الى ام اسيد1 وكل وحدة حاصلة واش الطيب

[ام حمزة22]

صدفات تفضلي رابط الخبز ومراحلهhttps://www.djelfa.info/vb/showthread.php?t=1601667
هدا كان اول موضوع ليا في قسم الطبخ

[غزالة الصّحراء]

مساء سعيد للجميع كلل وحدة باسمها . وياربّ الكلّ ايكون بألف خير. . اليوم راني جبتلكم فطوري. وآسفة عن الغياب لكثرة الأشغال.
[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

الطبق الأوّل عبارة عن فلفل أخضر+ طماطم حبّة. + فلفل أحمر يابس مرحي + زيت الزيتون.
الطبق الثاني عبارة عن خضرة مفورة + الصوص ألي سبق واذكرتها للأخت أم حمزة.
الطبق الثالث عبارة عن سلاطة خفيفة . لأجل الرجيم فقط.
الطبق الرابع مطلوع أخفيف كالريشة .
الطبق الخامس عبارة عن سلق . كذلك بالطريقة التّي سبق وأن ذكرتها في هذه الصّفحة.
وراني أندير بيسكوي رولي لولادي بسلامتهم.

[غزالة الصّحراء]

المشاركة الأصلية كتبت بواسطة ام حمزة22

صدفات تفضلي رابط الخبز ومراحله
هدا كان اول موضوع ليا في قسم الطبخ

أهلا وسهلا بالحبوبة. ياربّ اتكوني والعائلة بألف خير. وكذلك كلّ واحدة تنتمي إلى صفحتك المميّزة. دون ان أنسى أيّة واحدة. أختي ام حمزة. ماكانش الرابط. أو لا يظهر عندي؟ أنا ثاني عجبتني هاذيك الخبزة.

[صدفات]

غزالتي أرجوك حنونتي صغري الصور باه تطلع الصفحة خفيفة
ام حمزة حبيبتي نسيت تحطي الرابط

[ام الخير 05]

صباح الخير عليكم غزالة يعطيك الصحة اطباقك هايلين خاصة الحار والمطلوع قريب ندخل نخطفهم
ام حمزة راني درت البارح الكرمب تاعك وجا بنين يعطيك الصحة وانا ثاني نستنى في رابط الخبز سلامي للجميع

[ام حمزة22]

سلام لبنات
صباحكم سعيد ويومكم اسعد حبيباتي
ارجو الاعتدار وقيل نسيت نحط الرابط الله يتبتني
لبنات راني حطيتو
لبنات انا اليوم راني محمومة بعيد الشر عليكم ولادي عداوني وما لقيتش على من نتفشش ههههههه
مع ان بايتة بالحمة والام اللوزتين ولاقريب نضت بكري غسلت الحوايج وطيبت الفطور ومسحت على خفيف والله انا نمسح والحمى تاكل فيا
بعد هاد الشغل رحت نطبق عملي في ملكة الفنون خفت يطيحني المرض وما نتمكنش نكمل عملي
لبنات بعد هاد الصفحة نبعتلكم صور طبق اليوم

غزالتي بصحتكم راهي اطباق تشهي يعطيك الصحة ربي يحفضك ويخليلك صحتك
غزالة راهي صور كبيرة لهادا طول الصفحة باه تطلع

[***سلمى ***]

صباح النور كامل الاحباب .غزالة لم اتمكن من رؤية الصورة .لا اعرف ما السبب

هذا فطوري
حبيت ندير تحميل الصور لكن كارت مموار لم تقرا
درت برانية +سلاذة سنارية وبيطراف مفور+
في الكوشة ل
لحم مرحي+4بيض+شابلير+ بصل+معدنوس
ودرت كرواسون للعشية

[***سلمى ***]

المشاركة الأصلية كتبت بواسطة ام حمزة22

سلام لبنات
صباحكم سعيد ويومكم اسعد حبيباتي
ارجو الاعتدار وقيل نسيت نحط الرابط الله يتبتني
لبنات راني حطيتو
لبنات انا اليوم راني محمومة بعيد الشر عليكم ولادي عداوني وما لقيتش على من نتفشش ههههههه
مع ان بايتة بالحمة والام اللوزتين ولاقريب نضت بكري غسلت الحوايج وطيبت الفطور ومسحت على خفيف والله انا نمسح والحمى تاكل فيا
بعد هاد الشغل رحت نطبق عملي في ملكة الفنون خفت يطيحني المرض وما نتمكنش نكمل عملي
لبنات بعد هاد الصفحة نبعتلكم صور طبق اليوم

غزالتي بصحتكم راهي اطباق تشهي يعطيك الصحة ربي يحفضك ويخليلك صحتك
غزالة راهي صور كبيرة لهادا طول الصفحة باه تطلع

