طريقة أكيدة لتصبحي ربة بيت سعيدة

[Sii]

السلام عليكم ورحمة الله وبركاته
شكرا حبيباتي حنين فدوى ، ام هاجر ، ابني نور عيني على النصائح القيمة وطبعا اكيد الاستيقاظ باكرا هو المفتاح لهذا الوضع انا من طبعي نستيقظ باكرا فموعدي مع صلاة الفجر خريفا وشتاءا و سادسة ربيعا وصيفا وكما تعرفو مع العذر فانا لا استيقظ للصلاة وزايد ابني الغالي نبات نرضع فيه لانو مسكين كيبدا يرضع يرقد وميكملش الرضيعة وبعد مدة قليلة يستيقظ يزيد نرضع يعني نباتو نلعبو ههههه راح نحاول نجاهد نفسي ونوض بكري ان شاء الله
حبيبتي جهينة افرحني تفكيرك في ربي يحفظك
ام شمسو الغالية انا في انتظارك
العزيزة ام تينة اعجبتني الفكرة كثيرا ساطبقها باذن الله مع زوجي
حبيبتي حنين فدوى انتظرك بشوق لاتعلم بعض الافكار
حبيبتي رندة الحمد لله وانت كيف حالك

[رندة.]

أم تينة
قرات كلامك بتمعن، الدنيا مازال بخير مادام كاين شباب راهم يجو للمدارس ويعلموا في الاطفال عن القدس هاذي حاجة مليحة ياسر
والقضية الفلسطينية الاطفال كامل يعرفوها وسؤال البراءة الدائم: متى ينتهي كل هذا الظلم عن الفلسطينين ؟؟؟؟؟ وما نجد أمامنا حينها سوى الدعاء لهم .

[رندة.]

حنين فدوى أكيد موافقين
وكيما قالت أم شمسو ( ما بدها سؤال ) الي تجي في بالك أكتبيها رانا كامل في انتظار الجديد والمفيد من الاخوات في كل المجالات

[Sii]

يا الله يا ام تينة موقف معبر جدا

[sali kanouza]

مساؤكن سعيد فراااااااااااااشااااااااااات
راحت التريسيتي من الصباح هذا وين قدرت ندخل
سي اختي ماتقلقيش من الوضع حاولي اثناء الرضاعةكي يرقد فيقيه بواسطة اصابعك على وجهه حتى تحسيه شبع وبالنسبة للنهوض مازلتي نافسة ارتاحي هاذ الايام ولماتطهريراح ترجعي تنوضي تصلي ويتنظم وقتك
ام تينة موقفك مؤثر جدا حرك مشاعري ربي يقدرنا على تربية ابنائنا تربية صالحة
الاخت حنين ننتظر افكارك وجعلها الله في ميزان حسناتك

[Sii]

شكرا ليك سالي الحبيبة على التفاتك الطيبة
واش راكي والاولاد راهم لباس شحال عاد عمر الامورة ؟

[رندة.]

يالفراشات الحبيبات حبيتكم اليوم تنساو شوية النشاف، الصابون، الجافيل.... مؤقتا
روحي اعصري راسك شوية في كاش عبارات ينحو ضيقة الخاطر واذا راسك فارغ كي حالتي فركتي في عمك غوعل يكثر خيره عندو كلش غير باباك وماماك مكانش.
شوفي كاش عبارات رومنسية مميزة تكون زينة تشرح القلب لهذاك الراجل مسكين نهار كامل وهو شقيان باش تنعشي حياتك الزوجية شوي يعني.
جيبي قصاصات صغيرة انتي تفنني في قصها، تقدري حتى تقصيها على شكل قلوب و ياريت لو كانت حمراء
( جيبي ورق احمر من الاوراق الملونة تاع ولدك ما فيها والو من اجل المنفعة العامة....)
كل عبارة اكتبيها في قصاصة وامبعد:

