الجزء 130 من واش طيبتي اليوم

[طير الرحمة]

كلما قلت مساء الجمال وجدت جمالا فيكم فاق توقعاتي
كلما قلت مساء الخير وجدت الخير بصفحتي وجودكم
كلما قلت مساء الورد لم اجد عبيرا مثل عبيركم
كلما قلت مساء النور وجدتكم تنيرون انحاء صفحتي
كلما قلت مساءكم سكر وجدتكم كالعسل
كلما قلت مساءكم رياحين و ازهار وجدت تواضعكم اخجلني
فعلموني ماذا اقول لكم و كيف امسي اسعد الله مساكم
مساء الورد —

[طير الرحمة]

مبروووووووووووووك الجزء الجديد من الكوزينة ام اسلام وربي يجعله فاتحة خير علينا ان شاء الله
تبارك الله عليكم كلشيئ حطيتوه فووووووووووووووووووور ربي يجعل موائدكم دايما عامرة
واش لقيتو الحواااااااااااااااااااامل ولامازال ههههههههههههه زعما انا نعرفهم قصدي خبرتكم ام ياسو عليهم ولامازال
لازم اليوم نخطفوها وتخبرنا ولا
انا هده اليومين لا انترنت هبلت طلقوها غير درك دخلت نجري هههههههههههه
اليوم للعشاء عملت حميص وفريت اوملات وسلطةة ومطلوع والحمد لله على النعمة

[طير الرحمة]

[IMG]https://s*******-cdg.xx.fbcdn.net/hphotos-xaf1/v/t1.0-9/11170361_10153034455437795_5228342662385315423_n.j pg?oh=22094cd23adb99e94625d1f5578e07ba&oe=55C0EF35[/IMG][IMG]https://s*******-cdg.xx.fbcdn.net/hphotos-xtf1/v/t1.0-9/11114189_924841590871220_520218115471174434_n.jpg? oh=50a3c6d7d7ce7cda4bde04cec1a92224&oe=55C46D7E[/IMG]

[بنت ابوها~]

المشاركة الأصلية كتبت بواسطة oum islem

دائمة الحمد جلبانتك عسل يا الغالية جربتها بطريقتك مرة تهببببلللل ونقي براحتك ما تعبيش روحك
عازفة فحلة تاع الصح ما شاء الله عليك يسلمو يديك ويعطيك الف عافية
وناسة ربي يعينك على الغربة الفريك انا غسلتو وملحتو ولما يبس بعثتو للطاحونة وما زلت ما غربلتوش
اما الفريك نشريه ساجي بصح هو شعير محمص واذا ما توفرش استعملي الفريك وحدو وكي جي للبلاد اديه معاك
ام ماجد وصلتني رسالتك ورديت عليك وبصحتو حفيظ الكسوة
لامونة 12 اهلا وسهلا بك
مريم عمري لا جمدت الفراز لكن نحضرو معجون ونخبيه في المجمد لانو يخسر بالخف معتمدة طريقة ninafret هايل وسريع
ام اسماعيل بصحتكم البربوشة والبانانيا تاع بوداب كل العلمة يحبوها
جوهرة الجنة منورتنا بحضورك مرحبا بك

شكرا على الاجابة و الصابلي خرجلك هايل يعطيك الصحة

[وردة الشمس]

زنوبة بصحتك الطمينة امممممممممممممممم سخفتني وقيلا نشقا عندك نتعشا وندير سبور منوراها فالطابي تاعك اكي علابالك بلي معنديش الة رياضة ههههههههه

المشاركة الأصلية كتبت بواسطة فرح العمر

ام اسلام الف مبروك الكزينه وان شاء. الله تكون كزينة مربوحة على الجميع و الله لمة الحبايب هذي ما نقدر نفوتها بصح الله غالب راني نكتب و نبكي في العادة الحامل ترتاح من اعراض الحمل بعد3 او4 اشهر انا راني نسوفري 9 اشهر تاع وحم و زادني السخانه و التعب و ما لقيت حتى اللي يعاوني الا زوجي ربي يخليه راهو واقف معايا بالشي اللي يقدر و الله تعبت
اسمحيلي خرجت على الموضوع بصح ما صدقت واحد سقساني باه نفرغ قلبي شوية

فرح العمري ربي يسهلك ولادتك ان شاء الله مبقالكش بزاف وترتاحي اصبري وادعي ربي يسرك امورك ان شاء الله

[Aya69]

صح عشاكم.
عشايا كان لابيري ومرقاز وفلفل ورخساس والحمد لله
من فضلكم حابة ندير غداً بإذن الله سباقيتي باللحم المرحي وحابة طريقة جديدة شكون الفحلة لي تقلي على الطريقة وجازاكم الله كل خير يارب
نراجع واش فاتني

[amel maya]

مبروك عليكي اختي الكوزينة نتمنى تكونوا كلكم بخير و نتمنى تعجبكم اطباقيي





هذه سلطة





و هذا خبز












وهذه بايلا








ة هذا مشوي

[ناهدوران]

صح عشواتكم
ايزابال توحشناك واش هاد الغيبة ، الله لايغيبك
زينب 66واش مازرتيش قصر الباي ، ولا خليتي حتى الغدوة ونتلاقاو التم هههههههههههههههه
زينب 83 صح ليك المشتريات وعجبني بزاف الطابع انتاع المقروض سلفيهولي للعيد الصغير انفوخ بيه لصحاباتي في السينية وربي يخليلك زوجك ، وراهوا عندوا دوق ماشاء الله وخمسة في عينيا وقل هو الله
عازفة الناي ربي انشاءالله ايطيحك في راجل يعرف قيمتك وقيمت يديك
دائمة الحمد خلصتي من تفراك الجلبانة ولا لا ، وتاكليها بالصحة والراحة
ام سهام يعطيك الصحة على واش قاعدة تقدمي
وهيبة ربي يسترك وايخليك وراهو لسانك اينقط عسل
روضة واش راهو وائل وصح ليه اللبسة ، على جالوا رايحة انجيب طفلة باه اناسبك ، وماتخافيش انجيبهالك زينة ههههههههههههههههههههه
وسااااااااااامي لكل وحدة نسيتها حتى نراجع ونولي

