكرا على التنوع.....

ريماس وصهيب · 2014-01-28, 20:10

هاااااااااايلين

~ حراير ~ · 2014-01-29, 20:07

السلام عليكم و رحمة الله تعالى و بركاته

موضوع رائع كنت غافلة عليه خسارة

ماقريتش كل الموضوع فصفحاته كثرت علي
لكن احببت ان اشارك
"اذا كانت لحكاية مُعادة اسمحولي"

حدثتني والدتي ربي يحفظها عندما اردت ان اطبخ اللحم لحلو "طاجين حلو" في رمضان لأول مرة
و طبعا هذا الطبق معروف انه الدزاير كل طيبو النهار الأول من رمضان باش يجيهم رمضان حلو

قالتلي

كانت واحد المرأة تبغي طيب اللحم لحلو و حارت يادرى ديرلو الملح و الا لا
قعدت دور و تخمم .... دور و تخمم
و من بعد قالت نطل على التاقة "النافذة" كاشما تجيها افكار
لما طلت على النافذة طَـلَــــــع واحد الشاب راسو و شاف فيها "نظر اليها" فقاتلو : وش تخزر "لماذا تنظر"

يا عينين الطاجين لَـمَلَـحْ

رد عليها قائلا

نمشي و نبرح كان الطاجين يتملح

و هنا عرفت انه الطاجين لحلو لا يتملح "يعني ما يجيهش الملح"

وش رايكم عجبتكم

درك نقلكم على الطرفة الأكبر في القصة

انه بعد ماحكاتلي والدتي هاد القصة الممتعة و انا نتخيل فيها

قاتلي

ديري ذرة ملح للحم باش ما يجيش صامط
هيهيهيهيهيه

يعني الطاجين نديرولو شوية ملح للحم نتاعه تعود ثان صبية تقرا القصة و تدي فكرة عن الطاجين و طيبو صامط

mariana1 · 2014-02-24, 20:47

حدثتني أمي فقالت "تغدى وتمدى ولو دقيقتين وتعشى وتمشى ولو خطوتين"

nidabaize · 2014-05-06, 20:15

اقتباس:

المشاركة الأصلية كتبت بواسطة سلسبيل ابن خلدون

انا طول عمري عايشة قريبة لجداتي (يما) و كنت ديما نسمع من عندها كلمة ممنوش ( كلمة تقولهالي على حوايج ماشي مليح عند تاع بكري انهم يتدارو ). كيما انك ترقد على كرشك و لا تخلي الطفل الصغير ( البيبي) يخزر في المراية و لا تخلي الترباقة (الكلاكيت) مقلوبة ولا ولا ولا ............. حوايج ميفضوش هههههه.

اقتباس:

المشاركة الأصلية كتبت بواسطة ~الشّذى الفوآح...

تنصحنا جدتي دوما أن لا نمشط شعرنا ليلا

...............................
............................
..................

وتقول:"اللي يمشط في الليل يبقى بلا دليل"

^جميل انا نحب هادى التقاليد

اقتباس:

المشاركة الأصلية كتبت بواسطة حلاوة_87

مما قالت لي اليوم جدتي....
تنصحني عن الحذر من الاشخاص السيئين
يا بنتي ما يغرك اللي يضحكو ما يدومو...والحوت فالموج عوام وهوما بلا ما يعومو..
***
وهذا قالته بمعنى الصمت حكمة وعيا التزامه..
العين تنظر والعقول توازن والاذن تسمع والقلوب مخازن

****
لي عودة ان شاء الله بكلام اخر..

شكراااااااااااااااااااااااا

اقتباس:

المشاركة الأصلية كتبت بواسطة ~الشّذى الفوآح...

تذكرت قصة كانت قد حكتها لي جدتي منذ زمن

كان هناك فاة تتعلم فتل الكسكس،لما انهت وضعته ليفور فوق النار

بينما كانت أمها تتحدث مع ضيفتها،لما فار الكسكس نادت البنت أمها قائلة:"أما فار فار"،فظنت الأم أنها قالت هناك فأر في البيت

فقالت لها :"أضربيه بالعصا"،فماكان من البنت الا أن تستجيب لأمر أمها وفعلا ضربت القدربالعصا،فسقط قدر الكسكس ولم يتعش أهل الدار ذاك اليوم

ههههههههههههههههههههههههههههههههههههههههه

اقتباس:

المشاركة الأصلية كتبت بواسطة ~الشّذى الفوآح...

