الطبعة العاشرة لدورة الرقي بمدبرة منزل مثالية - الصفحة 17

نافلة · 2012-11-22, 22:25

اختي اريج المسك بصحتك الضحك نشاء الله تكوني حاسة روحك مليحا بع البكاء و التكلم قدام الميكرو و علاش يخص حرف الفاء بالذات

ام مريم الجزائرية · 2012-11-22, 22:33

السلام عليكم لبنات الحمد لله كملت تقريبا مع الكوزينة بقات غير الكويزينيار غدوة ان شاء الله نغسلها
اختي ام اريج ربي يفرج عليك مش ساهلة تلعبي دورين ام واب وانت الله يبارك تباني قايمة بالامور بالنسبة للنقطة ماتخليهاش تاثر على بنتك راح تفشل قوليلها معليش وعوضيها فالاختبار
حنونات مينة فاطمة ليلى ام امجد بنت خليل ومنى والى نسيت كاش وحدة تعذرني راني نقرا وننسى واش قريت احلى تحية وربي يدومها لمة لله مريومة الحمد لله اللي ريحتي داومي على الاذكار والقران ربي يشافيك
ليلة سعيدة للجميع

نبض الفؤاد · 2012-11-22, 23:44

لا اله الا الله محمد رسول الله هذا كاش واحد طل على القسم وما صلاش على النبي.....اللهم صلي على سيدنا محمد..........
تحياتي لكل واحدة باسمها .
وفاء الله يعاونك ويوفقك في امتحاناتك، بنت خليل مبروك عليك الماشينة وتهلاي فيها كيما عينيك على خاطر راهي تعاونك وتنحي عليك الغبينة.
ام ملك وام مريم ربي يشفيكم ،فاطمة وسمراء النيل و(تلك انا ) ربي يسجيكم وما يحرمناش منكم ،
اماام امجد اعطيتي لنا صورة على شخصية نادر وجودها بصح ممكن نقتديو بها شدي فيها بيديك واسنانك ،اما مينة الله الله عليك يا الزينة ربي يخليك لينا . سندس يا فرحتي بعودتك وسماع صوتك ...............والله غير كي نقرا التعليقات كاني اسمع الاصوات

نبض الفؤاد · 2012-11-22, 23:58

اختي ام اريج ما بيك والو انشالله هذا غير الوحش وزيد بزيادة راكي في فترة الحالة النفسية راكي عارفة المرة كيفاه تكون.....
الله يقدرك احيانا كثيرة بوجود الراجل تحتاج المرا باه تبكي .............الحمدالله على نعمة الكلام والبكاء
ايا انا اليوم ما درت والو من غير الغسيل لانه بعد الفطور كان عندي زيارة صديقة باش هنيت لها على المولود الجديد في المساء درت العشاء والحمد لله الصلاة في وقتها . الزيارة اخذت وقت لانها في مدينة بعيدة شويا .ان شا الله غدوة نعوض ما فاتني

Minnnaaa · 2012-11-23, 10:40

البسملة1
قال رسول الله صلى الله عليه وسلم"من قرا بعد صلاة الجمعة (قل هو الله احد وقل اعوذ برب الفلق وقل اعوذ برب الناس)سبع ملرات اعاذه الله من السوء الى الجمعة الاخرى"
رواه ابن السني عن عائشة رضي الله عنها
وقال عليه افضل سلام وازكى تسليم"من قلو اظافره يوم الجمعة وقي من السوء الى مثلها"
رواه الطبراني في الاوسط عن عائشة رضي الله عنها
وقال صلى الله عليه وسلم"ما انعم الله عز وجل على عبد نعمة في اهل ومال وولد فقال (ما شاء الله لا قوة الا بالله)فيرى فيهافة دون الموت"
رواه ابن السني عن انس رضي الله عنه
جمعة مباركة للجميع
وصوم مقبول ان شاء الله

Minnnaaa · 2012-11-23, 10:43

اخواتاتي واحباباتي اسمحولي راني لاهية شوية مع العايلة (غير فالخير)مبعد ان شاء الله ندخل نرد على كل وحدة
ما بغيتش نفوت نهاري بلا ما نصبح عليكم
قبلاتي لكن جميعا ممممممموووووووااااااحححححح

sarra5 · 2012-11-23, 11:51

صباح الخييير

سامحوني البارح قلت اني راجعة من بعد مارجعتش كان عندي شوية مشاغل

المهم اليوم ماصمناش ان شاء الله اذا حب ربي غدا وبعد غد

اليوم ما عملت والو غير اختي الصغري عقبت الشطبة على الدار لان البارح عملنا كلشي

الغداء اومليت هذا ماكان ومن بعد رايحة نجرب حاجة يا ريت تصلحلي هههه باه نجي نوريهالكم

sarra5 · 2012-11-23, 11:57

اقتباس:

المشاركة الأصلية كتبت بواسطة minnnaaa

البسملة1
قال رسول الله صلى الله عليه وسلم"من قرا بعد صلاة الجمعة (قل هو الله احد وقل اعوذ برب الفلق وقل اعوذ برب الناس)سبع ملرات اعاذه الله من السوء الى الجمعة الاخرى"
رواه ابن السني عن عائشة رضي الله عنها
وقال عليه افضل سلام وازكى تسليم"من قلو اظافره يوم الجمعة وقي من السوء الى مثلها"
رواه الطبراني في الاوسط عن عائشة رضي الله عنها
وقال صلى الله عليه وسلم"ما انعم الله عز وجل على عبد نعمة في اهل ومال وولد فقال (ما شاء الله لا قوة الا بالله)فيرى فيهافة دون الموت"
رواه ابن السني عن انس رضي الله عنه
جمعة مباركة للجميع
وصوم مقبول ان شاء الله

