هنا توضع طلباتكم واستفساراتكم

[OU SS AMA]

المشاركة الأصلية كتبت بواسطة wafa.wafa

أطلب من كل عضوة أن تعطيني وصفة حلوة كحلوش و قلبو بيض لقد كانت بالمنتدى ثم حذفت لأنها وضعت في الصفحة الخطأ وبارك الله فيكن

تقصدين هاذاhttps://التحضير والمفاديرنخلط 500 غ مارغرين و كاس سكر رطب واربعة صفار بيض ونخلط جيدا نضيف اربعة مغارف كاكاو وكاس مايزينة وواحدة خميرة الحلوى والفرينة حتى نتحصل على عجينة طرية ناخد قيس كورة ونبسطها على كف اليد ونضع في وسطها كورة من الحشو ومكوناته كتالي ثلاث اعبار نواد كوكو وعبر سكر مطحونين مع بعض نلموهم بالبيض ونغلق عليها وندخلها الفرن وعند النضج نتركها تبرد ونغطسها في الشكولاطةالذائبة والتزيين يكون حسب الرغبة
هذا شكلهم من الداخل

[my lamis]

بارك الله فيك أم أسامة و هدي أول مرة نسمع بهدا القاطو و كيشفتو عجبني و باين هايل

[linat]

bayane bnine wala lala

[خيرات]

السلام عليكم الف شكر

[/زهرة عصفور الجنة/]

العفو نحن في الخدمة

[minoucha.fe]

حاليا بداو يزينو حلويات الاعراس بديكورات بزاف شبين حبيت لي تكون محترفة فيها تمدلنا الطريقة بالتفصيل كيما المخبز

[lotfi69]

هناك طريقتين للبقلاوة انا مجربة 4 كيلات فرينة بكيلة سمن بصح ما تجينيش مليحة ما تتقرقش شويا معجنة لقيت طريقة اخرى في النت لكن حابة نسقسيكم الا مليحة و جربتوها من قبل و هي 3 كيسان و نصف فرينة ب ثلث مغارف سمن و تلمي بالماء و ما زهر و بيضة من بعد تسقي بالسمن هاذ الطريقة مليحة للمجربها و اذا ناجحتلكم الطريقة الاولى اعطوني السر مشكورين مسبقا على الرد

[oum ali khalifa]

الطريقة الصحيحة هي اربع كيلات باكيلة كل طبقة ادهنيها بالزبدة وذرذري فوقها النشا كي طيبلك تعود مقرمشا هاذي راهي طريقة مجربة

[lotfi69]

المشاركة الأصلية كتبت بواسطة oum ali khalifa

الطريقة الصحيحة هي اربع كيلات باكيلة كل طبقة ادهنيها بالزبدة وذرذري فوقها النشا كي طيبلك تعود مقرمشا هاذي راهي طريقة مجربة

مشكورة انت الوحيدة التي كتبت رد بارك الله فيك

[omanis]

سر ان تكون البقلاوة مقرقشة هو انك تحليها بالنشاء
اتمنى اني افدتك و و الاخت الاولى راهي جاوباتك ربي يخليها

[OU SS AMA]

وايضا معلومة ديري اربع كيلات فارينة وكيلة نشا وحليها بالنشا بكيلة زبدة ستار ايضا ادهني الطبقات بزبدة ستار وخلط معاها الخميرة تاع القاطوو يجيو مقرمشين ومفرقين على بعضاهم فكرة ميميشة

[lotfi69]

شكرا جزيلا على الرد لاسامة و ام انيس

[linat]

ome kawthare twahachnak bezef wa ra t3alamna min dorousak bezeeeef yarite el mazide ya ome kawthare rabi yahafdak wa yasetrak

[minoucha.fe]

حبيت نعرف الطريقة الصحيحة لعمل المخبز و مقروط اللوز لانو صراحة ييبسلي بلخف وكمية السكر لي فيه لانو كي ندير نصف عبر اللوز سكر نحس بالسكر في الحبة بليييز ام كوثر عاونيني

[*أم كوثر*]

المشاركة الأصلية كتبت بواسطة linat

ome kawthare twahachnak bezef wa ra t3alamna min dorousak bezeeeef yarite el mazide ya ome kawthare rabi yahafdak wa yasetrak

الله يحفظك اهتي لينات و الله كانت حالتي الصحية متوعكة و اعدكم بالمزيد في القريب العاجل

المشاركة الأصلية كتبت بواسطة minoucha.fe

حبيت نعرف الطريقة الصحيحة لعمل المخبز و مقروط اللوز لانو صراحة ييبسلي بلخف وكمية السكر لي فيه لانو كي ندير نصف عبر اللوز سكر نحس بالسكر في الحبة بليييز ام كوثر عاونيني

مرحبا بيك اهتي كانت الاخت ايمان حطت وصفة ناجحة لمقروط اللوز دك نحوسلك عليها