الى ام اسيد1 وكل وحدة حاصلة واش الطيب - الصفحة 164

غزالة الصّحراء · 2015-01-27, 21:07

اقتباس:

المشاركة الأصلية كتبت بواسطة أم الحبايب 26

الله يخليك لينا يا غزالى نتاعنا الله يحفظك تناحي غما من القلب رابي يفارحك بوليداتك بديت انحط فتصاور بصح مخرجوش منيش عارفا علاه الله يحفاظكم كامل والفتكم متابطاش انت وانخلصها غير باش نوالي ليكم ام حمزة علمتينا حوايج بزاف رابي يطول فيعمرك سلمى يطيك اصحا درت واش قلتلي مبصح مطلعوش تصاور حطيتهم وين اتطبيفات
سلامي ليكم كامل

اللّه ايخلينا كامل لبعضانا. ويفرحنا كامل في اوليداتنا. وربّي ايطول كامل في أعمارنا ويحفظ لنا الأخت أم حمزة ألي جمعت شملنا في دارها المميّزة بمواضيعها المختلفة. . واللّه لما ماندخلش غير نتقلق. مرات أنقول نضرب طلّة برك باش أنشوف الجديد وتلقايني عند باب الدّار أنطبطب. حتى لما نلقى مولات الدار غايبة نلقى ألي يستقبلني . اللّه ايبارك القائمة راهي اطويلة . وياربّ الكلّ ايكون بخير. وخاصّة الأخت صدفات ألي عندها غيبة مابانتش. ياربّ ايكون المانع خير.

غزالة الصّحراء · 2015-01-27, 21:12

اقتباس:

المشاركة الأصلية كتبت بواسطة ام الخير 05

الحمد لله فرات على خير انادرك جاراجلي للميكرو راهو يحاوزفيا تصبح على الف خير ربي يحميكم

تصبحي على الف خير. انتي راكي كيما أنايا. دائما نستنى راجلي لمّا ايكمل الخدمة بيه باش اتجي دالتي.ولمّا ايكمّل ايقولي أنطفيه ولا لالا . أنقولو لالا رازم نضرب طلّة على الجديد من بعد انطفيه. هههههههههههه:d:d:d:d

غزالة الصّحراء · 2015-01-27, 21:16

اقتباس:

المشاركة الأصلية كتبت بواسطة أم الحبايب 26

الله يخلينا وليدتنا ميورلنافيهم مكروه امين انا وليدي يقرا سنة ثانية ثانوي بصح يقرا غرا بزكا انا وباباهالله يهديه هذا واش نقولو هوا اصح نعمة تربية صح طيعني كانا كباباه

ربّي ايشدلك فيه. راه مابقالو والو للعام وتلقاي أوليدك بسلامتو رايح ايعقب في الباك. كاليوم أتفرحينا. اما على قرايتهم. هكذاك الذراري دائما لازم اتكوني من وراهم. واللّه غير أولادي بسلامتهم أنا ألي نمرض في بلاصتهم. لما نطلب منهم يقراوا. ايقولوا ذروك أنروحو. مايجوا يجبدوا أحوايجهم اقريب تطلع روحي. والحمد لله ضروك عرفوا مصلحتهم وعرفوا وعلاش كنت نتعذّب ونشقى ليل ونهار غير باش يتعلموا ويبنوا مستقبلهم بنفسهم. ربّي يحفظ لنا أوليداتنا كامل.

غزالة الصّحراء · 2015-01-27, 21:21

إلى هنا حبيباتي الغاليات آتي إلى نهاية هذه النّشرة المباركة على امل أن يتجدّد لقاؤنا مرّة أخرى وان تلتمّ لمّتنا حول مواضيع جديدة من اطباق ونصائح وإرشادات. إلى ذلكم الحين أستودعكنّ واترككنّ في رعاية الرحمن. وسلامي إلى كلّ واحدة منكنّ بدون ايّ استثناء.
أحلالالالالالالاللالالالالام سعيدة للجميع

ام حمزة22 · 2015-01-27, 21:22

اقتباس:

المشاركة الأصلية كتبت بواسطة غزالة الصّحراء

آمين . أجمعين. واللّه غير لما كانوا أشويا أصغار وراجلي ألي يشريلهم أنروح امعاهم. ونقول لهم شوفوا هاذا امليح. هاذي أمليحة. ايقولي راجلي خليهم يختاروا لوحدهم. وإذا أخترتيلهم أنتي أكيد الخزانة هي ألي رايح تلبسهم. من هذاك النهار الحاجة ألي يشريوها أنقول لهم أمليح. مادام أخلاص هي خالصة ولبسوها وعجبتهم. واش أبقالي أنقول أنايا. ربّي يحفظهم برك. ويحفظ كلّ أوليداتكم. والحمد للّه أنو بنتك اتعافات أشويا. دري لها الماء الزهر على جبينها. ثاني أمليح.
أختي ام حمزة . رانا كيما هذاك الإعلان " رجال واقفون " رانا انديروا دورة كاملة حول البيت . اشكون الي اتطيب اشكون ألي تمسح أشكون الي اتخمّل اشكون الي اتعس. الراجل ولولاد وشكون وشكون وشكون......... ربّي يعطينا الصحّة والهنا.