[أم ياسين الزهراء]

اللي تسقسي على الفطر خليه بالماء انتاعو انا نديرو في بلارة تاع زجاج ونحطو في فريجيدار

بصحتكم العشاء حبيباتي

زينب بصحتك المشتريات وريلي طابع المقروط

[wahibaazel]

صح عشاكم كامل حبيباتي.
ام سهام بارك الله فيك على الوصفات .
زينب بصحتك المشتريات.انا عدت مانحبش نروح جهة الماعن باه مانسخفش ومانخسرش الدراهم.لي نشوفها نلصق فيها والدار غولة كيما يقولو.
عشاي كسرة ولبن بارد يسخخخخف.ما احلاه من عشاء.

[Aya69]

ماشاء الله عليكم شئ لحطيتوك رووووعة وحدة متتخير على اخرى ربي يباركلكم في صحتكم ورزقكم يارب
ام تاج الف مبرووك لزوجة أخوك ولعقوبة ليك ولكامل لحوامل يارب
روضة بصحتك تحويسة وبصحت رويجل لبسة بالصحة والهناء يارب
زينوبة حبيبتي بصحتك مشتريات ولحوايج نتاعك ونتاع لأولاد بالصحة والهناء
ام سهام الله يبارك راكي قايمة بالحالة ربي يحفظك يارب
دائمة الحمد غاليتي وشراكي وام داعش وأم اسينات كيفاه راهم
ام ماجد بصحتك تحويسة وبصحت حفوظي لبسة.
ليزا لحبيبة مدخلتش ليوم ان شاء الله مانع خير يارب
ولي نسيتها تسمحلي وبوسة على راسها

[lyzzabel]

مسلخيييييييير حبيييبااااتييي و بصحتكم قااااع واااش طيبتوو هههه

زينوووبة على سلاااامتك ويين كنت خاازنة ههه بصحتك المشترياات و بصحتهم الاولااد ربي يخلييلكم سااس الخيمة و يعييش و يجييبلكم ،، عجبني الطاابع تااع المقرووووظ رااااااائع لوكاان غير زدتي وااحد لياا هههه

فرح العمر حبييييبتيي كاامل نعرفوو بلي الأشهر الأخييرة من الحمل جدددد متتتعبة بصح الوقت رااه يمشيي درك كلشي يفووت ،، اكثرييرمن الذكر و الاستغفااار ،، اللهم لا سهل إلا ما جعلته سهلا و أنت تجعل الحزن إذا شئت سهلا ،، ربي يسلك وحاايلك ما بقاالك إلا القلييييل

حقاا انا رااني عند بابا جييت قبييلاا و درت البسبووسة التركية بذوق البرتقاااال مممممممم دييتها معااياا

[oum islem]

تفضلن غالياتي
بالصحة على قلوبكن

[*وردة الشرق*]

مساء الخير حبيباتي الحلوين كيف الاحوال يارب تكونو بخير النت اليوم تقيلة بزاف هلكتني تعشينا كسرة درت رخساس ليهم ومطلوع ليا ووليداتي الصغار وشكشوكة ما حبوش يتحملو غدا ان شاء الله نحاول راني رايحة نعلق لكن لننساها تسامحني والله عيني مقفولين من التعب
ام اسلام ماشاء الله على الاطايب اللي تحطي فنانة الله يبارك
عازفة لباباباباب واوووووووووووووووو واممممممممممممممممممم روعة ما شاء الله
ام ياسين المسرراة الحلوة سخفتني في الروز واللمبوط بصحتكم حنونة
اختي دائمة الحمد بصحتكم الجلبانة والكسرة ما شاء الله
وردة شمس المقروض والقريوش ما خلاو فيا والو امممممم
ام سهام العسل الوصفة رائعة تاع لغريبية
ناهد دوران كيف احوالك انا والله يابنتي كل هذه الاحتفالات ممنوعة زوجي معقد كبير ومنين تعود تظاهرة ما يحبش يروح ولا راح يدي بنو برك يتفرج وانا نشوف غير الفيديوات اللي يصوروهم برك لا رحتي صوريلي نشوف
وهيبة بصحتك حبيبتي اللبن والكسرة ما كانش خير منهم المهم لهنا حنونةربي يطعمو لكل واحد يارب
ام تاجوووو السكرة ربي يعينك يا عمري كل يوم ندعيلك ربي يقدرك حنونة
ام يسرا البكبوكة top top ماشاء الله
ليال .امل .ايا.رحمة طير الرحمة.ام كاميليا .مساء الانوار
زينب بصحتك المشتريات ابعتيلي شوية من لوازم الدورة ما زال ما شريتش
اسفة كل الاسف من كل وحدة نسيتها والله هدا واش هز راسي اليابس سلام حبيباتي وصحا عشاواتكم كامل وربي يدوم علينا النعم يارب

[*وردة الشرق*]

لييييييييييييييييييزا العسلاية مساء الانوار كيف الاحوال
فرح العمر حبيبتي كيفاه حوالك ان شاء الله بخير ربي يسهلك يا لعوينة ويعطيك وقفة ساهلة وما تقلقيش روحك باش تجيك الولادة ساهلة بادن الله