الى ام اسيد1 وكل وحدة حاصلة واش الطيب

[crono]

المشاركة الأصلية كتبت بواسطة ام حمزة22

اهلين بالغالية كرونو
طل علينا بدر البدور

هههه لله يغليك حببتي اليوم راني وحدي قلت ندخول نونسكم :d

[crono]

ام سوهيل ليك خصيصا

[ام حمزة22]

المشاركة الأصلية كتبت بواسطة om hadil

كي عشيتي ام حمزة مزلتي مع لقريب ربي يشفيك جات واعرة الله يشافي جميع المرضى
ومنال منير الله يعطيك سويعة ساهلة فكرتيني من ثلاث سنين في هاذ الشهر زيدت هديل
شهر وانا السطر ياكل فيا حتى ل28 باش زيدتها في خوتها لخرين يجيني بالخف الوجع نروح لسبيطار
منطولش وولله حتى واحد ما يسمع حسي حتى نزيد ربي يفرحك ومتخافيش كما قالتلك ام حمزة كثري المشي
ومترقديش وان شاء الله تسلكي ونفرحو بيك
روح مراد شفتي زعمة نحشمو ونعرضو من قلوبنا بصح الكبير ولله ما يقلقك ماشي كما لولاد

غزالة راني بعثتلك رسالة وسمحيلي مشفتش طلبك ويعطيكم الصحة على مروركم في موضوعي

يسقسي عليك الخير ام هديل راني شوية بديت نتحسن بصح كي كنت رايحة ندير قيلولة صغيرة نغلقت ضربة وحدة وما قدرتش نتنفس حاشاكم نيفي نغلق حتى خرجت مالفراش باه تسرحت ودرك راني الحمد الله
والله هاد العام لاغريب جا واعر الا دخل لدار ما يخلي حتى واحد بعيد الشر عليكم وربي يشفي كل المرضى

[crono]

ماشاء الله عليكم راكم 444444444444444444444444ان شاء الله راني كل منطيب نصور غير نلقى فرصة راني نحاول نحطهم في موضوع

[crono]

المشاركة الأصلية كتبت بواسطة ام حمزة22

يسقسي عليك الخير ام هديل راني شوية بديت نتحسن بصح كي كنت رايحة ندير قيلولة صغيرة نغلقت ضربة وحدة وما قدرتش نتنفس حاشاكم نيفي نغلق حتى خرجت مالفراش باه تسرحت ودرك راني الحمد الله
والله هاد العام لاغريب جا واعر الا دخل لدار ما يخلي حتى واحد بعيد الشر عليكم وربي يشفي كل المرضى

ربي يشفيك حببتي كي تشربي التيزانة في بلست السكر دري العسل و لاغريب مترقديلهاش زيد عليك

[crono]

و أختي غزالة الصّحراء وينها متلقيتهاش طلبت مني باش نحطلها طريقة راني وجدتهم بصح مركز التحميل منعرف مللو هاد ليام

[ام حمزة22]

المشاركة الأصلية كتبت بواسطة crono

ربي يشفيك حببتي كي تشربي تزانة في بلست السكر دري العسل و لاغريب مترقديلهاش زيد عليك

شكرا كرونو
واش مرقاد حبيبتي ملي نضت صبح وانا هدا حوايج هدا مسيح هدا فطور حبيت اليوم نجرب الخبز لي جرباتو امهديل نتاع ام اماني ما قدرتش فشلني لغريب
كرونو نحن بانتضار مواضيعك

[ام هاديل وياسين]

ربي يجيب الشفاء ام حمزة والله يقويكي اهلا كورنو راكي زهيتي ام سوهيل هههههه

ومركز التحميل نظن راه كاين مشكل فيه انا راني نحمل غير من العملاق خفيف وكاين الثعلب

[ام حمزة22]

المشاركة الأصلية كتبت بواسطة crono

و أختي غزالة الصّحراء وينها متلقيتهاش طلبت مني باش نحطلها طريقة راني وجدتهم بصح مركز التحميل منعرف مللو هاد ليام

غزالة راهي تريش فالجاج مسكينة في هاد البرد ربي يعاونها

[روح مراد]

سلام حبيباتي ربي يشافيك أم حمزة ، أم سهيل و كورنو واش احوالكم
راهو البرد دخلي للعظم ما قدرتش نرفد راسي كامل المرض ما حبش يخرجلي غير يجي البرد نرجع نسعل

[crono]

ام سوهيل وينك لضياف جو ونتي خرجتي

[غزالة الصّحراء]

المشاركة الأصلية كتبت بواسطة crono

و أختي غزالة الصّحراء وينها متلقيتهاش طلبت مني باش نحطلها طريقة راني وجدتهم بصح مركز التحميل منعرف مللو هاد ليام

أهلا ومرحبا بيك أختي crono نوّرتي الصّفحة بردودك العطرة. الي اتخلي الواحدة منّا تنسا همومها. راني كنت أنريّش في الجاج. وغير ريحتو تكفيني. بصّح أخلاص راني متعودة. راجلي مايشريش أخلاص الجاج المخدوم في برا ولا الطّايب في برا. حتى أولادي بسلامتهم لما يلقاوني أنريش يهربوا من الكوزينة. ونقوللهم أهربو أهربوا بصّح لما أنحطّو على الطابلة وهو محمّرههههههههه أتجيوا تجروا. عندكم الحّق كلوا بصحّتكم مادام كاين ألي يخدمو.
اشوفي فيما يخصّ اعمالك في ركن الأعمال الفنيّة راني أقريب نهبل. على خاطر حبيت نخدم بزاف احوايج. راني كيما المرأة ألي تتوحم.وبصّح مازال مادرت والو. ومرّة أخرى لما ايجي اوليدي الصغير بسلامتو رايح انصور لكم أعمالي . ألي اعملتهم قبل الزّواج. واليوم ماني نخدم والو. اتقولي يديا أتكسروا. بصّح بفضل الأخت أم حمزة22 وبفضل صفحتكم الممّيزة واستاذاتنا الكريمات القديرات راهي رجعتلي الرّغبة في الأعمال الفنيّة. وربّي ايوفقني باش أندير كاش حاجة. سررت كثيرا بردّك. الفرحة مُو سًيْعًانِي .

[crono]

المشاركة الأصلية كتبت بواسطة ام حمزة22

شكرا كرونو
واش مرقاد حبيبتي ملي نضت صبح وانا هدا حوايج هدا مسيح هدا فطور حبيت اليوم نجرب الخبز لي جرباتو امهديل نتاع ام اماني ما قدرتش فشلني لغريب
كرونو نحن بانتضار مواضيعك

ان شاء الله تعرفني كي نبد نحط منكملش و حت الدورة تع الخياطة حت هي وجدة خصها شوي تنسيق و نبدو

[crono]

المشاركة الأصلية كتبت بواسطة ام حمزة22

غزالة راهي تريش فالجاج مسكينة في هاد البرد ربي يعاونها

يعمري وحدها معيطتلناش نعونها راني نجري مراه
أقبديه حمزاة

[crono]

هوليك جرة جرة عيا