بداية يوم جديد - الصفحة 170

نسمة صبح · 2016-03-29, 20:03

اهلا حبيباتي ..توحشتكم ..راكم منورين ماشاء الله ..و الكل يسأل عن الكل
على سلامتك هناء محمد و شكرا على الاستقبال ..كنت ضايعة من غيركم و رجعتولي الروح والله
ام صابرين يا قمر انت..على سامتكأروى ليك وحشة يا غالية..عارفاتك شاطرة وين تكوني ..اخدميلي صدر و سانتورة كروشي هههههه
امال ..صابرة و محتسبة واش احوالكم

راهو عاجبني الجو اللي راكم مدايرينو حتى و مكانش تطبيقات

ام هزار خليتك الاخيرة ..وين تسكني أ مخلوقة بالاك نتلاقو صح وين درينا ..

تقريري اليوم نضت الصباح قلت اليوم ساعيش لنفسي لن اتوتر لن اغضب ...ساحبها سانجز قوائمي ..نغتسل و نفرز خزانتي ...توحشت روحي هههههه

شربت كاس الما على الريق و اخذت دوائي شربت قهوتي على روااااق قلت مش راح تخلى مبعد سيقت الحالة و غسلت الحمام ..بعد الغداء تلاقيت صديقة و رحت اجوب شوارع مدينتي الحبيبة مرفهة على روحي شريت حويجات نلبسهم للدار ..روبات سامبل و فيزو ..

و شفت الذهب يلمع روحت كي لمجنووونة ...بقيت نحكي مع صحاباتي عل المسانجر مسترخية ولا على بالي ..لا للضغوط ..بعد شوي نعمل دوش و نقعد على رواق ندير كاسة زعتر و نكتب قوائمي و ندعي و نرقد

هذه الايام حابة نتصالح مع روحي مسكينة ههههههه

ام هزار · 2016-03-29, 20:11

نسوومة . اهلا يا غالية . ما شاء الله . دائما رائعة و ربي يخليلك هذا التفكير الايجابي يا رب
عني انا راني كل مرة وين راني نسكن . لظروف خاصة . المهم في الخاص ان شاء الله نحكيو . بعدما تصل مشاركاتك الى 500
ساعتها راح نثرثرو و نثرثرو و نثرثرو . بالمناسبة عجبتني عبارة ا مخلوقة . قمة التلقائية و الطيبة و البساطة حبيبتي
الى الملتقى ان شاء الله

amel... · 2016-03-29, 20:32

مساء الخير عليكم يا الشاطرات

ام هزار و نسمة راكم هنا ... الله يبارك بصح وش يا ام هزار تشايخي بالمعرفة في الخاص و لا وش .... هههه

تقريري لنهار اليوم .... تم ما يلي شرب الماء على الريق و زدت قريت عليه قران قبل ما نشربو ... اذكار الصباح ... التسبيح ... خطوة في كل مشروع و كملت الجبة تاع قريبتي

... التفكير بايجابية اكيد ... اذكار المساء .... الصلاة ما عدا الفجر للاسف ... تبريد منطقة ساختة و كانت من نصيب ادواتي تع الخياطة استعدادا للدخول المدرسي في

مدرسة الجلفة للخياطةا ذن اليوم تم * 7.5 و الحمد لله و تسبيح النوم سوف يكون كي نحكم بلاصتي باذن الله

فراشات اليوم رحت سجلت و دفعت ملف المسابقة ادعيولي ربي يوفقني و يكون معايا

غزالة1 · 2016-03-29, 21:40

السلام عليكم
مرحبا بيا عندكم و مرحبا بيكم عندي
وحشتوووووووووني يا فراشاتي الجميلات
نراجع و نرجع لكن على حساب الصفحات لغد و لن انتهي ههههه ربي يبارك
ندور دورة خفيفة في منتدانا و نرجع غدا
ليلة سعيدة و احلام اسعد

ام هزار · 2016-03-29, 21:56

اهلاااااااااااااا غزالة ...... نورت . واش احوالك . ان شاء الله لاباس . طمنينا
امال حبيبتي لا معريفة لا والو ...... لما يتعلق الامر بنسمة . لازم السمع و الطاعة . راهي نسسسسسسسسسمة يااااااو هيهيهي
نسمة نسيت نقولك بصجتك ما شريت . تلبسي و تقطعي بالصحة و الهنا
ربي يغير احوالك نحو الاحسن . امين يا رب العالميييييين
تصبحوووووووووووون على خير و عافيو و تفاؤل . امييييييييييييييين

