بيتك جنتك ورضاء ربك مبتغاك 2 - الصفحة 167

سمراء الدنيا · 2013-03-11, 15:18

اقتباس:

المشاركة الأصلية كتبت بواسطة ام منيب

صليحة عندي جارتي ديما عيانة وكئيبة
في رايك نقولها تعمل تحليل tsh
اعطيني اعراض قصور الغدة الدرقية وانا نعلمها
الله يبعد علينا وعلى وليداتنا كل سقم وهم ...ااااممممييين

اعراض كسل الغدة الدرقية
الانسان يبدا غير ياكل و ينقص في صحتو و دايما جيعان
الصباح كي ينوض تجيه لادياري
على طوووووووول فشلان و عيان و مقلق
ينقص بزاف في الميزان و يتغير في وجهة
و يديه يرجفو ..الطبيب عند الفحص يمدلك اليدين ويحط عليهم و رقة تبدا تتهز
الطبيب هو اللي يعطيها tsh لانو ممكن هاذ الاعراض تكون نتاع فقر الدم او هبوط السكر في الدم

ماريا205 · 2013-03-11, 15:19

اقتباس:

المشاركة الأصلية كتبت بواسطة سمراء الدنيا

و عليك السلام.... كانش خدمة كانش جديد

كي راكي سمراء
الخدمة غير هي ما تخلاصش ربي يوفقنا

سمراء الدنيا · 2013-03-11, 15:21

اقتباس:

المشاركة الأصلية كتبت بواسطة ام امجد14

صليحة اختى حبيت تعطينا اطباق بالبطاطا والقورجات و الفول و الجزر الانو هذا وسمهم ومشكووووووورة حبيبتى

عندي بعض الوصفات نحطهملك في صحبة طيبة

سمراء الدنيا · 2013-03-11, 15:22

اقتباس:

المشاركة الأصلية كتبت بواسطة ماريا205

كي راكي سمراء
الخدمة غير هي ما تخلاصش ربي يوفقنا

ربي يعاونك حنونة
كي تكملي الصدورة وريهملي راه باقيلك 2
بغيت نسقسيك وينتا احسن وقت راكي تخدمي فيه

نايليةوافتخر · 2013-03-11, 15:36

مس الخير على الجميع

ماريا205 · 2013-03-11, 15:38

تطبيقي لنهار اليوم الاستيقاظ مع الاذان والصلاة في وقتها
التسبيح والاستغفار قراءة ما تيسر من القران راني في سورة يوسف.
الحفظ وصلت الاية19 لسورة الكهف.
كي عادت 7 وجدت الفطور كي كملنا راحو للمدرسة
لميت الدار ورحت لغرفة الجلوس غسلت الحيطان بقالي واحد والابواب غسلتهم في زوج ومسحتهم
النوافذ غسلت وحدة وبقاتلي وحدة غدوة نكملهم درت الغداء خبزت الكسرة ومرق الخضر قلت مع هذ العياء ما يسلكها غير هو
كملت سيقت الدار جبت الاولاد من المدرسة تغدينا
ريحت شوي صليت الظهر ورقدت وظرك جيت نطل عليكم

ماريا205 · 2013-03-11, 15:41

اقتباس:

المشاركة الأصلية كتبت بواسطة نايليةوافتخر

مس الخير على الجميع

مساء النور كي راكي

ماريا205 · 2013-03-11, 15:45

سمورة هيا نروحو لهيه

ليلى القسنطينية · 2013-03-11, 15:45

مساء الخير على الجميع
واش أحوالـــــــــــــكمـ
انا اليوم عملت البراج تغدينا قيلت شوية و ضرك جيت نطل عليكم

سمراء الدنيا · 2013-03-11, 16:13

اقتباس:

المشاركة الأصلية كتبت بواسطة ليلى القسنطينية

مساء الخير على الجميع
واش أحوالـــــــــــــكمـ
انا اليوم عملت البراج تغدينا قيلت شوية و ضرك جيت نطل عليكم

مساء الخير ليلى بصحتكم لبراج هذا وقتهم

نايليةوافتخر · 2013-03-11, 16:15

اقتباس:

المشاركة الأصلية كتبت بواسطة ليلى القسنطينية

مساء الخير على الجميع
واش أحوالـــــــــــــكمـ
انا اليوم عملت البراج تغدينا قيلت شوية و ضرك جيت نطل عليكم

مس الخير ليلى بصحتكم ممكن تعطيني الوصفة على خاطر مانعرفهمش ونحب نقرعج ههههههههههههه

ماريا205 · 2013-03-11, 16:16

لبنات حبيت نفيدكم بتدبيرة كيفاه نستغلو الطماطم كي يرخس ثمنها وهذ الايام راهي مناسبة لانو ثمنها 15دينار او20دينار
المهم تنظفي الطماطم وتنحي الفاسدة وتقطعيهم وتقطريهم في كسكاس وترحيهم في الروبو مع الثوم قيس ما تعود ريحتها في الطماطم وتملحيها ياسر وهذا هو سر بقاءها طويلا يعني كثري الملح باه ما تفزدش وحطيها في قارورات بلاستيكية نظيفة وخبيها في الثلاجة واستعمليها كي يرتفع سعرها راهي تبقى بالاشهر ما تروح ما تجي انا ديما هكا اندير ما تجي تخلص يكون السعر تاعها عاود هبط وكي نطبخ ما نديرش الملح حتى نذوق لانو الطماطم مالحة
وبالنسبة للبيتزا والمحاجب والقراتان نخبي الطماطم حبيبات في الكونجلاتور ونستعملهم.
نتمنى تعجبكم الفكرة.

سمراء الدنيا · 2013-03-11, 16:23

شكرا ماريا على التدبيرة انا نطيبها و نديرها في بلارات
بصح ما زال غالية عندنا

ليلى القسنطينية · 2013-03-11, 16:29

اقتباس:

المشاركة الأصلية كتبت بواسطة سمراء الدنيا

مساء الخير ليلى بصحتكم لبراج هذا وقتهم

ربي يعيشك اختي سمراء

سمراء الدنيا · 2013-03-11, 16:35

سمحولي لبنات نروح نطيب الملوي