~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 17

arwa alaa · 2016-04-27, 22:03

تقرير اليوم الصلاة قصرت فيها اليوم وراني حاسةبتانيب كبير
وجدت الفطور فطرنا انا والزوج رحت فرزت الدنيا وكنست غسلت القش وكوات نتاع وليدي ومنبعد درت الغداء شكشوكة وكسرة والعشاء درت شربة فريك وطيبت البطاطة للبوراك
ومنبعد ناظو لولاد غسلو وفطرو وبدلتلهم ووليدي راح يقرى رحت فرزت البيوت الي كانو راقدين فيهم ودخلت القش نتاع البارح تبقتو ونشرت الكوات والقش الي غسلتو ومنبعد عندي شوية قش يتحدد حددتو لاني في الويكاند معنديش الوقت نوجد كلش نتاع السمانة الجاية من قبل
ومنبعد فطرت البنات ووجدت السني نتاع الغداء باش نتغداو لمعلم راهو داير حالة هاذو ليام ميحبش ياكل في الكوزينة يقولك راني نعب من الكرسي في الخدمة كي ندخل لدار منحبش نقعد فيه راهو يدلل وانا الي نخلص
رتحت شوية درت نقطة ساخنة راني مع البلاكار وغسلت المواعن ودرت تارت فراز ومنبعد رحت قعدت حبيت نخيط مفدرتش مخلونيش لبنات يمسولي الماشينة
ومبعد وجدت الحليب بدلت للبنات وشربنا حليبنا كي وصلت السابعة درت البوراك موالفة نديرو في الطاجين واليوم قليتو سخفت عليه مقلي
تعشينا وجزت البنات باش يرقدو ومديتلهم لحليب ورحت غسلت المواعن وراني نرقد فيهم اروى رقدت ولولو راهي تزعبط حابة تزيد تلعب.........
تصبحن على الف خير

arwa alaa · 2016-04-27, 22:58

تقرير اليوم الصلاة قصرت فيها اليوم وراني حاسةبتانيب كبير
وجدت الفطور فطرنا انا والزوج رحت فرزت الدنيا وكنست غسلت القش وكوات نتاع وليدي ومنبعد درت الغداء شكشوكة وكسرة والعشاء درت شربة فريك وطيبت البطاطة للبوراك
ومنبعد ناظو لولاد غسلو وفطرو وبدلتلهم ووليدي راح يقرى رحت فرزت البيوت الي كانو راقدين فيهم ودخلت القش نتاع البارح تبقتو ونشرت الكوات والقش الي غسلتو ومنبعد عندي شوية قش يتحدد حددتو لاني في الويكاند معنديش الوقت نوجد كلش نتاع السمانة الجاية من قبل
ومنبعد فطرت البنات ووجدت السني نتاع الغداء باش نتغداو لمعلم راهو داير حالة هاذو ليام ميحبش ياكل في الكوزينة يقولك راني نعب من الكرسي في الخدمة كي ندخل لدار منحبش نقعد فيه راهو يدلل وانا الي نخلص
رتحت شوية درت نقطة ساخنة راني مع البلاكار وغسلت المواعن ودرت تارت فراز ومنبعد رحت قعدت حبيت نخيط مفدرتش مخلونيش لبنات يمسولي الماشينة
ومبعد وجدت الحليب بدلت للبنات وشربنا حليبنا كي وصلت السابعة درت البوراك موالفة نديرو في الطاجين واليوم قليتو سخفت عليه مقلي
تعشينا وجزت البنات باش يرقدو ومديتلهم لحليب ورحت غسلت المواعن وراني نرقد فيهم اروى رقدت ولولو راهي تزعبط حابة تزيد تلعب.........
تصبحن على الف خير

ام متين · 2016-04-28, 07:06

صباح سعيد مبارك لكل الفراشات الجميلات التوفيق يارب للممتحنات ام ادم وام صابرين ونسمة وامال
اروى الاء راكي منورة الصفحات ما شاء الله انت وجهينة ربي يحفظكم ويحفظ الجميع ويعينا على هذه الحياة ويسرلنا امورنا كلها عودة سريعة لكل الغائبات وان شاء الله يكون تمتعوا بايامهم كل واحدة باسمها
يوم موفق لكن جميعا

arwa alaa · 2016-04-28, 07:50

صباح الورد والياسمين على احلى لمة وين راكم يا فراشات وين غبتو على سلامتك ام متين الصفحة منورة برجعتك

