الجزء 153 من واش طيبتي اليوم

[sofia dj]

ممممممممممم جاو في وقتهم
صباح الخيرات علي احلي فحلات يعطيكم الصحة كلش الله يبارك
سياسم اختي الوصفة مافيهاش الزيت؟؟؟؟؟؟.
ام وسيم ياك راني نضارب مع التصاور غلبوني وماحبوش يخرجو حشمو قالولي حبيتي تبهدلينا ههههه راني نقصر نزيد نحاول ان شاء الله
ربي يحفظكم كامل

[omomnia15]

صباح الخير ومبروك الكوزينة عطورة
راكم الله يبارك دايرين حالة بالخيرات ربي يدومها عليكم
فطوري طعام باللبن كي العادة

[Simassim]

المشاركة الأصلية كتبت بواسطة sofia dj

ممممممممممم جاو في وقتهم
صباح الخيرات علي احلي فحلات يعطيكم الصحة كلش الله يبارك
سياسم اختي الوصفة مافيهاش الزيت؟؟؟؟؟؟.
ام وسيم ياك راني نضارب مع التصاور غلبوني وماحبوش يخرجو حشمو قالولي حبيتي تبهدلينا ههههه راني نقصر نزيد نحاول ان شاء الله
ربي يحفظكم كامل

. غلطت راني عدلت الوصفة. غلطت باش نكتب زيت كتبت ماء

[Simassim]

صباح الخيرات عليكم. نهاركم مبارك ان شاء الله

راجعت فالليل ونسيت كل شي. وزيد راه عندي مشكل مع المنتدى نكتب الرد. يخرجلي البيدون ههههه.

وصور مرات يظهروا ومرات لالا. !!؟؟

اليوم فطورنا بواقي تعبانة والصغار راهم هنا. نوجدلهم فطورهم برك. كابويا وجريوات لهيثم ويوسف اما لي بات او فريت او روز بالزبدة. واحنا عندي شوي ستاك وشوي دجاج تاع البارح وشوي معقودة نزيد سلاطة برك

[•~ندية الجوري~•]

المشاركة الأصلية كتبت بواسطة sofia dj

ام وسيم ياك راني نضارب مع التصاور غلبوني وماحبوش يخرجو حشمو
قالولي حبيتي تبهدلينا ههههه راني نقصر نزيد نحاول ان شاء الله
ربي يحفظكم كامل

السّلام عليكم و رحمة الله و بركاته ...~
ــ

يومكم مُبارك حراير بلادي
يعطيكم الصّحة ؛ تبارك الله ماشاء الله في كل شيء

أختي عطر الذّهب ؛؛ افتقدناك ؛ ما عدتي طلّي علينا ☺

؛؛؛؛

الأخت صوفيـــا
حاولت نعمل لك شرح في تحميل الصّور
و إن شاء الله تستفادي منه

* بداية استعملي أيّ مركز تحميل تختاريه
مثلاً مركز منتدانا



بعدها تختاري من صورك ما تُريدي تحميله.


تمّت عمليّة التّحميل

ديري كوبي إيماج ...على رابط للمنتديات
كيما راني مدايرة تظليل


تروحي لصفحتك لي راح تحطي فيها المشاركة و ديري
Coller
بدون ما تغيري أي شي من الرّابط ..لا تزيدي و لا تنقصي
و و بعدها إدارج اللمُشاركة
راح تخرج الصّورة وحدها .

.

أو إذا حبيتي....
تكليكي على الصورة الصغيرة لي تخرج في موقع تحميل الصّور
راح تخرج في صفة وحدها
هكذا .....
.



ديري نسخ الصّورة
و مثل ما سبق .. في صفحة المشاركة تاعك ؛؛ ديريColler l'image
.


حاولي و بإذن الله تنجحي في غدراج تطبيقاتك و طبخك
و ايّ سؤال تفضلي


.

