تجهيزاتنا للشهر الفضيل

[arwa alaa]

فراشات وين راكم

[omelbanin]

السلام عليكم فراشات،
شكرا رندة،وجهينة على الوصفات.
انا اليوم غسلت لحوايج تاع الصيف لي جبدتهم ،البيوضة لقيتهم فيهم طاشات صفورة .
جابلي زوجي كمية من القرنون والطماطم ،خبيت القرنون في المجمد على طريقة قناة وصفة من مطبخي .
والطماطم غدوة ان شاء اللّٰه نقوم بيها.

[جهينة اليقين]

المشاركة الأصلية كتبت بواسطة randa2017

بارك الله فيك جهينة على العصائر وبصحتك قهوة الانجاز.

جبتلكم طريقة لتحضير الهريسة في المنزل.

شكرا رندة انا كذلك منا نحبش الهريسة حارة بزاف عجبتني هذه الطريقة وبنفس الطريقة نخدم الفلفل الحلو يعطي لون وطعم جميل للاكل

[جهينة اليقين]

كرونو اليوم ما بنتيش ان شاء الله وليدك ارتاح من الحمى

[جهينة اليقين]

السلام عليكم فراشات الحمد لله الذي احيانا بعد ما اماتنا واليه النشور

[جهينة اليقين]

ربي يعاونك ام هارون على التوجاد وربي يعيننا على اشغالنا
نتمنى الفراشات الغايبات يلتخقوا بنا

[arwa alaa]

صباح الخير فراشات

[رندة.]

صباح الخير جهينة واروى.
صباح الخير على كل الفراشات الملتحقات بعدي

[arwa alaa]

اهلا رندة كاش توجاد

[حياتي كلها امل]

السلام عليكم وشراكم اليوم كملت الصالون تهنيت منو والامس خدمت الهريسة والاسبوع الجاي ان شاء الله انكونو بصحة وعافية راح نبدا غرفة النوم ونخبي ملابس الشتاء

[جهينة اليقين]

انا اليوم ما درت والو من غير الروتينات كل نهار وبراكتو درت المطلوع شدني شوي ومن بعد جاوني ضياف فطرو ما راهمش براوية كلاو الحاضر ضولمة سردين وسلطة متنوعة وبرتقال

[omelbanin]

السلام عليكم ،وشراكم فراشات،
انا اليوم غسلت كوفرولي ،ودرت تنظيف عميق للارضيات ،وخبيت شوية طماطم.

[arwa alaa]

اهلا ام هاجر جهينة وام هارون
انا اليوم تاني تقريبا مخدمت والو غير الروتينات وغسلت زاورة وخلتها تقطر
شريت زوج كيلو قرنون لكان قدرت لعشية نقيهم

[ام هزار]

[size="5"]السلام عليكم و رحمه الله تعالى و بركاته و ربي يعينكم على أشغالكم
أنا البارح لعيشه بعدما تغدينا و راحت هزار تقرا أغسلت لمعان و رتبت المطبخ و كملت الجزء المتبقي من المنظم الخشبي أو ليليمو و من بعد استلقيت شويه لزوم الراحه الاجبازيه و نصت وجدت حميش للعشا بزيت زيتون مع سلطه خضرا و فرزت الدار على السريع أكيد مع الاعتناء بهزار و قرائتها و الزوج و متطلباته
بالمناسبه أم هاجر كيفاه حضرت الهريسة في المنزل و جبينه عجبتني عصاءرك بصح الحاجز هو السكر الأبيض رايحه نتحايل معاه
ربي يعلونا و يعاونكم اللهم امين

[حياتي كلها امل]

ام هزار الهريسة انا نحكم الحار الاحمر نغسلو ونقطعو ونحيلو الزريعة ثم انفورو حتى يطيب تماما من بعد نرحيه في الرحيوة اليدوية تاع الخضرة لانها ماتخليش القشرة تاع الحار تهبط اذا ماعندكش ارحيها بالبرا ثم صفيها بعدها انزيدلها الثوم والملح الزيت الكروية ونحطها فوق النار حتي تنشف من الماء جي روعة ثم خليها تبرد وديريها في بلارة وديري من الفوق شوية زيت باه ماتفسدش