الى ام اسيد1 وكل وحدة حاصلة واش الطيب - الصفحة 175

صدفات · 2015-02-01, 20:00

السلام عليكم يا أحلى شلة
حبيبتي أم حمزة مريضة و أنا ما دخلتش و ما سألتش عليهاراني مخسرة أطلب العفو و السماح هذا لن يتكرر ربي يشافيك
لأحبابك و وليداتك
أم سوهيل ربي يشافي بنتك ويحفظها هذا هو الشتاء برد و مرض للصغار
غزالتي أم الخير ميما سلمى روح مراد حبيبتي توحشتك بزاف أين أنت
ام هديل ربي يحفظك خبز و عليه الكلام

ام حمزة22 · 2015-02-01, 20:20

وعليكم السلام يا الغلية
ماعليش حبيبتي كل واحد وشغالاتو ربي يقدر الجميع ويجيب الشفاء لكل مريض
شفتي صدفات روح مراد خلتنا عندها بزاف ما دخلتش طل علينا ان شاء الله المانع خير
حتى ام اسيد طال غيابها الله يسمعنا خبر الخير عليهم

hayette82 · 2015-02-01, 20:55

السلام عليكم يالبنات توحشتكم

hayette82 · 2015-02-01, 20:57

واشراكي ام حمزة نشاله لباس والله تحيرت عليك

nina mima · 2015-02-01, 20:59

ٍالسلام عليكم ربي يجمنا في الجنه

صدفات · 2015-02-01, 20:59

آمين أم حمزة حبيبتي
أنت فقط راكي حاضرة معي لبنات راهم يتفرجوا الماتش أأنا قلبي لا يحتمل الضغط
غزالتي وين راكي مازال ما حطيتيش العشاء لزوجك لازملك ميكرو نتاعك هكذا ما طوليش علينابنات راني جربت غراتان نتاع البسباس بالجاج جا روعة راه في قسم الاطباق الرئيسية جربوه هذا هو الرابط

صدفات · 2015-02-01, 21:02

ميما و حيوتة مرحبا بكما أنتما ثاني تخافو من البلوطة

أمنية غفران · 2015-02-01, 21:03

مرحبا حبيباتي جميعا

ام حمزة هاكي هديتي و قيلة ما دخلتيش لركن الحلويات

https://www.djelfa.info/vb/showthread.php?t=1750613

غزالة الصّحراء · 2015-02-01, 21:16

اقتباس:

المشاركة الأصلية كتبت بواسطة صدفات

آمين أم حمزة حبيبتي
أنت فقط راكي حاضرة معي لبنات راهم يتفرجوا الماتش أأنا قلبي لا يحتمل الضغط
غزالتي وين راكي مازال ما حطيتيش العشاء لزوجك لازملك ميكرو نتاعك هكذا ما طوليش علينا:d:d:d:dبنات راني جربت غراتان نتاع البسباس بالجاج جا روعة راه في قسم الاطباق الرئيسية جربوه هذا هو الرابط

أهلا ومرحبا بك غاليتي صدفات . والحمد للّه الي راكي بخير. . راكي أمنورة الصّفحة ماشاء اللّه . غير ماتخافيش راني اهنا. راجلي اعطيت لو يتعشا . اليوم درت المقارون بالصوص الحمراء. أنا مانيش نتفرّج . راني عند الميكرو. راني أندير التيراج للوصفات الي يعجبوني. باش لما نلقى الوقت أنجرّب . واللّه راني دايرتها غير على التّجارب. زيد الأخت أم حمزة اللّه ايطوّل عمرها راهي بزاف سخفتني على الأعمال الفنيّة. راه عقلي اقريب ايطير. مانيش عارف أفاش أنشد. بصّح كيما قلت في بالي. لازم أنضّم وقتي . باش نعمل مثل هاذيك الأشغال. وانتي واش راكي . واش راهم أولادك.
أما عن الميكرو. اللّه غالب واحد انقسموه في زوج هههههههههه. كنت في السابق أندير الدّالة مع أولادي بسلامتهم. بصّح ضروك كلّ واحد عندو حقّو.المشكل هاذي الأيام في انقطاع الكهرباء من حين لآخر. .وين راه الرّابط أنتاع البسباس بالجاج. ماهوش أيبان.سلامي لكلّ واحدة بدون استثناء. الغائبات والحاضرات. الجديدات والقديمات.

