وصفات حراير الكوزينة الجزء الثاني

[idron0]

الكيك lyzzabel

4 حبات بيض دافيين ،، 8 ملاعق اكل سكر عادي ،، فانيلا انا درت sucre vanille ،، و خلطي ملييييح بالباتوغ حتى يبياض الخليط و يطلع زيدي عليه 2/3 كاس تاع قازوز زيت على ثلاث او اربع دفعات و خلطي بالباتوغ بلا ما تحبسي و زيدي نفس كمية الحليب تاني بنفس الطريقة و خلطي بلا ما تحبسي من بعد ضيفي 16 ملعقة اكل فرينة مغربلة مع كيس و نصف خميرة الحلويات و خلطي غير قد ما تختفي الفرينة
و تكوني دهنتي المول تاعك انا درت تاع السيليكون حطي فيه الخليط و حطي المول في صينية الفرن ،، و تكوني شعلتي الفرن يسخن على 200 درجة قبل ما تبداي تحضري الكيك ،، دخليه يطيب على هديك الحرارة مدة ربع ساعة و من بعد نقصيله حتى ل 160 درجة و خليه يكمل الطياب ،، المدة تكون تقريبا ساعة حتى لساعة و ربع ،، و التزيين كيما تبغي انا ما زينتهش بغاوه سامبل


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[bouchra hakerz]

شكرااااااااااااااااااااااااا

[lahna moka]

الميلفاي لعازفة الناي
طيبت العجينة المورقة 3 مستطيلات .
الكريمة: عملت كريم باتيسيار
* درت نص لتر حليب يغلي.
* 2 صفار بيض خلطتهم مع 100غ سكر و 2 ملاعق نشاء
من بعد بديت نضيف في الحليب و نخلط وحطيتهم على النار حتى عقدت و قسمتها قسمين
الاول زدت له ملعقة نسكافيه ( تسمى موكا)
والثاني درت فاني
خليتهم بردو
حضّرت القاناش: نص كاس كريم فريش على النار حتى سخنت مليح اضفت علبة شكلاط نوار
والخطوط البيضاء عملت بتي سويس هههههههههههههه مكانش عندي شكلاط بيضاء
من بعد درت طبقة من العجينة وطبقة من الكريمة بالفاني وزدت طبقة عجينة و طبقة من كريمة الموكا وبعدها طبقة عجين واخيرا القاناش و عملت الخطوط بالبتي سويس وخليت الميلفاي برد وقطعته
الطعم رهيييييييييييييييييييييييييييييييييب

[شلال فرح]

بارك الله فيك اختي ايدرون و لو فقط تحطي الصور لبقية الوصفات

[ام ايمان 11]

تليتلي المتألقة chez biba

في كوكوت حطي اللحم (دجاج او لحم احمر) مع بصلة وثوم مرحيين وشوي زيت وملح وتوابل (انا نستعمل راس الحانوت+ زنجبيل مرحي+ شوي زعفران للون) وقليهم
على راحتهم على نار هادية
من جهة اخرى حطي الماء يغلي في طنجرة مع الملح وطيبي فيه التليتلي ( لازم يبقى شوي نئ ) صفيه وفوريه تفويرات واحدة ، وحطي البيض يطيب في الماء تحت، مبعد كي تنحيه حليه بشوي زبدة غطيه وحطيه جانبا
بعد ما يتفلى اللحم مليح امرقي بماء سخون ولوحي الخضرة (حسب الرغبة) والحمص وأغلقي عليه
كي يطيب المرق تاعك نحي الخضرة واللحم ولوحي التليتلي يتجمر طفي عليه النار وخليه يشرب المرق وحركيه مرة على مرة
حمري طراف اللحم في شوي زبدة ولا زيت
قدمي التليتلي تاعك في صحن وزيني بالخضرة والبيض، وبالصحة

[أم التوأم]

الخبيزات لأم أيمن
درتهم بهاذ العجينة 500غ فرينة
2ملعقة حليب مجفف فنجان زيت ملعقة مملوءةخميرة ولميتها بشوية ماء وحليب سائل
والحشوة درتها ببصوص تومات حارة ولحم مرحي جبن وزيتون تقدري تحشيحا باش حبيتي

[أم التوأم]

كيكة أم لجين
الوصفة 3بيض+160غ سكر عادي+علبة ياؤورت زيت العلبة نستعملها للكيل فقط مانستعملوش الياؤورت+1خميرة +زاست 3 حبات برتقال وعضير برتقالة+240غ فرينة.
السيرو عصير 3 حبات برتقال +3مغارف كبار سكر نخليه فوق النار 10 دقايق ونطفي.
كي تطيب الكيكة نسقيها بالسيرو ونلمعها بالمعجون
.

