~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~ - الصفحة 17

ابداع جزائرية · 2014-04-30, 00:28

سمّوووورة نعتذر عن تقصيري في الوفاء بوعدي
اعذريني حبيبتي والله ...
وماشاء الله عليكم لبنات

تبرّدو القلب ربي يبارك
ظروفي ماتسمحليش حاليا نبدا التنظيف العميق
ممكن بعد اسبوع ان شاء الله
نشارككم ان شاء الله حينها بالصور

اعجبني الجانب التربوي ماشاء الله
اقتراحاتكم رائعة
مع الاولاد ربي يحفظهم
حبيت نزيدلكم هاذ الجداول عملية مع الاطفال ويحبّوهم
ممكن تطبعوهم وتعلّقوهم في غرفتهم او على الثلاجة
وتعمّروهم مع بعض
واكيد النقطة النهائية تحدد اذا كانو يستاهلو هدية أو خرجة أو طبق ادّيريهولهم من اختيارهم
نتمنى تعجبكم

وهاذي للصلوات
خاصة في شهر رمضان
وممكن نبدو نشجعوهم منذ رجب

ابداع جزائرية · 2014-04-30, 00:35

وبالنسبة للجانب الديني
يوم الأول من رجب ان شاء الله نبدو ختمة قراءة قرآن للي حابة تبدا معانا
تحضيرا لشهر رمضان ان شاء الله
هذا برنامجنا اللي حابة تنضم لينا مرحبا :
ختم القرآن مرة واحدة فِي رجب ♡

الفجر : 4 صفحاات
الظهر : 4 صفحات
العصر : 4 صفحاات
المغرب : 4 صفحاات
العشاءء : 4 صفحاات

ختم القرآن مرتين فِي شعبان♡

الفجر : 8 صفحاات
الظهر : 8 صفحاات
العصر : 8 صفحاات
المغرب : 8 صفحاات
العشاء : 8 صفحاات

ختم القران 3 مراات فِي رمضااااان ♡

الفجر : 12 صفحة
الظهر : 12 صفحة
العصر : 12 صفحة
المغرب : 12 صفحة
العشاء : 12 صفحة

لا تنسي أن كل حرف تنطقينه عند قراءة القرآن الكريم بحسنة ، وتكتب عشر حسنات ! ..
ففي ( بسم الله الرحمن الرحيم ) مثلاً 19 حرفاً ..
تحتسب بـ 190 حسنة ! ..
فقط عند التسمية 190 حسنة ..
فكيف بالآيات ، ( حقاً فرصة العمر ) ..
لأن بعض الموازين يوم الحساب
قـد لا تحتاج إلا لحسنة واحدة لتترجح كفة حسناتها على كفة سيئاتها
فينفتح الطريق بفضل الله ورحمته إلى الجنة ! .
لا حرمنا الله الطريق الآمن إليها .
رزقنا الله جميعاً عونه وتوفيقه والصدق والإخلاص والقبول ، وحسن العاقبة ..
اللهم آمين

وشعارنا

**افنان** · 2014-04-30, 07:26

اقتباس:

المشاركة الأصلية كتبت بواسطة ابداع جزائرية

سمّوووورة نعتذر عن تقصيري في الوفاء بوعدي
اعذريني حبيبتي والله ...
وماشاء الله عليكم لبنات

تبرّدو القلب ربي يبارك
ظروفي ماتسمحليش حاليا نبدا التنظيف العميق
ممكن بعد اسبوع ان شاء الله
نشارككم ان شاء الله حينها بالصور

اعجبني الجانب التربوي ماشاء الله
اقتراحاتكم رائعة
مع الاولاد ربي يحفظهم
حبيت نزيدلكم هاذ الجداول عملية مع الاطفال ويحبّوهم
ممكن تطبعوهم وتعلّقوهم في غرفتهم او على الثلاجة
وتعمّروهم مع بعض
واكيد النقطة النهائية تحدد اذا كانو يستاهلو هدية أو خرجة أو طبق ادّيريهولهم من اختيارهم
نتمنى تعجبكم