1- ديري وحدة في محفظته اذا يستعمل المحفظة
2- لصقيها في البورتكلي
3- حطيهالو في خزانتو فوق حوايجو
4- في جيب تاع السروال ولا الشوميز
5- في السينية تاع القهوة ولا العشاء
6- يمكن تحطيها في صفحة في كتاب موالف يقراه اذا ما قراهاش اليوم يقراها السمانة الجاية ....نورماااااااال
7- كي يجي يرقد يلقى وحدة من هاذوك العبارات الشابين فوق مخدتو ولا تحتها معليش كي يجي يقلبها يلقاها
8- تقدري تكتبيها في شاشة الميكرو وكي يفتحو يقراها......... هاذي هاااايلة
9- لصقيها بالسكوتش في البورتابل من التحت .........هاذي قالت لهم ارقدو كاااااااامل
10- حطيها في القجر تاع لاتابل دو نوي هنا لازم يلقاها


نتمنى تجربوهم ........... وربي يوفقكم ان شاء الله

[/center]

[sali kanouza]

حبيبتي سي لا شكر بين الاخواااااااااات راني هنا في اي وقت ياريت نقدر نساعدك ولو بالقليل ربي يحفضلك الامير
بنتي فال26 من هاذ الشهر تكمل اربة اشهر راهي تضحك ودير الاصوااااات الصباااااااح بكري خارجتلي كونطرا ههههه
رندة واش راكي مليحة التفاتك نجرب باذن الله

[ابني نور عيني]

مساء النور
اختي sii علابالك ماعلاباليش لي راكي نافسة حنونة الف مبروك البيبي و ربي يكبرو في طاعتو و يفرحك بيه
كي راكي نافسة تهلاي في روحك و ارتاحي انا في نفاسي ريحت عند ماما و كي وليت لداري جات عندي ماما و عجوزتي باش يعاونوني ربي يطول في عمرهم انتي تاني اطلبي المساعدة من الاخرين وانتي اهتمي بنفسك و البيبي تاعك و تغذاي مليح
انا صراحة في نفاسي فاتو 20 يوم باش وليت نخدم غير حاجة خفيفة باش مانتعبش لانو المراة النافسة تكون حساسة بزاف
مانوصيكش اتهلاي في روحك و ما تتقلقيش دوك تبراي وتولي كيما الاول واحسن يا الفحلة فترة وتفوت

[Sii]

امين حبيبتي سالي ويحفظلك وليداتك الله يبارك عليها والله الايام تجري نشفا عليك كدخلتي للمنتدى كنت نافس عندك عشرين يوم واقيلا سبحان الله ربي يطول فعمرها وتكون نعمة البنت
يبارك فيك اختي العزيزة ابني نو عيني ربي يهنيك ويحفظلك وليداتك
بخصوص اشغال البيت خرجت من سبيطار طول ليهم ههههه الله غالب معنديش شكون بيا عايشة فلغربة اهلي بعاد كاين حماتي ربي يخليها ولكنها مريضة مسكينة منطمعش فيها و سلافاتي صغار وراهم مع لقراية ليامات هادو راهم عطلة يجيو يعاونوني شوية بلا مننسا زوجي ربي يخليه يساعدني تاني ربي يقدرني ويقدرنا اجمعين ونكونو نعم الامهات في جميع النواحي

[ام تينة]

اذكرن الله اخوااااااااااااااااااااااااااااااااااااااااااااااا ااااااااااااااااااااااااااااااااتي الغااااااااااااالياااااااااااااااااااااااااااااااا اااااات

[ام شمسو محمد]