باشفا عليك غرغري بماء دافي وخل احمر 3 ايام صباح ومساء +تيزانة

[ام هاديل وياسين]

مساء الخير ام حمزة الله يشافيك شفتي كي نمرضو منلقاوش الي يفششنا
ويلا رقدي تندمي على ذيك الرقدة بشفى عليك حبيبتي وديري كما قالتلك سلمى الخل ينفع بزاف
صح فطوركم سلمى من بعد قوليلنا طريقتك في البرانية غزالة اطباقك هايلة بصح ستنيت شحال
بش طلعو الصور يعطيك الصحة ام سوهيل ان شاء الله ارتاح ولدك سلامي لام اسيد مراهيش تبان ان شاء الله المانع خير
صدفات ام الحبايب منال ام الخير حيات تحياتي لكم والي نسيتها تسمحلي اغلى سلام ليها


ام حمزة واش هوا عملك هذه المرة في دورة ؟

[ام الخير 05]

مساء الخيرات ام هديل ليك وللجميع
بالشفاء عليك اختي ام حمزة راني شفت الخبز راهو هايل بصح حبيت نسالك اذا نقدر نطيبو في الفور ةلا الكويزينيار وويناه الاحسن

[غزالة الصّحراء]

يامساء الأنوار على أعزّ حبيبات وأروع الغاليات. ياربّ الجميع ايكون بألف خير. وأتمنّى الشّفاء لأم حمزة الحبوبة. واللّه غير عندك الحقّ إذا مرضوا الأولاد أو الزوج اللّه ايباعد عليهم الهم دئما يتفشوا علينا . وإذا مجرّد تعب أتعبنا أحنا النّساء منلقاوش كامل عى من نتفشّشوا. أنكملوا الشّغل ونسكتوا . نشكيوا غير للّه. باش يعطينا المدد والقوّة ونكملوا هاذوك الشّغالات باش الكامل يفرح. ماعليش. اللّه ايساعدنا ويقوينا.
شوفوا حبيباتي. بالنسبة للصور لأوّل مرة راني نرسل الصّور . راني أتعلمت من المنتدى. المشكل ماعنديش آلة تصوير. وحتى البورتابل صوره غير واضحة. إذن لازم نتعلم كيفاش أنصغرهم. أوليدي الصّغير بسلامتو هو ألي أخذلي الصور.
وعذروني. اليوم مانيش قادرة ندخل بزاف. الكهرباء مرة على مرة ينقطع. راني اسرقت بعض اللّحظات. على خاطر أتوحشتكم بالبزاف. يارب الكلّ ايكون بخير.
قلبي راه يتقطّع عليكم. راني انقول كيفاش أنروح ومارديتش على كلّ وحدة كالعادة. بصّح ماعليش رايح أندير راتراباج لمّا تتصلّح الأحوال الجويّة. ههههههههههه واللّه غير هي السّبب الرئيسي.

[***سلمى ***]

ام حمزة ام هديل وغزالتي و ام الخير الحاضرين والغايبين مساء الانوار.

البرانية=تطيبي مرقة عاقدة حمراء فيها لحم وحمص زيتون ومن جهة اخرى تقلي البطاطا+باذنجان+جريوات وحطيهم في المرقة طبقات لما يغلي طفي عله واذا حبيتي ديريلو حبة بيض او 2 مفقسة من االفوق.
وبالشفاء

[ام الخير 05]

مساء الخير ياغزالة كلامك عسل بصح قوليلي وكان تلقاي فرصة صح ترقدي انا حتى ونلقها تبانلي واحد مايعرف يخدم في داري نزيد وعندي خواتاتي الحمد لله بصح مانرقدش الااذا كانت الموت تقطع فيا بعيد الشر على الجميع
ام حمزة راني ماصبرتش تجاوبيني ودرت الخبز طيبتو فوق الحديد تاع الكويزينيار ومن بعد درتو في طرشونة باه ماجيش يابس وعجبني بزاف وزيدي جاوبيني من بعد اذنك

[ام الخير 05]

مسسسسسسسسسسسسسسسسسسسسسسسسسسسسسسسسسسساء الانوار ياسلمى وصح عشاك

[***سلمى ***]

ام حمزة ام هديل وغزالتي و ام الخير الحاضرين والغايبين مساء الانوار.

البرانية=تطيبي مرقة عاقدة حمراء فيها لحم وحمص زيتون ومن جهة اخرى تقلي البطاطا+باذنجان+جريوات وحطيهم في المرقة طبقات لما يغلي طفي عله واذا حبيتي ديريلو حبة بيض او 2 مفقسة من االفوق.
وبالشفاء