[ام فضيلة]

صباح الخيرات وجمعة مباركة ان شاء الله. عطر الذهب اتفضلي الباروك من ارشيفي حتان يفرج عليا ربي

[zahra30]

صباح الخييير ونهاركم وجمعة مباركين عليكم ان شاء الله
غدانا طعام باللحم وسلاطة ورمان والحمد لله
الصور كي نكمل الدوران ان شاء الله
ام هبوبة راني اديت وحدة نتقهوة بيها امبعد بصحتكم
صح غداكم جميعااااااااااااااا

[lahna moka]

صباح الخيرات حبيباتي الحلوات
أم فضيلة سلمت يداك مممممممممم خاااصة البرغر يسخخخخخخف
غذايا طاجين البسباس تاع ميمتي الغالية أم رحاب و الريحة راني تفحفح فالكوزينة و للقهوة تاع لعشية رايحة ندير بان كايك ام أماني
الداية المسرارة اضربي بأي لون تريدينه نستاهل خخخخخخخ

[oum islem]

السلام عليكم
صباحكن سعيد حراير الكوزينة
لهنا تستاهلي كل خير مش الضرب بالبشماق فقط حاذري على صحتك لأن الصحة نعمة
زهرة بصحتكم الطعام
ام فضيلة خبز البارغر يبان هايل اي طريقة درتي شاركينا الوصفة
سماسيم نهارك زين حتى انا عندي نفس المشكل قليل باه نشوف صورة
صوفيا أم امنية وام جوجو وام محمد اسلام يومكن موفق وسعيد
ام هبوبة يعطيك الصحة انا ندي كامل الصحن ما درتش الغدا
الكل غائب ما نحبش نطيب ليا وحدي

جبتلكم مقروط اللوز تاع أم اماني بقلاصاج السكرة أم تاج بنين يقتل
لي تشوف الصورة بصحتها ولي ما تشوفهاش تتخيلها


اللهم اغفرلي ولوالداي وللمؤمنين والمؤمنات يوم يقوم الحساب

[*فاتن*]

مساء الخير عليكم
تعيشو شكون تقدر تعطيني وصفة لكريم باتسيير تكون بنينة ادا امكن درك باش نحشي بيها التارتولات

[oum islem]

المشاركة الأصلية كتبت بواسطة القناعة كنز

الكرواسون تاع لطفي حيمر قناة سميرة
المقادير: 500غ فرينة ملعقة سكر، م ك حليب بودرة، ملح، فنجان زيت، م ص محسن خبز باه ما تخرجلهاش الطلعة و تقدري تستغناي عليها، فانيلا و بيضة و نبل بالما و مارغرين التوريق
نخلط المواد الجافة و الزيت ثم نضيف الخميرة المحسن و البيضة و نبل حتى نتحصل على عجينة ملساء اعجني جيدا بيدك حوالي 15 د
بعدها نعمل مثلما نعمل العجينة المورقة 3 دورات عادية 3 tours simple نحلها على شكل شريط و نقص مثلثات و نعمل عادي و نخليها تخمر و الى الفرن
ان شاء الله نكون قدرت نوصل الفكرة و اذا مافهمتوش كاين فيديو كرواسون لطفي حيمر.

يعطيك الصحة أختي ربي يبارك في صحتك
يبان هايل ويستاهل التجريب

ندية الروح صباحك سعيد وشكرا ان شاء الله تعم الفائدة

عطر الذهب اقتراحاتك هايلين نتمنى نقدر نطبق معاكم

القاكم بخير

لا اله الا الله وحده لا شريك له له الملك وله الحمد وهو على كل شيء قدير عليه توكلت وهو رب العرش العظيم

[ام عبدو و ملاك]

صح غداكم كامل
محاجب درتها للغداء و العجينة اللي بقات درتها مطاوي لقهوة العشية

[sofia dj]

بارك الله فيك اختي ندية ربي يجعلها في ميزان حسناتك
سياسم شكرا عالتعديل ربي يعطيك الصحة
لهنة يعطيك الربح ههههه ضحكتيني هادوك وين لقيتيهم عندي شحال ما شفتهم
عطورة عجبني اقتراحك البان كيك عندي عام وانا نقول نديرو وما درتوش دك نديرو ان شاء الله
لبنات صح فطوركم واللي ما طيبتش جي لعندي بصح تاكل الفريت والسلاطة و حميس الغالية ام ساجد جا روعة ربي. يعطيها ما تتمنا

[القناعة كنز]

سلام للجميع و جمعة مباركة
درنا تليتلي للغذاء بصح ما صورتش
زدت رجعت للارشيف و هذا بتي فور من مطبخ عفاف ان شاء الله يعجبكم

[أم ياسين الزهراء]

صباح النور
عندي ضياف ودرت طعام باللحم مرقى حمراء وسلاطة والحمد لله ومندرينة وعصير وبسبوسة مع لاتاي
مارجعتش بصح راح نضربك بالبشامق الكل لهنة نجيفك ولا ماتعرفينش

يوم موفق