سي حنونة نعرفك شاطرة ،علاه راكي تقولي على روحك فنيانة ، شوفي اولا كيما قالو لبنات راكي نافس يعني سايسي روحك ، انتي بلعقل على روحك جسمك راه يكون خضر كيما نقولو و صدقيني يرجع عليك التعب ثم ثم ، الحاجة الثانية هذاك الإحساس بلي راكي تضيعي في دارك كي تهتمي بابنك وسوسة من الشيطان ما تسمعيلهاش كي تجيك هذي الفكرة تجاهليها و أكدي على نفسك :" ابني امانة بين يديا و هو اهم حاجة في حياتي في هذي المرحلة و فترة صغيرة و تفوت " .
مانيش نقولك ضيعي دارك كي تكون نظيفة و مرتبة رايحة تخدمك و تعينك على مسؤولياتك ، شوفي أوقات فراغك من ابنك و قومي بالأعمال على شكل مهام منفصلة و خلي اللي معاك يعاونوك لاشتا يحكمولك الطفل
شوفي المهام اليومية المختصرة و مدتها انتي كل ماتلقاي فرصة ديري مهمة :

في لغرفة :
_رتبي سرسرك و سريرو الامير 5 د .
_ رجعي كلشي في مكانو و امسحي لغبرة و اكنسي 5 د .
في لكوزينة :
_ توجدي لماكلة و تنظفي : 15 د .
_ تغسلي لماعن و تنشفيهم و تخبيهم 20 د ( واذا كان عندك lave-vaisselle تهنيتي ) .
و في الليل كي يرقد الامور و تغسلي لماعن تزيدي :
_ تنظفي الحوض و les plaques و الطابلة و تمسحي لبوتاجي و لميكرووند و لكويزينيار و تفرغي بدون لكناسة و تنظفيه و تكنسي 10 د .
في غرفة لجلوس :
_ ترتبي الكانابيات و لمخاد :
_ تنظفي و ترتبي الطابلة .
_ تكنسي .
هاذو كامل تقدري ديريهم في 5 د
الحمام :
_ ضربة خفيفة على لمغسلة و لحوض و ال wc : خمس دقايق .
و اذا حبيتي ما تتراكملكش لأعمال كل يوم ديري ربع ساعة تنظيف منطقة اذا كفاك لوقت ماكفاكش استغناي عليها ..
و كي تلقاي اللي يشدولك ساعة في السمانة ديري ساعة التنظيفات الاسبوعية .

[ام شمسو محمد]

رندا شكرااااااااااااااا على التنبيه و الافكار ...... هذا جمااااال الفرااااااشاااااات اللي يحلقوووووو ب: ألواااااااان من كل البساااااااااتين و رحييييييييق كل الازهاااااااااار .

[haninefadwa]

بسم الله الرحمن الرحيمالحمد لله وحده والصلاة والسلام على من لا نبي بعده
يقول المثل قديما جاور السعيد تسعد.السعادة تنتقل من خلال الطاقة الإيجابية التي تعم الوسط البيئي الذي يعيش فيه الطفل اذ الطفل يمتلك ترمو مترا دقيقا لقياس درجة السعادة داخل قلب الأم والأب كما أنه يمتلك جهاز كشف للمشاعر فاحرصي أختي الأم أن تدعي مشكلات الخارج في الخارج سواءا مشكلات عمل أو مشكلات في محيط العلاقات الإجتماعية أو العائلية .
ابتسمي لطفلك يبتسم لك لا لشيء إلا أنه يحبك .
اشحني طاقة السعادة منه لترديها إليه.
تطبيق :دربي نفسك على الإبتسام في وجه طفلك دوما .

[Sii]

حبيبتي ام شمسو بوركتي على ردك لي يفتح القلب ويطلع المورال والله من نشاطك وشرحك استمد قوتي وهمتي
الاعمال الخفيفة التي ذكرتيها نقوم بيها كل يوم والحمد لله ولكن ساعة التنظيف الاسبوعية وتبريد المناطق هي لمقلقتني وخاصة المطبخ رايحة نزيد نريح هاد ليامات هاداك هو نبدا معاكم دورة شهر مارس باذن الله على الاقل ندير 50% من الاعمال