بارك الله فيك حبيبتي

نافلة · 2012-11-23, 14:06

السلام عليكم و رحمة الله و بركاته
كيراكم يا الفحلات
جمعة مباركة متنساوش تقراو سورة البقرة و تكثرو من الصلاة على النبي صلى الله عليه و سلم بلا ما تنساو الاستغفار

سمراء الدنيا · 2012-11-23, 17:11

باسم الله و الحمد لله و لا حول و لا قوة الا بالله
السلام عليكم و جمعة مباركة مليئة بالط+اعات و تقبل الله من الصائمات

سمراء الدنيا · 2012-11-23, 17:15

كيراكي اختي فاطمة
بارك الله فيك على الكلام للي قلتيه للاريج و وستيها شويا
هاكذا يكونو الصحابات . انا دخلت الصباح باش كانش ما نطلعليها
المورال لكن ما لقيتش الكونيكسيو
وانت فاطمة كي درت مع شغالات الدار

سمراء الدنيا · 2012-11-23, 17:27

مشكورة الاخت نبض الفؤاد
راكي تطلعيلنا المورال و راكي ناشطة =هاكذا باش نرفعو التحدي و ما نتكاسلوش=
اختي ام امجد صديقتك امراة مثالية و نادرة الوجود ربي يدوم صداقتكم
باقي الاخوات مينة و بنت خليل و سارة و وفاء.....الخ... ربي يعاونكم
و سلام الحار ليكم جميعا

سمراء الدنيا · 2012-11-23, 17:50

و ضرك نجو للتطبيق
البارح جاو ضيفاتي على 9.30 طيبت لتاي و القاطو و الفرماج
وقليت البيض و بقيت ساعة نريح معاهم و ساعة نروح للكوزينة
درت للغدا لحريرة و اللحم محمر و اللوبيا خضرا وقليت لفريت
و السلاطة و جاب الراجل القازوز و التشين و التمر و اللبن
الحاصول تغداو و راحو و شبعت دعوة الخير ...و رحت
للكوزينة نقيت لماعين ومسحتهم و خبيتهم و كنت معولة
نجبد لكويزينيار و ليزيليمو...بصح لقيت ظهري راح يتقسم
صليت الظهر و رحت توكيت و هاذيك لعية ما قدرت ندير والو
عجبتني التكميشة في الكوفيرطة يا خي ماعليش اختي سندس
لو كان ندو عطلة مرة على مرة.... المهم في الليل اهتميت غير
بالجانب الجمالي درت دوش خفيف و بعدو تبخيرة الله الله و
ترطيب اليدين و الرجلين و الشفاه و تكحيل لعوينات
و بدلت حوايجي و دخلت لبلاصتي في منتهى الانتعاش
و اذكار النوم و التسبيح و باي باي ...

الجانب التربيو ما درتليهم والو لاخاطرش الويكاند
اليوم الصباح نضت ناشطة من بعد الواجب الديني
نوضت ابني لكبير و فطرتو يقرا لي كور
و بديت بالبيت للي نستقبل فيها الضيفات..
لا خطرش الصالة نتاع الرجال عندي التحت و نهارها راهو جاي
املا نحيت اليدو و كاش ريدو و لحتهم في الماشينة يتغسلو
و رفت المطارح و الفراش و الطابي كلشي طلعتو للسطح و
واحد الشميسة تبارك الله و رجعت نحيت التاقة حكيتها و رجعتها
و غسلت الباب و لحيوط كامل بقاتلي غير اللوستغ حتى ينوض
الراجل و ينحيهالي ...كملت البيت و رحت للدرج و بديت نغسل
الحيطان و انا مهودة حتى للتحت و كاين تاقة في هاذاك الكولوار
نحيت ريدوها و غسلتهاو كي ناضت بنتي و فطرت سيقت عليا و نشفت
وانا رحت للكسوة فرزتها و غسلتها و طلعت نشرتها
و حطيت لغدا لاني كنت صايمة و فطرت و خلاص ما قدرتش
كوفيرطا و توكيت و كي نضت ما عنديش وين نروح قلت نفوج معاكم
شويا

نبض الفؤاد · 2012-11-23, 19:11

:mh31 :لا يوجد شىء اسمه الفشل الا اذا توقفت المحاولة

نبض الفؤاد · 2012-11-23, 19:41

[OLOR="Blue"]رCبي يحميكم لاولادكم ولاهاليكم ، وان شالله يتقبل صيامنا ويغفر لنا سنة ماضية .........
انا اليوم كملت المطبخ غسلت الحيوط وسيقت البيوت وممبعد دهشت الفطور من عشا البارح غراتان بطاطا باللحم محمروالفاكهه لاصحاب العذر الشرعي،وممبعد بنتي خملت الملابس اللي نغسلو امس ، باه نروح للمسجد ماقدرتش صليت الظهر وتكيت كنضت حرجت الفطور شربة فريك والراجل كللي تتوحم (زيديزيدي ) درت كباب ولحم الحلو برقوق ورحت نقرا سورة الكهف بفيه وصل المغرب كيما يقولو في صيام الشتاء الشتاء ربيع المؤمن،لان اليوم قصير .المهم اني مرتاحة من جهة عاودت درت الدالة للبنات في الماعن احسن حل لقيتهوقلت لهم غير نتاع العشا
في الحقيقة كنت دايرتها في العطلة وبعدين خليتها في ايام العطل وممبعد بداو يتملصو خفت تروح فيهم عادة [/COLOR] [COLOR="blue"]الماعن يتغسلو غير في العطلة [/COLOR]
ظرك نروح نحضر العجينة للرشتة ونخليها للصباح ان شالله وما ننساش الورد نكمله والاهتمام بالاطراف ايا تصبحوبخير