وهاذي للصلوات
خاصة في شهر رمضان
وممكن نبدو نشجعوهم منذ رجب

ماشاء الله جزاك الله خيرا نسال الله ان يوفقنا للتطبيق

ام هاديل وياسين · 2014-04-30, 09:10

الله يبارك فيكي منورتنا في كل مكان جعل الله كل هذا الاجر

في ميزان حسناتك

ماريا205 · 2014-04-30, 09:22

السلام عليكم ورحمة الله تعالى
تطبيقي ليوم الاثنين
الجانب الديني الحمد لله التسبيح والاستغفار قدر المستطاع والدعاء
التلاوة 4صفحات وحفظ3ايات من سورة الطور
الجانب التنظيفي بعد ما راحوا الاولاد للمدرسة رتبت الدار مسحت الغبرة دخلت للكوزينة كملت حيطان الفايونس اللي بقاو وشوي من السقف منني وصلتو عموما ناوية نسبغو نطفت البوتاجي حممت الطابونة نعطيكم طريقة القارص لاعادة اللمعان للمفاتيح تاعها جيبي طراف قارص حكي عليهم الملح وحطيهم فوق الجزء النحاسي وخليهم مدة ثم حطي ترجع جديدة غسلت الثلاجة من داخل و من البرا نظفت المشينة سيقت الكوزينة وفوتت النشافة على كامل الدار الغداء وجدت العيش حار والسلاطة
الجانب التربوي نحاول التقليل من الصراخ

الجانب التجميلي عادي

ماريا205 · 2014-04-30, 09:38

السلام عليكم ورحمة الله تعالى
تطبيقي ليوم الثلاثاء

الجانب الديني : التسبيح والاستغفار قدر المستطاع
والدعاء طول النهارالتلاوة في الحزب 15 وحفظ3ايات من سورة الطوروالحمد لله
الجانب التنظيفي رتبت الدار مسحت الغبرة دخلت مباشرة للكوزينة الغداء وجدتو من قبل . اليوم دورالخزائن بديت بخزانة سلة الماعن فرزتها غسلتها نشفت الماعن وغسلت بابها نشفتو ثم الخزائن اللي قدامها نفرز نغسل ماعنها نكمل بالباب تاعها نشفو كملتهم بقاولي 2 تاع الكنتوار غدوة نديرهم سيقت الكوزينة حطينا الغداء غسلت ماعن العشية درت طمينة يحبوها الاولاد العشاء شربة بيضاء مطلوع

لجانب التربوي نحاول التقليل من الصراخ وتحفيظ الاولاد قراءة اية الكرسي قبل النوم

الجانب التجميلي عادي +حركات رياضية

oum radja · 2014-04-30, 15:54

السلام عليكم
اليوم حبيت ننقل ليكم احد مشاركات صديقتنا و حبيبتنا بنت الجزائر الغالية تمنيت لو كانت معانا في هاذ الدورة و الله كنا نستفيد منها بالزاف

إن أردت التغيير فإن أول خطوات التغيير الاستيقاظ الباكر

الصباح الباكر وقت مهم جدا لابد من استغلاله بدل النوم فيه, في هذا الوقت تشعر بالنشاط والرغبة بالعمل, فاستثمره في اداء اعمالك بدل من القيام بها في اخر الليل.
هذه نصائح تعينك على الاستيقاظ باكرا:

1- حدد سبب معين لكي تستيقظ باكرا :
لكي تتغلب على شعور النعاس صباحا لا بد من وجود سبب جيد او عمل تريد القيام لكي تقنع نفسك بترك الفراش, مثلا ( اداء صلاة الفجر او مراجعة درس قبل الذهاب الى المدرسة او الجامعة او مجرد القيام بالرياضة).
2- كن منتجا في الصباح :
اذا استيقظت باكرا لاداء عمل معين فيحب ان تقوم به, لانك ان لم تفعل ذلك فمع مرور الوقت سوف تشعر بعدم فائدة الاستيقاظ باكرا لانك اذا استيقظت باكرا او لم تستيقظ فلن تقوم بالعمل.
3- احصل على قسط نوم كافي :
اذا استيقظت باكرا ولم تكن قد حصلت على قسط نوم كافي فانك سوف تشعر بالخمول طوال اليوم وبذلك تخسر نشاطك وربما يؤدي الى المرض وهذا عكس هدفنا.
4- اذهب الى الفراش باكرا:
من اهم اسباب الحصول على قسط النوم الكافي هو الذهاب الى الفراش باكرا لابد ان تنام قبل منتصف الليل, والناس تختلف مدة النوم الكافية لهم لذا يجب ان تعرف المدة الكافية لك وتختار وقت النوم المناسب.
5- النوم المريح:
احيانا حتى اذا اويت الى الفراش باكرا واخذت مدة نوم كافية فانك تستيقظ وانت تشعر بالتعب, لذا حاول ان تهيئ لنفسك بيئة نوم مريحة مثلا اختر فراش ووسادة مريحة, احيانا القراءة قبل النوم(يفضل قراءة القران) تساعد على تصفية الذهن.
6- لا للعشر دقائق الاخرى:
واحد من اصعب الامور عند الاستيقاظ باكرا هو مقاومة النوم لعشر دقائق اخرى, وغالبا ما يكون لديك سبب مقنع, لكن هذه العشر دقائق تؤدي الى عشرة اخرى وهكذا, لذا يجب ان ترفض هذه الفكرة من اول مرة وتقوم بالنصيحة التالية.
7- استخدم جهاز تنبيه:
قد تصل الى مرحلة تستيقظ قبل جهاز التنبيه لكن من المهم ان يكون لديك جهاز تنبيه في حال استغرقت في النوم, ولكي يكون الجهاز فعال يجب ان يكون الصوت عالي ومزعج وبعيد عن يدك حتى لا تطفئه وتعود للنوم.
8- برمج ساعتك الداخلية:
يمكن تعويد جسم الانسان على القيام باعمال معينة في وقت معين أي برمجته بالتدريب, أي ان جسمك يعرف متى يستيقظ متى ينام لذا يجب ان تستمر على الاستيقاظ باكرا حتى في ايام العطل, هكذا لن يتذكر جسمك

