الى ام اسيد1 وكل وحدة حاصلة واش الطيب - الصفحة 174

abdelfatah · 2015-01-31, 20:41

السلام عليكم راني نستنى فيك عاونينا بالشىء لي قدرتي و جزاك الله خير

غزالة الصّحراء · 2015-01-31, 20:44

اقتباس:

المشاركة الأصلية كتبت بواسطة om hadil

الله يسلمك اختي غزالة عيونك الحلوة ويسال عليك الخير على اولادي راهم بخير يسلمك
الله يبارك فيك وتحضري لاولادك من كل حاجة رنا كيف كيف قاع نهار وحنا نطيبو باه نفرحوهم
ربي يخليهم لينا ويحفظهم يارب...اختي سلمة بارك الله فيك معليش غير بشوية وتتعلمي حتى انا راني غير نتعلم
ذرك نقول الحمد لله راني قريب نتعلم نحط التصاور بعد مهبلت لولاد وانا نجري وراهم هههههههه

مشكورة ألف شكر يالغاليّة . وردّك راه بزاف فرحني. والحمد للّه الي اولادك ثاني راهم أبخير. ولي في فرنسا واش راه. ياربّ ايكون هو ثاني بألف خير. ربّي اينجح اولايداتنا كامل كيما رانا في حياتهم وفي دراستهم. هذا مستقبلهم . مالازمش نوقفوا ضدهم. صحّ الغربة أصعيبة. وبصّح ثاني واحد لما مايكونش قاري. الحياة اصعب بكثير. ربي ايوفقهم دائما. واحنا ماعلينا غير أنديروا واش نقدروا عليه. خصوصا لمّا ايكونوا قدام عيوننا. ويجي النهار الي يتفكرونا غير في الخير إن شاء اللّه.
راكي كيما أنا راني أتعلمت البارح. أشحال كنت فرحانة لما أتعلمت. . واللّه غير أتلعمنا بزاف أحوايج. ربّي ايجازيهم بالخير ألي راهم ايعلمونا.

abdelfatah · 2015-01-31, 20:47

يعطيك الصحت اختي ام حمزة فكرتك مليحة و في متناول الجميع

غزالة الصّحراء · 2015-01-31, 20:52

اقتباس:

المشاركة الأصلية كتبت بواسطة abdelfatah

السلام عليكم راني نستنى فيك عاونينا بالشىء لي قدرتي و جزاك الله خير

أهلا بالضّيفة الجديدة أخت ام هارون. بين ربوع صفحة الأخت أم حمزة وبناتها العديدات. جديدات وقديمات. ربّي يحفظها لنا. بصّح واش راكي حاب فهمينا.

ام هاديل وياسين · 2015-01-31, 20:53

امين ربي يخليهم متعرفيش كي تعلمت نحط التصاور بعد جهد كبير وانا نحاول في
فيهم الحمد لله كي تعلمنا وولدي تاع الغربة يقولي الحمد لله بصح انا قلبي غير عندو كما قلتي
هاذ مستقبلهم ولازم نعونوهم بدعاء وربي يسهللهم ويحفظهم من كل شر يارب
الله يسلمك غزالة وربي يفرحك بوليداتك وكل ولاد المسلمين

غزالة الصّحراء · 2015-01-31, 21:02

اقتباس:

المشاركة الأصلية كتبت بواسطة om hadil

امين ربي يخليهم متعرفيش كي تعلمت نحط التصاور بعد جهد كبير وانا نحاول في
فيهم الحمد لله كي تعلمنا وولدي تاع الغربة يقولي الحمد لله بصح انا قلبي غير عندو كما قلتي
هاذ مستقبلهم ولازم نعونوهم بدعاء وربي يسهللهم ويحفظهم من كل شر يارب
الله يسلمك غزالة وربي يفرحك بوليداتك وكل ولاد المسلمين

آمين يا أختي أم هديل. اللّه يحفظهم من كلّ سوء ويسهل عليهم كلّ الأمور.
حنونتي رايح انقولك أبقاي على خير. ولية سعيدة واحلام اسعد. لك ولكلّ واحدة باسمها وإن شاء اللّه الكلّ ايكون بخير.

nina mima · 2015-02-01, 05:43

السلام عليكم ربي يشفك ام حمز والله غضتينى وام سهبل ام هديل سلمى غزالة ربي يخليكم لولادكم ويحفضهملكم صدفات طولتى الغيبة

ام هاديل وياسين · 2015-02-01, 08:14

صباح الخير على جميع الاخوات

ام حمزة ان شاء الله صبحتي بخير اليوم نتمنى ليكي الشفاء ولك مريض ربي يشافيه ويعافيه
اهلا نينا كي صبحتي ربي يحفظلك ما عندك امين اختي

ام سوهيل · 2015-02-01, 08:43

اقتباس:

