الجزء رقم 185 من الكوزينة بالمحبة والابداع نرتقي - الصفحة 17

طيور الجنان · 2017-12-09, 14:01

فطوركم حبيباتي.
ام فاطمة بصحتك العرس العاقبة لعرس فاطمة و تعرضينا كامل ان شاء الله. يعطيك الصحة على واش حطيتي ربي يدوم النعم.
ام عبيدة متشرفة بيك اختي كل شي حطيتيه هااااايل مطرح مايسري يمري.
حيوتة بصحتكم الجلبناة و البسبوسة يام يام تهبل و الكبدة مع البطاطا تشهي.
وردة بصحتكم الطعام تاع الشعير يشهي و مدر للحليب.
ام هدول بصحتكم البغرير مليح مع الطاجين و البرد .

أم يوسف2 · 2017-12-09, 14:34

طيور بصحتكم
ام هدول بصحتكم لوكان تشوفي قالي وليدي موسكوتشو تاعك قاع ماشي مليح ديريلي البغرير خخخ قتلني بالضحك وليت وعدتو نديرولو ان شاء الله

أم يوسف2 · 2017-12-09, 14:39

ياعيني على الرولي تاع ام فاطمة روعة
وياعيني على وش حطت ام عبيدة كلش يشهي بصحتكم ختي لعزيزة
تفاهمتو عليا نتي وحياة خخح اعذروني ماصورتش ماكنتش وحدي كنت مع هادوك لي قالت عليهم حيوتة خخخ9خ خلفتها لكم اليوم جبتلكم موسكوتشو

أم فاطمه · 2017-12-09, 14:45

اقتباس:

المشاركة الأصلية كتبت بواسطة om obaida

عشايا البارح كان رولي اللحم انا وزوجي كليناه بلاصوص وولادي كلاوه ناشف مع فريت وحميس وطبعا مع حميس حاار لبن طااازج والحمد لله والعصير خدمتو بالقارص صنع ايديا وحياة عينيا

اما هدي حنا نقولو الروينة ام هدول نتوما تقولو لبسيسة وبسكرة يقولو الزريرنصن

درت شويييه في الطبسي لانو الطبيب منعني من الحلو بزاف قالي اسلام نصور يدي برك معاها طليت لقيت الطبسي فااارغ

صح فطورك ام عبيدة الله يبارك رولي اللحم والكسرة والفريت والالحميس واللبن والعصير روعة مطرح مايسري يمري الله يعطيك الصحة

اقتباس:

المشاركة الأصلية كتبت بواسطة أم يوسف2

هاوليك موسكوتشو طازة خخخخ لقهوة العشية مازينتوش يحبوه سامبل تفضلوا

صح فطورك ام يوسف الموسكوتشو يهوس نتقهواو بيه فلمساء ضحكتني على وليدك راه يتوحم على البغرير الله يحفضه من كل سوء

اقتباس:

المشاركة الأصلية كتبت بواسطة ام هدول

صحة.غداكم.سخنت القرصه....وزت شكشوكه بالطماطم..واللحم مرحي والبيض...

صح فطورك ام هدول القرسة والبغرير والشكشوكة الله يدوم النعمة ويعطيك الصحة

أم فاطمه · 2017-12-09, 14:49

صح فطورك حبيبتي طيور الله يخليك امين انشاء الله وتعرض حبابتي وتفرحو معيا وعقبا لي عزاز عليك

طيور الجنان · 2017-12-09, 15:08

اااامين حبيبتي ام فاطمة ربي يخليك.
ام يوسف بصحتكم الموسكوتشو و بوسيلي الفلوس اللي يعرف يهدر ياعمري.
جبتلكم تحلية نفس طريقة حيوتة بصح الكريمة مصنوعة بالجزر و عصير البرتقال بنينة عايلة و ساهلة و خاصة انا وليدي مايحبش الخضر نكلخلو بهاذي.

أم فاطمه · 2017-12-09, 17:20

مممم تشهي خاصتا بلبرتقال الله يعطيك الصحة الاطفال تاع اليوم يحبو الصقايط الله يعاونك على التربية حنونة طيور

أم يوسف2 · 2017-12-09, 18:11

صح عشاكم معنديش الجديد عشايا طعام بالمرق ولي يحب باللبن

أم يوسف2 · 2017-12-09, 18:16

نداء لحبيبتي المشرفة زينب ثبتيلنا الموضوع والكوزينة الجديدة الله يرضى عليك

أم فاطمه · 2017-12-09, 19:25

هلا ام يوسف صح عشاك الكسكس بلمرق شكرا على رساالتك للمشرفة باش توتبت الموضوع

انا راني دأيرا المسفوف انشاء الله من بعد نحط الصورة

وفطوري كان خفيف انا رحت للقيساريا نشري لفاطمة حجاب جديد فطرنا برا وزوجي وولادي فطرو كرانتيك والبطاطة مساكن هههههههه

ام هدول · 2017-12-09, 20:47

صحة...عشاكم....درت جواز زاليقو.لي هو اللوبيا خضرة..او...لوبيا ماشطو..وزيت زيتون.مع كسيره سخونه..يم يم ..على فكره الزيت جديد...غبر جا من المعصرة

ام هدول · 2017-12-09, 20:47

صحة...عشاكم....درت جواز زاليقو.لي هو اللوبيا خضرة..او...لوبيا ماشطو..وزيت زيتون.مع كسيره سخونه..يم يم ..على فكره الزيت جديد...غبر جا من المعصرة

ام هدول · 2017-12-09, 20:53

اقتباس:

المشاركة الأصلية كتبت بواسطة طيور الجنان

اااامين حبيبتي ام فاطمة ربي يخليك.
ام يوسف بصحتكم الموسكوتشو و بوسيلي الفلوس اللي يعرف يهدر ياعمري.
جبتلكم تحلية نفس طريقة حيوتة بصح الكريمة مصنوعة بالجزر و عصير البرتقال بنينة عايلة و ساهلة و خاصة انا وليدي مايحبش الخضر نكلخلو بهاذي.

اممممممم .....عجبتني كيفاش درتي لكريمه....بليز..باش نكلخ..انا تاني جمهوري

ام هدول · 2017-12-09, 20:58

ام يوسف..ياعمري على يوسف يحوس على البغرير. كون جا قريب جبتو مع بناتي كله حتى شبع ويدي معاه..لام يوسف....ربي يعيشو.ويحميه....
ام فاطمه بصحتكم تلخرجه والمشتريات.....ماعليش البقيه يفوتو اليوم ومعوضه ان شاء الله....

ام هدول · 2017-12-09, 21:04

تصبحو بخير حبيباتي...بصحتكن المسفوف ام فاطمه....ان شالله يسمعو النداء. المشرفات.....
ربي .....انصر واحمي اخوانانا الفلسطنين....سلااام