الجزء88 من واش طيبتي؟ مبروووك لكل العرسان والعاقبة اللي مزالو - الصفحة 17

شاوية حرة 05 · 2014-09-08, 13:55

اقتباس:

المشاركة الأصلية كتبت بواسطة دائمة الحمد

غدايا اليوم
لوبيا قرونيي وسلاطة مشوية وملفوف صورتو كي قليتو جيت نسقيه بلا صوص لقيتهم ادوه للا تابل واعطوه الحس
سي السيد جاب الخبز ما عجنتش اليوم

امممممممممممممممممممممممم يعطيك الصحة اختي الغالية

رياحين الجزائر · 2014-09-08, 13:58

دائمة الحمد لكان بقى الملفوف انجي

omsalah · 2014-09-08, 14:21

السلام عليكم ارجو منكم افادتى بجديد ام امانى واتمنى عودتها من جديد فقد طال غيابها لعل المانع خير

عطرالذهب · 2014-09-08, 14:23

دائمة الحمد غداك روووعة شهيتيني وبصحتك
انا تغديت دويدة مفورة

دائمة الحمد · 2014-09-08, 14:33

رياحين راهو طار ماخلو فيه والو بالصح نطيب لاختي بالذمة تستاهلي كل خير

دائمة الحمد · 2014-09-08, 14:35

بصحتك الدويدة عطورة انا نموت عليها عملتهالي اذاك النهار اسينات من كانت عندي

دائمة الحمد · 2014-09-08, 14:35

ام صلاح مرحبا بيك وام اماني ممكن كي تمت العطلة طل علينا بجديدها المتميز

omsalah · 2014-09-08, 15:07

لاول مرة استطيع التواصل مع المنتدى واول تعارف لى كان مع اختى دائمة الحمد شكرا لك وادام الله التواصل والمحبة بيننا

دائمة الحمد · 2014-09-08, 15:13

اتفضلي ام صلاح الدار دارك هاتي اطباقك وشاركينا الكوزينة وادام الله المحبة بين القلوب الطيبة

اسماء47 · 2014-09-08, 15:13

السلام عليكم
واش راكم يا الحراير
ام ياسو بصحتك السباقيتي
الهام راكي وليتي طاي مانكان بصحتك اعطيني هادوك اللي نقصتيهم نحتاجهم ههه
دائمة الحمد راني شفت تصديرة بنتك الله يبارك عليها ة كي شفت تصويرة اسينات تخلعت لانها تشبة لبنتي سبحان الله تقول اسرقتيلي الصورة من الميكرو هههه ربي يحفظها
البارح درت محاجب و كي جيت نغسل في القصعة دخلي مورصو تاع خشب في ظفري حتى التحت شفت الويل و ماحبش يتنحالي راني غي صابرة
و غذايا درت عدس راني ساخفة على الطمينة واقيلا نوض نوجدها للقهوة

دائمة الحمد · 2014-09-08, 15:17

ربي يبارك فيك ام اسماء ويخلق من الشبه اربعين
بصحتك العدس وشلخة العود حاولي تخرجيها بلقاط لا تولي تعوقك على الخدمة

ريتاج تيارتية · 2014-09-08, 15:19

اقتباس:

المشاركة الأصلية كتبت بواسطة simassim

ههههه الله غالب هداك هو الحل الوحيد نحكيلو منتديات الجلفة راه ولالي ادمان كل مايجي ما لخدمة يقولي واش قالولك صحاب الجلفة
ريتاج زيفطيلي ديك الكنة لولدي من اليوم تعاوني الطياب برك ههههه

ههههههههههه نونونو انا عندي نخليها تخدم غير تروح كنة تريح مكاش الخدمة هههههههههههههههه نتمسخر

اقتباس:

المشاركة الأصلية كتبت بواسطة أم ياسين الزهراء

ريتاج افليكسيلي هديك الفحلى تكمل عليا مع بنتي هبلتني قالتلي نروح نقرى هههههههههههههههههههههه

نفليكسيهالك بصح كي ترجعيها رجعيها ومعاها بونيس ههههههههههههه

اقتباس:

المشاركة الأصلية كتبت بواسطة إلهام07

صباح الخير على وجوه الخير

انا تغديت اسكالوب وسلطة وشكشوكة معاها بيضة مقلية والصفار سااااايح كيما نحبو مممممممممممممممم مع قازوز ( طيعا مانشربوش )

حقة راني نقصت 11كغ مع ريجيم اللقيمات راني كنت 72كغ وليت 61كغ في شهرين وعشرة أيام

اقتباس:

المشاركة الأصلية كتبت بواسطة إلهام07

وعععععععععععع نسيت ريتاج نباركلك بالكوزينة الجديدة وبالعرس أسمحيلي

يعطيك الصحة على الصور أنا في عروسات أخواتي ماقدرتش نصور مستحيل مع الهرج .......... بصح أنت نستعرف بيك صورتي كلش مشكورة رانا قرعاجات كبار :d

ااااااااااه عندك الزهر تفكرتيني هههههههههههههههه كنت رايحة ننفخك ترجعي 150 كيلوو ههههههههههه
هكا وراه فاتني بزاف حوايج مهمين ماصورتش القهوة القاطو كي كي سربينا وماصورتش الفطور تاع نهار الطعم وتاع الجمعة واااااع
معليش نعوضهالكم
ربي يخليك حبيبتي

اسماء47 · 2014-09-08, 15:21

اقتباس:

المشاركة الأصلية كتبت بواسطة دائمة الحمد

ربي يبارك فيك ام اسماء ويخلق من الشبه اربعين
بصحتك العدس وشلخة العود حاولي تخرجيها بلقاط لا تولي تعوقك على الخدمة

يسلمك دائمة الحمد
سييت نحيها باللقاط تنحى شوية و بقا مورصة للداخل و الله ماني عارفة واش ندير

ريتاج تيارتية · 2014-09-08, 15:23

راني روطار حقا صح غداكم قااااااااع
انا هدا غدايا بيتزا خدمت حتى تقسم ضهري ههههههههه كل واحد طبسيه تاع البيتزا وليموناد

وهدا كروكي بالكوكاو هدا وين كملتو خدمتو للقهوة تاع العشية

ام احمد وصال · 2014-09-08, 15:27

مساء الخير عليكم

مبروك الكوزينة الجديدة عتبة مربوحة ان شاء الله

هدا باروكي كيكة 14 ملعقة لام ايمن اممممممممممممممم تهبل