المشاركة الأصلية كتبت بواسطة غزالة الصّحراء

أهلين بيك يالغاليّة أم سوهيل. بلامزيّة رايح نعطيك الطريقة بكلّ فرح وسرور. ويعطيك الصحّة والعافية كيراكي ساليتي على الأولاد. واللّه غير الحمد للّه. اليوم بسلامتهم رجعوا للجامعة. وراني دايرا الشُّبَاظْ. والمرّة الجياإذا رجعوا أولادي بسلامتهم رايح أنوريلكم الصوّر ونعطيلكم الطّريقة . ايجي كيما خبز سوريا. هايل ا الطبق بالخصوص مع البرودة. ولمّا ايكون حار. ويمكن تعمليه بالحليب.
طريقة السّلق هاهي.
تأخذي طنجرة الضّغط . أتقطعي فيها السّلق إلى قطع صغيرة. + البطاطا والجزر قطع صغيرة. والغرض من البطاطا والجزر. باش تشرب الملح أنتاع السلق. . لما اتكملي ديري من الفوق زيت الزيتون حوالي ملقعة كبيرة + قليلا من الزبدة. وتغطي الكلّ . وتضعيهم على نار جدّ ضعيفة. رايح تلقاي فيما بعد الماء. في هذاك الماء رياح ايطيب كلّ شيي. ولما اتحسي بيه طاب طفي النار.
من جهة أخرى خذي مقلة صغيرة . قطعي فيها طماطم حبّة + الثو م + زيت الزيتون . وخلي كلّ شيئ على نار ضعيفة . ولما تنضج طفي النار.
خذي الآن مقلة كيما أعملت أنا . لأنّي طيبت فوق الفور. وإذا حبيتي داخل الفور خذي صحن خاص بالفور.
خذي مقلة وضعي فيها القليل من زيت عباد الشّمس. وضعي قليلا من اللّحم المفروم + الثوم + فلفل أكحكل + الكمون+ فلفل أحمر حار مرحي. + قليلا فقط من الملح. واقلي كلّ شيء. ثم أضيفي الطماطم ألي سبق وحضرتيها. ثم أضيفي السلق وخلطي كلّ شيئ مع بعض. ثمّ خذي 2 حبات بيض أو 3 على حساب الكميّة واضيفي للبيض الفرماج رابي. وخلطي أمليح وفرغيه على السّلق. وخليه ايطيب. وشهيّة طيّبة.
ملاحظة. السلق لما اتطيبيه مع البطاطا والجزر. رايح يعطيك الماء. بصح أنتي لما أيطيب كلّ شيئ حاولي أتنحي غطاء الطنجرة . وراقبي السلق. لازم ينقص منو الماء. يعني ماتدريهش أمعمّر بالماء. وماتدريهش ناشف أخلاص.
هاكي حنونة. . وإذا عندك أيّ سؤال غير أسألي رايح انجاوبك بالتّفصيل.
تحياتي لكلّ واحدة . ويارب الكلّ ايكون بألف خير.

qmv

شكرا غزالة ربي يجزيك ويخليلك اولادك

ام سوهيل · 2015-02-01, 08:49

صباح الخير للجميع وش راكم اعضروني راني شوية مقلقة بنتي مسكينا رهي امريضة اليوم راهم ايديرو الدالة هي وخوها ينوض وحد يرقد لخر الحمد لله على كل حال هدا فطوري نع اليامس

للاسف محبوش الصور يطلعو من بعد انعاود

ام الخير 05 · 2015-02-01, 15:09

مساء الخير عليكم جميعا امحمزة طمنينا عليك انشاء الله تكوني مليحة

ام حمزة22 · 2015-02-01, 15:26

سلامي الحار للجميع
ان شاء الله تكونو كااااامل بالف خير
اشكر كل من سال عني ودعالي بالشفاء بارك الله فيكم وجزاكم كل خير
والله يا خواتاتي ما زالني شوية مريضة راني بانتي بيوتيك مع دالك نضت بكري وخدمت شغلي وطيبت فطوري
طبق اليوم هو بوا كاسي والطريقة راهي فالصفحة 58
اما طبق البلرح لي ما قدرتش نبعت هو روز بنصف دجاجة محمرة والطريقة كنت قدمتهت من قبل

ام هاديل وياسين · 2015-02-01, 16:43

https://www.djelfa.info/vb/showthread.php?t=1750226

لبنات زروني هنا اذا سمحتو ام حمزة ربي يشافيك غير بشوية على روحك ويعطيك الصحة
الدجاجة وطبق يشهو ربي يبارك فيك

ام سوهيل · 2015-02-01, 16:53

مساء الخير للجميع وش راكم روح موراد هدي غيبة
ام حمزة يعطيك الصحة عجبني الروز انتاعك فورتيه

انا راني رايحة اندير بيتزا تشهتها بنتي مسكينة وراهي مريضة محبيتش نخليها في خطرها قلت ولله غير انديرهالها

لبنات عندي مشكل في تحميل الصور من مركز الخلييييييييييج مفهمت ولو

لي عودة في ما بعد بي ادني الله

ام حمزة22 · 2015-02-01, 18:51

اقتباس:

المشاركة الأصلية كتبت بواسطة om hadil

https://www.djelfa.info/vb/showthread.php?t=1750226

لبنات زروني هنا اذا سمحتو ام حمزة ربي يشافيك غير بشوية على روحك ويعطيك الصحة
الدجاجة وطبق يشهو ربي يبارك فيك

الله يسلمك ام هديل درك نروح نشوف واش جبتلنا جديد

اقتباس:

المشاركة الأصلية كتبت بواسطة ام سوهيل

مساء الخير للجميع وش راكم روح موراد هدي غيبة
ام حمزة يعطيك الصحة عجبني الروز انتاعك فورتيه

انا راني رايحة اندير بيتزا تشهتها بنتي مسكينة وراهي مريضة محبيتش نخليها في خطرها قلت ولله غير انديرهالها

لبنات عندي مشكل في تحميل الصور من مركز الخلييييييييييج مفهمت ولو

لي عودة في ما بعد بي ادني الله

ربي يجيب الشفاء العاجل لبنتك وبصحتكم البيتزا
ام سوهيل الروز نشريه مفور قد ما نغليه يجي تقولي فورتيه

اما مركز التحميل الخليج راه فيه خلل حاولي مركز تحميل الجلفة او مركز تحميل الثعلب