[ام احمد وصال]

وصفة رولي الدجاج بالسلق و الفرماج

.

اغسلي السلق مليح وقطعيه رقيق وفوريه مبعد قطريه مليح من الماء
تأخذي صدر دجاجة تنحيلو لعظم وترحيه ، زيدي لو بصلة صغيرة وثوم مرحي ، ملح، فلفل اسود وتخلطي مليح
نحط هاذ الخليط فوق البلاستيك الغذائي ونشكلوه مستطيل نديرو فوقو السلق لي مخلط مع شوية دبشة مقطعة ونتبلوهم ثاني بالملح والفلفل اسود ونديروه على كامل الجاج ونغطيها ب مربعات جبن السندويشات ومن بعد نبداو ندوروه كي البسكوي رولي نغلفوه مليح بالبلاستيك الغذائي ونساووه مليح باش يأخذ شكل مليح ومتساوي
يتغلف مليح بالبلاستيك ونزيدو نغلفوه بالالمنيوم ونحطوه في بلا فيه شوية ماء وندخلوه للفور 40دقيقة
من جهة اخرى حضري مرق بالعظم تاع الصدر اللي نحيتيه والبصل والثوم وضيفيلو شوي زيتون ( لازم تكون عاقدة)
بعد ما يطيب الرولي نحيلو الالمنيوم والبلاستيك ونرجعوه للفور باش يتحمر شوية ونقطعوه ونقدموه مع المرقة اللي وجدناها
بصحتكم!

[idron0]

السردين في الفور wahibaazel

غلى الروز قطريه. مليح ضفيلو حبة فلفل حلو مقطع رقيق زائد حبة طماطم صغيرة مقطعة مربعات صغار، وثوم مرحي والتوابل ملح فلفل اسود كمون واذا تحب الحار ضيفي الهريسة الفلفل حار. من جهة أخرى ضعي شوية طماطم حب مرحية في البلاطو وستفي السردين وادهنيه بالملح والثوم والكمون ثم ضعي فوقه حشو الروز وغطيه أيضا بطبقة أخرى من السردين وظيفي من فوق الطماطم المرحية وشوية زيت والى الفرن، نسيت المعدنوس في الحشو .

[yasmalak]

كالامار مقلي ل lyzzael



الكالامار بعد ما تنقيه مليح من داخل و تنحيله القشرة الفوقانية يعني تسلخيه هههه ما تخافيش راهي جلدة رقيقة و تتنحى بلخف ،، تقطعيه دواءر شوية عراض مشي بزاف و تحطيهم في شوية ملح و خل تقريبا ربع ساعة و تعاودي تشيلية مليح بالما و تقطيره ،، من بعد تبليه غير بالملح هدا ماكان و تكوني وجدتي مقلة فيها زيت غزير و النار متوسطة تخليها تسخن مليح و ترمدي الكالامار فالفرينة و تقلي بصح مشي كامل في خطرة حطي غير قدما تكون طبقة وحدة يعني ما يكونوش وحدة فوق وحدة ،، هاكا باش قاع يطيبو كيفكيف و كي تشوفيه بدا يتحمر من تحت اقلبيه و خليه يزيد يطيب بالاكي تيبسيه ،، و نحيه بالصفاية تاع القلي فوق ورق ماص و قدميه مع القارص مممممم ولااااا اطييييييببببب ههههه
شوفي هدا تاع وحد النهار ،، اليوم ما صورتش

[idron0]

دولمة كرمبيط ام سهام 02

اوراق كرمبيط مغليين وانزعي منهم سيقان الخشان واحشيهم بالحشو المتكون من 1/2 كاس روز مغلي ولحم مفروم ومعدنوش وثوم مرابي ملح فلفل اكحل وقرفة ولمي بحبة بيض

ومن جهة اخرى تكوني موجدة مرقة بيضا اوحمرا كما اتحبي بالحمص كتبدا تغلي ستفي الصبيعات في الكوكوت وخاليهم يطيبو وحد 20العشرين تكون المرقة نشفت رابي الفرماج وطفي امنبعد زينها بالمعدنوس .