آمييييييييييييين
والله ياغزالة ما نحسش بروحي كي نتعب ولا نشقى المهم ولادي وزوجي يكونو مرتاحين
ربي يقوينا ويفرحنا بيهم

ام حمزة22 · 2015-01-27, 21:24

احلام سعيدة غزالة ليك ولجميع من زارا هاد الموضوع

ام سوهيل · 2015-01-27, 21:28

تصبيحونا على خير جا اشكون الي يطردني ههههههههههههههههههههه

غزالة الصّحراء · 2015-01-27, 21:29

اقتباس:

المشاركة الأصلية كتبت بواسطة ام حمزة22

آمييييييييييييين
والله ياغزالة ما نحسش بروحي كي نتعب ولا نشقى المهم ولادي وزوجي يكونو مرتاحين
ربي يقوينا ويفرحنا بيهم

آمين ياحبوبتي . انا راني كيما أنتيا. لما أنشوف الكلّ فرحان هاذيك هي الطّاقة انتاعي. فرحتهم أتخليني دائما واقفة. وربّي يعطينا الصحّة . وربي ايفرحنا كامل بيهم. هما الكنز الحقيقي في حياتنا. اللّهم احفظهم لنا واحفظ لنا ازواجنا.وقوينا وأعننا في حياتنا دوما.
دمتي في رعاية الرحمن . وإلى الملتقى الاخر بحول اللّه . على أمل ان تعود كلّ غائبة وتنضم إلينا عضوات جديدات . وتضفن للصفحة خبراتها في الحياة لنتعلّم كلّنا منها. سلامي للجميع. وياربّ مانسيت ايّة وحدة مارديتش عليها. وإذا أنسيت ايّة وحدة أتذكرني بذلك. رايح انرد عيها اكيد.

غزالة الصّحراء · 2015-01-27, 21:32

اقتباس:

المشاركة الأصلية كتبت بواسطة ام سوهيل

تصبيحونا على خير جا اشكون الي يطردني ههههههههههههههههههههه

وأنت بألف خير. وسلامي للجميع. أنا اللّه غالب البرد هو ألي رايح يطردني هههههههههه. وزيد انروح انكمل أشويا شغالات ألي بقاولي. على خاطر ماحبيتش أنخلي دار الأخت أم حمزة بلاردود. يارب اتخّفف عنكم. وتزيدكم نشاط وحيويّة. ياله أبقاوا على خير.

ام حمزة22 · 2015-01-27, 21:38

اقتباس:

المشاركة الأصلية كتبت بواسطة غزالة الصّحراء

وأنت بألف خير. وسلامي للجميع. أنا اللّه غالب البرد هو ألي رايح يطردني هههههههههه. وزيد انروح انكمل أشويا شغالات ألي بقاولي. على خاطر ماحبيتش أنخلي دار الأخت أم حمزة بلاردود. يارب اتخّفف عنكم. وتزيدكم نشاط وحيويّة. ياله أبقاوا على خير.

ربي يخفف عليك متاعب الحياة غزالة كيما راكي تخففي علينا

أم الحبايب 26 · 2015-01-27, 21:49

تصبحون على خير يا خياتي نتلقاو في القريب العاجل و سلامي ليكم بالوحدة و ربي إلاقينا في ساعة الخير
*احلام سعيدة*

أم الحبايب 26 · 2015-01-27, 22:36

*هذي صورة البلبول الي قتلك اعليها *ام حمزة* ان شاء الله اتجربيه و ترديلي الخبر*

أم الحبايب 26 · 2015-01-27, 22:37

ام سوهيل · 2015-01-28, 08:52

اقتباس:

المشاركة الأصلية كتبت بواسطة أم الحبايب 26

ثباح الخير ام الحبيب ممكن تشرحيلي اكثر على هد الطبق البلبول كما قلتي

ام سوهيل · 2015-01-28, 08:59

صباح الخير للجميع وش راكم هدا عشائى تع البارح كما قلتلكم اطعام بي الفول والحليب

وهدا طبق جلبانة بي البطاطا المقلية درته انهار الاثنين كنت صايمة

لبنات اعضروني ادامقدرتش ندخل في وقت لاحق اولدي فى 2 رهم مرضى اليوم ربي يشفيهم ويقدرني امين