oum radja · 2014-04-30, 15:56

تحدي الاسبوع
قال الله عز وجل
: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح

قال رسول الله صلى الله عليه و سلم
( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)

لنجعل ليلة الجمعة هذه للاستغفار الف مرة في الليل و الف في يوم الجمعة
بصيغة .........استغفر الله و اتوب اليه

من تقبل التحدي ...........و تسارع في الخيرات ..........شدو الهمة ......
اللهم تقبل منا صالح الاعمال

ام ياسمين10 · 2014-05-01, 10:34

بالنسبة لغرفة النوم ... 10 على 10 ..... و زيري على روحك شويا و اعتابري نفسك في جهاد و حاولي تنوضي للفجر لانو فيه كل البركة .... اما التجميلي فلا للاهمال و مرحبا بالانوثة .... ادا عندك كود غرفة المتزوجات ادخلي معانا في صفحة معنا انت الاجمل و رايحة تستفيدى......شكرا ليكى سمراء والله نصائحك فى القمة بصح رانى حابة ندخل غرفة المتزوجات ومنيش عارفة كيفاش ??راه عدد مشاركاتى قليل .ممكن تورينى شروط الدخول

ام عبودة · 2014-05-01, 13:34

اقتباس:

المشاركة الأصلية كتبت بواسطة oum radja

تحدي الاسبوع
قال الله عز وجل
: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح

قال رسول الله صلى الله عليه و سلم
( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)

لنجعل ليلة الجمعة هذه للاستغفار الف مرة في الليل و الف في يوم الجمعة
بصيغة .........استغفر الله و اتوب اليه

من تقبل التحدي ...........و تسارع في الخيرات ..........شدو الهمة ......
اللهم تقبل منا صالح الاعمال

االسلام عليكم
انا معاكم في التحدي
صدقوني تبان بزاااف بصح والله ما تدي ربع الساعة
انا استعملت السبحة في هذا الاسبوع من قبل كنت نستعمل الاصابع فقط بصح السبحة ارووووع
وصدقوني تحسو بالهدوءوالراحة النفسية
الحمد لله كان اليوم هذا التحدي الرائع

oum radja · 2014-05-01, 13:46

السلام عليكم
اوووووووووووووووف راني تعبانة بالزاف الكوزينة تعبتني اليوم
نضت الصباح بكري فرغت البلاكار و تحت البوتاجي و الادراج وبديت نغسل نقيت كلش و نظفت البلاكارات و الادراج تاني رجعت المواعين في وقتهم والكويزينيار الحمد لله نقية جبدتها و مسحت موراها
ورحت للفريجيدار نقيته وسيقت الكوزينة رجعت تشعل
جابلي الراجل الخضرا فرزتها ودرتها في الفريجيدار و المفاجأة كانت 4كيلو فراولة 4كيلو برتقال و 4كيلو ليمون ياسلام احلى مفاجأة
درت الغدا يطيب طاجين جلبان و ماسيدوان
وبديت مع الفراولة غسلتها مليح فرزتها الحبات الملاح درتهم في علب و الى المجمد و الحبات لي طايبين قطعتهم و درت النصف مربى و النصف الاخر عصير
البرتقال و الليمون هاذ المرة مادرتش بيهم العصير المركز عندي منه بالزاف غسلتهم كيما هوما ودرتهم في الكونجيلاتور نهار نسحق نجبد و نعصر برك
تغدينا وغسلت المواعين وتوضيت للظهر
الجانب الديني
عادي الصلاة في وقتها الاذكار
التسبيح و الاستغفار
واحيانا قراءة القران على بالي راني مقصرة ان شاء الله تتعدل اموري ونواظب عل القراءة والحفظ
الجانب التربوي
دايما مع بنتي عمرها 5سنوات في مراجعة السور القصيرة
وللاسف وصلنا لسورة البينة و تلهيت عليها شوية
بالصح راها قري تدي عطلة وندخلها للجامع
ودايما نعلمها بعض الاحاديث النبوية الشريفة وحسن معاملة الاخرين واداب الاكل
وولدي تعبني عنده تأخر شوية في الكلام عييت معاه وما نفع والو
الجانب الجمالي
دايما مع ماسك بياض البيض
وماسك الطماطم يوميا كل ما نجبد حبة طوماطيش من الثلاجة ندي قطعة و نديرها لوجهي
المايوناز للشعر
الترطيب خاصة في الليل للجسم و الشفاه
مشط الشعر
لاماكياج لا كحل كل حاجة بردت من قلبي ما نعرف علاش؟؟
لي عودة لوضع بعض الصور