جهينة اليقين · 2016-04-28, 08:55

السلام عليكم كتبت صفحة كاملة وطارت راني نغسل فالقش لي عودة بالتقرير

ام هزار · 2016-04-28, 12:39

صباح الخير على الجميع ان شاء الله تكونو بخير
ام متين على سلامتك . اروى يعطيك الصحة على النشاط و ربي يقدرك يا رب . ما شاء الله عليك . بصح قوليلي برك كيفاه ديري مع التوام اثناع الشغل . واذا ما فيهش احراج شحال عمرهم . ربي يحفظهم
ام الابتسامة مرحبا بيك معانا اختي و راهم الاخوات وفاو و كفاو . فقط نقولك ان سيطرة الوالدة عليكم اسمحيلي راهي منذ صغركم و ما هيش وليدة اللحظة . ربي معاكم
البارح ما دخلتش لظروف. و ها هو تقريري لنهار امس
نضت في الصباح متاخرة شوية على 6 كنت شوية مزكومة . صليت و ذكرت و سبحت و عملت حليب و فطرنا . و فرزت لي زيليمو تاع الكوزينة و فرغتهم و مسحتهم و غسلت ماعنهم و قلبتهم . ناضت بنتي فطرتها و قمت بيها . و وليت فرغت الاواني تحت البوطاجي و غسلت الخزائن و نشفتهم و فرزت الاواني تاعو و رجعتهم . عادت 11 تغديت من بواقي العشاء تاع البارح شربة فارميسال بالدجاج و لبنتي مسفوف بالزبيب طلباتو . و حضرتها و صليت الظهر و دخل الزوج حطيتلو الغداء و مشيت للخدمة بعدما كلفتو بتوصيلها عند جدتها . رجعت في 4 و 30 جبت بنتي و صليت العصر و درت حليب و غسلت لماعن تاع الغدا و للعشاء بيتزا . بعد صلاة المغرب تعشينا و غسلت لماعن و ريحت شوية و من بعد صليت العشاء و رقدت بنتي و الى النوم
لي غودة بالتقرير مساء لوضع تقريري لنهار اليوم ان شاء الله

arwa alaa · 2016-04-28, 15:48

السلام عليكم واش راكم
ام هزار بناتي عمرهم عامين ونص والشغل النوض بكري نفرز الدنيا ونسيق ومواعن العشاء نغسلهم في الليل والقش نغسلو في الماشينة والي باليد نغسلو كي نفرز الدوش لازم كي ينوضو يلقاوني كملت بقالي غير الشغل نتاع الكوزينة ولكان لحقو عليا نجري من ومنهيه لازم نعسهم ونخدم ندي وقت بزاف في الخدمة وهذاك النهار تلقاني منخدمش حاجة زايدة غير الضروري برك المهم ندبر راسي ضرك مبقاوش كيما كانو صغار بزاف كان يجيني وقت تغيضني روحي ونولي نبكي من الضغط وانا وحدي مكانش الي يعاوني وراجلي ميحكمهمش ولا يعاوني عليهم كنت حاصلة نتاع الصح خاصة العام الاول
وضرك كي يهبلوني نروحو نلبزو في الكوزينة يحبو الفرينة والتخلاط

sissi525 · 2016-04-28, 16:02

السلام عليكن.
غيرتوني بنشاطكم الله يبارك.
هل هناك نساء عاملات يحكولنا عن تجربتهم مع هذا النظام.
انا نوظ للفجر بعدها نولي للفراش حتى 6و 30 د و لازم نخرج للعمل انا و زوجي و نولي للبيت على 17و30 د.
نصلي و مباشرة للمطبخ و الاشغال المنزلية. نحط العشاء نصلي و نولي تشوالق.
غير week end لي نحس روحي alaise .

arwa alaa · 2016-04-28, 21:36

واش راكم يا الفراشات ومرحبا بالوافدات ام ابتسامة ام وسيم وسيسي
ارجو انو كل الغايبات بخير

ام براهيم الخليل · 2016-04-28, 22:46

كيف حالكم اخواتي لا تنسون سورة الكهف والصلاة على خير الانام الف صلاة وسلام عدد ما ذكره الذكرون وغفل عنه الغافلون اللهم صلى وسلم على الحبيب المصطفى

ام متين · 2016-04-29, 06:48

[IMG]

ام متين · 2016-04-29, 06:51

ام متين · 2016-04-29, 06:57

جهينة اليقين · 2016-04-29, 08:09

بسم الله الرحمن الحيم اللهم صل وسلم على حبيبنا محمد عليه افضل الصلاة وازكى التسليم اللهم لا تدع لنا في هذا اليوم مريضا الا شفيت ولا ميتا الا رحمته ولا مهموما الا فرجت عليه انت ولي ذلك والقادر عليه امين

جهينة اليقين · 2016-04-29, 08:10

شكرا لك ام متين نورت الصفحات في هذا اليوم المبارك