بداية يوم جديد - الصفحة 172

amel... · 2016-03-31, 10:37

صباح الخير على الشاطرات ... وش حوالكم ان شاء الله بخير و الصحة بخير

نسمة و غزالة ربي يبارك فيكم ان شاء الله

انا اليوم راني منضتش بكري .... بصح كي نضت قررت باه نحقق 2 اهداف برمجتهم البارح في الليل

ان شاء الله ربي يقدرني و نكملهم باه غدوة نقلش روحي شوية و نتهلى في روحي

راهم جنابي يسطرو من السبور تع البارح هههه كلش يوجع بصح باذن الله اليوم تاني نكمل

المهم يومكم سعيد و ربي يقدركم ان شاء الله

خممو منين نبداو الميناج و يا ريت كل غرفة نديرولها اسبوع كيما كنا في دورة ام تغاريد

باه منهلكوش رواحنا و يلي خدامة برا تقدر تكون معانا خطوة خطوة

وش قلتو يا الحراير

arwa alaa · 2016-03-31, 11:20

صباح الخير عليكم وسلام لكل الفراشات

ام آدم · 2016-03-31, 11:24

صباح التفاؤل والامل
صباح النشاط والعمل
صباح العسل يا عسل
واشكم حبوباتي >>را>ني> نظم صوتي ليكم في الحملة التنظيفية الربيعية و الرمضانية وعجبتني فكرتك يانسومة بالنسبة للروحانيات باش يجي رمضان يلقانا ديجا واجدين

ام آدم · 2016-03-31, 11:26

اليوم الحمد لله صلاة الفجر تم
اذكار الصباحتم
وراني ندير في العيش او ما يسمى بركوكس في بعض المناطق
ام هزار وينك حبيبتي

arwa alaa · 2016-03-31, 11:27

اختي نسمة عجوزتي مرى كبيرة وتنوض بكري بزاف ولبيوت كامل حاكمينهم يعني راقدين فيهم تبقالها غير الكوزينة تقولك خليولي المواعن نلهي فيهم روحي وهي كيما ناس زمان تحب تقضي الفطور وحدو والعشاء وحدو متحبش يقعد اللحم والخضرة في الفريجيدار كي نفطرو الصباح تقولي اطفلا واش غدانا اليوم باش نقضي وتعياي تقوليلها اقضي بالسمانة تقولك اناري ناكل الخضرة ذابلة واللحم بايت ...........
امولة ان شاء الله نديرو بروقرام باش نكملو شخالنا قبل رمضان ونخليو شوية وقت لتحضير لوازم رمضان خضرة وفاح ............

arwa alaa · 2016-03-31, 11:30

ام ادم بصحتك البركوكش نموت عليه خاصة بالقديد
حنا اليوم غدانا شكمبة (بكبوكة)

arwa alaa · 2016-03-31, 11:32

ام ادم بصحتك البركوكش نموت عليه خاصة بالقديد
حنا اليوم غدانا شكمبة (بكبوكة)

arwa alaa · 2016-03-31, 11:43

غزالة انا تاني كان عندي نفس المشكل مشي من نوع الخيط من الخدمة
كي تخدمي السلسلة الاولى تكملي السطر الاول عادي ومبعد تخدي ماي وتقلبي تشوفي الخدمة من الفوق تلقاي فوف كل غرزة متشكل حرف v تخمي غير بجيهة وحدة من الفي الي قدامك حنا موالفين نهزوه كامل باش نخدمو غرزة الحشو لالا المرة هاذي نخدمو غير بالجهة الي قدامنا من الفي ونكملو السطر عادي ومبعد نطلعو بماي ونقلبو الشغل وكي تشوفي الخدمة تلقاي الجزء الخلفي الي خليناه من قبل يكون شوية التحت راهو باين كي الخطور صغار جايين وراء بعظاهم اخدمي عادي 4غرز حشو وكملي السطر عادي

arwa alaa · 2016-03-31, 11:45

غزالة جربي وقوليلي ان شاء الله نكون وصلتك الفكرة راهي جات الخدمة هايلة

ام آدم · 2016-03-31, 13:56

الله يسلمك اختي اروى آالاء وبصحتك البكبوكة انا في هاذ العطلة ولدي وزوجي يطلبو غير في الاكلات التقليدية من عيش لغرايف لمحجوبة
راني غير في الكوزينة نلبز ونحط قلت خلي نبردلهم قلوبهم
مي لاتاي راهي راحت مع العجاين كشما نبدا نصوم ان شاء الله اثنين وخميس أجر ومنفعة كيما تقول ماما

ام آدم · 2016-03-31, 13:58

ام هزااااااااااااااار

وينك راكي لاباس ولا راكي غاطسة في الكوزينة كي حبيبتك

ام آدم · 2016-03-31, 14:01

اروى آلاء انت من اي ولاية راكي تقولي بركوكش مثل صديقتي من سوق أهراس

oum sabrin · 2016-03-31, 15:26

السلام عليكم و رحمة الله
واش راكم يا فراشات؟ا
ام ادم و نسمة صبح اتمنى لكما التوفيق في المسابقة
امال شكرا لك على راني اطلعت على الموقعين ربي يحفظك و يوفقك في كل ما تسعين اليه
حبيباتي اليوم الخميس نهو للتخطيط
قمت بوضع اهداف شهر افريل بذن الله
1- القيام بحملة تنظيفية للمنزل عميقة على مهللي استقبالا للشهر الفضيل ( قد تدوم اكثر من شهر لان منزلي كبير)
2- التحضير للمسالبقة بتخصيص ساعتين يوميا للتحضير مادة معينة
3- تعزيز الجانب الديني ران اذكار الصلاة في الوقت تسبيح
هذا و ساقوم بتخطيط برنامجي التنظيفي مثل ما قالت امال لكل ركن نخثصصو اسبوع ليكون العملر متقن و على مهل

صح قهوتكم غالياتي و تحية لكل واحدة باسمها

الرجاء الاماني المجد · 2016-03-31, 16:43

مساء الورد ام صابرين اعجبتني فكرة التخطيط وراني رايحة نعندك وكي نوجد البرنامج انحطو

arwa alaa · 2016-03-31, 17:38

واش راكم دايرين فيها
حنا اليوم رانا درنا تريدة الطاجين للعشاء جات الجارة من الحج وعندها غير طفلة وحدة صغيرة قالت عجوزتي نديرولها العشاء
انا غدوة ان شاء الله نروح