oum radja · 2014-05-01, 13:53

اقتباس:

المشاركة الأصلية كتبت بواسطة ام عبودة

االسلام عليكم
انا معاكم في التحدي
صدقوني تبان بزاااف بصح والله ما تدي ربع الساعة
انا استعملت السبحة في هذا الاسبوع من قبل كنت نستعمل الاصابع فقط بصح السبحة ارووووع
وصدقوني تحسو بالهدوءوالراحة النفسية
الحمد لله كان اليوم هذا التحدي الرائع

عندك الحق ام عبودة التحدي رائع
و بالسبحة نكملو في وقت قياسي و نزيدو

oum radja · 2014-05-01, 13:56

اقتباس:

المشاركة الأصلية كتبت بواسطة ابداع جزائرية

وبالنسبة للجانب الديني
يوم الأول من رجب ان شاء الله نبدو ختمة قراءة قرآن للي حابة تبدا معانا
تحضيرا لشهر رمضان ان شاء الله
هذا برنامجنا اللي حابة تنضم لينا مرحبا :
ختم القرآن مرة واحدة فِي رجب ♡

الفجر : 4 صفحاات
الظهر : 4 صفحات
العصر : 4 صفحاات
المغرب : 4 صفحاات
العشاءء : 4 صفحاات

ختم القرآن مرتين فِي شعبان♡

الفجر : 8 صفحاات
الظهر : 8 صفحاات
العصر : 8 صفحاات
المغرب : 8 صفحاات
العشاء : 8 صفحاات

ختم القران 3 مراات فِي رمضااااان ♡

الفجر : 12 صفحة
الظهر : 12 صفحة
العصر : 12 صفحة
المغرب : 12 صفحة
العشاء : 12 صفحة

لا تنسي أن كل حرف تنطقينه عند قراءة القرآن الكريم بحسنة ، وتكتب عشر حسنات ! ..
ففي ( بسم الله الرحمن الرحيم ) مثلاً 19 حرفاً ..
تحتسب بـ 190 حسنة ! ..
فقط عند التسمية 190 حسنة ..
فكيف بالآيات ، ( حقاً فرصة العمر ) ..
لأن بعض الموازين يوم الحساب
قـد لا تحتاج إلا لحسنة واحدة لتترجح كفة حسناتها على كفة سيئاتها
فينفتح الطريق بفضل الله ورحمته إلى الجنة ! .
لا حرمنا الله الطريق الآمن إليها .
رزقنا الله جميعاً عونه وتوفيقه والصدق والإخلاص والقبول ، وحسن العاقبة ..
اللهم آمين

وشعارنا

اختي ابداع يعطيك الصحة على التذكير وكل المجهود لي راكي تبذلي فيه
و الجداول هايلة

oum radja · 2014-05-01, 14:25

هاهي بعض صور تطبيقاتي في هاذ الايام
قلب اللوز تاع الصوامعية

هاذو مربعات الشوفلور انا درتها مستطيلات هههههه

هاذو المسمنات لي جمدتهم

هنا راها طيب

جمدت شوية قرنون لضيف تاع الغفلة ولا لرمضان اذا كتب ربي

هاذي فطيرة الشاورما امممممممممممممم

وهاذي الفراولة نقيتها و جمدتها في علب

وهاهو البرتقال و الليمون في المجمد

و الحمد لله على النعم

oum radja · 2014-05-01, 15:41

تدبيرة
اذا كنتو محتاجين القارورات البلاستيكية تاع العصير باش تستعملوهم لاستعمالات اخرى مثلا تقدرو تجمدو فيهم الجلبانة او حتى العصائر المحضرة في البيت او حتى تعمرو فيهم الما و بغيتوتتخلصو من الرائحة لي فيها

شللو القارورة بالما فقط و ديرو فيها التلوة تاع القهوة مع شوية ما برك وخليوها مدة يعني ممكن ديريها الصباح كي طيبي القهوة و العشية تعاودي تغسليها بقطرة صابون وتشلليها رايحة تتخلصي من الريحة