بداية يوم جديد

[ام آدم]

صباح النشاط يا الفحلات
أنا هذا وين كملت لغدا درت روز في الفور
وغسلت لماعن الحق البارح تععبت ما غسلتهمش
اهم حاجة اني كسرت الحاجز النفسي لي كان مخوفني من المراجعة وبديت نراجع والحمد لله لقيت عندي مخزون لاباس بيه من المعلومات كانت متخبية
عودة موفقة للتلاميذ والاساتذة
ام هزار شعور متبادل عزيزتي ربي يوفقك ويشفي امك وكل الامهات
اروى الاء ام متين غزالة ام صابرين جهينة اليقين ما شاء الله تبارك الله عليكم وعلى نشاطكم انا راني نضت على 7 برك والله عييت نوض بكري لانا نسهرو ربي يقدرني ونرجع نوض بكري كيما حباباتي

[hanamohamed]

السلام عليكم ورحمة الله تعالى وبركاته
أهلا بكل الأخوات الحاضرات والغائبات
أحبكن في الله

[arwa alaa]

واش راكم اليوم غدانا عدس يعني خفيف ظريف اليوم الشغل بزاف الواحد ينقص عليه الوقفة في الكوزينة هههههه
الصباح درت الروتينات اليومية والروتين الاسبوعي نتغداو ان شاء الله ونغسل المواعن وندير التنظيف العميق لسقف الكوزينة

[جهينة اليقين]

هنا محمد احبك الله الذي احببتنا من اجله خملت وسيقت ورجعت الواعين الغدا ما درتش كان عندي بواقي البارح ما جاوش كل المعزومين نقصو زوج كانت لديهم ظروف طاريءة فبقا لي الاكل بزيادة راني نستنى صلاة الظهر وتاخذ قيلولة قصيرة ونكمل الخياطة راهي تستنى في

[ام آدم]

هنا محمد احبك الذي احببتنا فيه اختي
اروى آلاء الله يعينك على التنظيف
انا بصراحة كوزينتي ماهيش مصبوغة جير فقط
وراني مأجلة التنظيف حتى لشهر ماي ان شاء الله
تسخن الحالة شوي ونكون تفرغت تماما

[hanamohamed]

عودة ميمونة للدراسة بالتوفيق لابنائنا
تاخرت قليلا اليوم عن العمل تعودنا على العطلة
راتي نحاول باالالتحاق بصديقاتي في التنظيف الميناج ولوقليلا الله يعينكن جميعا

[arwa alaa]

البنات راني نخدم كيما السلحفاة
والفت بالقعاد ولمشايخة عند عجوزتي
ام ادم معليش ابداي وقت الي يناسبك المهم متنقاطعيش على الدورة ولكان ظروفك تسمح عاودي الجير للكوزينة قبل رمضان باش تنظاف
جهينة ربي يعينك على الخياطة كاش موديلات جدد

[arwa alaa]

اختي ام ادم انا منقدرش نخلي لشهر ماي لانو عندي خدمة بزاف قبل رمضان نديرها بربي ان شاء الله في شهر ماي

[غزالة1]

السلام عليكم
اهلا حبيباتي
صباحا شرب الماء الصلاة و الورد و الاذكار
الاعمال اليومية
صلاة الظهر و دورة في الانترنت ثم قيلولة خفيفة
هذا ما تم لحد الان

[ام آدم]

ربي يعينك أروى آلاء انا خليت لماي بسبب المسابقة من ناحية والخدمة برا من ناحية اخرى على الاقل في ماي مكون تهنيت من المسابقة

[amel...]

مساء الخير عليكم يا الفراشات الشاطرات

ما شاء الله عليكم ... ربي يبارك فيكم كل وحدة باسمها

اليوم كملت لخدمة على 4 العشوة نحس في روحي ميتة بالعيا لذلك رايحة ناجل تنظيف

السقف لغدوة منخدمش العشوة ربي يقدرني و يقدركم ان شاء الله

اما عن التطبيقات التي تمت لحد الساعة ... الصلاة ... تجهزي كل يوم فانت عروس ... التفكير بايجابية

شرب الماء ...

البقية تاتي باذن الله

[ام هزار]

سلاااااام لكل واحدة فيكم . ان شاء الله تكونو بخير
ام متين عودة ميمونة من بيت الاهل . ان شاء الله تكوني نحيت على بالك شوية
جهينة . هناء . غزالة ام صابرين ربي يعينكم في اشغالكم و وفقكم يا رب
ام ادم حبيبتي معك كل الحق في تاجيل التنظيف حسب ظرفك المهم ان نخطط و الاهم ان نعرف الوقت المناسب للتنفيذ . ربي يوفقك حبيبتي و يتولك اللي في بالك . بالعقل برك على روحك الخدمة برة و لداخل . و زيد التحضير للمسابقة ليس بالامر الهين . يجب البدا بالاولويات
امال ما شاء الله عليك . و ربي يعينك
انا اليوم نهضت في 6 صباحا شربت الماء على الريق . صليت مع الاذكار .. حضرت الفطور و بعد الافطار حضرت بنتي للذهاب عند جدتها . اليوم اخذها ابوها . دهبت للعمل و رجعت في 400 . ميتة بالتعب . احضرت بنتي . شربت حليب غسلت القش و سيقت الحوش و نشرت الغسيل . و فرزت الحالة على الخفيف
بقلي الان نحضر عشاء خفيف . و بعد العشاء ان شاء الله تحضير الدروس طبعا بعد غسل الاواني و تلميع الحوض و التجهز للغد و وضع كريم الليل
موفقات حبيباتي و الى الملتقى ان شاء الله

[غزالة1]

السلام عليكم
تكملة اعمالي
بعد القيلولة عملت بريوش و نشرت الغسيل رجعت غسلت الاواني لي وسختهم
كنت راح نمسح سقف المطبخ لكن وليدي ازعجني كثيرا بالبكاء فاضطر عدم البدء فيه للغد باذن الله
قبل قليل خبزت الكسرة العشاء عندي من الغذاء

[غزالة1]

تحياتي لكن واحدة واحدة خاصة للعاملات ربي يعينكم و يقدركم

[ام متين]

اصبحنا واصبح الملك لله والحمد لله