hanamohamed · 2016-03-30, 08:51

صَبَاحُكُم نُوَر و رَحِمُة وغُفْرَان

مَلِيْء بالخَيِّرُ و البَسْمَة

oum sabrin · 2016-03-30, 09:14

صباح الخير و المحبة على حبيباتي الفراشات
واش راكم
هناء محمد و غزالة على سلامتكم منورين بطلتكم
نسمة ربي يخليك يا غالية و الله ضحكتيني بالصدر و السانتورة كروشي ههههه بصحتك ما شريتي
امولة ربي يوفقك انا تان قمت بالتسجيل و رحت دفعت ملفي امس للمشاركة في المسابقة ان شاء الله ربي يوفقنا حبيت نسالك هل هناك موقع جيد للمراجعة و التتحضير؟ راني شغل رايحة نجوز الباك
اروى و ام هزار يتوحشكم الخير الاهل بخير يسال عليكم الخير حبيباتي
تقرير الثلاثاء
البارح الجانب الديني تم و الحمد لله كانو عندي حوايج للغسيل و مسحت الغبارو الزجاج لكل المنزل و سيقت كامل الدنيا و نشرت الملابس و الغذا درت شربة جلبانة يابسة و سلاطة
و في المساء رحت دفعت الملف تاعي و كي رجعت طويت الملابس المغسولة و في الليل درت روتين الرومنسية + دعاء النوم
يوم موفق للجميع

غزالة1 · 2016-03-30, 10:02

السلام عليكم
صباح الفل والياسمين و الورد و الرياحين و المسك و العنبر
راني لبست لبسة الجيدو هههه عندي اعمال لفوق راسي ربي يعيني
جاني الضيوف ثم. انا رحت ضيفة و الان راح نسلك ضيافتي ههه

غزالة1 · 2016-03-30, 10:04

اولا الحمدلله على السلامة ام متين شريكتي رااني تقلقت عليك و في بيت اهلي لا يوجد انترنت
توحشت قهوتك

غزالة1 · 2016-03-30, 10:11

نسمة يا نسومة اهلا برجعتك
كل الفراشات وحدة وحدة ام صابرين امال العروسة ام هزار هنا ام ابراهيم ام ادم اروئ ام دودة ام هارون جهينة
اذا نسيت وحدة تسمحلي ياك قلتلكم انو عندي فقدان ذاكرة ههههه
يعطيكم الصحة زهيتو الحالة و باذن الله نرجعولهم للنشاط وحدة وحدة

غزالة1 · 2016-03-30, 10:12

نروح لاستئناف الاشغال
سلام

amel... · 2016-03-30, 13:20

مساء الخير عليكم يا الشاطرات ....

اهلا بالغزال النشيط و على سلامتك حنونة

ام هزار علابالي بلي مكنش معرفة بصح قاعدة غير نضحك معاك ....

ام صبرين ربي يوفقنا ان شاء الله و شوفي هاد المقعين انا راني لقيت فيهم دروس ملاح

مدونة التربية و التعليم و مدونة التوظيف dzemploi

سلام لكل وحدة باسمها

ام هزار · 2016-03-30, 13:39

صبحكم الله بموفور الصحة و الهنا . كيف الاحوال
غزالة . ربي يعينك . اكثري من قول لا حول و لا قوة الا بالله . راهي تعين في الاشغال اضافة للاستغفار
ام صبرين . شكرا على وضعك للتقرير . و ربي يوفقك انت و امال في التحضير و المسابقة اللهم امين
هناء كيف الحال اختي
البقية كل و حدة باسمها . موفقات باذن الله

arwa alaa · 2016-03-30, 14:01

السلام عليكم واش راكم
نسمة النسومة توحشناك
غزالة بصحتك الضيافة وربي يعينك على الدار تخرجي نهار تحصلي
شريكتك راهي ولاة وراحت لدارهم
لبنات وكتاه نبداو ميناج الربيع ورمضان معبعض صابرين وين راكي .............
جهينة هزار ام ادم ام دودة هناء واش راكم ..........
امال وام صابرين ربي يوفقكم وينجحكم يا رب

ام آدم · 2016-03-30, 14:07

مساء الخير حباباتي توحشتكم ياااااااااااااسر ياااااااااااسر بزااااااف بزاااااف

الحمد لله رحت لدارنا وقعدت ايام روعة ورجعت بنفسية مرتاحة ومتفائلة
ام هزار توحشتك يا شبيهتي واش عاملة العطلة قريب تخلاص ونعود للعمل اهئ اهئ
نسمة صبح اهلا وسهلا بعودتك عزيزتي
غزالة الرائعة فرحت كثييييييييييرا بعودتك والله يعينك على الشغل شفتي نضيفو يومين ندفعو الثمن غالي ههههه
انا اليوم عملت ميناج للارضية ومن بعد غسيل ]
آمال وام صابرينانا ثاني ان شاء الله راح نشارك في مسابقة التعليم الطور الثانوي وبالنسبة للمراجعة كاين في الفايسبوكمنتديات التعليم الشامل راهي روعة فيها كل الدروس والله الموفق