اقتباس:
المشاركة الأصلية كتبت بواسطة lyzzabel
هالة تفضلي طرقي في تحضير البوزلوف حبيبتي
الطريقة الاولى بوزلوف فالفرن
تغسلي البوزلوف تاعك مليييح مليييييح و تنحي منه العظام المفتتة خاطرش غادي تحتاجي للمرق تاعه ،، ديري قطع البوزلوف في كوكوة و عمريها بالما لازم يتغطى و حبة بصل مقطعة على أربعة و سنات ثوم كثري مشي مقطعين و ورقات رند و ملح و فلفل اسود و كمون ،، خليه يغلي بلا ما تغلقي الكوكوت غادي يطلق الرغوة فالمرق حاولي تنحيها بعد نصف ساعة أغلقي عليه و خليه يزيد يطيب مليييييح
مين يطيب صفيه و حطيه في إناء يبرد شوية و ديزوسيه يعني نحيله قااااع العظام لي فيه
من جهة اخرى حضري صلصة الطماطم ديري في مقلة شوية زيت و ثوم رابي و ملعقة صغيرة طماطم معلبة و حبة طماطم كبيرة او زوج حبات رابي و ملح و فلفل اسود ،، غطيها و خليها تطيب و تخثار
وجدي صحن تاع الفرن من الاحسن تاع الزجاج ادهنته بالمارغرين و ستفي قطع البوزلوف و فرغي عليه صلصة الطماطم و زيدي كاس كبير من المرق لي طاب فيه ،، غطيه بالالمنيوم و دخليه للفرن حتى تنشف الصلصة و عند التقديم زينية بالمعنويات مقطع و شراءح الليمون
تقدري ما تديريش فيه لاصوص تومات و تقطعي معاه بطاطا و طماطم او بطاطا وحدها بصح تكوني قطعتي حبة طماطم فالمرق تاع البوزلوف ،، و ثوم و تبليهم و تسقيهم بشوية من المرق لي طاب فيه و حطي عليه قطع من المارغرين و غطيه و تدخليه للفرن
الطريقة الثانية بوزلوف صوتي
تبعي نفس الخطوة الاولى لي ذكرتها الفوق ،، و مين تديزوسيه حطي مقلة على النار فيها شوية مارغرين و شوية زيت و سنات ثوم مقطعين رقيق و قلي شوية من بعد حطي قطع البوزلوف و شوفي اذا خصه الملح و زيدي شوية فلفل اسود و شوية كمون و طبعااا معدنووووس مقطع خليه في الاخييير و خلطي و طفي عليه وتقدميه مع شراءح الليمون
الطريقة الثالثة بوزلوف بالمرقة او شطيطحة بوزلوف
هنا البوزلوف طيبيه كيما قلتلك فالوصفة الاولى بصح ما تحطي لا بصل لا طماطم لا ثوم هههه ،، يعني فقط الملح و الكمون و الرند ما تخليهش يطيب مليح ،، نحيه و صفيه و في طاجين ولا كوكوت ديري مرقة حمرا ،، بصلة رابي و ملعقة صغيرة مملووووءة طماطم معلبة و ملح ما تكثريش خاطرش ديجا درتيه من قبل و فلفل اسود و كمشة حمص و قلي كلشي و زيدي البوزلوف و مرقي و أغلقي الكوكوت ،، مين يقرب يطيب قطعي حبات بطاطا دواءر غليظة شوية على حساب أفراد العاءلة و أرميها تطيب معاه و المرق يكون خاثر شوية
الملح ما تكثريش في كل المراحل خاطرش البوزلوف فيه الملح في المرحلة الاولى
و الف الف مبرووووك العقيقة تاع بنتك ربي يحفظها و يكبرها على طاعته و طاعة الوالدين امييييين
انشالله نكون أفدتك حبيبتي و اسمحيلي على التأخير النت ثقييييلة رصاااااص
وااااااااع مين جيت مبعث الرد انقطع الضوووووووووء واااعتيييييين مالصباح وانا نكتب خخخخخخخخ
|
يا اختي شا نقلك ربي يجعلها في ميزان حسناتك ما شاء الله عليك وعلى طياباتك ربي يحفضك ويحققلك امانيك يارب
كل الاخوات اللي هنا يعلم الله اني احبكم فيه ما نقدرش نكون بلا هاد اللمة الله يدومها ويخليكم لاحبابكم
( تقرير عن مشاركة سيئة )، و الموجودة أسفل كل مشاركة .
2015-02-02, 17:52
العرض العادي
