دورة " اللَّهُم بلغنـــــا رمضان 1438 لا فاقدين و لا مفقودين

[ام تينة]

الفجر القاااااااادم بارك الله في اخيتي الغالية
زادك الله حرصا

[arwa alaa]

اختي ام تينة انا عندي مشكل في صلاة الظهر والعصر والمغرب معظم الاوقات مش في الوقت وحتى كي نصليهم تلقايني مش خاشعة كيما قالتام شمسو التوام تلقايهم يتقابضو على السجادات ولا يصوطيو عند راسي حبيت نعرف الي عندهم اولاد صغار كيفاش يديرولهم كي يكونو يصليو

[omelbanin]

السلام عليكم
بارك الله فيك حبيبتي ام تينة على موضوع الصلاة ،اناوالحمد لله ما عنديش مشكل مع صلاة الفجر ،انوص مع الادان ،عندي مشكل مع العشاء ،بيا نوض بكري وقت العشاء يجيني النعاس ،في العطلة كنت ندير قيلولة بصح كي بداو يقراو الولاد نخاف يطبطبو وما نسمعهمش اذا رقدت .
اروى وليدي كان يهبلني في الصلاة كيما راكي تحكي ،وليت نحطلو سجادة صغيورة ونقولو هادي تاع وائل ،وهادي تاع امي يقعد يصلي قدامي ،وساعات يرقد فيها ههه حتان نكمل .
ام شمسو راني درت الساعة الاسبوعية ،وراح نبدا غدا ان شاء الله معاكم المظبخ .
تصبحو بخير يا فراشات .

[omelbanin]

ملاحظة: اليوم طار عليا النوم ،راهو وحد الموضوع طيرلي النعاس ،ادعولي ربي يطمني .

[أم البراء 2017]

اصبحنا واصبح الملك لله والحمد لله

[أم البراء 2017]

ربي يطمنك ويهدي بالك اختي ام البنين

[الفجر القادم]

اصبحنا و اصىح الملك لله و الحمد لله لا شريك له لا اله الا هو و اليه النشور، اللهم اعنا على ذكرك و شكرك و حسن عبادتگ..

[ام متين]

ا

صبحنا واصبح الملك لله والحمد لله
اللهم نسالك خير هذا اليوم وخير ما بعده ونعوذ بك من شر هذا اليوم وشر مابعده
اللهم ارزقنا السكينة والطمانينة والهدوء والثبات والرحمة والغفران وحسن التدبر والتصرف
انك قادر ولا يقدر عليك
انك رحييييييم ورحمتك وسعت كل شيئ
اميييييييييييييييييييييييييييييييييين يارب العالمييييييييييييييييييييييييييييييييييييين
وصل اللهم الف صلاة والف سلام على سيدنا ونبينا محمد عليه الصلاة والسلام

[ام متين]

صباحكم طيب الفجر القادم وام البراء ولكل الملتحقات
اولا ام شمسو مشكورة حبيبتي على السؤال راني الحمد لله والاولاد كذلك هذا وين بداو يوالفو الرجعة للمدرسة وراني مخليتهم على راحتهم خاصة الكبار مجرد توجيهات من بعيد لان ماعندهمش امتحانات رسمية هذا العام
ساعة التنظيف تقدري تقولي درتها يوم السبت مساء ويوم امس في الصباح عملت الغرف بدلت الدراوات والمخايد وجبدت الاسرة لكن زدت على ساعة
وفي المساء فرزت جهة تحت البوتاجي فيها الاكياس البلاستيكية المهم اني حاولت نكون معاكم وماتنسايش ان الوقت الي نخرج فيه هو الي يعطلني شوية لكن اكيدفيه فائدة حتى اني نمشي شوية ونشم شوية هواء
ام البنين ربي يفرج ويطمنك على الشيئ الي راه مقلقك

[رندة.]

اصبحنا واصبح الملك لله والحمد لله، اللهم ما اصبح بي من نعمة فمنك وحدك لاشريك الله.
صباح الخير ام متين، ام البراء، الفجر القاادم...... والبقية اللاحقةان شاء الله

[omelbanin]

اصبحنا واصبح الملك لله.

[ام متين]

عن موضوع الصلاة كيما قالت ام شمسو ساعات تصلي ما تفقيش واش قريتي اوقلت لكن انا منذ ان وليت نحاول نتعلم القراءة بالاحكام وليت نركز مع السورة الي نقراءها وكاني فاتحة المصحف لانك كل حرف تعطيه حقو في القراءة وهكذا تولي تستمتعي فعلا بالصلاة وكاين مرات بدون وعي نلقى روحي نصلي كيما السابق ربما لا اعي ما اقول يارب تجاوز عنا واهدنا لما فيه خير انفسنا وخير ديننا
اما المحافظة على الاوقات فانا كام البنين ان لما يلحق وقت العشاء لازم نصلي مباشرة بعد الاذان والا رايحة نتكاسل عليها لاني في ذلك الوقت يكون التعب سيطر عليا لذا لازم نتعلمو اننا نترك اي شيئ والى الصلاة مباشرة وهكذا نرتاح بها

[رندة.]

ربي يطمنك ويفرج عليك ام البنين ان شاء الله.

[ام متين]

عندي كذلك راي بالنسبة لشهر رمضان كاين اوقات نضيعوها في التفكير في الاطباق الي نوجدوها لذا لو كل وحدة توجد كراس صغير وكلما شافت وصفة عجبتها تكتبها هكذا تكون عندها فكرة للاطباق الي رايحة تحضرها باذن الله
انا البارح لقيت وقت عجبتني وصفة في قناة سميرة قعدت نتابع ونكتب لكن للاسف عاد الزوج رجعت للعشاء وما قدرتش نكمل الوصفتين لكن رايحة نبحث عليه باذن الله

[حياتي كلها امل]

اللهم ما اصبح بي من نعمه فمنك وحدك فلك الحمد ولك الشكر
صباحكم طيب ومريح ويومكم سعيد ومليء بالنشاط والحيوية