ملاحظة: تفدري اديري المرقة باللحم والجاج والمرقة ما تكثريش الماء

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

الكرمب المحشي في الفرن روضة 88

اول حاجة منديرش الروز في الحشو و ثاني حاجة انا نقلي الكرمب المحشي قبل ما نحط في المول و نكون من قبل وجدت صوص بيضاء فيها القليل من الحمص نصبها عليه و نرابي فرماج روج و نخلي القليل من المرقة نقدمها معاه,يعني الطبق ما يجيش ناشف .

[idron0]

معجون البرتقال والليمون عطرالذهب

كيلو برتقال مقشرومقطع مع 3 حبات ليمون مقشر منحيتلو حتى الجلدة الرقيقة والنواة نضيفلهم 250غ سكر وكاس ماء ونخليه يغلي حوالي 20 دقيقة ثم نرحي الخليط كامل في الميكسور ونرجعو للكاسرونة ونضيفلو 500غ سكر وحبة نجمة الارض ونرجعو يغلي وانا ننزع في الرغوة اللي تتكون في الوسط الى ان تزول تماما ويصبح المعجون يلمع
نخليه يبرد شوي ونحطو في بلارة تاع زجاج واغلقيها مليح وخليه في الثلاجة او خارجها مايصرالو والوو .

.

[idron0]

قاطو حلوة الترك بالشيكولا ولوز ايفيلي ام سراج و ملاك

بصح انا الحشو نتاعو مدرتش حلوة الترك درت الحشو الثاني ضك نحطلك الحشو لي درتو ومدرتش لوز ايفيلي من فوق مكانش عندي كان عندي كاوكاو يتباع مقطع كيما لوز ايفيلي هو لي زينت بيه تشري كمية قليلة تزينلك الحبات كامل وزيد الثمن نتاعو رخيس نخليك مع المقادير نتاعو جربيه بنين بزاف
المقادير :
500غ زبدة اي نوع تحبي تخدمي بيه + كاس سكر ارطب + 2 حبات بيض + 2 مغارف كبار نشاء + فاني + باكي خميرة + فرينة تلمي بيها لعجينة
الحشو : حلوة ترك
الحشو الثاني :كاس كاوكاو مرحي رقيق + كاس نواد كوكو + نصف كاس سكر ارطب + مغرف كبيرة كاكاو اذاكان لونو غامق نتاع الميزان اذا كان لونو فاتح ديري زوج مغارف لمي الخليط نتاع الحشو بماء الزهر وديريهم دوائر صغار
التزين : شيكولا ذائبة ولوز ايفيلي
طريقة التحضير : تخلطي المقادير نتاع لعجين تتحصلي على عجينة طرية تشكلي دائرة وديري حفرة في الوسط تحطي الحشو لي حبيتي وتغلقي الدائرة مليح وتكملي باقي لعجين نفس الطريقة كي يطيبو تغطسي في شيكولا ذائبة ومن فوق تزيني بالوز ايفيلي ولا تزيني باش حبيتي نتي[ شوفي الصور هاذا واش صورت بلاكش تفهمي مليح
هاذا الحشو
ملاحظة
هاذي الكمية تخرجلك بزاف قادرة تلحقلك حتى 100 حبة على حسب حجم الحبات لي ديريهم انا كبرتهم شوي خرجتلي 95 حبة.
إضغط هنا لرؤية الصورة بحجمها الطبيعي.


هنا تهزي عجينة ديري فيها الحشو



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.


هنا تقفليها مليح


إضغط هنا لرؤية الصورة بحجمها الطبيعي.


وتكملي باقي لعجين وتحطيهم في يطيبو


إضغط هنا لرؤية الصورة بحجمها الطبيعي.


وهنا واجدين


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

[idron0]

كيك العسل ببيضة yakot

بيضة, نصف كاس سكر, كاس عسل, كاس حليب ناقص شوية, كاس زيت ,ساشي خميرة ,فاني, الفرينة عنك مزانك
ضرب البيضة مع السكر حتي يذوب ونزيد الحليب ونضرب ثم العسل ونضرب ونزيد الخميرة مع الفاني والفرينة كما امسكوتة وندخلوها للفرن طيب
ماجيش حلوة مايخلعكمش العسل وجي معلكة من الداخل ممممم وخاصة كي تصبح مع فكرة هي وصفة فرنسية
والمول ماشي كبير ماتغركمش الصورة راهي زوم برك هههههه وقطر المول 21سم .

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.