العمارة -- بسكرة -- هنا - الصفحة 17

نظام الفوضى · 2013-09-18, 00:54

اقتباس:

المشاركة الأصلية كتبت بواسطة amine0007

نورمالمون تكون بدات وكملت ولا قريب يكملوا لاني قريت هاديك النهار في احد اقسام المنتدى اعضاء يتحدثوا على جامعة باتنة

هل لك مصدر يا أخي؟

الاسبوع الماضي كنت ثم

كانوا مزال يديروا في الراتراباج

رجل الاحلام الحزين · 2013-09-21, 09:01

راطراباج

عابرة طريق · 2013-09-21, 11:21

اشكرك
اخي على الموضوع المفيد

انا طالبة سنة 1 جامعي هندسة معمارية

تابعت الموضوع في الاول تحمست للدراسة

للعلم انا في وهران ثم خوفتني شوي المشاريع لي طلبوها الاخوان

مزال مقالوناش وينتا نبداو و حتى التسجيلات الثانية و مزال

وينتا برايك نبداو ؟

و عندي مشكل

كشف النقاط الخاص ببكالورياي تاع هذا العام درته فوتوكوبي حوالي 60

لانهم قالولي نحتاجوه لكن المشكلة اريد نصادق عليهم لكن الاصلية دفعتها في ملف التسجيل و هما يطلبوها عند المصادقة على الاوراق

عندي ورقة فقط مصادقة عليها

هل سيشكل ذلك مشكلة ؟ انصحني اخي ماذا افعل

رجل الاحلام الحزين · 2013-09-21, 11:57

اهلا بيك الاخت ، وش راكي ؟
همممم و الله نورمال مكاين حتى حاجة تخوف
مشاريع عادية ، كيما خدمناها حنا و وصلنا سنة 3 ، تقدري انت تاني تخدمي و تنجحي
و راح توالفي بالسهر و الخدمة ، حاجة عادية
نصيحة من عندي ، اعرفي كيفاه تنضمي وقتك برك
.+.-.
وكتاه تبداو هممم و الله ما نكدب عليك كل جامعة و كيفاه
حنا في بسكرة نورمالمو يبداو غدوا ، و لا بالاك راهم بداو les cours
انا نروح بعد العيد ان شاء الله
.+.-.
مي في وهران واقيل سمعت بللي مزال كاين شوي روطار ، زيدي سقسي لي يقراو تم
.+.-.
و الشهادة لي صادقتي عليها راها عندك ؟ شوفي كيفاه تروحي للبلدية و ادي معاك هاديك الشهادة المصادق عليها
باه يتأكدو برك ، و الا ماصلحتش هكا شوفي كيفاه ادا تعرفو واحد يخدم في لبلدية و خلاص
^^
ربي يوفقك اختي

عابرة طريق · 2013-09-21, 12:10

اقتباس:

المشاركة الأصلية كتبت بواسطة رجل الاحلام الحزين

اهلا بيك الاخت ، وش راكي ؟
همممم و الله نورمال مكاين حتى حاجة تخوف
مشاريع عادية ، كيما خدمناها حنا و وصلنا سنة 3 ، تقدري انت تاني تخدمي و تنجحي
و راح توالفي بالسهر و الخدمة ، حاجة عادية
نصيحة من عندي ، اعرفي كيفاه تنضمي وقتك برك
.+.-.
وكتاه تبداو هممم و الله ما نكدب عليك كل جامعة و كيفاه
حنا في بسكرة نورمالمو يبداو غدوا ، و لا بالاك راهم بداو les cours
انا نروح بعد العيد ان شاء الله
.+.-.
مي في وهران واقيل سمعت بللي مزال كاين شوي روطار ، زيدي سقسي لي يقراو تم
.+.-.
و الشهادة لي صادقتي عليها راها عندك ؟ شوفي كيفاه تروحي للبلدية و ادي معاك هاديك الشهادة المصادق عليها
باه يتأكدو برك ، و الا ماصلحتش هكا شوفي كيفاه ادا تعرفو واحد يخدم في لبلدية و خلاص
^^
ربي يوفقك اختي