أمنية غفران · 2015-02-01, 21:20

مع البرد و المطر ما ينفع غير البركوكس المعروف بالمردود

تفضلن حبيباتي

ام الخير 05 · 2015-02-01, 21:24

مساء الخير على الجميع ام حمزة الحمدلله كي راكي لباس ربي يدوم عليك الصحة

غزالة الصّحراء · 2015-02-01, 21:25

اقتباس:

المشاركة الأصلية كتبت بواسطة ام حمزة22

وعليكم السلام يا الغلية
ماعليش حبيبتي كل واحد وشغالاتو ربي يقدر الجميع ويجيب الشفاء لكل مريض
شفتي صدفات روح مراد خلتنا عندها بزاف ما دخلتش طل علينا ان شاء الله المانع خير
حتى ام اسيد طال غيابها الله يسمعنا خبر الخير عليهم

أهلا وسهلا بالحبوبة. ياربّ اتكوني اتعافيتي. وربي ايجيب الشفاء لكلّ المرضى. واللّه غير تغيّر الأحوال الجويّة المفاجئة راهي دايرا فينا حالة. بصّح ماعليش باش ماتنقصش المياه في فصل الصّيف. باش نقدروا نغسلوا الفراصت . ياخي تعرفي احنا النّسا غير أنتاع الشّغل . ولما نتعبوا مانلقاوش على من نتفشوا. واللّه مرت عليّ وحد الأيام أتعبت ورحت ادخلت للفراش قلت أنريّح. وشفت الأولاد والزوج كيما البَدو والرُحل. امبعد نضت وكمّلت الأشغال.
عندك الحق الأخت روح مراد وأم أسيد عندهم مدّة ملي مابانوش. غن شاء اللّه المانع خير.
اختي ام حمزة افرحي لي راني ألقيت ألي اتعلمني العمل بالكريات السّحريّة. راني شفت أشويا في المنتدى. وزيد وريت لها أسوارة الكريات الخشبيّة ألي كنت قلتلكم عليها. شبعت عليّ الضحك ههههههههههههههه :d:d:d:dبصّح أفرحت لما قبلت أتعلمني. قلتلها كيما حبتي أنخلصك غير علميني. وطلبت منها تشريلي الكريات والخيط.. وهي عملت أعمال ماشاء الرحمان. سلامي للجميع بدون استثناء.

غزالة الصّحراء · 2015-02-01, 21:29

اقتباس:

المشاركة الأصلية كتبت بواسطة أمنية غفران

مع البرد و المطر ما ينفع غير البركوكس المعروف بالمردود

تفضلن حبيباتي

أهلا ومرحبا بك بين أحضان صفحة أم حمزة. أو بالأحرى أهلا بك في بيت الأخت أم حمزة وبناتها. مشكورة على الطّبق. راه ايشهي. يعطيك ألف صحّة وتسلم الأيادي ألي حضراتو.

غزالة الصّحراء · 2015-02-01, 21:33

اقتباس:

المشاركة الأصلية كتبت بواسطة ام الخير 05

مساء الخير على الجميع ام حمزة الحمدلله كي راكي لباس ربي يدوم عليك الصحة

مساء الأنوار والخيرات يا أختي ام الخير. كيف أحوالك؟ ياربّ اتكوني بخير. واللّه ايدوّم لنا كامل الأخت أم حمزة والصّفحة انتاعها الثريّة الي راهي جمعت بيناتنا واستفدنا منها بالبزاف. ربّي ايدوّم لنا صحتنا كامل. ويعطينا القوّة . والعافيّة. ياربّ آمين. .

غزالة الصّحراء · 2015-02-01, 21:35

اقتباس:

المشاركة الأصلية كتبت بواسطة صدفات

ميما و حيوتة مرحبا بكما أنتما ثاني تخافو من البلوطة

وين راكي أختي صدفات. راني انحوّس عليك بالشّمعة . راهي الظلمة دايرا حالة برا. وين اتخبيتي يادرا؟