دورة صيفية جديدة

[ام جعفر وباسم الحبيب]

صباح الخير وجمعة مباركة لكل الفراشات... توحشتكم بزاف وتوحشت نشوف النشاط والحيوية انتاعكم...

[جهينة اليقين]

اهلا فراشات توحشتكمممممممممم بزاف رانيتهنيت من بعض الضغط الي كان عندي وراطيت شحال من عرس تحججت باش ما نحضرش كرهت الهرج والمرج من بعد نروح نبارك وخلاص بصح الضياف ها ريح هذا جاي ربي يقدرنا ونقومو بالحبايب
اللهم صل وسلم على سيدنا محمد واله وصحبه اجمعين

[ام هزار]

اهلا جهينة هلت الانوار تامني بربي غير قبيل برك و انت في بالي
واش راكي واش راهي عايلتك و الله غير توحشناك بزاااااااااااااااااااااف
ربي يسرلك امورك و ترجعي لينا امين
اللهم صل و سلم على سيدنا محمد صلاة لا تنقطع ابدا

[فراشات العمر]

السلام عليكم
واش راكم خياتي نحكيلكم مشكلتي هي النت الضعيف ههههه نكتب ونلقى مكاش ردودي
المهم يخي صحتكم بخير وعوايلكم بخير لي عندو فرح ربي يتمو ولي عندو هم ربي يزيلو ويؤجر عليه
انا راني يخير وولادي بخير الحمد لله على هذي الساعة

[ام هزار]

اهلا فراشات
اليوم اضافة الى الرروتينات نظفت الرواق الكولواغ مليح و كتبت قائمة بمشتريات العيد و اللوازمتاع الدبيحة و اللحم و ورق الطهي باه نحط فيه اللحم قبل ما نحطو في اكياس التجميد رايح يكون صحي
الغدا جريوات بالبصل و سلطة خضرا و الحمد لله
يومكن موفق

[ام شمسو محمد]

السلام عليكم فراااشاااات
وين رحتو اكيد راكم في البحر هههههه

[ام شمسو محمد]

حكمتك ام هزار
حطي تقرير مفصل بتجهيزاتك للعيد و الدخول المدرسي
لي عودة باذن الله

[ام هزار]

اهلااااااااااااااااااااااا ام شمسو ما اروع حضورك
شوفي نوعدك في المسا ان شاء الله نكتبلك تقريري
صح غداااااااك

[ام هزار]

هاني جيت ام شمسو
شوفي قائمتي بسيطة جدا تحوي الضروري من المستلزمات فقط
كروشي اللي نعلقو فيه الدبيحة و صاشيات كبار للقمامة الزايدة حاشاكم تسنين السكاكين و شجدها
شراء مفاضي العيد من فواكه و خضر و مشروبات و حلوى و ورق الطهي و مناديل ورقية مطبخية و اكياس التجميد و البطاقات اللي نكتب عليها نوع اللحم المجمد
شراء مواد التنظيف الضرورية على راسها الجافيل و خل الكحول
اعدا مشروب الليمون المرافق للاكلات الدسمة شراء الحنة و الكسوة لهزار بالمناسبة راني كسيتها و الحمد لله منها للعيد و منها للدخول المدرسي
اما الدخول المدرسي راني نسنى حتى نشوف توقيتي ان شاء الله و توقيت هزار
نست نقولك اعدا الحميس قبل العيد ان شاء الله اما الخبز ففرني معطل رايحة نوجد كسرة و خلاص ادا حب ربي سبحانو و ناكلوها سخووووووووونة خخخخ
مادا عنك انا في الانتظار

[ام هزار]

صباح الخير فراشات
ام شمسو راني نسنى فيك
انا اليوم قضالي الزوج واش طلبت و فرزت الخضر جييييدا ان شاء الله مدايرة حسابي حتى لاول ايام العيد و حت الثاني ان شاء الله
فرزت البيت على الخفيف و غسلت شوية قش بيدي و زوج بساطات خشان راهم يقطرو
للغدا بربوشة بالدجاج و فاكهة و الحمد لله

[ام شمسو محمد]

حبيبتي ام هزار والله مامنعني من الرد الا القاوي ههههه...جهازي راهو مكسر وراني غير بالهاتف ومانرتاحش نكتب بيه راني نعاني ذرك هههه
تجهيزاتك هي نفسها واش ندير انا و لي عودة باذن الله من اجل الاضافة ادعيلي زوجي يقبل يصلح الميكرو

[فراشات العمر]