اشكرك اخي الكريم
للعلم انا مشي موالفة بالسهر في العادة اقصى حد انام 10 و احيانا 8 او 9 ليلا هل هذا سيشكل مشكل ؟
نعم هناك تاخير نوعا ما التسجيل الثاني قالونا هذا الاسبوع و الله اعلم
و بعض الشعب يبداو غدا
الورقة لي عندي هي ايضا كشف نقاط البكالوريا و هي مصادق عليها غدا ان شاء الله نسيي و نشوف ان شاء الله يقبلوها
و ان شاء الله ساتردد عليك في حالة وجود اسئلة اذا مكاش هناك ازعاج

و بارك الله فيك

رجل الاحلام الحزين · 2013-09-21, 12:18

10 و احيانا 9 و 8
اواااه برنامج النوم تاعك سوف يتغير
حنا عندنا لي يرقد بكري يرقد على 00:00
بالصح ماشي مشكل ، توالفي
.+.-.
مكاين حتى ازعاج ، اسألي واش حبيتي مادام راني مازلت هنا ^^

فوستر بيزيه · 2013-09-22, 12:12

يا رجل الأحلام

وقتاش تبداو تسجلو ؟

وشحال نتوما في الماستر؟

هاتلنا الجديد اللي عندك ربي يحفظك

حنا الخارجين منعرف كيفاش نقدروا نتصلوا بيهم

مدينالهم الأرقام ومزال معيطوناش

رجل الاحلام الحزين · 2013-09-23, 09:24

التسجيلات نورمالمو بداو و كملو !!!!
و كاين 200 طالب يقرا ماستر و قبلوهم كامل

رجل الاحلام الحزين · 2013-09-30, 17:55

:d
ربي يوفقكم

رجل الاحلام الحزين · 2013-09-30, 17:56

:d
ربي يوفقكم

عابرة طريق · 2013-09-30, 19:08

السلام عليكم

رجل الاحلام الحزين

عندي ليك اسئلة لو سمحت بذلك

اليوم كانت اول حصة ليا في الجامعة البداية كانت بالورشة

اعطونا في الاول استجواب طبعا عن الرسم ثم اعطاونا رسم عن cabano رسمناه

ثم رسم اخر عن الدوائر ايضا رسمناه و رسم اخر

المهم تعبونا كاول يوم

و طلبو منا الادوات اضافة الى الكتب و اعادة الاعمال في البيت و البحث عن le corbusier

المهم الكتب طلبوهم منا يوم الاثنبن يكونوا عندنا

و طلبو على الاقل شراء الثلاث هادو

l'espace vivant jean cousin

dessin d'architecture / prenzel

dessin d'architecture Amain levee

اذا كانت هناك روابط للتحميل فارجو ان تعطيني اياها

و يلا مكانش الله يخليك قولي شحال ثمن الكتاب الواحد

وهل نلقاهم عند جميع المكتبات ؟

في انتظارك اخي

رجل الاحلام الحزين · 2013-09-30, 19:54

و عليكم السلام ،،
اهلا بيك
من اول نهار تعبتي :d
.+.-.
لي كوربوزيه عندي عليه معلومات راح نفيدك بيها في اقرب وقت ان شاء الله
و بخصوص الكتب و الله صعبة باه تلقيها في الانترنت ، شبه مستحيل
و بخصوص الثمن لست متأكد لكن ستكون مكلفة
من المفروض تكون متوفرة في مكتبة المعهد الخاص بكم
راح نحاول نفيدك بكتب اخرى في اقرب وقت
اي سؤال اخر راني هنا

عابرة طريق · 2013-10-01, 12:25

السلام عليكم

اخي اريد منك مساعدتي في بحث عن le coubusier خاصة عن cabano الخاص به اعتقد انه مشهور

و ايضا اليوم شرحنا الاستاذ عن credit عن عمليات التنقيط

ممكن الله يخليك تشرحهم لي اكثر

و عن الكتب قالولنا بلي موجودين pdf لكن لم اجدهم بعد

نتمى تعاونني

و اذا كان عندك فاس ب و ك ففي حالة كان عندي اسئلة نبعثهم ليك عبر رسالة فيه
وشكرا

عابرة طريق · 2013-10-02, 10:30

اين انت يا رجل الاحلام الحزين

احتاج الاعمال لغدا

رجل الاحلام الحزين · 2013-10-02, 12:08

السلام عليكم
اسمحيلي اختي و الله كنت مشغول شوية
حملي هادا
https://www.mediafire.com/?xsahuy7l1l44md3