حدثتني أمي فقالت:
فتاة تزوجت بالقرب من بيت اهلها،فكان اهلها يزورونها كثيرا،كره الزوج من كثرة زياراتهم فعاتب زوجته كثيرا،لكن المسكينة لم تستطع ان تقول لهم بان يكفوا عن زيارتها،مرة دخل عليها أبوها فوجدها تبكي،سألها عن السبب فلم تجبه،فبدأ يعدد لها الأسباب،زوجك يضربك؟؟زوجك يسيئ اليك؟؟...لكن اجابتها كانت لا دائما
فقال لها:مالذي يبكيك اذن؟؟ياخي "زارك عابد ولابد وأمك وزدت أنا"،فقالت له:"من ذاك الهم بكيت أنا"
ففهم الأب بأن مايبكيها ويزعجها زياراتهم الدائمة فتوقف عن فعل ذلك

حرام عليه هادا الراجل

اقتباس:

المشاركة الأصلية كتبت بواسطة azzize22

هذا مثل شعبي على الفتاه كي تحسب من روحها وهي تعرف بلي قلاشها ما شي في بلاصته
المثل : كي دايرة عيوننة وضربها الكار.

يعني برغم من جمال ودلع عينونة الا انها انتهت تحت حافلة.
مثل 2:خير المرأه الي اذا جمعت تربع
والى هدرت ما تسمع .والى خبزت تشبع.

اقتباس:

المشاركة الأصلية كتبت بواسطة panpouna

هايل هاد الموضوع انا جداتي نقوللها يما هدرتها قاع مثال دركا نقولكم واش تفكرت
"عند العشا تفتل عيشة و عند السحور تجيب المغارف" يقولوه على المرا الجايحة ولا الثقيلة فلخدمة
"عين على المقلية و عين على المشوية"
"وين تباني يا المكحلة في نص الليل" المكحلة هي المرا لي دايرة الكحل
"ناكل ماكلة مخنانة و ما ناكلش ماكلة منانة" يعني ناكل ماكلة المعفونة و ما ناكلش ماكلت المرا لي تمن
"الكلمة كي الرصاصة ادا خرجت ما توليش" يعني الواحد لازم يعرف واش يهدر و يصون لسانو
"خوك خوك لا يغرك صاحبك"
"ربي يخلف على السبولة و ما يخلفش على لي حشها"
"دراهم بوك يرحموك"
"انت وزير و انا وزير و شكون يسوق الحمير"
"سعد الشينة فسما و سعد الشينة فلحما"
"خبزة طايبة طاحت على كلب راقد" الرزق الي يجي الانسان و هو غافل
"اقصد الدار الكبيرة ادا ما شبعت تبات للدفا"

اقتباس:

المشاركة الأصلية كتبت بواسطة صفاء نور اليقين

موضوع رااااااااااااااااااااائع بكل معنى الكلمة

هههه هذا وين شفتو برك خلاص ضرك نعيش هنا هههه

نعرف مثل يقولوه كي مثلا واحد يضحك على واحد يكون طويل ولا سمين يقلك "الطول للشجر والعرض للبقر والعبد بالقدر"

وكاين ثاني واحد اخر مثلا كي تكون من جاتك واحد دار حاجة ويزيد يتمزى عليك "من لحيتو بخرلو"

وكي نلقاو واحد حاصل في روحو وكيم نقولو خالية عليه ونزيدو عليه احنا نقولو هذا المثل"لقاوه يشكي بالعقر(العقم) قالولو شحال ولادك)

ولي رجعة باذن الله

صاحبة الموضوع راكي في القمة

اقتباس:

المشاركة الأصلية كتبت بواسطة mariana1

حدثتني أمي فقالت "تغدى وتمدى ولو دقيقتين وتعشى وتمشى ولو خطوتين"