السلام عليكم
ام شمسو واش بيه لميكرو نتاعك يدخل الونداوز او تظهر شاشة سوداء وما يدخلش عندي خبرة في اجهزة الكمبيوتر احم احم
واش راهم ناس لمسيلة زوجي ساخف يسكن فيها
ام هزار الله يبارك في شطارتك نقلك راكي نسيتي اعواد الشواء انا نقطع اللحم مربعات صغار ونعمر الاعواد ونحط طاجين يسخن ونمدلهم يقلبو وحدهم ممممم
بالمناسبة تقطعو ذبيحة نتاعكم بالساطور والا بالمنشا
والبزلوف شكون جربت تلوحو في الكيس والا الماء الساخن يغلي

[ام شمسو محمد]

المشاركة الأصلية كتبت بواسطة فراشات العمر

السلام عليكم
ام شمسو واش بيه لميكرو نتاعك يدخل الونداوز او تظهر شاشة سوداء وما يدخلش عندي خبرة في اجهزة الكمبيوتر احم احم
واش راهم ناس لمسيلة زوجي ساخف يسكن فيها
ام هزار الله يبارك في شطارتك نقلك راكي نسيتي اعواد الشواء انا نقطع اللحم مربعات صغار ونعمر الاعواد ونحط طاجين يسخن ونمدلهم يقلبو وحدهم ممممم
بالمناسبة تقطعو ذبيحة نتاعكم بالساطور والا بالمنشا
والبزلوف شكون جربت تلوحو في الكيس والا الماء الساخن يغلي

اهلا بعودتك الحبيبة الغالية ام لينا والله غير توحشناك و توحشنا هذيك الايام و روحك المرحة ...
بالنسبة للميكرو الجهاز هو لي مكسر مش النظام يعني الالة ....لازملو خدمة ...اذا تعرفي نجيك ماكيش بعيدة ههههه
و اذا حاب زوجك يسكن في مسيلة ارواحي نتبادلو انا ثاني نحب البرج
و الذبيحة نقطعوها بالساطور غير البوزلوف لي بالمنشار
و البوزلزف حنا نغليوه في الما سخون يغلي ..تديري الما في البسينة كي يغلي تلوحي فيه الراس حوالي دقيقة و مبعد تنحيه و تحطيه في القصعة و تبقاي تنحي في الصوف بموس ماضي و بسرعة الما السخون ينسل الشعر ...كي يبرد و يعود الصوف ما يتنحاش عاودي رجعيه للما اللي يبقى يغلي فوق الطابونة و كرري العملية...و هكذا دواليك .....في المرحلة الثانية احكمي موس حلاقة هذاك تاع بكري لي تجي اللام او الشفرة في وسطو و نحي الشعر الرقيق لي يبقى لاصق في الجلد ...في المرحلة الثالثة شوطي الراس و حطيه يتغسل مليح
هذي طريقتي لي تعلمتها في بيئتي كي تكون الظروف مناسبة راح تحصلي على نتيجة روعة و الراس يخرج ابيض يشعل و مافيهش حتى زغبة ...يكون كاين إشكال كي يكون الحيوان كبير في العمر تلقاي شوية صعوبة و تحتاجي وقت اطول شوية كذلك الما البارد او طول الوقت لي تخلي البوزلوف في الما ممكن ياثر على النتيجة
الايجابي في هذي الطريقة من وجهة نظري هو النظافة النسبية لي تحافظي عليها في مطبخك و شكل البوزلوف الابيض الناصع و كذلك الوقت القليل لي تستغرقيه

[ام هزار]

اهلا بفراشانت العمر واش احوالك
بالنسية لاعواد الشواء راهم عندي من قيل في البيت لاني نستعملهم على الدوام لشي الدجاج بصفة خاصة
اما الجزرة رانا عدنا نقطعوها عند الجزار
البزلوف جربت مرة لحتو في الماء المغلي و ما نجحتش الطريقة و الله زاد عدبني و من اللي عاد زوجي و بنتي ما ياكلوهش عدت نصدقو
ام شمسو مسك الحتام ما كان لا تعتادري و ربي يخدملك الزوج الميكرو تاعك و تتهناي
ام شمسو حقيقة لا بد تعرفيها حضورك وحدو يكفي و يحفز و حتى لو كان بالتوجيه بارك الله فيك

[ام شمسو محمد]

المشاركة الأصلية كتبت بواسطة ام هزار

ام شمسو مسك الحتام ما كان لا تعتادري و ربي يخدملك الزوج الميكرو تاعك و تتهناي
ام شمسو حقيقة لا بد تعرفيها حضورك وحدو يكفي و يحفز و حتى لو كان بالتوجيه بارك الله فيك

جميلة جدا انت يا ام هزار